紅茶冰室 (已結業)

沒有最邪惡 只有更邪惡！芝士流心西多士  ($24)西多士都夠肥啦 仲要有流心芝士 真係一個肥字呀！西多士即叫即整 熱辣辣上枱 炸得外香脆內鬆軟 入面有一層流心芝士 一切開就多到湧出黎~味道淡淡地 同煉奶牛油出奇地夾 又唔會太膩 真係好正呀特餐 ($42)沙嗲牛肉麵!火腿奄列!牛油厚多士!最愛本土味濃既特餐~ 特餐呢樣野真係好特別 做早午晚餐你都唔會覺得怪又唔會覺頹~呢到既沙嗲牛肉好入味而且好冧 難怪咁受歡迎

星期日早上大多會到荃灣食個早餐紅茶冰室是不二之選平時呢間店人流都唔小，星期日朝早更多人，好多人會排隊買佢地新鮮出爐既麵包。早餐ABC都係我地多數既選擇，先生點左沙嗲牛米粉我就點左炸菜肉絲米個湯好濃郁米粉都唔會太碎！然後另加個菠蘿油冰鎮牛油唔怕牛油太快溶不過菠蘿包黎到果陣凍左，好彩佢地肯幫我地整熱番個包，熱辣辣又大大件既菠蘿包夾住塊半溶的牛油一齊食簡直極品牌！菠蘿包個皮仲好脆嫁！另外仲想推介呢度既檸茶 無論冷熱都咁好飲茶味好香

來到星期日，又係試常餐嘅時候！😂見食評，依間紅茶好似幾好，就來試下蕃茄螺蘿絲粉：應該係整定嘅，口感好粉，一d都唔爽！因為我自己煮過，蘿絲粉要煮耐d，不像公仔麵和通粉般易熟！沙爹牛肉麵：ok ，但沙灘爹醬唔係自家制的，一食便知其他野都正常嘅，凍奶茶還可以，但口味比較壓。。其他都無乜好食，但見佢個午餐反而仲吸引！😂

趁假期，團購有酒店住宿加自助早餐優惠，一家人拉隊到荃灣渡假、食喝玩樂。完成酒店check-in手續，肚餓了就趕快搵食，不是太熟悉周圍環境，亂打亂撞，就去到呢間餐廳，剛剛有位唔使等，又剛好是下午茶時間，我們4個人 + 1小B，就叫咗1個飯餐及3個茶餐，有芙蓉蛋飯、招牌芝士流心西多士、紅茶熱狗皇，同埋腸仔肉醬意粉；首先嚟係招牌芝士流心西多士，非常吸引，連減肥中的小妹，都食咗兩件，猛讚好味；其餘食物都好味、賣相吸引，份量足夠，原本打算叫多個鷄尾飽試試，但大家都已經好飽，無位置再試，只好放棄，下次再試！4大1小，食飽飽都係二百蚊有找，有機會必定再幫襯同向朋友推介，

晚餐醬燒牛柳及香煎豬鞍意想不到的掂！肉嫩多汁兼夾火候啱啱好，抵贊，，雜扒餐，牛扒餐味道唔錯，份量足。怪不得多人等位都一樣有人排，唔到你唔信，我哋個個食完都話要再叫

是日黎到荃灣，突然之間想食蕃茄通，所以就黎openrice睇下邊到有得食，發現原來呢區都有唔少冰室，而呢間「紅茶冰室」原來都幾出名，所以打算黎試下。呢到既裝潢好有舊式茶記既感覺, 門口仲有新鮮出爐既麵包賣添，因為今日係為蕃茄通而黎，所以黎到就當然叫左個King 餐，有蕃茄通啦，北海通牛乳炒蛋，牛油厚多士，飲品方面就叫左個熱華田。蕃茄通湯底蕃茄味超濃，酸酸甜甜咁好開胃，而北海道牛乳炒起既蛋真係好滑，兩者既配搭真係好夾，如果可以加片火腿，咁就完美啦。雖然門口有好多人排緊隊，但係店員都無催客人埋單，等我地可以慢慢坐，嘆埋杯熱飲先走，真係好啦。

