紅煙窗餐廳

营业中

休息中

呢間餐廳七年前為朋友慶祝生日嚟過，因為人多仲有間房比我哋同送咗支紅酒添，趁呢排有7折優惠再嚟過，同老公嚟慶祝6週年紀念。咁多年點都有改變，人無咁多，感覺更舒適清靜，職員有禮貌，雖然食物種類少咗，味道亦可以，感覺幾好。生蠔問係即開，蠔味唔重，大大隻口感Creamy，供應不斷。海鮮吧有熟蝦，龍蝦，蟹腳，三款都新鮮，蟹腳同龍蝦仔都唔會過鹹，質素唔錯。另有生嘅貝類，口感爽脆但無咩味，我覺得幾特別，佢就唔係咁鐘意。刺身選擇唔算多，三文魚最好，而壽司款式就較多。隔離日式沙律擺設精美又方便客人，全部一份份用器皿盛載，有心思又好味。火腿盤選擇少，不過合我口味巴馬火腿片旁邊有切好嘅哈蜜瓜片，好貼心，我覺得火腿片唔夾哈蜜瓜都得，鹹味好易入口。熟食較少，味道可以，比較普通。一揭開羊架嘅熱盤好大陣羊騷味，食落又唔覺，比目魚大大條好滑。燒牛肉都幾嫩。燒蝦同大扇貝要稍等，唔使點排隊，新鮮唔燶又厚肉。中湯足料夠火候，仲有南瓜忌廉湯兩款都好味。除咗即煮芝士黑松露白汁煙肉意大利粉，仲有湯粉麵。豆腐花都好滑。自助橙汁蘋果汁，咖啡，茶包茶。連奶茶都有，茶膽及淡奶分開可自行調教濃淡，不過要返去餐枱加糖，啲糖溶唔到。部份甜品放

好幾年前都有去過紅煙窗食自助餐，當時試過不同主題，印象都好好，因為近年家庭聚餐改了去食中菜，所以少來咗。今次聚餐係朋友既生日飯聚，原本都寄望很高，因為今次主題係黑松露、魚子醬。因為我公司近佐敦，所以我同2位朋友7點已到達，當時食了幾款魚子醬冷盤，細細杯，賣相同味道都幾好，但係其他朋友遲了少少到，不過亦未到8點，冷盤轉盤上的魚子醬小食已經無晒，亦不見換上其他食物，只見轉盤是空的，而生蠔亦唔會不停出，無晒要等好耐才refill, 唯有轉食熱盤，羊架亦是只有一盤，拎晒就無，很失望。甜品蛋糕，大部分都係mousse 蛋糕，只是係唔同顔色，無咩選擇，差！我都算有食過幾款魚子醬凍食，朋友連魚子醬蹤影都見唔到，真是名不副實，於是再去冷盤counter前問廚師，佢話已經出晒，唔會再有，當時8點半都未到，咩自助晚餐唔係去到9點半？點解可以咁早已經唔出凍盤，仲要係轉盤係空既，無其他野食。幾年前呢間自助餐廳食品同服務都好好，不過今次再來D食物差咗咁多，可以唔洗再去，亦唔建議朋友幫襯。

依家香港好多酒店減價恆豐酒店做緊優惠酒店住客可以半價享用任何時段自助餐特登去住一晚 再食埋自助餐半價計返每位唔洗$200假日比較多人 特別有幾枱大枱走動空間逼左少少不過食物先係重點紅煙窗自助餐有生蠔食 重點！必須的！生蠔出過兩款大隻食落無咩味 口感飽滿細隻比較甜 個人比較鐘意細隻仲食足一打！蟹腳都鮮甜 唔會死咸 又食左好多鴨肝多士入口即溶 好味甜品有好多款式 仲會轉款唔會太甜 好好味哈根大師雪糕有幾款仲要唔係平時出面見到既口味最鐘意焙茶味 幾特別食自助餐好滿足

今天帶埋媽媽同叔叔來這家餐廳吃午市自助餐，朋友說二人以上入場費是228加一，我們當然抓緊暑假的尾巴來這裡一試。這裏刺身的選擇不多，生蠔不算大，刺身挺新鮮。最喜歡是這裡的鵝肝多士想不到這個價錢可以吃到這裡的熟食水準中上，有鵝翅、章魚小丸子、喇沙麵等，味道都非常好。另外，這裡還有中西糖水甜品，林林總總。我最喜歡腐竹薏米糖水，清啊芒果糯米飯，味道不太甜，非常好吃。最後我還吃了朱古力慕絲，非常滿足多謝朋友介紹！

