紅米 (已結業)

本人在大角咀附近上班，受同事所影響經常到紅米進餐.本人已嘗試過差不多店內的午餐，作為蛋包飯權威和專家，本店的蛋包飯很沒有水準. 蛋是okay的～～～但飯真的沒有水準，飯好多水份，爛飯，而且是凍的. 汁中下水準. 雞丸也是十分普通，有時是凍的. 作為米飯主題餐廳，卻是米飯最難食.其他東西例如意粉，鐵板十分普通，普通茶餐廳比他好食.唯一安慰是飲品okay 總結是紅米餐廳是過份吹捧,不明白為什麼很多人排隊,嘗試是okay 但不要對紅米過份期望

下午茶隨心走到米飯餐廳，看見超厚西多士就實在忍不住想墮落一下。等了5分鐘，西多士熱辣辣地端到面前，油炸的香味和蛋液的味道融合在一起，切一刀下去，柔軟的麵包裏塗著花生醬，表層蛋液油炸地很均勻，裡面一半麵包保持原狀，不會因為吸油太多而過於油膩。淋上蜜糖，再自己把冰凍的牛油塗在上面，看著它瞬間融化，一口在心，軟滑香甜

尋晚個仔話要去佢最愛飯堂食飯，過年前每星期總去一次。晚餐沙律鴨胸沙律：鴨胸偏咸，明明寫黑酣汁變了胡麻汁。最後待應只比少量黑醋了事。兒童餐：所有食物都炸得好乾，意粉太腍有一 pat 感覺。軟殼蟹蛋包飯：不過不失，保持一貫水準。鰻魚蛋包飯：外賣，無比汁，太乾好難食。兒童餐送到時侍應倒瀉成個餐，整污糟我地一家三口衣服，只講了個粗口就走。埋單時因壞八達通機身上無現金，收銀要我放低身份證抵押，但當時我老婆同仔仲在店內，我拒絕放低身份證抵押，店員話要報警。收錢又亂收，食189蚊有優惠咭9折要收180蚊，我話唔對，收銀就好惡同我講已折佢話幾錢就幾錢。我絕對感覺係好恐怖，以後唔會再幫陳。

裝橫不俗， 食物質素尚可可以算是升級版茶餐廳。餐廳中環舒適， 燈光充足，位置與位置之間寬敞不逼夾， 又設有舒適卡位。最值得欣賞是他的 all day breakfast宜家香港已經好少價格便宜的All day breakfast其實All Day breakfast的成本價真的很低雖然他的食物質素不是太好但係收返低廉嘅價錢， 都可以算是有良心另外食物多樣化 而且食物賣相吸引 亦是他的優勢之一。 食物款式及一般茶餐廳用心思。 而且貼近年輕人的選擇 加入一些歐陸菜色。會再試！

第二次食這間餐廳，第一次感覺可以，誰知今次遇到超過份的事情叫的是all day breakfast,誰知變成陶瓷全餐!!!!!食食下看發覺碟的某部份已經碎過，正常碎碟旁邊我能接受，但第一次遇到碟中心是碎的!!!完全不知道當中碎裂的陶瓷已經讓多少食客替他們吃掉了!最後同經理講，我問她你家中會用這樣的碟嗎?如連你自己都用不下的碟怎會讓客人用??現在只希望她說到做到，把碟丟掉!但這間"吃陶瓷"主題餐廳我是不可能再去的了

呢間在大角咀來說，裝修算係靚，食物種類又多，價錢又唔貴，於是成為我經常吃 lunch 的地方。經過我多次的光顧，建議大家不要在這間選看起來似乎高級啲的食物如白酒，青口或鴨胸等。質素一定好一般。最唔伏又算抵吃的是蛋包飯，特別是是日套餐的雞丸或炸蝦蛋包飯：約39/40元就有一個蛋包飯，一小個沙律和一杯飲品。(上次忘了蛋包飯本身有沙律，還加了5蚊要多個沙律 。 T^T) 蛋包飯幾好吃，真的用蛋包著啲飯 (我見過某啲餐廳自稱係蛋包飯，但只不過是在飯上鋪一隻煎蛋 =.= ) ，飯是用蕃茄汁煮過的，好棒。

