紅椒力量

营业中

休息中

紅椒力量👻平民抵食餐廳又有泰菜又有西餐扒餐都勁吸引仲要午餐好抵食性價比幾高😚.🔅新加坡海南雞飯 HKD 51好豐富既海南雞飯有跟中湯同埋香油飯海南雞夠嫩滑份量亦都唔少依個價錢都幾抵食😛🔅德國咸豬手 HKD 78碟上既扒餐一大舊咸豬手啖啖肉咁配埋黑椒汁夠濃味作為午餐一定夠食仲有配埋薯條添薯條夠粗無得輸😉🔅奶茶紅豆冰 HKD 10幾有特色既紅豆冰第一次飲奶茶溝紅豆又幾夾喎紅豆又夠甜🔅涼粉冰 HKD 10椰汁配涼粉一向都係非常夾夏天飲一流🥰.整體黎講:抵食午餐 份量夠大😚.🎈 紅椒力量 (紅磡)紅磡必嘉街紅磡灣中心12號地舖

海鮮金邊粉，金邊粉果陣味好奇怪，裡邊噶海鮮，笑左，非常唔新鮮。😓😓仲有炒唔均勻的一塊花生醬，咩事啊。仲有一個肥肥地噶男服務員，態度差到極。唔會再去！唔明白點解可以有呢d質素噶服務員👎👎👎

在附近找屋租，不果，見有點肚餓及小休一會，首次經過Pepper Power 紅椒力量門口，被午餐餐牌吸引咗，入去點了鴛鴦扒飯餐(燒汁)、紅湯&熱啡，$51，非常飽肚滿足!

早排同同事走咗落去呢一間茶餐廳度食嘢，下午茶時段嘅選擇份量都好多，我自己今次就叫咗呢一個海南雞飯，本身我自己好鍾意食海南雞飯！而且對於海南雞飯嘅要求亦都好高，呢一度嘅海南雞飯絕對係非常之頂級！海南雞嘅雞肉好滑，而且雞飯亦都係雞油味道十足！

嗰日行開紅磡想食辣野，見到門面係泰式餐廳就唔諗咁多入去先。望住個餐牌，明明都係茶記嘅款式，不過茶記碟頭都啱我嘅，就叫個貴刁試下。$60嘅茶記貴刁，上到枱熱辣辣諗住幾正喎，我夾下夾下，得幾條叉燒火腿，蝦仔都唔俾，係名乎其實嘅無料到，如果唔係新鮮炒起，我都要考慮俾劣評。味道還可以，少少辣，唔夠辣要加下辣椒醬。凍奶茶只係普通茶記貨色，唔好奢望泰式奶茶。唔通佢真係泰菜款式先好食？First impression 唔夠好，未必俾第2次機會佢。

紅磡必嘉街茶記，value for money afternoon tea-set.... 😋😋😋下午茶餐，咁樣嘅價錢，咁樣嘅質素，你仲想點⋯乾抄牛河，有鑊氣有味道，不可以再有任何要求⋯焗豬扒飯，色香味全，仲可以有乜嘢要求⋯服務態度又好，咁嘅嘢價錢，你仲有乜嘢要要求？

每次入到去餐廳高男侍應替工同另一個替工男講妳老婆入緊黎，又用粗言穢語對著女顧客講難聽說話，而這女顧客從不同這个無品的事應說話因從不認識怎能對顧客無禮不尊重，不知道這餐廳請這個事應趕客人走

今天早上進過這裡覺得這家店還挺好看的，然後就和家人去吃，我們點了一碗番茄牛肉面，端上來的時候還挺好看的，但是吃到一半的時候發現裡面有綁生肉的那種麻線，我們告訴老闆，他衹是解釋了一下那個綫的來歷之後就什麼也不作為了，我覺得這種店鋪的老闆都這種態度，真的讓我太失望了。另外，我點的是一個沙爹牛肉米線➕雞蛋，他們也漏了➕雞蛋進去，曾經我也有過一小段的餐廳打工的經歷所以覺得這個是可以原諒的，我自認為我出去外面吃東西不會特別苛刻，但是我認為這件事真的很難讓人接受，食物的乾淨程度對於食客來說真的是至關重要，所以我很不推薦這家店

