紅米 (億利工業中心)

营业中

休息中

今日第一次去荔枝角出job，其實之前都黎過呢到，但真係比較少平日晏晝黎，哇1點都未到間間餐廳都要排隊咁，超多人，我勁驚訝原來啲人咁早食飯，最尾因為我自己一個，誤打誤撞黎左呢間餐廳，見入面都幾大，好快就到我，叫左個黑椒炸豬扒飯，加5蚊加左隻太陽蛋，超抵食，仲有沙律，野飲，個豬扒炸得好香，有肥有瘦，好開胃，最尾埋單都只係50蚊，如果唔加隻蛋仲要45蚊，仲要問我食唔食雪糕，由於我少食雪糕加上太飽就冇食。

打工仔飯堂之選～～紅米位於荔枝角工廈區嘅茶餐廳，食物款式多元化。是日精選午餐：板煎雞扒蛋包飯(意式茄汁) $58雞扒煎得剛剛好，肉嫩香口，配少量沙律菜，雞蛋嫩滑，蓋過整個飯，午餐奉送熱飲，份量適中，價廉物美

今日去開茘枝角D2，寶寶話小帶小弟食好西，就嚟到呢間喺地鐵站附近嘅紅米，睇到個門口，餐廳類似茶餐廳，但又有少許年青格，應該都唔錯。一坐低掃QRcode落單睇menu，款式花多眼亂，寶寶話蛋包飯出名，就叫咗碟板燒雞扒蛋包飯；我就未諗好食咩㗎，但見到雞髀腸仔碟頭優惠價$45咁抵，就揀咗呢個轉白汁粟米配意粉。另外，大食寶寶叫多個白汁白草孖芝焗薯條。食物上菜都相當快，見到個擺盤都覺得吸引！雞髀腸仔係白汁，意粉本身就茄底，少許茄汁醒醒胃，我又幾鍾意！雞髀就少許乾身，但都唔錯，啖啖肉！寶寶個蛋包飯都幾精緻！至於焗薯，有拉絲芝士嘅配搭係唔會失望！同埋呢間有凍檸蜜飲，都係加3蚊，幾好喎。總結而言，茶餐廳嘅價錢，有質量！叻啊寶寶，帶小弟食好嘢！

每次同男朋友去睇戲，紅米都係必食之選，因為方便又抵食，今日去睇戲前都唔例外，又要再幫襯啦。今次點左海南雞飯同雞扒蛋包飯首先說說海南雞飯，不過不失啦，雞煮得比較老，唔夠嫩，不過配埋油飯同湯都叫做加番分。紅米最好味都係雞扒蛋包飯。雞扒經過煎烤後，外酥內嫩，非常美味。蛋包飯則是用蛋液煎熟後，再與飯粒混合在一起，口感鬆軟不油膩，真係幾好味，我覺得係必點之選。總體而言，如果想快捷方便又經濟實惠，紅米確實係個好地方，不過今次無中不足係個冷氣壞壞地，所以我地一路食就一路流汗呢度要扣少少分。

荔枝角下午茶，朋友點左炸雞脾西多🌈炸雞脾拼西多士炸雞脾炸得好乾身，皮脆過頭好硬，食落肉質一樣有點硬西多士足料中間有厚厚花生醬，正🌈黑蒜油日式叉燒拉麵叉燒算軟腍，不過拉麵就淋左少少，口感唔係咁掂仲有🌈薯角同🌈咖喱角。

星期日上午11點的長沙灣工業區能找到吃飯的地方已經不多, 今日經過這間店看餐牌都算吸引, 心想一試無妨, 點知中伏.餐牌寫明全日歐陸早餐, 雞扒/魚柳/豬扒 配 滑蛋+法蘭克福腸+牛角包+三角薯餅+雜果蛋沙律 先58蚊睇落幾抵. 點知上菜完全两回事: 法蘭克福腸變左雞肉腸仔、沙律淨係得菜、牛角包唔似牛角包、又无左件薯餅, 即時呆左叫服務員過來, 佢都幾敷衍下, 開頭話落左早餐餐牌但我落單時同張已打印左出來既單都好清楚唔係呢回事, 再者我入座時佢哋已經收起晒早餐menu得個午餐menu俾客, 跟住就話已經改左冇法蘭克福腸, 求祈俾番塊薯餅我就了事. 由於我實在趕時間, 亦擔心再爭論落去佢哋唔知會俾D乜嘢我所以唯有照食埋單. 但當然真係覺得保佢哋呃左. 所以寫出來俾大家留意下, 反正我本人應該以後都唔會再去.

