紅磨坊

营业中

休息中

(6/4/07)有日經過,見到芝士火腿牛角包賣相幾吸引,今日買份作lunch。店員代叮番熱,可能我10分鐘後才食,理想味道減少了。一咬,原來係牛角形麵包,唔係牛角酥croissant!一般快餐店都是用酥,這裡很特別啊。不過咁樣同麵包鋪買既無什分別。蛋白芝士蛋糕,很失望,好羶味。我怕o徒野,都吃左一件多,就放棄了。因為之前有好印象,一兩件唔o岩口味,還會繼續支持。

讚1讚黑豆槳好好飲,每次店員都細心問我凍定熱!!好香豆味,今日我就試左推介既非洲之選同綠茶蛋糕都唔錯,以前o向新の城入面己經買野...而前買開萬特令但今次同帶女友試左非洲之選同炭燒,首先有d不滿係個老細係咁大大聲sell d三文治同啡,慌死我唔買咁!! 我只係想睇清個meal,己經話左等陣先,老細仲係咁sell又話介紹又話想要d咩呢先生(好煩,好大聲)..需然即磨但等左好耐5,6分鐘都未ok,另1女店員寫底order個老細仲可以冲左大既,要凍又冲熱!!以前好似好好多3mins有貨,啡仍然香但唔濃,奶太多...都係萬特令最正...不過再係咁就冇下次...等太耐!!<br />好失望冇左chesscake,同西瓜汁<br />

紅磨坊d咖啡出名好飲~ 唔駛我多講但今日主要唔係飲咖啡..想黎食個三文治食評話牛油係低脂~d麵包好健康~keep緊fit既我一定要黎試下點知..賣哂呀>< 咁唯有試下大受好評既----綠茶峰蜜蛋糕有個男人(唔知係唔係老細)好好人~~推介我飲無糖/輕糖豆漿~~我簡左輕糖~因為怕無糖好難飲好香好香豆味~又滑不過都有甜甜地..希望真係輕糖啦上巴士即刻食埋綠茶蛋糕嘩... 食落真係好香綠茶味...岩哂d綠茶怪~~ haha但我一向唔鍾意食綠茶味既野所以之後都係去7-11買左個三文治但完全食得過!!

清明節假期仍要返工,而且撞正失眠晚上,結果比平日早左成個鐘出門,可以慢慢搵個靚早餐食。由於唔夠訓關係,一杯即磨咖啡會成為我精神支柱,起碼心理上覺得係。今日要求店方先落糖,返到公司打開杯蓋,咖啡味道唔及以前濃烈;再飲一口,味道的確比較淡,應有香濃咖啡味道幾難搵到,當初驚為天人感覺已經不在存在。或者自己已被其他咖啡店寵壞,又或者我應該要選擇其他特色咖啡再作定論。雖然短期內未必再幫襯,但每朝路過聞到由店內傳出新鮮紅茶/咖啡香,都算係一種樂事。

黃昏經過依度, 買左芝士蛋糕, 咖啡豆漿同綠茶蜂蜜蛋糕芝士蛋糕個餅底幾好食, 係麥芽餅咖啡荳漿方面, 咖啡味較濃, 但都飲到荳漿味. 但$17真係幾貴最欣賞係綠茶蜂蜜蛋糕, 好香o既蜂蜜同綠茶味, 而且個飽好鬆軟, 唔似其他店舖果d咁硬

今早上班時經過南豐中心，聞到很香的咖啡味，及引我埋去，我簡了件三文治，再想要多柸咖啡，看看餐牌時，那黑面四眼肥妹很不耐煩地問我，想飲乜野呀，凍定熱呀，大定細呀，我被她的語氣客親，我定一定後再說要一柸大熱的朱古力咖啡，只見她己回頭同左邊女同事高談闊論，我再說一次，她隨便回應後便叫入面沖咖啡的姐姐一柸細熱朱古力咖啡，再同女同事傾談，入面沖咖啡的姐姐似聽到我叫的是大熱朱古力咖啡，便問黑面四眼肥妹，這位小姐好似要的是大熱朱古力咖啡，那黑面四眼肥妹很不客氣地重說是細熱朱古力咖啡，還問左邊的女同事說我是叫細熱朱古力咖啡，她說冇留意呀！我便再重覆說我是要大熱朱古力咖啡，那黑面四眼肥妹便側面地說又話細又話大，見她好像斜視望我，呀！我未見過這樣服務態度惡劣的人，我取得咖啡後她粒聲唔出，還用不友善的眼光望著我走。回到公司同其他同事講這事，同事們都有同感及有不同遭遇，又說很耐己無幫襯這店，我想我亦不會再幫襯這咖啡店！

