紅番茄餐廳 (已結業)

有朋友介紹小編一間好抵食既西餐，係深水埗，就離地鐵站有少少遠。不過餐廳勝在晚飯都吾洗加一。🍞跟餐蒜味多士🥣羅宋餐湯味道重，偏酸。🐟比目魚配燒春雞 - $98比目魚岩岩好熟，新鮮。仲可以比你揀黑椒，蒜蓉汁。🍝香煎帶子配番茄醬意粉 - $68🍮跟餐甜品 - 啫喱除左啫喱仲有雪糕，因為太凍，小編就吾食雪糕嚕。🍗香蒜雞翼 - $香蒜味炸雞翼，蒜味香，炸得酥脆。🍣三文魚刺生 - $20依個刺生真係好抵食，有4件，大大件。

今日同屋企人黎到深水埗呢間紅番茄餐廳食飯，呢間餐廳有中餐西餐日式料理等各種美食，我地一共四個人叫左一份羊架忌廉汁意大利飯，番茄帶子意大利粉，日式鰻魚便當🍱同春雞拼比目魚配意大利粉，煎三文魚扒五份主食。煎三文魚扒煎得啱啱好，小小脆皮既魚皮真係好美味！日式鰻魚便當好足料，有螺肉有蝦天婦羅🍤有鰻魚！羊架忌廉意大利飯羊架脂肪比例十足。我地仲叫左一份招牌三文魚刺身只需$20好抵食！小食仲叫左蜜汁雞翼同蒜香炒雜菜，真係好豐富！

紅蕃茄餐廳嘅裝潢係行懷舊西餐廳風，價錢都幾實惠，$308 就有一個兩人晚餐，有湯、前菜、沙律、主菜、甜品和飲品，抵到爛😂😂紅蕃茄濃湯味道唔錯，有新鮮蕃茄嘅酸味，配埋薯仔粒和洋蔥片都幾足料～蒜蓉包嘅包芯偏軟身，落左好多蒜蓉粒，幾鹹香～德國酥炸蜜糖鹹豬手餐廳會預先幫我地切好哂，食起上來超方便👍🏻 豬手肉質都偏嫩，烤豬皮嘅口感就偏硬，鹹味適中，配上黑椒汁就更惹味～法式香草羊架一份竟然有3個羊架，好抵食呀😨 羊架嘅油脂比例都高，所以都幾有油香味～ 肉質都唔錯，唔會過老，配上燒汁都唔錯～甜品方面我地試左藍莓芝士蛋糕和意大利蛋糕～ 前者口感幾rich，芝士味濃，唔錯～ 後者係朱古力海綿蛋糕加cream，類似傳統餅店嘅質素～飲品方面我地叫左百香果沙冰和芒果沙冰，口感幾smooth，酸酸甜甜咁幾醒胃～

今日同朋友去咗深水埗一間叫做紅番茄餐廳嘅地方食飯。地方就喺元州街位置，位置非常方便容易搵到。餐廳裝修非常有特色，我哋揀咗5:30去所以冇乜人。我哋叫咗二人晚餐，有餐湯，沙律，雞翼做小食，主菜有豬手，同埋揀咗比目魚魚扒。豬手外脆內嫰，份量非常足，味道都唔錯唔會太鹹。二比目魚個份量亦都係非常之大我哋兩個人都食唔晒。另外個餐仲包甜品同嘢飲，我哋分別叫咗凍檸茶同埋薑水。甜品我哋叫咗意大利朱古力蛋糕，細細個，有士多啤梨醬係面，好味！

