粵藝館 (海運大廈)

营业中

休息中

見門面及裝修幾靓，又有海景，又可以用海港消費券，就和朋友訂枱试一下。餐廳面積都不細，餐枱之間距離都夠。有大枱可供大家庭享用。原來諗住如果食物ok就和家人訂枱食做冬，但都係食環境的一間中餐🤪食物就真係一般， 最驚嚇就是叉燒居然用五花腩製成，有創意，但真係唔Macth。味道方面是偏淡，雖健康，但可以加多些鲜味。叉燒包的包皮完全對不起這價值，唐包點還更勝一 些。蝦餃皮就唔錯，但蝦就霉左小小。普洱茶更是超普通貨色。點心真係冇下次，其他小菜希望有机会試下

上次嚟試唔到套餐，今次終於搵到老友同我嚟粵藝館試下中式的廚師發辦。由於我上次食過义燒覺得好正好想翻尋味，所以我們另外再加個义燒。但今次個义燒令人非常失望。义燒本身賣相一般，也太乾身。上次陪襯义燒的薄脆俾人好大驚喜，鬆脆而且綿密的口感與香氣撲鼻的蜜汁义燒配合得天衣無縫。今次呢個薄脆卻出了問題，炸得很粗糙，义燒的賣相也麻麻，整個菜式光看外表已經唔想食了。除此之外，其他食物都不過不失，只是沒有驚喜之感。其中最欣賞個湯羮。文絲即豆腐絲，可見廚師刀工真功夫！ 鰹魚花醉鮑魚京都文絲花膠羮，除左隻蝦差少少，其他100分！花膠天白菇柚皮菜膽，每個食材的食味都好分離，一般ok 啦。松露野菌炒鳳尾蝦，有香味，但好油膩。上湯竹笙浸翡翠，清清地好好味！香蔥文昌雞，d 蔥好味過雞，雞肉有咬口但無雞味。欖菜义燒炒飯，炒得算乾身，都幾好味。甜品很淡味，好似只滾了一滾。

早前係海港城買野換到d消費$300減$100嘅餐飲coupon，見粵藝館on the list而且可以訂座，啱曬兩老所以去試試。可能早一個星期已經book左嘅關係，我地獲安排窗邊位置，爸爸媽媽不知幾開心。茗茶$25/位，小食$25，我地揀左桂花烏龍，茶葉用茶包包住，媽媽覺得茶唔夠香，一般般。前菜涼子十八斬 · 話梅醉乳鴿好得意，乳鴿肉滑唔多肥膏，話梅酸酸甜甜好醒胃。有唔少人推介嘅無花果蜜絲咕噜豚肉賣相好靚，夾起咕噜豚肉真係有拉絲，雖然唔係好長但已經令人興奮。咕噜豚配無花果幾特別創新，唔錯唔錯。爸爸最愛蝦子海參泡星班球，班球唔多但肉質厚實，海參燜得好腍，係貴左少少。我最期待邪惡嘅金沙鳳尾蝦鍋巴，鳳尾蝦沾滿鹹蛋黃，配脆脆嘅鍋巴，香口至極。不過食食下發覺鳳尾蝦唔知係咪比鹼水淹過，有一股鹼水味，打左折扣。鮑汁花膠撈飯以$198嘅價錢不能expect會有好多花膠，鮑汁撈飯已有固定嘅鮮味，整體不過不失。仲有燕麥紫心番薯，麥紫好粉的的骰骰，加燕麥係面令口感豐富，食埋甜品成餐飯更complete~最後用左四張coupon減$400埋單$1110，平均$278/位，有coupon不妨試試！

我姊生日，一行４人吃晚飯慶祝！地點選在海港城粵藝館，經 Open Rice訂座，２位以上送竹笙湯，優惠！我們點了以下的：#普洱茶：醇厚不澀，好喝！#蜜豆本菇泡斑球：東星斑肉質富彈性，好吃！#醬皇野菌爆鳳尾蝦球：醬皇惹味，蝦球爽脆，yummy！#無花果拔絲咕嚕豚肉：酸酸甜甜，開胃。#上湯蒜子浸菜芯：清淡之選。#香葱文昌雞半隻：本來點手淋炸子雞，落單後說沒有，改吃香葱文昌雞，雞肉韌而無味，本餐最差的菜。#魚湯金銀海鮮泡飯：目測每桌都點，魚湯有鮮味，讚！#蟠桃：22元/個，點了４個，味道挺好的。送了４盅蟲草孢子野生竹笙湯，餐牌上找不到，賬單上標示單價168元/盅，我們一致認為味道偏淡，一般！文昌雞比較失望，其他的都不錯！