很久沒有回應各位了,不好意思!我哋唔係teatime呀,係紅色的紅磨坊,請閣下再試吓啦!高纖五穀籽麥包內容包括五種穀物,質感當然會豐富一點,至於用料，我們真的是沒有採用牛油,而沙律醬是低脂的,龍兒你大可以放心。我們的豆漿咖啡份量是本店咖啡師經過精心調配而成的,真高興阿丸你喜歡。還有呀阿丸,除了蜂蜜綠茶蛋糕,我們最近推出了同樣質感的朱古力蛋糕,希望你也喜歡。

平時行過都好想試下架啦,咁岩琴日係到睇到食評,見到佢\\\\\\\用既包係我鐘意食既,所以今朝去試下啦要左份火腿火雞麥包---要麥包既原因係佢\\\\\\\無寫到有d咩包,門口個牌係tea time既......覺得佢\\\\\\\有d吾清楚啦,定係我睇吾到呢???不過都幾好味,而且有蕃茄生菜好岩我口味~~會再試其他~~^^

有店主回應，感覺不錯喲！之前有同事每早都會在這裡買三文治和飲品，好似好捧場的樣子，所以早幾日的星期一，就去試試．不過我就只是買了火腿碎蛋三文治，不知道是因為高纖五穀籽麥包關係？定係因為已經十一點幾，覺得麵包質地比較硬？？另外用料方面，如果真的是零牛油脂肪、低脂沙律醬，就很好了！店員（不知道是否店主呢）態度好好．請加油！

(20/5/06)上次試左蛋糕,今次試咖啡。原來此店有好多地方的咖啡架!但我唔飲齋,欣賞唔到。選左"豆奶咖啡",豆味好出,(試過starbucks咖啡,揀豆奶,一點豆味都唔覺)幸好要唔加糖,如果唔係,會似飲豆漿啊,咖啡同豆味份量好平均。另外欣賞那杯子,印上咖啡豆花紋之類,好靚,"絨毛",又保溫。仲有杯蓋,特有飲管口,太細緻了!

食完一餐嘈到暈既午飯,行落樓下搭車返屋企,經過紅磨坊見到無人,又走埋去八下卦。呢度有樣好處,無論人多或人少,禮貌都係好好,呢樣真係要讚揚一下。見到餅櫃有幾款芝士tart,自己唔食藍莓,揀左紐約(定美國??)芝士tart($12)。酸忌廉幾滑,芝士味頗濃,味道唔太甜,批皮好香牛油味,最意外係仲幾脆添。食完之後,真係好似開心左,甜品對我黎講係work既。另外,呢排早上好多時買呢度既豆漿飲,6蚊大大支,又夠濃,無糖較健康但都係鐘意有少少甜味既輕糖。p.s:欣賞店主Sarah肯接受客人意見既態度,希望你同其他靚仔靚女都繼續努力啦,不久將來係其他地方開多d分店,等多d人可以享受到你地既有心有營養早餐!!

(7/5/06)睇過店主,會回應食評,好欣賞o個份熱誠,所以突登要來試一點點東西。果然店員係好nice。我見有幾樣o野都好吸引,例如,三文治、蛋白芝士蛋糕、提子鬆餅。不過當時唔諗住買太多,所以簡簡單單的,揀左蜜糖綠茶蛋糕。一打開已聞到好香的蜜糖&綠茶味,食落味道仲好平均,又鬆軟。男友唔"好"蛋糕,都覺得出色,所以下次會再試其他o野啊。

NaLuAh~C你好,哦,多謝你的意見,讓我向你,以及喜歡我們的火腿碎蛋三文治的snoopy介紹一下我們的三文治如何特別好嗎?我們採用的是「高纖五穀籽麥包」,是我們的麵包師傅特別製作的,相信全港也難找到另一間麵包店能以如此相宜的價錢售賣五縠籽麥包三文治的了!所謂五穀籽,包括燕麥、麥皮、黑芝麻、白芝麻及松子和櫻花仁,所以大家看見麵包上有一點點的黑芝麻,入口更會不時吃到一粒粒香脆的松子,而重點是,這款麥包與白麵包一樣香滑鬆軟,同時富有麥皮的質感,再加上豐富的內容,真是既健康又好吃。談到健康,要一提的是,我們所有三文治均採用--- 零牛油脂肪、低脂沙律醬、新鮮西生菜,若真的不喜歡麥包,也可選擇我們的高鈣白方包,是特別加入了乳酸鈣的,同樣健康有益。

我覺得佢的三文治普通在荃灣mtr另一邊有間叫皇廷餅店賣的三文治仲好食但只在早上時段先有得賣~

五蚊一個o既提子鬆餅,香脆但較甜,有時有d燶味同埋size較一般o既細!