是日在openrice找了荃灣一帶有甚麼好野食，就找到了這間紅茶冰室，駕車來還不算難找。一到來見到門外有人買新鮮出爐的麵包，最後我們臨走都買了兩個新鮮的菠蘿包返屋企。看了openrice的食評，就點了流心芝士西多士、咖哩豬扒焗飯，涷/熱奶茶。一來先吃芝士西多簡直邪惡，不過一個人吃的話可能會太「漏」，所以跟家人share剛剛好。對於我這個芝士愛好者來說，只要是加上芝士的都不會難吃吧。再來咖哩焗飯，份量是相 當 多！我哥哥也只是剛好把他ko! 我跟媽一人點了一個食淨了，早知一個大家share便剛好不用浪費了！咖哩汁好夠味亦夠多，豬扒咬下去鬆化不會鞋口。奶茶是媽媽最欣賞的，因為茶味濃！不會太甜給蓋過。

今日特登來紅茶冰室試下好熱門的芝士西多士，因為之前試過金華的芝士西多士想比較下同紅茶冰室有咩分別，試完覺得兩間各有特色，紅茶冰室的芝士西多士較大件，入面的芝士醬較滑身而金華的芝士醬較為實，芝味重D，但我較喜歡紅茶冰室的芝心西多士，而丫哥叫的沙爹麵餐，啲面唔會煮得好淋，而炒蛋同多士質素正常，最值得一讚係所有野都整得好夠熱

星期日早上，同男朋友來試試紅茶的早餐。10:30門外已有四組人等位，不過等5分鐘就到我地喇，入面坐滿人，要搭枱。沙嗲牛肉麵，湯底好濃既沙嗲味，牛肉有好多塊好淋，多士烘得有誠意，兩面都金黃色好多牛油!奄列係男朋友至愛，有蛋汁，夾住好多火腿。男朋友淨係叫個原味西多士，入面係粒粒花生醬，正!!兩個搶食茶餐杯奶茶好滑，一點都不"鞋"口。******************************當我地食完撩緊牙之際，焗包師傅拎住一大盤野經過: 新鮮出爐芝士撻!!..............我同男朋友對望一下: 食一個囉!!撻皮好鬆化，好濃芝士味，但我地實在太飽，吃兩啖已很膩，放棄左。總括呢間係有HEART既茶餐廳，價錢正常，會再光顧。

個人唔中意食茶記！因為星期一至五，早餐食襯9成都係茶記！真係你唔厭，我都厭！星期六日，一講食早餐，ADB唔該！不過世事往往不盡人意！比人捉返工，仲要食茶記，不過一提～大窩口紅茶冰室～奶茶菠蘿包～我就即刻起行出門口啦熱奶茶喂，飲極都係熱既？我仲要坐正風口位架喎！個杯應該係熱櫃羅出黎其他地方一掂個咀埋去，個杯凍既，呢個係熱既！杯茶唔“劫”，有茶味，入口滑既！平時個啲飲到我個口“鞋十十”菠蘿包個皮～香！脆！鬆！軟！我唯一覺得差少少既就係無咩包未，個包肉有啲虛！如果係油既話，片油勁足料！面積大唔會聚埋一個位！仲要冰震住上芝士撻芝士味濃，暖暖地溶溶地既芝心！$8蚊，$8蚊，係$8蚊咋！！！！！牛肉麵麵質6得岩岩好，牛肉都醃得好食！炒蛋滑嘟嘟～重蛋味繁忙時段要搭台，人流量超快，等位都好快有，落單出食物都好有較率！拿拿林食完鬆！茶記環境，但乾淨，服務員都乾淨整齊！

久仰大名既芝士西多士終於有機會試下喇！由於係晚餐關係，只叫一個西多應該唔夠吧！於是加點了常餐豬排轉公仔麵併抄蛋多士！西多即叫即製熱辣辣，見到面頭2大塊牛油加甜奶已流晒口水！急不及待切開，流心效果吸睛，香濃芝士味入口細滑，入口咸甜交集難以形容，邪惡感十級但堅好味一口接一口已清左大半碟，再來的豬排公仔麵，豬排鬆化易咬開，麵質湯底屬正常吸數！反而抄蛋香滑俱備， 多士鬆脆新鮮低讚！最失望既係期望甚大既'香濃'朱古力，沒有傳說中咁香濃，朱古力味都唔重且希，普通貨色

