糖山莊

营业中

休息中

食完晚飯見附近新開左間糖水鋪,又唔洗等位就入去試下,落單可以以剔紙仔方式之後交比店員就ok,服務態度就差喇，當我舉手示意落單既時候,女店員竟然可以扮睇唔到我舉起張紙,直接行去係我隔離既一張枱幫另一枱先,之後我再舉手,繼續係用甘既方式對待,都算,但竟然可以連企係收銀既老闆娘都一樣係甘,難怪。。。難怪連店員都同樣😂😂呢樣係第一差!!之後終於落到單喇。。。。點左一個芒果楊枝小丸子,味道麻麻,果肉得幾粒,一啖都已經食得哂,芒果雪糕冇芒果味,另外再點多個貴族三重奏(焦糖燉蛋+心太軟+自選雪糕一球),揀左球綠茶味雪糕。先講個雪糕,一樣個好淡好淡既綠茶味,都勉強可以,再講個燉蛋,如果個焦糖面可以再燒多幾下同厚小小就幾好喇，最後個心太軟真係簡直唔想比評語!!!!9成熟囉！！！好差。。。根本唔應該話呢舊係心太軟囉！總括黎講,甜品得個樣ok,但味道認真差!!

今天晚上和朋友去這間甜品店吃甜品，晚上8時左右不太多人，不用等位便可以入座，我們叫了貴族三重奏（心太軟+熱焦糖燉蛋+雪糕）和牛奶棉棉冰。心太軟我知道製作需要時間，但明明是我先落單，但卻先給隔離枱，還要是2個！我等了25分鐘才有得吃！心太軟樣子ok，而且內裏的朱古力漿是流心的。可惜味道一般，太甜，而且又乾，很難吃！熱焦糖燉蛋方面，燉蛋味道一般，不過不失，相比心太軟算是比較美味的了。雪糕我叫了朱古力雪糕，味道和雀巢雪糕味道差不多。牛奶棉棉冰方面，味道一般，不過不失。價錢方面，貴族三重奏$60，牛奶棉棉冰$40，2人總共$100，價錢很昂貴。但甜品很難吃，不值得這個價錢。總結來說，這間甜品店的心太軟很難吃，不會再光顧了。

同朋友諗住試樓下新開張的糖水店!!我和朋友各嗌左個芒果楊枝金露小丸子同芒果椰汁河粉!點知就出事啦！我既楊枝金露啲西米勁奇怪，好似煮唔熟咁!面頭個芋頭雪糕零芋頭味，直頭叉唔開個雪糕，我真係覺得好迷茫究竟我自己食緊啲咩?朋友個芒果椰汁河粉只係覺得好似食緊面粉咁，淡而無味!!!!!個芒果汁底係睇得出啲糖水同芒果蓉完美的"分離"!!!!!!!真係…真係好難食!!!!滿記的價錢，兒童餐的size，仲要又難食又無味道，無下次!!!!!!!!!!!!!

安定、友愛邨已30多年……..最近商場經翻新後開了很多新店鋪，其中一間就係呢間新式甜品店 – 糖山莊對於邨內及住係隔離屋苑o既我係天大喜訊，因為我同媽媽都是甜品愛好者，終於有間甜品店係左近，毋須再過去老遠的市中心或者置樂了。晚上9點………店內早已充滿人群，而店外都有不少甜品愛好者等著、有一家老小、三五知己、一雙一對。我同媽媽等了一會就有位~~~~不過因為人太多，又有外賣自取order所以製作需時請耐心等侯!!!!!媽媽一坐低就要order呢個甜品甜品來了…….未放低已經飄來榴槤之香!!!!!!!!!雪糕+榴槤肉+榴槤冰及爽珠雪糕透出淡淡榴槤味、新鮮榴槤肉味道極搶、榴槤冰味道較淡，但三者夾埋卻剛剛好，真正做到齒頰榴香!!!!!!!!!而爽珠就爽口黃彈牙。雪糕+綠茶冰+紅豆配小丸子綠茶冰茶味甘濃加上紅豆蓉配煙韌小丸子永遠係最佳配搭值得一讚:綠茶冰o既茶甘味食完之後仍不斷縈繞整個口腔。而雪糕非常夠凍，經我手機食先影左咁耐同食埋冰，d雪糕都還未溶化哂，厲害!!!!!!