紅米 (億利工業中心) (荔枝角)荔枝角長沙灣道883號億利工業中心地下8號舖今日係新蒲崗附近做完野，終於可以再去紅米食返個lunch 啦。 點解？平！靚！正！岩曬自己一個人去食🤫對上個次係食佢個焗豬扒飯，味道方面，幾好味架，又大份！ 今日想食d濕野，叫咗個黑蒜油豬骨濃湯拉麵伴日式叉燒 $56。 依個價錢叫唔叫正式？ 但都要接受，因為真係好想食🤭好可惜今日無拉麵，轉左做烏冬，份量其實都幾大份，叉燒得4片但好厚，所以好飽。 茶餐廳黎講個人覺得好足料，味道唔錯。 有幾會大家經過可以試一試架，盡量唔好lunch time 時間去，因為太好味關係勁多人😜地點⭐️⭐️味道⭐️⭐️⭐️⭐️環境⭐️⭐️⭐️服務態度⭐️⭐️⭐️（5星為最高分）

本身有紅米會員一心諗住過嚟嗌外賣自取見擺喺門口嘅外賣餐牌得返三頁就入去問問有無其他，即刻答無，再問之下，點知大大本係收銀底再抽出黎想用會員，show螢幕俾佢睇就問都無問就係咁按我電話大佬呀！私人物品黎架，點可以問都唔問我就掂我啲野架仲不斷按，仲叫我冷靜d你帶住手套，對手乾淨對手套都唔乾淨啦有無考慮過客人架？俾晒錢發現無幫我儲會員，之後又話俾唔返折我我落單第一下就俾左會員號碼你你要幾唔專心先可以做得到？連個經理都唔清楚餐廳既會員折扣最後要問完又問先俾返我，明明口講一個價，俾又第二個價，話系統做唔到講真，點信你呀，個個講既野都唔同真係貼錢買難受呀！

難食 難食 難食 難食 重要野講三次 但難食到我要講第4次睇完戲見到有10幾個好評就入黎試吓 先黎左牛角包 跟住湯 望落都足料嘅 諗住唔錯點知黎左2杯野 用頂級難飲黎形容上面嗰個奶蓋 冇奶味但有洗潔精味兩杯野飲一啖 Ok可以唔洗再飲跟住黎個咖哩牛腩飯 唔熱嘅麻辣肥牛炒烏冬 我叫你少麻辣 我唔會話你冇麻辣味但成個烏冬係冇其他味🤣最好食係個芝士薯條因為全部都係黎貨咁都開到仲有其他分店？認真呢 真係好少有會想食野去話人 但哩間野真係搞唔掂🫠🫠🫠簡直離譜

晚上9點後係荔枝角搵食原來都幾難, 去咗好多間都話已經last order, 終於嚟到一間可以入座, 嘢食算可以不多評論, 但嘢食到咗後冇耐就突然聽到好大聲熄掣聲, 隨之開始覺得好熱好焗, 忍唔住問下侍應係咪熄咗冷氣, 佢諗都冇諗就話答: 冇, 係熄咗抽氣.......心一涼, 當堂明曬! 其實呢, 如果係趕收工嘅大可以似另外果幾間咁話已cut order, 我哋都唔會強行打擾! 安心出行冇咗, 但原來夜晚要係街食餐好少少嘅晏晚飯都仲未可以! 點算好?!

行完D2 Place覺得肚餓✨D2 Place嘅嘢食又偏向貴於是喺出邊行吓意外發現到呢間見到佢選擇都多有pizza有鐵板仲有特餐嗰啲叫咗個鐵板炒公仔麵都幾夠鑊氣叫咗個雞扒蛋包飯雞排都炸得幾香脆價錢都係大約六十幾左右✨😋

白飯底（無炒底，失敗）汁死咸 (用返快餐嘅茄汁）配菜少（洋蔥都無，失敗）成碟敗筆係豬扒，!!!!!!!!!!!!!!!!!!!!!!!!!!雖然主打係厚切，但係又乾!!!!!!!!!!!!!!!!!!!!!!!!!!，又硬!!!!!!!!!!!!!!!!!!!!!!!!!!，肉質食緊擦子膠咁!!!!!!!!!!!!!!!!!!!!!!!!!!，要講唯一嘅好就係焗得夠火喉（但處理得唔好同樣令到豬扒更加失去肉汁）!!!!!!!!!!!!!!!!!!!!!!!!!!

