紅茶冰室 (已結業)

次次lunch經過也大排長龍，今日得閒少少同同事又排隊試下，等左5分鐘即可入座。我點了沙嗲牛肉公仔麵餐，算足料的羅宋湯，嚐到番茄的鮮甜味而又不太酸；前菜火腿炒蛋配多士，牛油多士香脆，火腿炒蛋咸中帶甜，肉香而不腻，美味可口；主菜沙嗲牛肉公仔麵，出前一丁口感彈牙，沙嗲味濃而不辣，非常惹味！同事則點了焗咖哩薯仔豬扒飯，賣相吸引，同事覺得芝士很香，豬扒很滋味！我們吃完這這個lunch， 覺得價廉物美，排隊也是值得的～

#Promotion。午餐價錢好便宜，有3款選擇，呢款係泰式香茅豬扒拼德國腸配意大街粉，豬扒好鬆軟，係意大利粉唔夠食，同埋地方唔大，見議12點半前要到，因為好多人....大家可以過黎試下

成日經過都見有人排隊買包，今日自己都走去排埋一份叫左個芝士撻,我拎到手仲暖暖的，唔系好熱，但咬落好軟屬，不過就流心唔到，可能唔夠熱原因，甜味適中，芝士味不太濃，皮脆口。不過好抵食$8/1個。

紅茶冰室 Red Tea Cafe醒神早餐B 招牌沙爺牛肉麵配北海道牛乳炒蛋, 牛油厚多士 $30牛肉麵不愧係呢度既招牌😎 牛肉入味香嫩, 加埋公仔麵絕配~ 奶茶香濃, 多士雖然幾靚, 但唔夠香脆🙈🙈... 如果佢係即焗會好好多, 炒蛋偏淡但都夠滑~ 咁豐富既breakfast (其實係brunch 😂)先$30 我覺得好收貨啦😼👍 雖然cheese tart熱潮已過 🙈🙈 但都要贊下呢度既cheese tart~ fd 叫左一個, 我試左啖之後忍唔住買多2個番屋企😆 可能因為岩岩出爐, tart 皮香脆, 中間cheese 幾香濃略帶酸, 有d out of my expectation, 幾好食😜

今日黎食下午餐，之前都知道哩度有個招牌芝士流心西多士...終於得閒黎食到喇！好邪惡呀...真心超勁正😋面層有鍊奶，糖醬！切開啲芝士流出黎！勁多芝士呀！西多士又熱辣辣...堅正呀！

呢間食店我係短短兩星期內我幫襯左三次,先兩次堂食,後一次外賣.先講講食物質素,老實講...係唔差,好食,無論係餐或包都唔錯!我係讚!....但到我幫襯完第三次之後...真係唔想再去幫襯!原因唔係食物出現左問題,而係D伙記...!事源第一次去幫襯堂食...晚餐!本人叫左個牛舌飯另加凍飲.等待期間.隔離枱就叫左個晚餐(有湯,有包有野飲.一個set),點知個伙記將我碟牛舌飯比左隔離枱,而果個客冇留意到就食左..之後直到矩個餐黎到先知食錯!我當然冇問題,因為係餐廳出錯.又係唔係趕時間,唯有等多陣!而食錯左我個碟飯既客就慘..矩真係大量!why...因為原本矩叫果晚餐係$65(假設.因唔太記得),點知有個伙計走埋去同矩講:你呢碟飯(牛舌飯)冇湯冇包架wo.耍另計.oh..姐係原身既湯,餐包及飲品統統都要當單叫計...!總之個客埋單over$65.....!個刻我聽完都O咀!事實係伙計問題...why要入個客數!不過個客都冇嘈,我都無胃出聲!只覺得D伙計係咪有股份定怕咩穫!第二次幫襯都冇乜問題但第三次幫襯之後...我決定你有幾好食.我都唔再幫襯事源我好鍾意食矩地既波羅包..個日行魚街..心血來潮想

今日嚟開大窩口開工，當然要捧下紅茶冰室場啦！有次放假去左太子分店食(都係大窩口好味D) 其實我唔鍾意D餐廳將火腿通粉變左做鮑魚絲火腿通，所以好少叫A餐囉！早餐B見到件多士唔洗多講都估到啦！香牛油味又夠脆，旦夠滑牛肉淋滑，沙嗲味好香展開美好的一天

收工經過，很多時也見大排長龍，今日終於禁不住去一試點了個特餐，招牌沙嗲牛肉面，烘多士同奄列 配熱檸水 $40沙嗲牛肉面，牛肉剛好的嫩滑，沙爹味濃，面不會太軟，有少許的硬身，食落挺不錯的 多士烘得脆口，略厭有點燶，奄列蛋剛好的熟，切開仍有蛋汁流出來，配上一絲絲豐富的火腿絲，令人禁不住回味 這裡吃的，的確是傳統港式餐廳的風味，難怪長龍時時有臨走時，眼見舖面的面包相當吸引，便多口買件來一嘗 墨西哥奶皇包 $6奶皇餡好足，幼滑，並不過甜，包鬆軟又香，6蚊的確好抵食包裝袋仲係傳統紙袋，更添特色

