紅番茄餐廳 (已結業)

平時我都好小寫評，今日約左個朋友行黃金，行行下緊係肚餓，問下個fiend有乜好介紹，就推介我黎啦，入到餐廳原來有免費英超直播睇正呀，咁啱重要係曼聯對利記，雖然未開波，但個侍應同我講吾洗急食埋先慢慢睇，咁我就叫左個三文魚扒，賣相OK食落咁我口味吾腥之如重半生，入口即溶正呀，我朋友就叫左個晚餐，凍飲都係加兩蚊，本身都好飽同侍應重同我講有甜品，心諗吾係掛咁多野食嘅，埋單兩個人300蚊都吾洗，重有波睇邊度揾，極力推介

同朋友經過見餐廳設計幾好，好符合餐廳既主題，入黎嘗試埋個鴛鴦焗疆飯。價錢中等好食，坐得舒適，餐廳會播住任何年代既音樂，服務員仲有得比我點一首歌聽，值得推介有時間會再嘗試

叫了個2人餐,主菜叫左隻豬手。想不到裏面是凍的,之後好客氣叫佢地幫我再整反熱,估吾到整左15分鐘,本來 以為幫我換一隻。 估唔到畀咗嚿鐵我,重要係之前果隻先死。 最重要奉勸各位。 千祈唔好十點後去。

第一次食西餐見有咁多昆蟲喺碟，大開眼界。晚餐叫左碟$68黑松露煙三文魚意粉，一上碟已經清楚見到三四隻小昆蟲，身長約3mm，喺碟上面行來行去，好生猛，亦好得人驚。(附圖1)之後搵侍應處理，佢就拎走碟嘢，話叫廚房再煮過。三分鐘後，侍應上過“另一碟”，但原來只係抹過隻碟邊，根本就係同一碟…(附圖2)唔知係廚房倒老闆米，定老闆指示佢哋咁樣處理，總之我就已經食唔落，亦無心情去爭論點解俾番同一碟我，最後冇收意粉錢都係咁話，打開門口做生意，飲食業好唔好食都係其次，衞生好緊要，門面功夫都唔做，咁樣對客，一定冇下次囉。

第一次我自己开的 点的是辣酒煮花蛤 里面有沙子 还点了一个饭 因为一个人吃 没什么特别的 看着有牛排 就想下次带人来试试。第二次带女友来这家餐厅吃牛排 我点五分熟 女友点七分熟 结果上来都是全熟 非常硬 然后牛肉质量很差 有很多筋 买单的时候跟老板说了一下 老板态度非常之差 说所有人都是这样的 每个人的牛排都是一模一样的 一天卖出好多份 不止我们。 看她一副无所谓的样子 真的是气坏了。我还在来之前跟我女友说这家应该不错， 结果弄成这样子。还有红汤做的像是番茄膏兑水 难喝死了。最后 我住这家餐厅附近 他们门口的餐牌这一年来换了几次了 想来也是 这么难吃的菜 客人被骗一次也就够了 要靠换餐牌才能多骗些人。

打風日遲食tea, 無無聊聊由荃灣出返深水步，行到快9點，都是但搵間食晚飯，之前經過都好似唔錯又唔貴，入到去無人招呼，自己隨便坐，行左幾步見地下有冷氣滴水，當剛滴員工未有發現，諗好食咩，5分鐘先有人理下我地，唔知忙咩，吹緊水多，當朝早打風意猶未盡算個蕃茄湯唔錯，男友粟米湯超淡同稀，餐包熱既又搽好牛油唔錯，我叫左牛肉炒長通粉，蕃茄汁底又多芝士，男友叫個燒扇貝南瓜意大利飯，有兩大隻扇貝燒得幾香，個南瓜汁好夠濃，但過多忌廉，味好似粟米味，餐茶見到有咖啡機，更係叫咖啡啦，點知出事咖啡聞同飲都無味，男友齋啡落埋糖好似好稀涼茶，最攪笑1，叫埋單老闆娘應左你，自己唔知走左去邊，又無叫伙記幫手2，餐茶都飲埋枱面一路都無收過野，係餐湯個碗仲係度3，入坐時冷氣機滴水未有人清理，仲多左撻水tin

團購紅蕃茄餐廳2人套餐,喱個套餐有 6 道菜，包括沙律、餐湯、前菜、主菜、飲品及甜品，我們品嚐黑椒牛柳,法式羊架、 特濃蕃茄湯、吞拿魚法包、美國芝士蛋糕和綠茶雪糕,餐後再嚐一杯熱檸水,係個甜品差啲,其餘都好有水準,團購2人套餐都係$188仲唔使加一...