♡‎ ♡‎‎ ♡‎ ♡ 尖沙咀 - 粤藝館 ‎ ♡‎ ♡‎‎ ♡‎ ♡‎ 🧡望海景嘆粤菜手藝🧡位於海港城的全新日式粵菜的粵藝館一直都好想去呀除咗有傳統粵菜手藝之外 仲加入咗日式元素擺盤精緻仲可以望住尖沙咀碼頭海景簡直係一流嘅感受食飯當餐望住唔同天色轉變由超晴天☀️變陰天☁️再變大雨天☔️紅白色主調 配埋木枱 幾型格又唔會太over今次lunch 試咗以下菜式 超飽肚又好享受😎🔹金勾魚湯文昌雞 🔹又有湯又有雞，我超級鍾意尤其是係個魚湯，一啲都唔腥，有魚味加雞味雞件就算喺魚湯入邊 肉質都唔會好鞋🔹無花果蜜絲咕嚕肉 🔹咕嚕肉脆卜卜酸甜蜜汁帶拉絲效果🔹香煎辣味蘿蔔糕 🔹長條形嘅切法 蘿蔔糕更香口四邊都係脆卜卜唔洗點醬都已經好好味🔹鮑魚燒賣🔹呢隻鮑魚仲大粒過燒賣 超誇張放咗喺燒賣上面鮑魚亦好入味🔹避風塘蝦餃🔹平時蝦餃多數係蒸今次將蝦餃炸炸 外皮脆口 中帶軟糯 入面蝦肉彈爽外面有蒜蓉辣椒🔹焦香叉燒腸粉 🔹腸粉手拉皮薄又滑包住叉燒餡料 比起一般嘅叉燒腸更多汁🔹瓦罉啫啫唐生菜 🔹看似普通 但係好惹味嘅啫啫唐生菜煲上枱仲滋滋聲🔹鰹魚花醉鮑魚 🔹凍盤甜甜地 好濃嘅花雕酒香◆*．◆*．◆*．餐廳資訊◆

之前去開飯館，依家換左呢間，走去試左晚飯，菜式個樣還可以，但食落真係好難食，連基本的叉燒 燒肉 都無食曬，因為唔好食，食唔落。最差既係呢間既服務人員態度，超級差！完全係趕客！黑口黑面！脾氣稍微唔好既客都會現場爆粗！希望呢間餐廳早d執左，費事罷住呢個海景靚位。

This is a new cantonese restaurant for a decent meal in Harbour CityThe price is not cheap, har gau and siu mai cost HKD52+10% per order (2 pieces), but the price for dishes other than dim sum is reasonable.Some of the dishes were a bit too salty for me, but in general the food and service were good, and the view is superb

今日叫左幾個點心，一籠富貴蝦餃，味道可以，一籠鮮蝦菠菜餃，好味，一碟安蝦咸水角，超好味，簡直想再叫，一碟蒜片牛柳粒，可以但太咸，一碟香煎自家手作原味蘿蔔糕，唔錯，坐得舒服

今年第二次來這間餐廳，上一次試食了啫啫煲生菜，蝦餃及腸粉，咕嚕肉，已經覺得味道不錯。所以今天再嚟覆桌。今日時間關係只是食了魚湯海鮮泡飯及咕嚕肉。海鮮泡飯味道鮮美，有脆米蔥碎及泡菜選擇做配料，認為魚湯已經夠味道，加上蔥碎提鮮就已經很足夠。拔絲咕嚕肉也是一如既往的好吃，可惜今日胃口不佳，吃了幾塊便覺得著然無味。這餐的性價比也因為海港城優惠券大大提升，最近可接受優惠券的商舖越來越少，各位老饕如果有興趣一定要早點來享用。