因為有紅椒力量嘅現金券 所以今日黎食估唔到佢表面係泰菜 實質係茶餐廳啲食物選擇勁多 加上過咗2:00 又有午餐又有下午茶 睇到眼花撩亂泰式菜方面有海南雞飯 金邊粉 撈檬 炒粉飯等 咩都有茶餐廳嘅就焗飯意粉 煎扒等▶️鮮茄焗魚柳飯 ($38)因為好耐冇食焗飯 所以今日叫咗個平時起茶餐廳少啲叫 驚佢會好多芝士或者醬 搞到好鹹或者好膩佢呢個因為下午茶餐 份量相對細少少 不過都夠食 而且最好係啲醬比例啱啱好 又唔係話好濕👍🏻佢係即叫即焗 所以等耐啲先有 不過就熱辣辣香噴噴☺️面部焗到少少燶 呢個冇芝士嘅味道方面 個茄汁鹹度啱啱好 雖然唔似新鮮蕃茄整 但係幾有蕃笳味最好係佢焗到個醬少少硬 好似一層膜咁🙈🍚啲飯係雞蛋炒飯 令佢香啲米飯粒粒分明 則面嗰啲又焗到變咗飯蕉 口感少少脆 好好食😋🐠魚柳就比相象細 得一薄片 唔夠餸飯 味道ok嘅 有魚柳味 不過佢外面層粉/皮比肉多 所以真正魚柳肉得好少另外有叫沙爹雞串小食 但係我覺得唔好食 因為沙爹味唔正宗 有啲奇怪添 而且遍油套餐包飲品 叫咗檸茶 味道都正常🍋-焗飯除咗魚柳相對细之外 成個焗飯係好食嘅🍛環境幾大 亦都算坐得闊落服務一般唔差 好過一般茶餐廳少少C

平日傍晚兩個人嚟咗尼度食扒餐 諗住普通通通食一餐 點知食物質素同服務令人好失望首先我哋一坐低個男侍應插住隻手落兩杯水大大聲放落枱（我哋呆咗呆）然之後嗌咗一個百搭扒餐$102 (雞扒加鑊仔牛柳扒)塊牛扒十分咸食咗一半已經擺唔到入口見到個賣相都冇乜胃口男友叫咗個「美國肉眼扒」餐, 五成熟, 嚟到係咁嘅樣同個男侍應反映: 「尼塊係肉眼扒？我哋嗌咗medium喎。」個男侍應串串貢咁覆幫你煎過塊咯，之後一路走一路話尼塊咪肉眼如果唔係之後有另一位行埋嚟offer我哋可以轉第二樣，我哋一定當面投訴平時我自己出去食飯都會盡量唔食剩嘢, 但尼間真係食唔落口兼無晒mood最後服務態度好差個男侍應全程西口西面, 同佢反映塊肉眼牛扒唔係五成好硬就西返我哋轉頭, 仲企埋一面望過嚟好唔服咁畀我哋感覺好似係有得你咁平就食啦，唔休做咁結論: 打開門做生意建議態度好少少, 啲嘢食起碼放得入口先上客人枱面🙏🙏 我真係寧願你收貴少少

嚟紅磡醫肚，呢間餐廳嘅Menu真係幾多元化。中．西．泰菜乜都有😍午餐嘅例湯都有中湯同羅宋湯揀，好多料。因為想食西餐，揀咗👇🏻「焗芝士肉醬意粉」🍝即叫即焗熱辣辣，嚟到仲滾到卜卜下，勁多汁呀...芝士有拉絲感，好味「美式什扒餐」大大片雞扒．豬扒．火腿，揀咗黑椒汁，味道夠濃郁。因為太肚餓，黑椒汁配飯都好正。「芒果沙冰」估唔到連沙冰都有，仲要大杯到就嚟滿瀉。一放低忍唔住啜幾啖先...價值真係街坊價，抵食。唔怪得間餐廳咁多坐位，Lunch時間都坐滿人啦

