紅茶冰室

营业中

休息中

今日經過去試下，諗住食翻餐好既，點知令人大失所望。諗住叫個炒龍躉慰勞下自己辛苦左成日，鐵板上好似好吸引。哇，點知食落真係喊三聲。味道極鹹不特止，龍躉係無肉架，5舊裡面：得2舊肉，3舊係皮。無錯啊，係炒龍躉皮，真係聞所未聞。問職員話，係咁㗎啦，係食皮。$120，再加$20白飯野飲，成$140一個餐，你要我食骨膠原？？？三個字講曬：無下次！！！平時食開佢，今次真係好失望，諗住以為好好食。上次食左地瓜陳醋黑豚肉，成碟得2舊少少肉，全部都係地瓜，我都算。今次，真係無野講

疫情關係，都減少咗去餐廳堂食，而家外賣平台咁方便，多一個藉口喺屋企就想唔煮飯，今次試吓喺大圍嘅紅茶，叫咗干炒牛河，星洲炒米，2款份量唔算多，味道亦唔錯，唯一係星洲炒米炒得太乾，如果可以改善吓就更好，因為價錢唔係平。

混亂及收銀態度超差， 去食下午茶，見外面多人排隊，就入去試吓。點左菠蘿油及旦撻餐，侍應話賣晒落吾到單，要等等。我心諗你個system 有問題，吾落單要個伙記每次有菠蘿包及旦撻出爐再黎一次落單，出波蘿油入一次，出旦撻再入一次，超級浪費人手，跟住每樣出爐才上一樣，上曬食物，又上吾到飲嘢，又比錯隔離杯野飲，成件事logistics 極有問題，加上今時今日咁大間店只收現金？ 吾係呀？現金用多少時間點數，又會出錯。加上收銀態度極差。望都吾望你，更不要指望佢講聲多謝。食物雖好（因為新鮮出爐）但環境及冇招呼（茶記都應該有基本招呼），不會再來。

我指住話要呢個餸，估唔到來到就。。。。仲要變左味喲哎喲！坐上面又叫極都無人落單⋯⋯唉呀唔好噤啦我哋睇好你的，希望紅茶可以繼續努力！其他款式我哋好鍾意的 星米 糯米飯 等等

掉錢就真係好唔要得啦 比錢你搵 諗住坐低食個快餐都好似乞咁 都唔係話要你間茶記好好服務 找錢唔洗用掉嘅 識唔識基本尊重知你地多人食 d錢搵唔晒唔志在一兩個客 但做人唔應該咁囉

這餐廳之前給我的印象是丹麥包好吃。今次來到另一間分店，叫咗一個茶餐，都有個丹麥包。滿心期待脆脆甜甜的丹麥包竟然冇之前咁好味。原因冇之前咁脆口，只係得返油油軟身的口感。令人失望。但其餘的粉麵，野飲都維持一般水準。希望佢地留意返每間分店都要保持麵包的水準。

食物質素正常，這餐廳唯一失敗之處就是收銀態度極度惡劣，我食左$145，放低錢再數一數，個收銀：放低啦！其實又唔洗咁火既，過門都係客因為呢個呀姐，無下次啦！餐廳炒咗佢生意一定會好起來！

呢間鋪頭啲職員 尤其係收銀員態度好差 講野又唔清唔楚 對客人講野好冇禮貌。今日買兩款食物 一個係跟餐 一個唔係跟餐 ，咁跟餐有飲品係正常， 只係熱飲免費轉 但凍飲加三蚊 咁呢啲都冇問題。另一款食物我係嗌粟米吉列魚柳意粉，就問我飲咩？我話包埋連埋定再加錢 ？職員就答我 係包埋既 唔加錢。咁我就話 凍檸茶。我再問多一次係加錢定連埋 都係答我係包埋 話每一款都係連埋飲品 咁我就話ok 咁凍檸茶。轉頭一出單 ，就同我講話 飲品加6蚊。我即刻同個職員講 頭先你又話連埋 唔加錢 而加又話加6蚊？個職員即時賴皮話 頭先咪話要加錢囉 你聽唔到咩？聽到佢個態度同語氣，即刻好嬲 就答番職員話 頭先你唔係咁講 你係話連埋唔加錢 我仲要前後問咗你兩次 你都係話唔洗加 我而加唔要個檸茶啦 你只係比杯凍奶茶我就得。個職員又勁黑口黑面，呢種事都唔係第一次，之前疫情6點後停堂食個段時間，啲客人同我諗住入去拎餐牌簡食咩，呢間鋪既男經理 即時趕走啲想買外賣既人出鋪頭外，話你地全部走出去睇啦 。仲有一次 ，我買兩個下午茶餐，嗌咗一個餐後問我飲咩 我就照答， 當我答咗，但我要買多一個餐嘛 ，跟住又係態度好衰 個收銀就話 你

🥢 紅茶冰室嘅烘培食物好受大眾歡迎，佢地嘅招牌蛋撻同芝士撻我都試過幾次，今次決定闖進去試埋下午茶餐👎🏻 下午茶選擇真係少，冇乜粉麵類選擇⏳ 上菜速度都可以接受啦，但係茶餐廳黎講算比較偏慢，屋企人食完一半先到我個餐 ✨ 脆炸雞翼伴薯皇兩隻雞全翼，見到都流曬口水👍🏻 外皮炸得好脆鹹鹹地，裡面雞肉老左少少但都尚有肉汁，但係唔徒手撕開佢就真係幾論盡😂😂 薯皇就份量太少啦，雖然每條都好脆好重薯仔味，但係性價比好似偏低