星期日不用上班，當然是睡到自然醒，結果一覺醒來，已經日上三竿，同時我也餓了。🤤難得有假期，絕對要會一會許久沒見的朋友，我們到大角咀覓食，竟然被我們見到Red Rice。❤️光聽名字已經覺得很健康，小時候已經聽說過紅米飯是很有益的，這還是米飯主題餐廳。其實我們不明白米飯主題是甚麼意思，照道理很少店會只賣米飯，粉麵完全不沾，為了一探究竟，也為了吃健康的米飯，我們走進了這餐廳。🤓裡面真的很多人，但那時已經是下午二時多，原來也有不少人像我一樣，睡到天昏地暗。🙈店員招呼我們坐在一張桌，根據這人多的程度，不用搭檯已是萬幸。😂餐廳的裝飾不錯，牆上貼了磚頭圖案的牆紙，看似是磚牆。😮餐單的印刷走可愛風，很有少女味：👧🏻每道菜的名稱都極度霸氣👁，跟餐單的美術設計形成強烈對比。雖然如此，但菜名沒有失去它們最基本的功用，人們能從名字知道裡面有甚麼食材。👍🏻因為太餓了，我們二人2️⃣點了三道菜3️⃣和三杯飲品3️⃣。1. 冰火抹茶紅豆西多士其實聰明的人單看名字，都會知道這道菜一部分是冷🍧，一部分是熱🍵。西多士烘得熱熱的，上面有一層紅豆，最上面是綠茶雪糕。最凍的放上面，最熱的放下面，廚師很有物理方面的知識，知道冷空氣會下沉，熱

住在大角咀已有兩年，多少都會留意到樓下餐廳的變化。最近開了間米飯主題餐廳，見其他地方都有，開業半年多，間中lunch time 會有人在門口排隊。自己已吃過下午茶，都ok feel good，所以今次想試下晚餐。先叫了個湯，喉嚨不太舒服想飲個熱湯先。誰知湯很油，（見圖就知道有多油）湯內沒任何蔬菜及肉，另一大問題，湯不夠熱，只見顏色很深，相信應是外購的湯包，不是廚房自煮。主食是肉醬鐵板飯，普通，不過勝在量多。另外加了一個小吃招牌避風塘炒蟹，還算可以，不過送上黎已有點軟。辣味不足。最後提提大家去前帶件外套，本人坐門口位風很大，一直叫服務員關細冷氣，但冷氣依舊大風。而且坐近門口，大門一直開住（不是自動門，客人離開後無人關門）風一直吹入黎，非常影響，食物都快凍。這點令我大為辛苦，下次應不會再幫襯晚市。

星期日訓醒肚餓想蘊野食得知附近有間茶餐廳 特登過來食試下兩點半來到 已經坐滿哂人 不過10mins就有位喇^^環境都ok ge 幾好坐 不過有d椅個pan好矮 坐得不太舒服@@我地嗌左四樣野share食 都好飽☺️☺️芝士湯通粉 加左雞亦同豬枊漢堡 芝士湯味道適中 唔會好漏 無乜味精feel 雞亦另上 脆卜卜 我地再叫左早晨全餐好豐富呀 三文魚都算多 炒蛋好滑 粟米有蜜糖味至於沙律都ok fresh ge 但略微少sauce 仲叫左黑松露芝士熱狗 一來到 個包好多醬 松露味不太特出 入面夾住厚厚的炒蛋 好飽呀😂最後叫左個雪糕西多士做甜品綠茶雪糕凍冰冰 加埋熱辣辣西多士 冰火感覺我朋友好中意 但個人一般。最後埋單 $158.5 平均每人$40 好平呀 咁既價錢食到咁多野

已有一段時間沒到大角咀，本想吃油渣麵，但沒留意營業時間吃不到，於是來這新式店子進饍。 卡通式的餐牌，還有簡約而乾淨的內在裝潢，看似樓上cafe又有些坐墊，卡位大大張挺舒適。 下午茶時段，選擇不少，焗飯、炸雞脾、薯條、西多士、熱香餅、熱狗、漢堡等等。 少許喉嚨痛，還是不要點炸雞脾好了，結果點了個雞扒漢堡，餐還有少許薯條跟熱飲。 薯條賣相已不太吸引，有不少是翻炸/已乾乾的樣子，幸好也夠熱，即時吃的話也不太差。 雞扒漢堡，完全是澳門豬扒包的外皮，而中間換了雞扒，看似乾，但原來內裏有點千島醬。後來吃著也覺雞扒不太乾，只是邊皮較乾，中間口的雞扒部份仍然非常之香脆多汁，其實中間還有肉汁，也不錯。 熱奶茶也是普普通通，不太澀還好，但茶味欠濃郁。 $30.5下午茶還挺化算，份量夠飽而質素比連鎖式餐廳好。

