紅椒力量

营业中

休息中

是日同朋友嚟開紅磡，見差唔多晚飯嘅時間。就打算食埋晚飯先離開。眾所周知，黃埔不嬲就出名多嘢食。星期日嘅夜晚。基本上每一間餐廳店內都有長長嘅人龍。而咁啱想食泰國菜。又見到呢間餐廳有位。咁就二話不說走咗入去啦。我哋入座嘅時間尚算早。好彩嘅係入座入得快。因為我哋坐低冇幾耐。門外已經出現人龍。可見呢間食店喺區內都尚算受歡迎。我哋決定嗌左個泰式二人餐。套餐份量非常豐富。套餐包咗冬陰功湯，泰式鳳爪，炒通菜，豬手，同埋兩碗白飯，除此之外更包埋餐飲添。先講冬陰功湯入面海鮮份量非常之多。包括有蝦，青口，魚片等。而且更加有四隻蝦喺入面。冬陰功亦都唔會話太酸。我忍唔住飲咗幾碗。之後就係泰式鳳爪，鳳爪份量非常之多，我冇正式數過，但粗略估計入面有至少15隻鳳爪或以上。而且佢啲醬汁好好食。有少少酸，非常開胃。之後就到炒通菜。通菜一啲都唔老。食唔出有渣。而且夠晒鑊氣。最後就係個豬手。豬手膠質非常豐富，而且份量亦都係好多。呢一餐可以話非常之抵食。我哋已經淨係要一碗白飯。但係最後都食唔晒。以呢個價錢來講。性價比非常之高，而且味道唔錯。我推薦大家可以嚟試吓。

放工去油尖旺搵食，唔係下下都得逞，到處都冇位容得下大胃，於是乎走去隔離個紅磡度，平民啲又多餐廳選擇，今次就去一間茶記，但竟然係賣南洋菜海南雞飯一定走唔甩㗎喇，皮光肉滑，芫荽嘅點綴下，鮮味出眾油飯永遠都係海南雞嘅好拍檔，嗰陣油香令人難以忘懷可以點唔同嘅醬，食出唔同風味嘢飲都大大地杯龍眼冰龍眼多過啲冰，但飲落唔會太甜沙嗲燒得火候啱啱好，點埋沙嗲醬，錦上添花仲有老火湯，湯渣充滿骨膠原喇沙用金邊粉都幾得意，更加吸收到味晒而且真係啖啖都係海鮮，十分足料外表係普通茶記，原來係南洋餐廳

之前都有聽過依間餐廳，不過就冇食過。喺門口睇睇佢哋嘅餐牌，選擇都幾多🤔🤔除咗有星馬泰之選，仲有中式小菜，就連西式嘅扒餐都有！咁即係基本上滿足到唔同人嘅喜好啦😁😁今次晚餐，叫咗泰式二人粉麵套餐每人揀一碗麵，可以選擇唔同嘅湯底，我就揀咗冬陰功😁😁 另外可以揀一款小食，同埋一款炒蔬菜，再加埋每人一杯嘢飲✨✨對自己好啲，揀埋特飲，都係$200有找😊😊感覺上算好經濟實惠冬陰功湯味道酸酸辣辣，但係唔會超級辣，都幾好飲，仲有少少菇，令到碗金邊粉口感更豐富。佢哋嘅扎肉幾彈牙，有少少似魚蛋，幾得意😋 金邊粉嘅份量都幾多，同芽菜一齊食，正呀😁我叫咗青檸梳打，夠晒氣，甜甜酸酸，都幾唔錯。至於菜方面，就揀咗馬拉盞炒通菜，份量都幾多，而且菜唔老，夠晒新鮮👍🏼👍🏼食埋套餐嘅沙嗲串，都真係幾飽幾滿足沙嗲醬幾香濃，而且肉燒到表面香脆👍🏼整體來講成餐飯都食得好開心呀，出餐都幾快，而且員工都好樂於解答問題，唔錯唔錯。

12點半度黎到 未坐滿 俾我地坐少人個邊 所以坐得舒服又傾到計~中泰菜都有好多款揀 今次試泰式先泰式蝦球豬頸肉炒飯 $68最快上左個飯 啲飯炒得粒粒分明 唔辣不過幾惹味 用左一粒粒嘅豬頸肉 口感好過好一片片既好多 而且都幾大粒幾多 面頭三隻冰鮮蝦大大隻幾爽口 冇雪味 冬蔭公海南雞湯檬粉 $58份量算幾大份 個冬蔭公湯底幾濃 微辣~ 海南雞有一隻雞脾度份量 肉質都幾嫩滑 配個三色醬既薑蓉最正馬來沙爹串燒(牛豬) $65/半打串燒一上檯好香 豬/牛/雞揀兩款 牛就好淋 少少根位 豬就乾左d 要沾多d個沙爹醬 都幾甜下 又有d先生粒咬下炸蝦餅 $52蝦餅唔係好厚 不過炸得好香脆 味道還可以