喺深水埗黃金商場買完野就肚餓，行左去元州街見到呢間「紅番茄餐廳」，喺區內屹立左好多年，咁就來試試佢咩質素啦顧名思義，餐廳主打番茄菜式，有各式各樣蕃茄製的意粉或飯類，也有西式扒餐，價錢經濟又實惠。當日晚上就點左精選扒餐及意粉各一個蕃茄濃湯及蒜蓉包跟餐有餐湯及蒜蓉包，番茄湯滿載茄蓉，味道甜中帶鮮，仲有唔少雜菜同薯仔粒。蒜蓉包有兩塊厚切的，外脆內軟，充滿蒜蓉牛油香香煎帶子配番茄醬意粉帶子切成薄片，煎得頗香口嫩滑，味道鮮甜。意粉中有唔少雜菜配料如洋蔥、雜菌、青紅椒等等，口感爽脆，番茄醬甜甜的，整個意粉都好開胃龍蝦拼牛柳精選扒餐可以加配白飯、意粉或薯條，我就揀左薯條🍟波浪薯條金黃香脆，薯肉味香濃，非常可口！龍蝦加左白汁同芝士一齊焗香，爽口彈牙，質素不錯。七成熟的牛柳熟度剛好，入口頗軟嫩，牛肉味好濃郁呢，配埋香蒜汁就更加美味啦意式芝士蛋糕蛋糕同奶油忌廉層層相隔，口感細滑，仲有薄荷朱古力雪糕，大滿足呢總括而言，百零蚊就有交易的晚餐，經濟實惠又抵食

又到一年一次細妹嘅生日飯，搵食地點都喺就番細佬妹佢哋揀深水埗區。上次同朋友去完耀東街食飯，就再過嚟元洲街食糖水時，路經呢一家「紅蕃茄餐廳」，睇吓啲定價都相宜，就諗定細妹生日飯晌度食。餐廳嘅定位屬於「豉油西餐」，亦可以睇為高檔啲嘅茶記，因為賣嘅菜式乜都有。而餐廳嘅環境幾企理，睇落都似似哋啲高級餐廳架，鋪晒枱墊，擺好晒刀叉……等等，不過，裝咗啲大電視俾街坊客餸吓飯。餐牌有可能影唔晒，似喺漏咗一、兩版，不過，加埋放晌門口嘅是日晚餐，以及裡面一啲特別餐牌，大概都了解了有啲咩選擇，確喺幾多元化。基本上，啲餐都包晒餐包、餐湯、餐飲及簡單嘅甜品，最出奇喺竟然加一都唔收喎。蒜蓉包先登場喺餐包、餐湯，選擇喺一貫好港式嘅豉油西餐選項，簡單嘅蒜蓉包，夠蒜蓉，夠香草，搽足牛油，都唔會回點唔好食。蕃茄薯仔湯紅湯叫就話叫蕃茄薯仔湯，但跟家常嘅喺一樣，反而極似羅宋湯，好濃郁，只喺少咗個辣度而已，否則，一定誤以為喺羅宋湯。粟米蘑菇忌廉湯白湯就會喺忌廉湯，濃稠度啱啱好，唔會過杰或過稀，湯內亦放咗唔少蘑菇，意外地唔喺罐頭貨嗰啲喎，算有誠意呀！晚餐F（比目魚拼春雞）$98細妹就選個雙拼晚餐，都幾好架，可以6揀2，彈性大，而

成日以為深水埗多好野食，行過見到呢間餐廳咁多人，好似幾好，點知質素好麻麻，早知就幫襯旁邊茶記。熱檸水一黎到個下我以為睇錯，裝唔滿，熱水都慳？未試過熱飲唔夠一杯，好似比人飲左兩啖咁樣😩碗麵唔算大碗，$31係茶記有碗麵又有包食，呢到只係得一碗麵，三隻餃子。餃子係出面買好平個種煎餃，皮厚肉少，得個咸字，煎餃好唔適合做湯餃。豬骨湯只有咸味，湯很清，恐怕連豬骨都沒有落，味精來的。餐廳環境叫係舒服，但侍應唔夠無服務可言，自己搵位又等好耐先有人落單。

第一次食呢間 一入到去就覺得間餐廳係行高檔路線 嗰度嘅光線比較暗我揀咗煙三文魚天使麵～原本我覺得應該會幾好食 點知食第一啖 就覺得超淡味 天使麵好似比廚師用熱水淥過 一啲調味都冇😓 可能餐廳為咗慳成本 連雞粉都唔捨得落😥 野菌&紅椒&青椒都係普通野 冇咩特別 煙三文魚仲有少少鹹tim 之後嚟咗個蒜蓉包 可能放耐左 唔脆嘅🙁但值得一讚嘅係忌廉湯 好好飲😋👍🏻

