糖太宗 (已結業)

見食評唔差打算試一試點知無熱豆腐花唯有淨係叫左碗糖不甩等左好耐先+超無禮貌咁上台而某一個服務我地既店員淨係掛著睇電視+講野超細聲點知吃左一淡原來入面係生.....D粉根本未熟好最後唯有唔食

萬聖節正日,我小鬼同埋一班fd去完海馬公園玩完排隊,排隊同排隊之後,返到上水耳油未盡,想搵個地方位吓,吹吓水,本來想落M-16,但因為有個fd未夠秤,所以去到門口都冇入到去,之後見到M-16條街開o左間糖水鋪,記入去吹吓水.佢門口有好多萬聖節擺設同好多水母,所以我o地又影一"籠"先入去@@入到去都好有節日氣氛,連D食物都改埋鬼名,好小糖水鋪咁有心機~我LE食小鬼叫o左個"嘩鬼樂園"$18(裏面有棺材蛋糕,啫喱同雪糕)好有節日feed同好好食~鬼友A就叫o左個"魔龍纏身"$15(煙肉纏住條C華力腸)同眼珠血汁$22(西瓜汁+荔枝黑珍珠眼)鬼友A話C華力腸熱辣辣好好味,西瓜汁就答返佢O既口頭蟬"未又係果D味".... *__*#鬼友B叫o左"魔布血現"$15(芒果布丁+草莓汁)鬼友B就話草莓汁酸o左D,但個芒果布丁就好多芒果肉~

我之前行過見到上水新開咗開糖水店, 我即刻約啲friend去食吓....入到去, 有個大缸養咗好多jelly fish, 啲枱椅係全實木造, 所以坐得好闊落… 坐低咗之後啲員工好主動介紹甜品比我地, 服務好好, 我地要咗一個鮮士多啤梨味水晶腸粉, 一個奶茶果凍, 生磨芝麻糊, 密瓜西米撈……味道都OK, 個生磨芝麻糊食得出係自己造嘅, 特別係個奶茶果凍, 好似食緊一杯固體嘅奶茶咁, 好有feel~~ 整體上我覺啲生果都好新鮮, 感受到全部都係佢地用心嘅出品, 不過講真呀, 食物係其次, 最重要係終於有一個地方你可以慢慢同朋友坐低傾計, 談天說地, 佢地又唔會趕你走, 環境又舒服, 又有部大電影睇, 個肥老闆又好好傾, 而且價錢好合理, 仲有啲家庭feel tim….

食完dinner, 一行四人去左搵甜品食... 最後俾問口有水母既糖太宗吸引左入去.....但點知..... 間野冇乜特別野食... 我地叫左三個雪花冰&一個桂花糕...綠茶, 朱古力, 石榴 口味 + 自選配料三款黎講, 朱力係最濃味, 比較吸引.. 綠茶好水, 石榴麻麻...桂花糕就最差囉.... 好似水咁, 只係因為魚膠粉所以固體囉, 桂花既份量又少...可能揀錯野食啦, 但我已經唔會想再去幫襯....

見佢新開冇咩生意都想支持下 ... 但佢d 野食真係又貴又麻麻 ...呢個月第2次去食 , 今次帶左2位朋友仔食 , 不過令到全體人員失望 !坐入去依然冇客 , 不過就好多員工 ... 員工有禮貌 , 次次都有笑容d朋友諗左好耐食乜 , 我就一定食紅豆沙 + 湯圓紅豆沙$12 + 3粒湯圓$9 + 牛奶味雪花冰$29 + 腐竹意米糖水$12朋友ge腐竹糖水 , ok冇咩特別 ...不過另一個朋友ge 雪花冰就好恐怖 , 可能食慣糖百府大大份啦!!佢呢度ge 真係得糖百府ge 4份1 ... 仲要d料勁求其 ...醬配了焦糖 (勁少) , 罐頭菠蘿 (勁少) , 蜜糖星星 (勁少)味道係冇問題 ... 但係$30 ... 冇可能比呢d 咁ge 貨呱我個紅豆沙湯圓 ... 湯圓係勁細粒!!!!!!! ... 雖然好處係3粒都可以簡唔同味 ...不過紅豆沙太甜喇 ... d 糖味仲勁過紅豆果種香味 ...湯圓每加一粒要$3 , 又細粒又冇餡 完全感覺係極差 ....真係唔得呀!! 冇下次喇!! 唔會再浪費金錢 ...