今日中午老細請食飯，去咗佐敦呢間紅煙窗到食自助餐！午市自助餐好多野食，其中我最欣賞佢有生蠔食，幾乎每一轉我都會拎生蠔食！生蠔每隻都好飽滿，而且每次攞嘅質素都差不多，好新鮮！其次，我鍾意食佢嘅煙三文魚同埋Parma ham & melon

屋企人好鐘意食放題同lunch buffet，試過幾間後，我哋一致認為紅煙窗係性價比最高嘅~生蠔有大有細，大隻較淡，細隻較鮮甜~翡翠螺夠彈牙，蟹腳、海蝦，同龍蝦仔都好鮮味~壽司細細件，試多幾款都唔怕~仲有好多冷盤都好精緻~我最鐘意係麻辣薰蹄，夠香夠辣！鵝肝都係我至愛！香得嚟又唔羶，好邪惡...lunch buffet都有唔少熟食，其他冇打開蓋影相~有燒排骨、大蝦炒苦瓜、咖喱鴨等等，仲有中湯同西湯，唔食生冷嘢都有大把選擇。想烚下烚下都得。仲有燒牛肉、糖心蛋、金錢肚（又淋又入味）~即燒雞翼、紅腸、菠蘿、三文魚骨腩，同三文魚鮫（好惹味）。甜品都好好食。飲品有橙汁同柑桔檸檬。款式多到試唔晒。有限量版乳酪味雪糕呀！冇咁甜，食多幾杯都唔膩~款式又多又好味，八折後每位$300有找，成個lunch buffet時段（12：00-14：30） keep住有refill，冇搵笨~食完仲可以去行下Don Don Donki添，正呀~~

一向是恆豐buffet 的粉絲，一年大概會去3、4 次，晚間時段大概四百多元一位，菜單看得出用心選擇，並不是馬馬虎虎煮十數款飯堂款式的熱食來蒙混過去，早前去食了一間在沙田的buffet, 大呼搵笨，昨天（閒日）去了恆豐食lunch buffet, 很滿意，還有生蠔，翡翠螺意外地鮮甜（好彩），一般酒店的冷盆，魚生，壽司都有，熱食選擇亦不少，在沙田那間有一個蟹柳扒時蔬的菜式，沒興趣吃，而恆豐也有同一菜式，但廚師會加上密密綿綿的蛋白，再伴上素翅在蟹柳絲上，食慾便隨著菜式的賣相而增加，可見他們並不是求其煮D野黎 hea 食客. 其實一間抵食的buffet 並不是有越多食物就 越好，而糸當中菜式的選擇及烹調者的誠意，固然昨天的buffet 當中亦有過鹹或過淡，但縂括而然，有盛意，冇欺場，而且折埋每位二百四十多元，仲系有蠔食，絕對值得推介👍👍👍

呢間自座晚及午餐我來過無數次食過一路都讚係唔錯嘅自助餐，但由舊年最後食過一次後已覺得開始差咗，價錢越來越貴，到今個月想同朋友聚會食個不錯嘅自助晚餐已失望，海鮮冷盤已變得好少，龍蝦仔都無埋，到熟食串燒已前有豬肉，牛肉串燒，燒腸，牛扒，丸多種類，依家得限住燒嘅牛扒，幾件雞翼及羊扒，到麵檔已前有酥皮湯，鵝肝，依家得個格仔餅及某些麵類，熟食方面已無咗個好食嘅三文治，焗帶子，當晚係星期五晚唔係應該會再多嘢食及多客人，但係我都意外見到果晚已八點鐘成個餐廳得一半人嘅客枱，無諗過依家呢間會變成咁，我都只影咗兩張相，其他都唔想再影，價錢依家星期五原價 $558 有75折再加一都要 $474.3. 咁嘅價講真有其他好選擇. 應該唔會再光臨除非會再有驚喜。

諗住食生蠔自助餐就嚟到紅煙窗試試果然真係任食生蠔開晒殼任拎唔嬲，雖然未至於隻隻都好肥美但都幾好味，食完都冇唔舒服我都幾遲入場，但拎咗半打之後佢都fill返(之後都係得我一個拎)長腳蟹都幾甜，三文魚剌生都好甜好肥美幾位廚師態度都幾好但侍應就麻麻。。。壽司就整好晒雪起嘅熟食選擇唔多但係我食過幾樣都好味嘅甜品整體都可以 仲有haagendaz雪糕任食2115 Last order 2130就真係會嗌你交枱7折加一都叫咁上下，食生蠔嘅真係要去吓

