紅茶冰室

营业中

休息中

尋日去完朋友婚禮之後，同班fd一齊食埋晚餐先番屋企。我哋打算去大圍晚紅茶冰室，本身以為要排隊(因為平時都見佢大排長龍)，點知一去到竟然唔洗等，直接入到去坐，仲有卡位添🤩 因為好肚餓，所以我地落單好快手，仲有少少可惜係冰火菠蘿油賣哂，我地無得share食😐招牌咖喱吉列豬扒意粉 + 凍檸茶 ($70 +$3)識我既朋友都知我最中意挑機餐廳晚招牌菜😆 所以我叫左呢個招牌咖喱吉列豬扒意粉。一上枱見到個份量多到嚇死人，一睇就知我唔會食得哂😅 一大碟咖哩豬扒，另外一大碟意粉🍝。豬扒方面，餐廳幾貼心，已經幫我切成一條條，方便進食。炸皮厚薄適中，少少咬口唔會放一陣就淋哂👍🏻 豬扒既肉唔會乾韌，水準唔錯。咖哩一d都唔辣，反而甜甜地，撈麵食好開胃。只不過d意粉真係太大碟，食極都仲有😆😆😆 飲品方面，我叫左凍檸茶少冰，但d冰依然好多😅 味道正常。

夜晚喺大圍入咗呢間冰室，見佢好似好多分店。兩個人叫左2個小菜～～～小菜、燒味、粉面呢啲都有，最後我叫咗一個魚香茄子煲同埋一碟乾炒牛河🙋🏻‍♀️普遍來講，食物嘅價錢都偏貴，一個魚香茄子煲都大概$90，加咗一碗白飯要加$20～不過諗住如果好食嘅話就冇所謂，點知啲肉碎好少，茄子有少少偏硬。至於乾炒牛河就還好，雖然有部份好似炒燶咗，但係整體味道算OK。凍檸茶叫咗少冰，三份二個杯都係冰🤣🤣🤣呢個價錢嚟講，感覺上食物質素就冇咁值🙌🏻🙌🏻

好一餐唔好又一餐，唸住食精選晚套餐最穩陣，點知得一個選擇，就點左，最後當然沒驚喜，牛油餐飽變左牛油白方包，忌廉湯太傑，粉團一舊舊，蒜蓉厚切豬扒份量一般，豬扒有點鞋及硬， 唯獨是薯菜是原個焗薯上碟，味道好食，這是套餐唯一似樣的食物及令食客感到有一點點安慰。

由點餐開始已經催促客人，因為被催促，倉卒之下點了三份午餐：腸仔牛扒飯、椒鹽豬扒飯和叉油雞飯，餐飲有熱咖啡、熱檸茶和凍檸茶。食物和飲品份量適中，男士都可以吃飽，味道可以，但椒監鹽豬扒不太乾身和偏喊。本來食物是可以的，但餐廳員工每五分鐘就查看我們進食的進度，我們已經盡快進食，一行三人二十分鐘內已食完午餐，到只剩下餐飲時，一侍應竟然過份到按著我們的椅背監視我們，用眼神催促我們盡快飲完，非常無禮貌，完全不尊重顧客。所以就算食物味道正常也不會想再光顧。

我聽到新鮮出爐雞尾包叫咗一隻咬咗兩啖 一啲熱力都冇我同阿姐講阿姐話就算新鮮出爐都喺入邊擺凍咗啦我就覺得應該都唔係俾啲新鮮嘅我食根本係擺咗好耐先至比我食我第一次食嘅時候唔係咁㗎嗰陣時超級新鮮熱辣

同屋企人經過見有得外賣麵包，其實隊伍唔算長，少過十個人，我屋企人打算買4個麵包，叫咗3個雪山叉燒包，只係遲咗兩秒同細聲咗少少講埋最後一個要咩，個收銀大嗌: 仲要啲咩啊！ 我個下好震驚，同佢講返要咩包，之後仲要啤咗你。之後找錢係掟返啲錢比你。嘩，以為咩包咁巴閉，唔係比咗錢，真係話唔要。貼錢買難受，無下次。其實見前面個伯伯都係咁樣比佢呼喝同掉錢比佢，見到伯伯一面無奈，連佢隔離同事都嚇一嚇。屋企人食完個包都話只係同普通酒樓既一樣，但認真，就算佢好食，咁既服務都唔會有下次。

上週與另一位友人晚上飯聚 點了兩個90多元的牛扒例餐食物性價比 說實有80分食物是可以的但是服務態度不行當時是平日週五晚市 我們知道還有其他客人等當時坐了一小時十分鐘左右 一名女服務員極不善地說 "你地走未 隔離枱已經返左幾次枱 唔好齋坐住做生意"雖然不是我們吃快餐的時間但旁邊的客人也沒翻桌34次吧 自問用餐還是合理的時間而不是過分多的時間明白飲食業要即使要做生意等不是如此對待客人吧食物 確實是不錯但是卻吃了一氣生平從來未試過就直接受如此對待 永無下次