今日行過上水做野,行下行下見到間叫糖太宗嘅舖頭有個大魚缸,入面有好多水母,跟住個waiter 行出黎叫我入去試吓,咁o岩又有D肚饑就入去試試.一入去個環境同衛生都唔錯,但坐低就有D凍,個waiter就好主動幫我換個張台,睇落張Menu都幾多選擇,我就叫o左個豬腸粉,仲有芒果腸粉同奶茶果凍,個豬腸粉($5)賣相一般,但都幾滑,跟住黎o既係芒果腸粉($23),賣相俾想像中靚,起初以為係腸粉上淋D芒果汁,原來係塊透明o既皮包住D鮮芒果, 我食第一野就覺得有D酸,可能係鮮果o既關係,之後連皮一齊食,同入面o既芒果味配起黎可以話o岩o岩好,到我食到一半,個應該係老闆o既男人同我講佢間舖o既甜品全部都係用鮮果做(可能佢見到我個”酸”樣)成碟腸粉都好滑好滑,我D要用匙食,最後o既奶茶果凍我加o左個雪糕($12+$5)賣相ok,奶茶味o既果凍上淋o左D花奶,正中間放o左個雪糕球,味道唔錯,果凍加花奶o既味道比某D茶仔o既奶茶還好~上面o既雪糕都遮蓋唔到陣奶茶味埋單都只係$45,環境,衛生,整體都很好,值得推介!

我也不知道他在想什麼 , 因為他從來不對我說他的感覺。也不會主動提出假日的去處 ,所以我又開口了 , 又開口問他要不要去試新開張的糖水店。從來只有我出主意 , 然後他同意。走進小店 , 只有一張大桌坐了人。員工老闆都很親切帶位 , 推介甜品 ,本想點個湯丸 , 但看圖並不太吸引 , 於是點了個椰子味河粉配芒果 ,他的河粉點了黑加倫子味。椰子味河粉配芒果$30我愛吃爽口彈牙的河粉 , 曾在太和甜品工房吃的河粉是很爽口的 ,這裡的卻沒口感 , 沒什麼味道 , 是我的標準變了嗎 ? 就像我們之間也變質了 ?原本 , 芒果配椰子會很好 ...沒什麼特別的一碗糖水 , 份量是很多沒錯 , 比起上水其他的甜品店大碗多了 ,不過 , 跟香甜二字無緣。或者我們也無緣了 ...這裡的裝修很好 , 桌椅也是實木做的 , 坐得舒適。沒太多人流卻可讓我與他再坐一會聊聊天 ,不像其他糖水店吃完急著走。但我們吃完便走了 , 只因我們之間沒話題了 ...我再也說不出 , 我對你的總總要求。躲於街角裡的小店 , 也許滿適合快要分手的情侶 ,至少 , 我掉下眼淚也沒人察覺 ; 猶如沒人察覺到這間新開的糖水店。

前日經過新祥街果邊..見到一間叫糖太宗既糖水舖門口有一大個魚缸..放左40-50隻水母..超靚開頭以為佢係水族館..點知唔係..原來係糖水舖咁我就去試下佢d糖水啦..其實我都係一個幾麻煩既人..對食物都好有要求..入到去...有個侍應向我介紹左佢地既特色推介咁我就叫左一個鮮士多啤梨味水晶腸粉$23外表就係一個水晶啫哩咁..跟住就包住一d士多啤梨個老闆娘仲好好人比左d藍莓漿我溝埋黎食..個口感好特別...果個水晶皮食落去幾彈牙..士多啤梨又唔係好酸仲要配埋d藍莓漿...食落去士多啤梨好似溶化左係個口到..食食下..跟住有個肥老闆走過黎同我吹水佢仲請我食左佢新出既奶茶果凍$12個樣呢..好似布丁...又好似震震啫哩咁加埋d花奶一齊食..好似飲奶茶咁仲有好香既奶茶味..d個真係值得推介!!!!!!坐係度睇下d水母又同個肥老闆吹下水..咁就坐左一粒鐘...

門口有個大魚缸,裏面有好多藍色水母同小小珊瑚魚,好靚~~琴日同D FD去維園玩完燈籠 ,返到上水又唔想咁早返居企,就諗住食個糖水,咩多陣水先散,本來一心去彩虹,但係冇位,熱到嘔又唔想坐出面,之後聽朋友講鍋貼大王條街開o左間新o野就去試吓,一入去到裏面有人走,唔洗企門口~~我就試o左個"咖啡味河粉"$30裏面係咖啡味蒟蒻+紅豆+椰果+爆珠好香咖啡味,鐘意飲咖啡o既我,食完超滿足~個FD就叫o左個豆腐花,超低$5,但冷o既買晒,個傻婆熱都照食我偷o左一匙豆花食,超滑~可能新開人手唔夠,我o地落o左單到D o野食泥等o左15min....不過玩o左成日,有得一邊睇水母,一邊吹水都唔錯,個肥老闆見我o地等o左好耐望住個魚缸就走過泥吹水母經,重點佢話今日係中秋,請我o地食糖不甩~~