精點茶餐廳 (已結業)

之前成日食佢个海鲜白汁饭(本身系意粉,不过改左饭),但系转左工之后都冇食过,果日拎返张外卖纸黎睇,打去叫外卖啦,12点半打去order...系个女人听o既,佢话不嬲都冇得改意粉(以前个男人又得!!?),都算啦,等到1点55分先到,lunch tiem得返果5分钟,真系火都黎埋...咁o岩我行开左我同事帮我俾左$,之后计返收多左$6,俾贴士冇问题,但系收多我觉得好有问题啰,已经好嬲架啦,之后食个意粉仲要冻o架啰,真系好庆!打去问佢d收费,原来每样野加左$1,其实系收多左$3咁大把,问佢点解咁迟,佢就话咁o岩个炉坏左,但系点解d野送黎会系冻架㖞?!其他都算啦,忌廉冻左一旧旧架麻.好鬼难食....真系好失望,话晒以前成日帮衬,只系过左一年o者,就搅成咁,食完个意粉仲搅到我胃痛添!!我两个同事叫o既中式饭就热辣辣,点解我果个系冻o既?西式仲要贵过中式果d $10蚊,都冇o野饮送添,仲要咁o既货色.不过之后个男人check完覆返我电话话俾返$3我,火滚果阵更系要返啦,嬲完打返去话唔驶送返黎,佢就话唔得,一定会送黎,呢方面好d啰,以前都系个男人落order o既,一到女o既听就搅成咁...唉...