今晚去咗左紅茶叫外賣，排我前面嗰個叫外賣時走餐具，個收銀面色已經好差，到我再叫外賣走餐具嘅時候，佢大大聲唉咗一聲，我而家先知原來走餐具會加重佢嘅workload,環保人士要去嘅時候真係要小心啲，走餐具要睇收銀面色的

近年紅茶不斷擴充營業，幾乎區區都有，通常因為工作關係而會到大圍呢間。平時都唔會叫飯餐，因為感覺會太大份食唔哂，但一直都想試佢地既燒味，今次係9成餓既情況下點左個燒肉切雞飯，薑蓉汁實在太正啦，油分感十足，撈足一碗飯食！燒肉唔乾食，皮脆，好味😋唯一缺憾係切雞雖然都有油感，不過分比我個碗較多骨，試唔真佢地既實力。熱奶茶茶底厚實，奶味唔太濃，飲落尚算滑口，如果多返少少奶可能更順滑。$61黎講，連埋餐湯，分量又適中，燒味飯品質頗佳🤭🤭

自從大圍開咗紅茶之後去大圍食嘢又多咗個選擇😋佢哋有各式各樣嘅嘢食選擇例如鐵板燒味焗飯特餐常餐小菜等等今次叫咗個King餐麻辣肥牛米線🍜食落去辣辣地幾惹味😋包埋嘢飲配炒蛋丹麥酥🤩炒蛋好香好滑丹麥酥烘得好脆帶甜😙

Camping前約埋幾個朋友一齊買野買野之前都要醫下肚先🤣🤣🤣大圍站最近既茶餐廳 真係紅茶約人又方便 真係唔駛諗咁多.Lunch時間 而且係星期六我哋又5個人所以都要等下位大約5-10分鐘就可以安排上座坐樓上 多啲大枱 坐6-8人都ok繁忙時間都係要搭枱既.Menu好多選擇 早餐、常餐、下午茶、粉麵飯基本上諗得到既茶餐廳食品都有一定唔需要擔心冇野岩食👍🏻.特餐 - 招牌沙嗲牛肉麵配丹麥酥、火腿奄列.先講沙嗲牛麵 湯夠熱 唔會好咸沙嗲汁份量夠 撈一撈個湯成個麵昇華左而牛肉夠晒林 好食🤤 重要啲麵唔會煮得太耐變林 有口感 我鍾意🫶🏻.丹麥酥正情係100分👍🏻👍🏻👍🏻👍🏻👍🏻出面真係買少見少 好少見亦好少食到丹麥酥2面都重牛油勁香 而且10分脆 冇得輸呀火腿奄列正常發揮 因為丹麥酥真係太出色.其實紅茶都有好多分店質素真係好穩定絕對推薦大家👍🏻

今日終於嚟到呢一間紅茶冰室茶餐廳，咁呢間茶餐廳都好出名㗎啦，喺好多地方都有啦例如旺角啊銅鑼灣呢啲咁樣，咁就成日都見到排晒長龍嘅無論午餐定係晚餐都係一樣，所以呢，我今日就選擇咗黎大圍呢一間比較偏僻嘅食個早餐啦！🤣🤣咁我一早起身大概7.0鐘就到咗大圍站A出口嘅呢一間紅茶冰室，約咗個朋友喺呢度食個早餐見過面，一如以往，早餐黎講我都多數係會叫沙嗲牛麵配凍或熱檸茶嘅，咁佢呢度有個叫酥皮吐司嘅麵包都算幾特別，基本上配搭埋個抄蛋就係一個典型嘅茶記早餐！🥣

雖然紅茶隔離開左兩間新既茶記，但平心而論呢間性價比算最高。忍唔住要注冊會員都要寫既係，D 阿姐特別係似做管理果 D 態度真係差到一個點。去食午餐想要多 D 黑椒汁，叫左見等 7 分鐘都無，諗住應該忘記左追下，後面個阿姐 (似係主管) 用一個你會聽到既聲量講：我地好多單，你一嗌就俾你呀，叫佢等下啦。其實大圍紅茶俾人話服務差到入埋黑名單就係人都知，希望呢間野改善下。俾錢食飯都要好似做狗咁俾人鬧，除左澳牛同呢間真係好少有其他。

💭呢間茶餐廳成日都好多人排隊，今日有時間係大圍食個快飯就揀左呢間餐廳啦❤️點知真係幾抵食wor👍🏻👍🏻👍🏻🌸特餐 ：招牌沙爹牛肉麵🌟🌟🌟🌟＋火腿奄列🌟🌟🌟🌟＋香酥丹麥多士🌟🌟🌟🌟🌟＋飲品（HKD 50）呢個沙爹牛係好typical 茶記既沙爹牛❤️好夠味👍🏻👍🏻👍🏻火腿奄列都好多火腿🦵最最最驚艷係個丹麥多士，我懷疑應該倒左成盒牛油落去烘😏好邪惡☺️☺️☺️

去食早餐，見到條龍排到好長，就買外賣算，俾完錢等，等到條龍排完再排過，都未到我，見著排隊d人食完出黎，我都未有，成大半個鐘，問佢點解咁耐都未有，佢話三文治要耐d喎，谷鬼氣退錢唔要，仲話"依家出緊黎唔要喇",真係火都黎，嘥晒我啲時間，以後都唔鬼去喇