買左團購2人餐，因朋友食過話ok先試下。 入到去坐底有隻昆蟲飛來飛去。意粉份量食係兒童餐! 個意粉同西蘭花有怪味，意粉似放得太耐。要叫佢轉個白飯先夠飽囉。全程要一邊食一邊趕走隻昆蟲。真係好難忘的經驗。。。。。9成客都係團購

其實去呢間餐廳食嘢已經好一段時間，係今日得閒睇相時諗返起，好想share比大家，所以到今日至post 無錯，呢日我同個friend去食團購餐，印象中約120一人，但包好多嘢食，而且質素都唔差。個沙律主要係薯仔，唔係一般會食到既青瓜紅蘿蔔加沙津醬！前者我覺得好味得多，又無咁膩。跟住係個蒜蓉包同忌廉湯；個包仲暖暖地，查上蒜蓉醬，好滋味。個湯就正正常常，無乜特別。前菜係兩塊三文魚刺身，都算新鮮，正！主菜我叫左T骨牛扒七成熟加燒汁。份牛扒唔係好大塊，但都幾多肉汁，加埋意粉同埋啲配菜─西蘭花、椰菜同粟米，食到呢個moment 其實已經好full 了!最後仲有好靚既藍莓芝士餅，為呢一餐劃上完美既句號。食咁多嘢，質素又唔差，都係百二蚊，真係覺得好抵食呢！

中午時間兩個人想食個午飯同搵個地方坐一陣，叫左個雞扒意粉，牛肋條配炒飯，紅白湯，檸水，熱啡，個湯好普通，算無乜大期望，見到個飯，望落去根本唔係牛肋條，係牛腩，都算，但個飯第一啖就發覺個牛有陣怪味，已經變壞左😡，個意粉叫做可以接受，但雞扒都唔係好新鮮，叫左個侍應，同佢講個飯壞左，佢話可以換，ok, 換左個黑松露意大利飯，個飯黎左，第一啖就發覺個個唔係意大利飯，係白飯😖，真係噤都得?另外個熱啡係酸到爆要落三包糖先蓋過陣酸味，呢啲經歷唔好有第二次。。。

踏入深水埗 美食多蘿蘿 各式各樣有平有貴今晚踏實少少 㨂選比較平民化嘅紅番茄🍅 大大個招牌 唔難搵😄 同朋友一人一套餐 主菜以外 重有湯有沙律有甜品特濃番茄湯配蒜蓉包 烤得香脆嘅蒜蓉包香味十足 配埋香濃嘅番茄湯👍🏼 三文魚沙律 蔬菜爽甜 不過不失 略嫌三文魚太細塊⋯主菜叫左法式羊架同安格斯牛扒 羊架入口唔算太羶 有𡁻頭 配埋黑椒汁 夾左!略嫌配菜炸得太過火 有點兒太硬⋯ 安格斯牛扒 肉質嫩滑有咬口 而且好juicy 👍🏼 甜品係芝士蛋糕 芝士味濃 入口香滑 軟硬適中

紅蕃茄就在我家附近,今天上班回家都會見到,又早上早餐直落午餐下午茶晚餐,沒有任何中場休息,是典型勤奮的港式中檔西餐廳。此餐廳座落於餐店林立的街道,很多都是吃烤魚和火鍋的,吸引而來食客都幾多。是晚獨自吃牛排餐,128元,符合期望的質素,而我不知為什麼對此餐廳的格局和裝橫覺得特別親切感,可能像我中學時期常去的餐廳吧。在一個簡單又乾乾淨淨的環境吃一客經濟套餐,然後散步幾分鐘回家也不錯。他們食物質素跟價錢都很合理,會回頭。很有興趣一試他們的燒豬手(148HKD),英式早餐(52HKD)和下午茶。明天會去那兒吃個早餐。

茄汁脆脆雞扒，賣相靚。雞扒口感滑嫩，不過味道麻麻，食落有雞氣味，最唔喜歡！醬汁是鮮茄香草汁，味道偏淡！牛柳粒石碢飯，熱辣辣的石碢飯配上大番茄。 賣相靚，而且健康。晚餐價錢是$68 -$88，另收加一。包主餐，餐湯，蒜包，餐飲。餐湯，無咩特別，味道尚可。

我4點去到, 幸好佢午餐時間可以去到5點半, 適合我這類用餐不定時的繁忙一族.佢午餐set價錢, 以基層來說, 少少偏貴, 五十幾蚊一個lunch set, 碟野份量偏少, 只包一杯熱飲.但, 三文魚刺身, 新鮮得來算平, $20厚切4件. 愛爾蘭生蠔, 我叫左4隻, 有2隻真係幾大隻, 另外兩隻(同一款)卻好細隻, 像發育不良. 綜合4隻價錢都算係平($29一隻)主菜真係細碟左D, 可能我係男人大食, 女人就應該會岩岩好試左個多士, 感覺都ok

今天同老婆黎深記shopping，見此店有團購便膽粗順道一試。首先店子位於大街近利工民，十分易找，陳設裝修有歐陸cafe感覺。時間尚早我們是第一台客，召來了脆皮蜜糖猪手，豬手係大號肉多，皮下脂肪大都已溶化，因此皮可吃十分香脆，肉有的脆有的嫩，内子喜愛較嫩的部份而我則愛脆口的，第二道菜是番茄肉醬焗意，意粉可惜是太腍及較油，可能是size細油份多能給人飽足感，肉醬應是採用了番茄乾煮十分濃香，跟餐的紅湯及蒜蓉飽亦算有水準，而最後甜品朱古力碎雪糕及熱焗藍梅酥亦算不俗之作，熱飲用高杯而不是矮杯這水吧算是慷慨。整頓飯二人吃來十分豐足之餘才是$203免加一，用了兩張$68購入的百元團購券埋單折扣約七折十分抵吃。唯小不美是侍應遲了開我們頭上的冷氣累得悶熱了大半餐。