幾個朋友搵地方食飯，想坐得舒服d，今次嚟到海港城的粵藝軒。朋友隨意的選擇地方，選定後看 OpenRice 介紹才知是城中名厨 Ricky 開的。 地方寬敞，這是個人非常鍾情的空間感。雖然不是靠𥦬的座位，因為𥦬很大，所以餐廳內差不多所有座位也可看到海景。 食物質素是不錯的。整體每個菜都好好味。 义燒：超級好味 ，千萬不可怕肥不吃肥的部份。整塊义燒放入口，那種軟糯的口感，正呀！啫啫生菜煲：味道一流 ！沙窩雲吞雞：不過不失的水準 ，湯很甜。乾炒牛河：牛河炒得乾身，夠獲氣，師傅手藝功夫可見一班。我們最後 order 左脆米海鮮湯泡飯。味道很好，食得出是用新鮮魚餚煮出來。可是就只有魚湯，其他配料不似餐牌上圖片的那麽多，跟餐牌上的圖片完全不吻合。 麥片紫心蕃薯：平平無奇的紫心蕃薯沾上麥片，出奇地好味。

有次經過打算來， 碰巧友人送coupon, 又book到枱。跟以前潮館裝修無改動，只加上枱布，感覺舒服，可能coupon快到期，所以全院滿座，而且嘈雜。 鏗魚花醉鮑魚 2隻$148，醉字吸引及期待，賣相用鋼匙盛上，花雕勁，香味一般，但無認真滲透入鮮鮑魚內，且冇鮑魚味，一般養飽，安記罐頭鮑會好些，且有渣，有的失望。 岩盬爆腩仔$188，赢好多讚，貴都要試 ，燒肉皮厚脆，咸香，但係瘦肉部份唔夠鬆化，有肉香，五層肥廋相間，賣相靚。 焦香叉燒腸粉$62，叉燒有焦香， 腸粉有米味，不是水晶粉透明那種滑，好食，腸粉凍咗後，叉燒味香甜更突出。 煎蘿蔔糕$62，又係多讚，相片份量足，抵食一定要點，無失望，身粗蘿蔔甜且多於粉，恰到好處的外焦燶， 惹味臘味真滋味。 蛋白杏仁湯圓，有驚喜，蛋白香，湯圓軟滑，杏仁自然香。

尖沙咀海港城坐擁無敵維港景緻，所以吸引了不少知名食肆進駐其中，而最近為食肥仔就來到一間新開的粵菜餐館，此店前身在銅鑼灣是以燒乳豬叉燒作招徠而馳名，現時改名後據講加入了創意粵菜和點心的元素，肥仔當然不甘後人，率先去到一試龍與鳳。 餐廳以紅白色為主調，襯上木色餐枱，時尚典雅得來不失俗套，而且枱與枱之間相距闊落，坐得亦舒適，加上廣闊的維港景觀，在內用餐沒有拘束更有賞心悅目之感。 先叫來一些點心助興，避風塘蝦餃，平時食蝦餃大多是用蒸的，大廚創意注入港式避風塘海鮮元素，將蝦餃炸成微脆再以避風塘做法加入了蒜蓉辣椒炒香，外皮脆口中帶軟糯，內裡的蝦肉餡料粒粒彈牙鮮爽，滲著蒜香微辣，為廣東點心注入了港式風味新意。 原隻鮑魚燒賣皇，平時見過的鮑魚燒賣通常都是燒賣大過鮑魚，而這碟鮑魚燒賣大大隻鮑魚置於燒賣之上，完美覆蓋了燒賣本尊，份量十足；而且鮑魚炆得軟腍入味，燒賣彈牙帶肉香，兩者結合鮮味肉汁兼備，使原本平凡的燒賣立刻矜貴起來。 芫荽牛肉腸粉，腸粉最緊要是皮薄滑溜，這道即拉腸粉算是做得到，薄滑的腸粉皮包著汁豐牛肉餡料，入口富米香之餘亦較一般的牛肉腸粉多汁惹味，蘸上最佳伴侶甜豉油味道就更是豐富起來。 厚切原味