發現荃灣區有唔少冰室 而呢間有唔少fans 仲有招牌芝士西多岩哂我呢個芝士怪😁約左朋友陪我去試我見人話lunch好爆 仲擔心夜晚都會好多人點知八點去到 唔駛等位 直接入得🙊我同朋友兩個，叫左一份特餐，一份是日晚餐同一份芝士西多士呢度上餐好快，落左單大概五分鐘後，已經上哂…結果西多要食先，如果唔係啲芝士就一舊舊…招牌芝士西多上枱果陣唔算好熱，連上面塊牛油都唔可以即刻熱溶😂 只可以話熱啲既暖，入面啲芝士係半溶 我估應該係炸完放左一陣 唔通怕辣親食客?!芝士分量都算多，十分邪惡如果熱啲會更正是日晚餐 羅宋湯配牛油餐包兩個都只係暖…餐包唔夠新鮮…外層太乾羅宋湯正常味 唔辣是日晚餐(煙肉+豬扒+雞扒意粉)分量同價錢成大正比，而且價質唔錯煙肉煎得好香脆，雞扒皮都煎到脆口，豬肉鬆軟唔韌，意粉亦煮得岩岩好，唔會入口就爛招牌沙嗲牛肉面呢個係熱架😂而且一送上枱 已經蓋過其他食物既氣味 令人好想食左佢先沙嗲牛肉既分量比其他食店多好多，牛肉又滑嫩。呢度煮面有水準，公仔面亦煮得岩岩好，彈牙 火腿奄列加厚多士 火腿奄列嘅蛋煮得太耐老咗啲 但厚條火腿分量搭救 拉番啲分牛油厚多士烘到兩面焦焦地 好靚總結: 呢

個幾月前睇到文章係講唔同西多士有幾邪惡，西多士香口甜味，真係不能自拔，想試好耐終於有時間了！三點幾時間下午茶，都已經人山人海，所以都要等一陣先有位，先講坐位真係麻麻了，有點窄，枱嘅感覺比較偏低咁，所以成日手拎上泥時經常性撞到手錶同電話。不過自己小心啲都可以嘅。再泥有個好，餐單準備好哂枱塊玻璃入面，唔使成日問人拎餐單，方便快捷。門口已經被吸睛左係個招牌芝士撻，好似幾得，食落係好味嘅，不過冇咩驚喜，都係芝士撻咁囉～好嘅佢係熱啦啦嘅。跟著我隻佬叫左馬來西亞咖啡吉列豬排飯，個豬排夠脆唔會乾，本身舊肉係有肉汁咬到出泥。好味到唔記得影底得吖最後終極招牌芝士西多士。。。不過牛油同芝士都係比較偏喊，所以個奶唔係好食得出，但都係好嘢泥嘅。開心切時唔見有芝士流出，感覺有點失望，但原來好戲在中間，個西多士即叫即整，好辣咀，所以切一舊舊慢慢拮泥食，中間個刀劏開見到啲芝士咇出泥個下，個心好興奮不過如果佢個煉奶多啲，會更完美最後想講呢度嘅員工係幾好禮貌。呢個對個人泥講都好影響食慾問題，所以我讚好你地有時間都去試下吧！😄😁😀😚😊😋

之前經朋友介紹的, 因為環境唔錯, 食物質素又唔差, 我都很少叫晚餐, 通常是散叫多數都會叫我最鍾意食既 , , 不過由於散叫, 所以叫多一杯凍飲加9蚊, 埋單大約都是五十幾蚊, 但有呢個食物質素絕對抵食。所以很多時諗唔到食咩, 紅茶絕對是我既首選。不過今晚去食就發生了不快的經歷, 喺我食完碟飯時, 有位肥的女待應幫我收走個碟, 唔小心將啲餐具整跌左落我的衣物, 她不單只沒有執起, 要我執番俾佢不在話下, 連一句道歉也沒有, 還覺得是我故意整跌一樣, 態度和禮貌都十分差, 這是我幫襯以來, 今次真係完全對我的印象完全改觀, 十分失望。

舊裝茶記, 新派美食, 呢度比一般茶餐廳的食物來得認真, 來得美味, 選擇也很多。裝修簡潔, 坐得舒服。蕃茄蛋芝士菠蘿包 ($28 連飲品)奶茶沖得濃香, 也滑口。蕃茄蛋菠蘿包菠蘿包夾芝士、蕃茄和蛋, 菠蘿包表皮焗得鬆化, 包軟綿綿香噴噴, 加上熱辣辣的煎蛋, 咬一口, 甜及蛋香交錯, 滯口滋味, 比華嫂更好食。干炒牛河 ($42連飲品) 牛河好大碟, 食完呢個 TEA 晚飯也省回, 牛河炒得又香又乾身, 河粉爽口微彈, 瑞士汁調味了得, 甜甜地但有豉香, 牛肉極多, 很慷慨, 抵食又好味, 食完也不覺油膩, 推介。