今日收工同屋企人係大角咀食飯, 係門口見到好似好好食咁, 於是就入去試下啦, 打開餐牌見到樣樣都好吸引, 而且價錢都唔係好貴, 我地每人選左一個菜色. 有呢到最出名既溫泉蛋鐵板肉醬飯, 一上枱勁香, 熱辣辣, 仲要好多汁, 正, 首先將D飯同D汁同隻蛋攪混哂, 令到每一粒飯都被肉醬包住, wao....正呀....仲要係因為鐵板上, 食到最尾都係熱的, 而家冬天就啱哂!!而家姐就叫左個煙三文魚燴意粉, 哈哈...感覺好細碟(因為隻碟好大), 卡邦尼汁係幾好味, 都係一樣每條意粉都被D汁包住, 多汁係香港人既口味, 不過份量真係比較少. 煙三文魚就有4片, 卷成花一樣.而細佬就叫左雞扒蛋包飯, 賣相都OK GA, 唔知味道點呢, 如果可以再將雞皮煎得再脆身D比較好, 同埋D雞都係剛剛熟, 不過味道都適中, 蛋都算嫩滑, 仲有少少沙律菜配芝麻醬伴碟, 更令這味菜增添了一種開胃感, 哈哈.

呢間餐廳其實之前都有黎食過, 有幾個地區都有, 不過今次佢換左新餐牌, 即係有新野食啦, 哈哈....所以都有興趣再去試下.呢個係三重芝士烤焗雞扒$46, 芝士控必食, 哈哈..我朋友叫了多汁, 味道都可以, 雞扒有煎過, 不過如果可以再焗耐少少就好了, 應該會仲好味.而呢款就係我叫既招牌板燒雞扒伴薯角韓式濃湯芝士石鍋$55, 哈哈....好長個名呢個真心講真係抵食, 超多野食, 咁既價錢真係去邊到搵. 仲用左一個好有特色既器皿盛載, 雞扒都有兩大塊, 仲要煎得好香, 外脆內嫩, 而薯角都係啱啱炸起.你睇, 內裹乾坤, 有粟米粒, 有年糕, 溫泉蛋, 雞軟骨餃子, 嘩....真係食到你飽, 首先飲啖湯先, 都有芝士味, 不過唔係太濃, 而烏冬尚可以啦, 都係手打烏冬, 又唔係俾普通烏冬, 算係咁架啦咁既價錢, 溫泉蛋同雞軟骨餃子都好味, 不過配韓式牛糕好似怪怪的, 因為吸唔到D咩味, 淡淡的.

前排去咗大角咀搵男朋友順便一齊食個tea，之前都食過呢間蛋包飯幾正，tea又幾抵食就食佢啦！我哋兩個都叫咗個炸雞蛋包飯連沙律，好似一個都只係30幾蚊黎到見到都幾大份，但果幾件雞就有啲黑，食落去仲幾多粉好少雞肉不過沙律同個蛋包飯都好食，天山仲有少少番茄味。以價錢來講都算抵食啦

呢間舖新開時，見佢學乜乜lunch既鐵鈑飯都似模似樣，可以試吓，但中午試過旦包飯就一般。諗住夜晚試吓其他野，叫咗個厚切焗豬扒飯，食焗飯要等是常識吧，今次我等咗20分鐘左右，可接受。但焗飯來到，實物與圖片不相附已不是重點，塊厚切豬扒我都唔知邊忽厚切，至於味道，兩間大字頭既快餐店好食過佢幾百倍，食咗三份一我已經放棄。我唔係一個食家，就算d食物質素味道一般，我都盡量食曬不浪費，但今次我真的食不下。

叫左個雜扒餐一杯凍0水 個金毛四眼樓面態度超差 超唔好受係大角咀群組都聽過呢間d野唔掂 人又唔掂 所以黎破下地獄 原來某d人態度係真有其事而食物 味精都落得幾重手 至到雞扒冇雞扒豬扒冇豬扒味 都係一隻好好味既肉精粉味 最過癮條司華力腸 都知係省皮切開得比一半~都算 但都冇理由低能到用水煮 煮到冇晒味 成個餐最健康應該係條腸 因為冇味冇味精 概括來說 我下次不會再去 若有朋友喜歡自虐 可以嘗試一下