海港城成日都嚟，不過實在唔多機會喺度食中菜，因為確實有太多嘅選擇，不過今日有個朋友推介之下，就嚟呢度食lunch，佢話係一間高質嘅種中日式餐廳菜館，仲有海景睇添，咁真係好似幾吸引喎！你間餐廳位於LCX附近，門面非常寬闊，基本上一睇就睇得出係呢間餐廳啦，事不宜遲，我哋即刻入去睇睇唔係講笑，真係有海景！我哋今日兩個人嚟食，咁啱張枱就喺窗邊，淨係呢個景，基本上都值回票價了，仲要咁啱今日嘅天氣都唔錯，真係心情都好啲即刻分享一下，我哋今日做咗啲乜嘢嘢食！第一樣先嚟嘅，有呢個頭盤 鏗魚花醉鮑魚！係咪望落就知已經唔簡單呢，呢個絕對係中日fusion菜既感覺，鮑魚上面放滿晒鏗魚花，下面成個碟都浸滿經過調教嘅紹興酒 ，淨係聞落都已經非常香鮑魚用隻有設計嘅匙羹放住， 除咗方便你食之餘，仲可以一啖就食晒成隻鮑魚，連埋好香濃嘅紹興酒一齊食，鮑魚爽口彈牙，一啲都唔痴牙，非常吸引滿足之後再嚟嘅，有呢度其中一款招牌菜，佢就係 蔘蜜焦香叉燒！我同朋友都非常鍾意食叉燒，所以一上枱，就已經俾佢深深咁吸引住，叉燒燒到有少少燶邊，食落口一啲都唔韌，口感好好，而且燒香過嘅蜜糖味道，都非常香口，鍾意食叉燒嘅朋友，不妨一試呢個時候

那天朋友要老娘找聚會地點 發現真的很少吃中餐耶!就來試一下在海港城的這家粵菜餐館 ◔◡◔𝕎𝕙𝕒𝕥'𝕧𝕖 𝕨𝕖 𝕥𝕣𝕚𝕖𝕕:當天吃了太多道菜 印象比較深刻的有☞ 無花果蜜絲咕嚕豚肉 ($288)咕嚕肉拉絲超治癒的! 配無花果乾很特別而且豚肉肥瘦很均勻 必點之選!☞ 涼子十八斬  · 話梅醉乳鴿 ($148)本身沒有太多吃乳鴿的經驗 肉質滑嫩有別普遍烤的方式 用涼菜呈上 別有一番風味~☞ 參蜜焦香叉燒 ($168)被朋友評為近來吃過最好吃的叉燒!乍看以為叉燒會偏肥一點  沒想到肥瘦恰到好處蜜香十分濃郁 帶獨特的焦香 是另一道必點◔◡◔☞ 花膠天白菇菜膽 ($188)☞ 不時不燉湯 ($138)這兩道都是女士恩物 花膠超大一片 軟稔入味燉湯清甜 裡頭是足料花膠筒 骨膠原一百分!☞ 一蟹兩藝 ($168)皇室焗釀蟹蓋及炸軟殼蟹伴陳醋野菜沙律 ☞瓦罉啫啫唐生菜 ($108)跟家裡長輩慶祝的話 也是不錯的選擇喔!

#chuchu食在尖沙咀📍 粵藝館海港城最近又多一間海景餐廳，嗰日🐷媽話要同🐷慶祝，維港景的確好吸引，價錢都唔會講話好貴，不過上菜時間慢左小小，不過都發生左啲事🙊員工處理方法都唔錯！at least作為客人會有好感，customer relations做得唔錯，會有下次！—————————————————————❣️ 濃湯花膠鮮竹浸翡翠 $188圖文不符！明明幅相係有舊花膠，點知變咗花膠絲，仲要份量好小….本身🐷都諗住算，圖片只供參考，點知🐷媽已經同經理講緊，之後就經理就送翻個花膠比我哋🤔.❣️蝦膏燒腩肉炒飯 $148聞落好香蝦膏味，不過食落唔會話好重，🐷接受到！肉嘅份量就有啲小，同埋油左小小，但味道不錯.❣️風沙辣子雞 $168🐷媽話佢好鐘意食辣子雞，雖然舊舊都唔係太大舊，但係都啖啖肉，夠味都幾香！.❣️花膠天白菇菜膽 $188/位送的最好食，花膠好滑冇腥味，冬菇好入味，#chuchu推介 ，下次再嚟食的話都會再嗌過！.❣️薏米水 $32 冇乜特別，唔算好甜都幾飲！—————————————————————不專業評分👅好味指數: 7.5/10💰性價比: 7/10👍🏻推薦: 7.5/10 —