成日係隔離果間餐廳食嘢，完全未入過呢間餐廳，又試下先😊入到去，覺得環境吳錯，有梳化卡位，坐得幾舒服，又有個大電視比客人睇，見到有好多餐牌，好多款式，又吳知食乜好😂其實完全吳肚餓，係約左人食tea傾吓計，所以㨂D吳會太飽既下午茶餐———————————————————-@炸🐠柳配沙律➕熱🍋茶@炸🐔翼配沙律➕熱🍋茶———————————————————（通常我食嘢配沙律，因為吳想配🍠條，好多茶餐廳既沙律大部分係吳好食，沙律又係水單單😕所以通常叫左只會食個主要食物，配既沙律就食兩啖就吳食，因為吳好食😂）————————————————————-😍估吳到拎碟嘢黎既時候，見到個沙律甘細就啱，唸住吳會好食，點知一食係估吳到呢間既沙律係整得甘好食，平日我食兩啖，今日食曬，我吳肚餓都覺得好食，吳單只我話好食，連朋友都話估吳到整得甘好味😍———————————————————炸🐠枊——-又係估吳到個🐟柳面頭脆面做得好薄，好脆，入面成塊🐟好多👍（平日D茶廳既炸🐟柳成個脆皮就係成舊粉，入面無乜🐟，我通常果D成舊粉甘厚果D我會切走佢吳食，切完成吋厚既粉之後係無嘢食😂）呢間我係可以連埋一齊食✌️✌️夠熱夠脆好食👍—

習慣左聖誕節一定要食西式，鋸下扒先有氣氛。以前一定要去食好啲食豪啲，再去飲酒飲天亮。近幾年老喇，好怕同人迫，又好怕去得夜，所以近年都只會去附近食聖誕大餐，仲差唔多年年都去呢間😆街坊價，又唔洗等位又唔洗同人迫。帶住小朋友帶埋婆婆，食完慢慢行返屋企都未夠十點😆😆抵食之選：西冷扒餐、黑松露野菌忌廉湯、煎鵝肝多士、甜品+餐飲龍蝦配牛柳餐、黑松露野菌忌廉湯、芝士焗蠔、甜品+餐飲羊扒配豬肋骨、黑松露野菌忌廉湯、煎鵝肝多士、甜品+餐飲送餐前大大碟沙律👍🏻仲有聖誕禮物包扒類肉質不錯，味道不錯，比價性高

同屋企人食，一共兩層，樓上唔知有冇位，但局住啲人係係晒下面果層鰻魚便當、比目魚+羊架餐（晚餐）、「雪花」肉眼餐（5成）（晚餐）張枱岩岩啲人食完走，換新餐紙，佢地用膠，但幾張都洗唔乾淨，服務生都見到，直接換啲洗乾淨啲鰻魚便當先到，後兩個餐等左好耐，隔離枱後黎都齊晒，同吹佢先黎，服務生解釋話單多紅湯酸，得紅蘿蔔比目魚肉散，羊架靭肉眼有牛味，5成切開冇乜紅，但有血水，但雪花唔知佢係名定咩，感受唔到兩個晚餐都有得送雪糕，雀巢同野飲一杯凍奶茶有茶渣服務生態度ok，但上菜時間同單既順序可以做得好啲

我和4個朋友專再次光顧紅蕃茄餐廳，因為覺得佢地款式多，我今次選了乳鴿拼比目魚，好喜歡，因為我對食扒唔大興趣，所以這個拼款，好適合我，還有他們的招牌沙律，我真係誠意推介

前天是我生日，我係紅蕃茄餐廳包場開生日派對，我地20個包上層，好多玩意，麻雀 卡拉ok 重有飛標機 ，朋友都玩得好開心盡興而歸，一路傾計 一路食晚餐一路玩 真人生一大樂事 包場菜單自己挑選

今次到深水埗極有驚喜，我們點了2個鐵板餐，好耐無食過了，食反好似反到細路仔咁，鐵板豬扒和鐵板什扒餐，餐重有個雪糕球，環境和坐位都舒服，還有特式沙冰，整體我都覺得幾好，食得好開心，下次我會同屋企人去試試

星期6早上去點左個早餐C 雞扒蛋，食落去 d雞扒係臭同埋勁重雪味. 同職員講返， 佢都肯換返其他俾我，但加左句可能你食唔慣....我冇同佢argue,只係講返我食到既味其實點解要將個責任推返俾個客?