精點茶餐廳 (已結業)

看食評已經想幫襯左好耐, 見飲食男女介紹便順理成章幫襯, 在這夜點了酥皮芝士三文魚波菜盒- 外皮香脆, 內裡芝士香濃, 波菜亦很多, 以五十多元價錢, 包湯(薯仔湯, 濃郁味美), 沙律, 餐飲, 絕對超值海鮮香辣天使麵- 麵身軟硬適中, 海鮮亦很多, 可以既話再辣些會更好, 而本來此意粉味道算不錯, 但比起酥皮芝士三文魚波菜盒立即給比下去埋單時貌似老闆既人問食物掂唔掂, 亦都好親切咁叫下次再來, 初次來感覺上這店食物好好, 服務亦唔錯, 相信此店會成為我未來既飯堂。

之前成日食佢個海鮮白汁飯(本身係意粉,不過改左飯),但係轉左工之後都冇食過,果日拎返張外賣紙黎睇,打去叫外賣啦,12點半打去order...係個女人聽o既,佢話不嬲都冇得改意粉(以前個男人又得!!?),都算啦,等到1點55分先到,lunch tiem得返果5分鐘,真係火都黎埋...咁o岩我行開左我同事幫我俾左$,之後計返收多左$6,俾貼士冇問題,但係收多我覺得好有問題囉,已經好嬲架啦,之後食個意粉仲要凍o架囉,真係好慶!打去問佢d收費,原來每樣野加左$1,其實係收多左$3咁大把,問佢點解咁遲,佢就話咁o岩個爐壞左,但係點解d野送黎會係凍架喎?!其他都算啦,忌廉凍左一舊舊架麻.好鬼難食....真係好失望,話晒以前成日幫襯,只係過左一年o者,就攪成咁,食完個意粉仲攪到我胃痛添!!我兩個同事叫o既中式飯就熱辣辣,點解我果個係凍o既?西式仲要貴過中式果d $10蚊,都冇o野飲送添,仲要咁o既貨色.不過之後個男人check完覆返我電話話俾返$3我,火滾果陣更係要返啦,嬲完打返去話唔駛送返黎,佢就話唔得,一定會送黎,呢方面好d囉,以前都係個男人落order o既,一到女o既聽就攪成咁...唉...

唔知會以為係茶記，但格局又好似高級少少，食物又以意大利類或西式為主。但又做得唔專，下午茶普通啦，係食物好似靚少少，但味道都唔突出。平平地食個tea 都ok。

上個星期五,六二日都係係依度食星期五要左個意大利飯幾好食不過d飯有d硬星期六食左個白汁雞蛋煙肉意大利粉--->好好好好味仲有個白汁薯仔都係好好味價錢都實際係地點不太就腳

昨晚同辣椒女和朋友到這裡吃(其實我們以前時常來,但最近少了),我們叫了四個套餐.首先當然係飲湯,有番茄和忌廉湯,又夠熱又好味,正!主菜有蟹柳南瓜忌廉汁墨魚麵,南瓜忌廉味很好;意大利火腿大蒜忌廉汁菠菜闊麵,火腿好味,菠菜闊麵也不錯;香草青醬什菜扁條意粉,用olive oil抄得好香,好好味;羊柳串燒,可能我們叫了八成,是太熟了(因有小朋友),所以感覺麻麻地.最後吃甜品(蘋果批),好好味!這店比出面很多店也好.真是一間又平又好味的茶餐廳.*個人最喜歡蟹柳南瓜忌廉汁墨魚麵,南瓜忌廉好香又好味! **這店是分開兩面不同的裝修,一面是茶餐廳,一面是西餐廳(但要晚上六才開西餐廳這面).

精點絕對係本人最鐘意食店之一噚日去左食芝士焗龍蝦，95蚊有成隻小龍蝦及茄汁意粉，隻龍蝦好好食，焗得剛好，肉質爽口，好多高級餐\廳都做得無噤好。意粉煮得好好，al dente!噚日四條友食左芝士焗龍蝦，海鮮炒意粉，羊架，三文魚菠菜pastry(唔記得叫咩名)加兩個籃瓜湯，兩個雜菜湯，沙律，同埋飲品埋單都係280蚊。

第一次係朋友帶我o黎o既，茶餐廳搭意大利菜既佈局，有白色好高椅背o既梳化卡位，但又充斥住電視聲，真係幾得意。本來我諗住叫中式飯，但見人o地碟o野幾好咁，就要個set。咁既價錢，無expect 過o的咩，但出乎意料又唔錯，係碟沙律（前菜）奇怪o的，勁多沙律醬，係多到浸住o左。至於主菜鴨胸，真係太厚，但overall 係好o既，旁邊o的一堆薯餅亦好好味，唔係是是但但既普通薯菜。

可惜得很, 精點的意大利飯變了, 失去了以前硬米的特色。老闆沒有改, 難道是廚子換了?

茶餐廳格局，但似想做西餐，高檔茶餐廳。下午茶味道不過不失，但豬扒包的豬扒竟然有筋，吃得不方便。佈置比一般茶餐廳精緻。

精點好正呀! 外面上層係一間茶餐廳, 實際上佢有意大利同西班牙菜食。我極力推介意大利海鮮飯, 飯粒好特別, 味道亦好濃。

精點其實係一間幾有趣既茶餐廳，因為除左茶餐廳既粉麵飯之外，仲有西餐食。我講既唔係港式既鐵板餐，事關呢度西餐既variety比起其他既茶餐廳多好多，例如有燒羊架、青衣柳伴牛油汁、燒牛肉沙律、海鮮忌廉汁長通粉等等(係人地第二度d食評抄番黎，sorry!不過我記得係有燒羊架!!)。我無記錯好似仲有西班牙菜既paella添，認真搞鬼!!我聽搭我檯d人講呢度整西餐既原來真係o係西餐廳做過，所以d菜式睇落去好似幾pro。講真我初初都係諗住入去食粉面飯，點知個侍應仔係咁tum我食西餐，於是就懵下懵下咁試左......湯: 西蘭花忌廉湯-- 係好過出邊一d餐廳，更加好過好多茶餐廳，不過個人覺得仲係唔夠香濃，加$10，茶餐廳黎講，貴左d。主菜: 煎鴨胸伴紅酒汁-- side dish好好食都好夠份量，但係個主角鴨胸太厚了，食起上黎好韌幾難切下，應該好似el cid咁切開一塊塊黎煎，無咁韌之餘個皮仲脆落落，不過人地成$19x...呢度$35，唔好要求咁高既......不過始終都係覺得貴左d，$35淨係得main...如果包埋野飲就ok la...個湯+$5會合理一點p.s.呢度一到dinner時間勁爆，要