放假繼續搵牛面食 今次係大圍做完野 大概十一點到紅茶 幾多人 好彩唔洗等 鋪頭幾大間 有兩層 見到食評好多人話服務態度差 我覺得冇咩野 講直食茶記都唔係為左服務好啦 同埋我覺得唔係特別差叫左牛面餐 首先主角 牛既份量一般 牛肉既水平還可以接受 沙嗲醬好食 有少少辣味 個面底偏淋 個湯略微太咸炒蛋一般但個蝴蝶飽幾好食 甜甜地 個口感一流 少少脆 估唔到係一個驚喜 凍檸茶就不過不失 早餐都係四十幾蚊 你問我會唔會再黎 我就未必會特登過黎食 但同區就未必有對手

平日收咗工好攰，就會嚟呢到食飯😁因為呢到座位之間夠空間，一D都唔會迫夾焗速。座位都坐得好舒服，冷氣又夠，所以都好中意嚟呢到食飯。呢到好多選擇，中餐嘅有小炒、碟頭飯或者係燒味都有！西餐嘅有鐵板据扒、焗飯或者碟頭x汁x扒嘅意粉配搭都有！無嘜胃口嘅食常餐又可以！或者只係口痕想食件撻或者菠蘿油又得！不得不提呢到有丹麥蘇可以叫，今日都忍唔住叫咗一件，真係外脆內軟，而且好香牛油味！我最中意就係据扒，今日食咗指定晚餐係蒜蓉汁肉眼扒，仲配埋忌廉湯(當然仲有羅宋同中湯揀嘅🤣)，真係一大滿足！另外就中意食咖啡魚柳焗飯，魚柳大到成隻碟都裝唔哂，要分兩嚿放，加埋個炒飯焗底，真係好惹味呀😜！唔講咁多，我食飯先喇👋🏻

今日突然想食紅茶既特餐, 一早打電話叫定外賣轉頭揸車去拎。點知返到屋企發現成個沙牛麵分湯完全冇執, 打返電話問下咁既情況點樣處理。個呀姐態度差到連句唔好意思都冇就叫我自己嚟拎返, 一係下次補返？點補呀？今日食個多士同奄列, 下次食個淨麵呀？忍唔住即刻要鬧, 做錯野唔係咁既態度呀？之後又要我等下搵個男經理嚟同我講, 又係講埋啲廢話 … 最後限佢二十分鐘內送返嚟樓下其實講句唔好意思咩事都冇, 要我過嚟拎返都冇問題, 但唔係老馮囉唔該！咁既態度同服務真係以後都唔會再幫襯！

如果以方便同抵食程度，紅茶嘅菠蘿油餐真係算唔錯， 菠蘿油連紅豆冰都係26蚊 ，仲可以起雙飛 🤣🤣🤣5個💛為滿分食物💛💛💛💜💜環境💛💛💛💜💜 服務💛💛💛💜💜 打咭指數💛💜💜💜💜 回頭指數💛💛💛💜💜

平時都好少寫劣評 但大圍呢間真係食完好想寫低 未試過一間食店整體乜都咁差 希望唔好咁多人中伏🙈間野個menu係多選擇 感覺好似乜都想試下咁點知原來咁唔好食 個價錢都偏貴 成個用餐體驗都差到一個點😞 招牌焗豬扒飯 見係招牌 就試下啦 點知啲豬扒肉質好'鞋‘ 又冇味🥴而個鐵板海鮮炒烏冬 油膩之餘啲烏冬又少同埋最緊要係啲員工態度又差 特別係收銀姐姐 燥到爆 其實都係食個飯姐 真係冇必要要受佢哋氣 總之大圍呢間餐廳真係可一不可再！！

一熱遮三醜, 是龍景軒主理人陳恩德師傅常掛在嘴邊的話, 也是像他一般飲食界老行尊所堅持的. 食物只要夠熱, 菜式味道和外貌等自然就會加分, 對於烘焙品更是這樣, 像秋在這冰室吃的酥皮蛋撻, 就是剛出爐就上枱, 非常燙口, 雖然酥皮層次和蛋香不夠之前在天龍軒食的水準, 但因為這裏夠熱而後者偏涼, 結果評分兩者不會相差很遠, 最重要是這裏的不用$10, 是天龍軒的1/5.其他下午茶菜式, 如豬扒炒蛋豬仔包和芝士西多士也夠熱, 前者水準不錯, 豬扒夠鬆軟, 炒蛋蛋香一般但口感夠滑, 作為填飽肚子的功能相當OK. 後者口感有點濕潤, 內裡的不是花生醬, 而是半溶的芝士, 拉絲感夠, 但吃起來蠻油膩而不夠討好的, 特別是本身炸完後還帶點油膱味的時候.The egg tart of Red Tea Cafe is hot enough. For the barley, being hot enough is very important as it can enhance the egg and butter flavors. The puff pastry is crispy enough. G