紅茶冰室，係我公司附近，其實都係食過兩次~但次次黎親都係食麵餐果D，因為真係好好食~雖然價錢唔平，但其實值既。佢個厚多士，真係好厚，仲要好鬆，唔會硬堀堀D牛肉都幾新鮮，唔會話好似普通茶記咁落左勁多梳打粉，沙嗲D味都好香。炒蛋雖然話用左牛奶炒，但就算好滑囉。

係大窩口橋底，有間紅茶冰室。出名招牌芝士流心西多 極度邪惡的芝士流心西多配餐飲熱飲都係＄28 因為有芝士，所以比普通西多士多左一份咸咸的香味，上枱熱辣辣，外面炸到金黃香脆 切開d芝士半溶狀態流出來，一定要襯熱食，凍左就硬番

每次經過，都見到條人龍，茶餐室咋喎，仲係天橋底，咩咁特別呢？但今日竟然冇隊既，橫掂未食野，入去試下😉梗係食D人氣推介啦！*招牌芝士流心西多士* 等咗一陣，已經有得食，嘩！西多士炸得剛剛好，顏色金黃，多士上放咗塊芝士，仲有煉奶，代替咗糖漿，賣相好吸引，忍唔住喇，一咬落去，D芝士湧哂出黎，煉奶亦無糖漿咁甜，好正👍 喜歡芝士既朋友，一定鐘意到不得了，我明白點解經常要排隊lu

自己一條友去開荃灣做嘢，下午3點幾都未食lunch，醒起之前有朋友提過尼度有個芝士西多士好食，就過嚟試吓先！尼個芝士流心西多士，單叫$23，跟下午茶餐就$28，尼個時間就梗係叫下午茶餐啦 西多士外層炸得幾靚，面頭有牛油、煉奶同糖漿，咁樣其實已經夠邪惡㗎啦，裡面仲要係流心芝士呀 認真攞命！芝士味道都不俗，熱辣辣食好正 不過一個人食晒成塊，感覺真係都幾肥膩！

區內餐廳推介總會聽過呢間冰室，長期排長龍，今日有機會一試必食推介是芝士撻！ 新鮮製造，食落口仲好熱辣辣，表面烘到有少少焦，令芝士更香濃！咬落餡料滑溜，芝士香十足而且不膩口😝😝 牛油皮又脆身，食一個都嫌少呀！ 金寶豬扒通粉，湯底濃郁香滑，豬扒大塊，煎得剛剛好！骨位香，肉質嫩，難怪d人總係叫豬扒通粉食！😎😎多士烘得脆口，揸上薄薄的牛油，有牛油香之餘亦令多士更好味😛😛

跟一班朋友食晚餐，人在荃灣，又有人病倒，不能食燥熱食物，但食粥品對我們又何嘗不是苦事，於是有朋友提議到紅茶冰室，至少冰室選擇多，可以滿足大部分人的願望。我們一行五人被安排到閣樓，我們挑了一張近露台的圓枱坐，一眼看見餐廳地下的景色，來到茶餐廳，大家都有一份情意結，就是叫酥皮蛋撻，可是待應從二樓望向蛋撻櫃，話只剩下3個蛋撻，而我們有4個人想吃蛋撻，但我們都同時看向蛋撻櫃，明明就有至少4個蛋撻，那就奇怪啦，我們的視力明明正常，難道撞鬼，第4個蛋撻只是心魔?!最後待應看到還剩下二個蛋撻，立即為我們補回一個。其實蛋撻已經涼了，皮不酥，蛋水已經下陷，什至跟酥皮分離，連蛋味也變淡，簡單來說就是愈期望愈失望。另外，我們點了:干沙牛河KING 餐 (即是蕃茄排骨羅絲粉跟炒滑蛋同餐飽)芝士西多士跟火腿通粉焗咖喱雞排飯干沙牛河炒得十分香口，一陣陣鑊气在河粉問溢出來，只是食油下得重手點，但炒河冇油冇鑊气就好難炒到靚的干炒牛河，牛肉好軟身，醃得也十分夠味。相信這個是其中一個人气之選，因為單是目視至少有三枱點選干炒牛河。KING 餐，這刻化身為病人餐，因為最健康清淡的莫過於這個餐，我也試了一口湯，有蕃茄味的湯，而

上星期五第一次到此處食晚餐，店内裝修有點懷舊味道，有樓上閣樓，不過當晚冷氣維修中，太熱不能座！店内待應全部後生仔女，與一般茶餐廳伙計係中、老坑完全不一樣，但服務都係一般茶餐廳一樣！！！叫左個燒排骨晚餐連紅湯+餐包，美極生炒牛肉飯。燒排骨味道0K，估不到茶記有此水準，特別個餐包從來未試過咁軟綿，好香牛油味，炒飯幾干身，揾番老師傅的味道。之後再叫一道甜品~流心芝士西多士，嘩！切開後d芝士湧出嚟，成塊西多士怖满邪惡的感覺，好特別、幾好食！第日再去食午餐，叫左個豬扒包，包脆豬扒juice，再叫個楊州炒飯，d飯炒到濕淋淋，一pat pat，無嚟味道，同琴晚食嘅野有天淵之別，仲以為去錯地方添！d出品两日相差咁遠，好難評估是否再去