我同三個朋友在星期五晚(9/23) 去食晚飯, 我同其中一個朋友都係叫左花膠雞+$12轉雞比, 咁首先我男性朋友嘅花膠雞全比就到左, 冇乜大問題隔左幾分鐘就送餐比我嘅花膠雞全比餐比我, 點知佢同我講幫我隻雞比去埋骨喇, 有骨雞比冇曬, 問我o 唔ok問題1, 我叫嘅係menu圖中有骨嘅正常雞比, 如果發現冇曬有骨嘅雞比, 係咪應該未送餐前問下個客同唔同意改冇骨雞比先再上比客, 而唔係未經個客同意就改左個餐啲detail , 將無骨雞比浸埋落啲涉度拎過黎, 仲講得好好聽話幫我隻雞比去埋骨(wa, 點係呀?) (注:間野係有海南雞飯賣嘅)2, 咁放低左個餐, 我朋友就見我唔係好鍾意, 就叫個waiter 過黎換返個普通花膠雞(即係唔係雞全比)比我同減返12蚊啦, 但係我啲朋友都話再換返唔係幾好, 雖然真係全港少見(去骨雞比花膠雞), 但呢啲咁"特別"嘅野真係唔岩我喇3, 到最後佢就換返個普通花膠雞比我啦, 都如我所料, 比我啲雞件都係冇乜肉或者有肉但好韌(un)嘅雞比我, 我多數都lur 返出黎, 啲雞入唔到口嘅4, 啲花膠都好難食, 呢個餐唔建議大家叫5, 我第二個朋友佢就揀左個鐵板雜扒

琴日同🐻仔去完荔枝角，就順便去睇吓附近有咩好食。行到有啲攰🥱，加上有啲夜，我哋行過見到好似幾好，就揀咗依間餐廳。-🍴Red Rice 豬扒孖寶芝士•珍珠飯🥫($58) - 焗得幾靚，而且幾大碟。醬汁佈滿成個飯，幾好食😙！不過個豬扒可能因為斬件，都幾多細嘅骨，食嘅時候要好小心😳。-🍴醉雞肥牛鍋🍲($78) - 依個價錢都好抵食，有雞件🐥、肥牛🐂，仲有唔少配菜，絕對夠多樣性同夠飽。個湯底有濃濃嘅醉雞味，食得都幾爽🤭，不過去到最後有啲重口味。最特別嘅配菜一定係鬼馬油炸鬼👻，係油炸鬼中間包咗啲蝦膠，無想像中咁伏，可以一試。-🍴鹹檸樂🥤(+$18) - 食火鍋點可以無可樂，飲品係珍寶系列，都幾大杯。-🍴抹茶奶蓋拿鐵🍵(+16) - 特飲跟餐半價，可能因為見到個餐牌有個👍🏻，期望有啲高，都有抹茶味，但唔算濃，啲冰溶咗啲已經覺得好淡。個奶蓋無鹹香味😔，反而有啲乳酪味，感覺有啲奇怪。

我們在長沙灣商場欣賞完攝影展，在隔離工廈地舖「紅米」開飯，之前有幫趁過，所以不用週圍覓食，這裏有美食也有良好的服務。先嘗小食：脆脆朱古力流心西多士~很巨型的西多士最宜分享，甜度很合適，但不夠流心。芝士奶蓋綠茶~加大大大裝的綠茶真的被嚇一跳，要向侍應取來杯子分享，原來有四杯份量之多，綠茶蜜味很清甜。抹茶奶蓋~抹茶味道濃厚，拌奶蓋質感幼滑。地獄肥牛豬骨濃湯拉麵~肥牛肉不肥更合意，也無損美味，配合豬骨濃湯，鮮味更提升，流心蛋的蛋白與蛋黃剛剛好半凝結，口感非常滑溜。黑椒相撲豬扒炒烏冬~鐵板上的炒烏冬特別有鑊氣，令食欲大增，調味料我較喜歡黑椒，它香氣濃郁能為菜餚提味，也有益胃腸。 招牌皇牌什扒薯菜配黑椒汁~很豐富的什扒，豬扒和雞扒都很大塊與厚身，還有煙肉、司華力腸，重份量肉類都是最合適分享，大家都有滿足感！ 食肉獸超級至尊pizza是外賣，有蕃茄仔、紅、黃椒襯托賣相也不錯！如果可加埋綠椒絲視覺更完美！