有時候諗唔到食啲乜嘢好😢呢度嘅下午茶30幾蚊仲有嘢飲😎叫咗個冬陰功湯腸仔雞翼米線😆份量雖然偏小，但係都剛剛夠飽😄味道唔錯無可挑剔，服務OK會再幫襯😋☺️

初三幫襯外賣晚餐，新正頭加一都算，但等左成半粒鐘先有得拎，仲要超難食，服務同食物質素都比正常差。點了二人小菜套餐($114), 兩個小菜+兩個例湯+兩杯熱飲。轉什菜煲+$10, 盒錢+$6, 初三加一，共$143.例湯青紅蘿蔔豬骨湯好鹹，飲兩啖就放棄了。椒鹽鮮魷炸到甩皮甩骨，魷魚幾塊黏成一舊，炸粉就甩晒，味道又超鹹。蝦干粉絲雜菜煲，落完order聽到廚房話冇晒菜，照俾左D什菇、紅蘿蔔、翠玉瓜，但蝦干竟然變左雪藏蝦仔，完全係兩回事。

今日星期六就諗住平平地食餐lunch，就係OpenRice揾到呢間，諗住普通啦，點知係伏伏伏！ 我要求一啲都唔高普通茶餐廳對我都好好食。 (全部相都係食過先影，因為本來冇打算寫食評)1. 餐具污糟餐具就咁一堆放係枱上面，咁好多食客坐過。萬一有一位食客係帶菌者，容易傳播病毒。另外，我地叫咗青咖喱飯，個飯碟上面有油漬！！！極唔衛生！2.本身叫咗河粉，但落錯單本身叫咗轉河粉，但依然落咗金邊粉。不過碗麵到咗先發現，所以冇同返餐廳講。3. 青咖喱好水咖喱本來應該係杰身嘅，但係個青咖喱有啲位好水又有啲位好杰....4.冬陰功好難食冬陰功上面有日式魚片，呢個都唔係問題。麵上面啲海鮮太熟同有雪味，雪味只會係未完全解凍就攞去煮先會有。 仲有隻蝦好明顯太熟，咬落去好老。 個湯底冇味，似飲水再加好少酸味同辣味....5.凍檸茶似飲水凍檸茶好淡味，得啲檸檬同糖水味。 我對檸茶要求唔高，但呢杯真係奇差。最後，因為唔衛生加難食，我地食咗好少就冇食。今次真係俾錢買難受，呢啲時期見到碟有上一手嘅漬真係食唔落。呢間真係可一不可再。

今日中午和老婆在黃埔行街，行到肚餓就在附近找東西吃這間餐廳門口有很多選擇，就決定這間，入到餐廳地方寛倘，空間感十足細看餐牌有很多選擇，中式泰式菜我都很想試豬頸肉喇沙金邊粉，一食落口，豬頸肉爽口，湯底香濃，粉麵連湯一齊食，不得了馬拉盞炒芥蘭，芥蘭入口爽脆，不比泰國菜館差這個蝦餅剛剛炸好，一食落口，表面微脆帶金黃色，十分彈牙，真係好爽加上泰式甜酸醬，十分好味這個薄餅剛剛做好，一食入口外皮香脆，而內裏香軟這個椰汁珍多冰，一飲落口椰汁香濃，帶有香濃嘅椰子味，加上啫喱一齊食非常美味

去到紅磡通常都會行去黃埔嗰邊，黃埔新開咗個地鐵站，所以都好方便，一朝早去咗黃埔嗰邊行街去超級市場買靚生果行前少少就發現呢間超抵食嘅餐廳😁喺門口已經見到餐牌，有各種各類嘅菜式，見到有個二人餐，仲有喇沙食☺️仲有蝦餅配埋，忍唔住即刻入去try try 😜進入餐廳前，有部溫度測試機，食都食得放心啲未夠一點已經坐滿好多人，下一張枱就到我，見到地方闊落，地下都沒有油，總算清潔乾淨就係呢個168泰式二人餐，我好想試吓個蝦餅如果唔鍾意食粉麵嘅都可以揀飯，種類繁多，要有嘅都齊晒揀咗豬頸肉冬陰功湯底配檬粉，香味十足，有夠熱辣辣，豬頸肉非常爽口湯底嘅味道好濃郁帶有少少辣，非常嘢未，分量亦相當充足一定夠飽令一款就揀咗喇沙配肥牛，湯底有濃郁嘅嘢香味入邊仲配有好多芽菜肥牛不算太肥容易入口完全沒有油膩嘅感覺金邊粉嘅份量非常多食到非常飽唔知叫乜菜，最終揀咗個炒雜菜揀咗馬拉盞嘅味道完全沒有辣嘅感覺香味濃郁，有西蘭花青豆翠玉瓜紅蘿蔔白菜仔好耐冇飲過椰青飲一啖清涼透心夠晒凍冰冰好甜嘅椰青出現咗喺我面前蝦餅有四件，份量都好大而且仲好厚身，剛剛乍起外脆內軟入邊仲食到有鮮蝦嘅味道要注意的就是剛剛乍起非常熱小心會熱到蝦餅成日食，但