已經多次品嘗這間甜品糖水店🍨🍹，今次又约埋三五知己👫👭，不再試特式甜品🍮🍹。坐下就叫咗數碗芝麻糊品嘗吓，好快芝麻糊奉上，聽講店長：每日用新鮮芝麻用人手去🔥炒，磨，煮而製成一碗香滑芝麻糊，芝麻味香，味道不算太甜，適合我地吾適宜食得太甜糖水愛好者，品嘗完後，⏳懷念小時候🎠🎡家境清貧🏡，沒有什麼糖水選擇，👩媽媽間中都煮芝麻糊给我們兄弟姊妹吃，可有一返回憶💕🌹🌹

今日係第三次嚟食 起初頭一兩次都係新開既時候去因為難得自己村有糖水舖😭點知 初初真係勁足料榴連飄香👈🏻頭一兩次食 真係非常無敵好食落足料好多榴連蓉 好香榴連味點知！開左有段時間 第三次嚟食 同一樣食榴連飄香竟然可以食到啖啖水😟榴連蓉照有 但！勁多渣😟食左另一樣榴連班戟 榴連味濃 但皮太厚失色！最失望係個頭就開得好 但愈做就失色！但亦有推介 第一二次都有叫 心太軟👈🏻味道唔會好甜 適中 食禁多心太軟呢度算幾好不過 唔知依家質素點😁

懷住八個月身孕既大肚婆突然想食芝麻糊就唸起呢間新開既糖水舖，眼見堂食好多人等位就選擇兩碗外賣。同門口姐姐點左一碗凍芝麻糊，一碗凍杏仁露，外賣每碗加一蚊。之後就入內俾錢，但行去收銀既路非常窄，收銀又慢、俾錢要排隊等候。相信收銀位置在近門口位置較佳。等左十分鐘，未有，門口姐姐話等多陣，就有，呢個時候有個後生仔叫左外賣「隨便」，五分鐘過後佢個外賣已到手。門口姐姐再幫我催、最後攞左兩碗熱糖水俾我。我話我要凍糖水喎！門口姐姐就幫我攞入去換，再等左五分鐘先攞到我既簡單糖水。前後用二十分鐘等我既簡單糖水非常不合理。番到屋企滿心期待好味既芝麻糊，點知....食落同超市買，用粉開既味道咁、講唔好聽，波仔都比佢好食！

剛朋友路過安定邨，見到前面有一間舖頭門口咁多人輪候，再望之下原來新開一間糖水甜品屋。咁就齊齊輪候，很快可以就入去品嚐，坐低後先叫：芒果粒粒吐司，楊枝小丸子雪糕球，芒酥拿破崙雪糕球。很快就奉上甜品，同店長傾計，原本拿破崙磈皮係腐皮整,好有創意,再講粒粒芒果吐司，原來中間有個雪糕球化,是夏天消暑佳品,楊枝甘露材料充足.甜品係每日新鮮製做，所以甜品每晚好快沽清，環境簡潔光猛，服務態度好.屋邨價錢，街坊價，所以安定邨糖山莊就吸引一班愛好甜品朋友仔來吃。所以如果住係屯門既朋友仔不訪來試吓。

上星期去食咗抹茶心太軟，本身期望不大，但意外地幾好食，而且賣相唔錯，份量亦唔少，最重要係抹茶味夠濃夠甘，不過焗得太熟，中間唔夠流心。雪糕就一般般，雪得太硬。服務都幾好，值得一試。