打完風喺屋企食咗幾日，今日就想出街食下啲特別d嘅嘢，同屋企人過咗嚟紅磡灣中心樓下，見到呢間有泰國菜嘅套餐食而且又幾抵就試吓佢🙆🏻‍♀️🙆🏻‍♀️泰式2人餐 (A) ($248)冬陰海鮮湯🥘🌶個冬陰功湯夠辣同埋酸，入邊都幾足料有墨魚有蝦，份量都唔細，每人都飲咗兩碗左右海南雞🐣🐣例牌size海南雞來講算幾多，有脾又有好多肉，仲配埋3款特色海南雞醬汁，最鐘意佢個甜豉油☺️☺️雞肉算滑又唔會太肥，都幾好味😋😋燒豬頸肉🐷🐷燒豬頸肉岩哂火候同調味都啱啱好，最鍾意食呢啲肥瘦均勻嘅位置㗎啦😍😍蒜蓉炒菜心🥗🥗個餐有埋菜，今日可以揀菜心同西蘭花，我哋揀咗菜心仲要係大大碟嘅，咁就唔怕食膩咗啦😋😋椰汁冰 (跟餐+$10)涼粉冰 (跟餐+$10)食泰國嘢梗係要飲返啲泰式特飲先岩feel 架啦🤣所以我哋都加左$10轉特飲📍 紅椒力量 (紅磡)紅磡必嘉街紅磡灣中心12號地舖#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkig #hkfoodie #hkfoodies #food #foodie #foodstagram #foo

紅磡也有很多美食，尤其是必嘉街這一帶，今晚食的是這間紅椒力量。Menu很多菜式，尤其是我喜愛的中式菜式。主菜要了個啫啫雞煲及菠蘿咕嚕肉。跟餐有節瓜煲豬骨例湯， 飲落比較清甜，較足料。啫啫煲$70啫啫雞煲上枱後侍應才揭開煲蓋，熱氣騰騰及煲內滾到啫啫的響聲，及聞到雞煲的香，當真是色香味俱全，真的令人垂涎極了，煲內有洋蔥、也有很多薑片、蔥、紅蘿蔔、秀珍菇、肉片……等等，令嫩滑多汁的雞很惹味~~！菠蘿咕嚕肉$60 菠蘿咕嚕肉裏面有很多青紅椒、洋蔥、菠蘿，咕嚕肉切得不會太大件，被滿滿的醬汁包裹著，入口爽，酸酸甜甜非常惹味！加多個蒜蓉炒菜心！及每人要個飲品，泰式青檸可樂及椰汁冰，美味！

地方好大好多位，不過星期一既黎就唔係好多人，呢到除左做中式，仲做泰國菜，選擇都好多。中菜二人餐 $120🥢魚香茄子煲🥢 另加$10魚香茄子煲好唔好食，關鍵係睇佢個茄子炸得好唔好。呢到既茄子炸到好通透，好感受到佢個猛烈油溫，不過去油方面要花D功夫，煲底一大層油，不過佢D肉碎醬汁爆到好香，都忍唔住要撈起哂黎伴飯，鹹香惹吁卻好肥，但都值既！🥢椒鹽鮮魷🥢椒鹽味做得出色，將椒、鹽都做到出黎，好有味道，不過火喉未掌握得好到位，鮮魷有少少老。🥢馬來沙嗲串燒🥢 $68/半打 (豬、牛、雞，可3選2)如果你好喜歡當年M記點Jack既馬來沙嗲醬，呢個會好啱你口味。濃濃香甜椰香既沙嗲醬，不過花生粒打得細碎Ｄ就更好，配埋幾有肉汁既豬牛串。🥢芒果沙冰🥢＆🥢新鮮椰青🥢

黃埔逛街，肚餓找間餐廳醫肚，經過 #紅磡力量，見到餐牌有星馬泰菜式吸引，想食泰式燒豬頸肉，又有泰式套餐，入攴餐廳進餐就揀咗泰式二人餐 $248，有湯、海南雞、豬頸肉同小菜及飲品。海南雞🐔雞肉大塊，肉質香滑，食落啖啖肉，好味道!泰式豬頸肉🐷豬頸肉經過燒烤，豬肉外脆內嫩，點埋泰式醬，好惹味!蒜蓉炒菜芯🥬菜心新鮮爽嫩，加入蒜蓉，味道清新帶蒜香味。雞油飯🍚 @$5碗飯都好大碗，雞油嘅香味，油而不膩。冬瓜瘦肉湯🍲天氣熱，飲碗冬瓜湯降火清熱氣😝，湯碗內有大塊冬瓜，味道幾好!椰青🧉 $35原個即開椰青，食泰國菜一定飲椰青，拔起椰肉同飲椰青水，感覺透心涼🥳。咸檸七🍸 $10咸柑桔七喜，味道甜中帶咸，鹹甜交雜，冰涼爽口同潤喉。