疫情期間成日哩埋係屋企自己煮今日經過紅磡，見到外賣餐都幾抵食！自取仲有9折！ 叫咗個泰式二人餐揀咗冬陰功海鮮湯冬陰功海鮮湯好足料！入邊有蝦、青口、魷魚等等..絕不馬虎！滷水豬髀有鹹酸菜！泰式煮法！夠晒入味！豬手皮好好食啊～ 酸辣鳳爪意想不到地份量很多！（相比起之前我喺九龍城小店買仲多）酸酸辣辣夠晒開胃！ 馬拉盞炒通菜好夠鑊氣！就算外賣拎到返屋企都仲係好好食！！加$5可以轉油飯～食落更香更開胃！總括來講，成個餐二百幾蚊，份量遠遠超過2人！可以話係抵食夾大件！

After I have finished my appointment, i decided to pack food home for dinner tonight. While walking along the street, I saw their menu displayed outside and was attracted by the price. Pepper Power was located at Hung Hom Bay Centre, several minutes walk from Whampoa MTR. Besides offering those typical dishes found in cha chan teng, they offered a wide range of Thai cuisine ranging from appetizers, rice or noodle, curry and drinks etc. They even offered dinner set as well.  Pineapple smoothie wa

夜晚唔想煮就去咗買外賣，揀咗3人中菜套餐$175！抵食又豐富！套餐任選煲仔一款及小菜兩款，包例湯、白飯及飲品。鍾意即叫即整，夠熱！外賣返到屋企都仲熱！我揀咗以下幾款～咸魚雞粒豆腐煲$68 ，煲夠熱辣辣，豆腐好似豆卜咁，撈飯一流！冬天食暖笠笠。椒鹽肉排$58 ，好夠味！ 肉排大大件，椒鹽好香，咸左少少，辣辣地惹味！ 粟米斑腩龍利柳$58，用上龍利柳，魚唔腥，咸左少少，算okay。呢個價錢3個人食抵過自己煮～

自己一個人行經紅磡，又撞正lunch time 唔知食咩好，周圍又多人，見到門口啲相幾吸引，價錢又唔算貴，因為哩排疫情少左人出去食lunch所以唔洗點排隊所以入左去試下叫左個午餐B餐既鰻魚炒飯加杯凍檸茶估唔到炒得好有鑊氣，鰻魚粒都幾多下，本身都有啲擔心啲鰻魚有骨仔，不過又無喎，又唔會重魚腥味，真系幾好食。份量都算偏多價錢唔算貴 ，lunch time 以$53送湯同飲品，仲要食到粒粒都系鰻魚，真系抵，值得試下。

昨天去買外賣，一名收銀態度恶劣，我原本有兩份餐，諗住嗌完一份又一份，点知她極度沒禮貌地叫我嗌完哂飯先嗌湯，嗌完湯先嗌野飲！我点知妳想我点嗌？客人点餐妳未記低或者寫低囉！妳呼呼喝喝想倒米呀！條食街得妳一間有野食呀？簡直整衰哂間餐廳！

搜尋紅磡區搵食，見openrice評分ok，lunch過來試試。同事叫了豬頸肉撈濛，聲稱淋汁味道ok；我叫了豬頸肉冬陰公，湯底有點過濃偏酸。原本比較附近食肆的價錢和質數嚟計可以接受，樓面服務和衛生完全不能接受！！🤢🤢 伙記阿叔送冬陰公上台時，姆指頭都插進去了！！我望住佢放落嚟，內心極度掙扎出唔出聲，但我覺得咁樣大模斯樣 插得隻姆指落去，出聲都係唔會理，再衰啲或拎一拎入廚房"加料"再拎返同一碗出嚟，所以我都係無出聲硬食。🤮🤮🤮同事的凍OT好快就上，我的熱OT食到一半時追咗次無人下文，食完晒再追，又係同一個伙記拎嚟，好晦氣咁啪一聲放底，即時飛濺咗一淌水出嚟。BAD LIST！