因為家人都喜歡食生蠔，所以訂了紅煙窗。今次星期六午餐，人不是太多，不用排隊很久。生蠔，長腳蟹，刺身都好新鮮，煎鵝肝香口，芝士又有5款。甜品，蛋糕不會太甜，雪糕有4個味道可選。侍應服務周到，環境乾淨，不用$300有這質素，下次一定再來。

今日搞慶功宴，一行12人去左呢間食自助晚餐，1人費用大約$500。呢個價錢我認為係中上，因此都對食物頗有期望。一入餐廳，已經被呢個巨型朱古力噴泉吸引。好少見餐廳會提供2種朱古力，加上分流的設計頗有心思，抵讚。噴泉旁提供多款配料，包括幾款水果，蛋糕及棉花糖。建議用士多啤梨沾滿白色的朱古力醬，脆皮的朱古力漿與微酸的士多啤梨互相配合，做飯前甜品一流！不過要注意，個噴泉既衝力都唔細，記得用籤固定好食物。自助餐有各種水果供應。每款水果都有來自水果本身既香甜，似係冇浸過糖水，抵讚。不過菠蘿對我黎講有點酸。甜品櫃提供既選擇我覺得唔太多。個Oreo蛋糕既cream食落原來有點似薄荷朱古力味既芝士蛋糕，幾特別，值得一試。個人比較推介鮮果撻，滿滿既吉士醬一咬落去有爆漿既感覺，加上又薄又脆既撻皮，好好食啊。隔離仲有個雪糕櫃，今次去提供左2款Häagen-Dazs麻糬雪糕，同埋幾款MöVENPICK雪糕。朋友見到有Crepe, 即刻去左排隊。廚師即叫即整，佢仲好有禮貌甘問你想要加咩配料，比較特別既係花生醬香蕉，原來兩者味道係好夾！濃郁既花生醬味包裹著又軟又甜香蕉，感覺好有層次。Crepe仲可以加雪糕，但廚師只

位置方便～收費相宜～食物又唔差既自助午餐今年揀呢度食團年飯～年廿八～不算多人坐得好舒服～基本上攞野食都唔駛排隊有八折優惠～約$300位～有生蠔、蟹腳同哈根大師實在算十分相宜～生蠔尚可～蟹腳就麻麻地⋯有點霉，食左隻無食這裡飲品任飲～沙冰已有2款～有咖啡機～熱朱古力～利賓納～熱水飲斟～檸檬任拎中湯西湯甜品都有～熟食都多鴨肝多士甜品方面都多選擇有即整法式薄餅 亦有機製小pancake前者無咩味 比較喜歡機再自己配大師雪糕完滿的一餐團年飯

其實如果唔係公司每年都黎食depantment dinner，我都未必會識黎呢度呀，雖則未去到五星級既級數，但以佢既食物質素來說都不錯了，算是隱世的地方，如果想靜靜地嘆番餐，都可以選擇黎呢度，起碼都叫做酒店丫，唔洗去d多人又太過熱鬧既放題。海鮮都幾新鮮呀，生蠔唔算係好大隻但勝在夠新鮮，熟食都有好多唔同種類，試都試唔哂，推介羊脾、鵝肝多士，仲有好多款甜品，有得自製pancake，最吸引就係雪糕，有Haagen-Dazs同埋movenick任食唔嬲，忍唔住食左3杯。

家庭聚會約左紅煙窗，我地已經成為紅煙窗老顧客，一年都會光顧兩三次，全因餐廳CP值係outstanding。星期六lunch buffet，客人大約7/8成，有時仲要full booking! 而且價錢超值，$300幾數，仲要有8折優惠。自助餐主打海鮮自助餐，長腳蟹、生蠍、青口等海洋係基本，熟食會因應主題稍為改變，今次有日式蒸蛋、港式叉燒等等。甜品選擇亦多不勝數，仲可以自製pancake，夠特別。仲包飲品任飲，有橙汁、檸水、咖啡任你選擇。

佐敦鬧市中的恆豐酒店自助餐，用信用卡有優惠呢，折實大約$450一個，價錢實惠，我只想在寧靜中慢慢食一餐飯，食物種類多而且精美。海鮮：長腳蟹、生蠔、青口、翡翠螺、海蝦熱葷：芝士焗蠔、蒸魚、咖啡、自助麵吧、雜菇等等刺身：三文魚、吞拿魚沙律：沙律菜、西瓜、蜜瓜、菠蘿、粟米等等甜品：雪糕、pancake、cake、果撻、o者o厘杯總括而言，地理位置唔錯，食材新鮮，款式精致，價錢合理，會再次幫襯。