紅葉居 (已結業)

因團購原因最後一次.叫左:什菌牛扒飯定食,吉列豬扒飯定食,楊枝甘露,芒果腸粉,芝麻布丁,涼粉什菌牛扒飯定食:好油,只係用D中國冬菇+雞肶菇炒牛扒再加蠔油去煮.味道過鹹.飯好粗嚡.個麵豉湯好淡,支豆味道普通.吉列豬扒飯定食:肉質粗嚡漿粉粗嚡,炸到太乾身,味道一般.楊枝甘露:幾好味,芒草香甜味美幾香滑.芒果腸粉:好細條,味道可以腸粉都幾滑.面頭個汁冇咩味,唔甜又唔酸.芝麻布丁:完全失望,只係雪涷嘅芝麻糊.涼粉:個餐送嘅,淡到冇咩味.整體:去食甜品就可以,其他真係請都唔再食.

本來諗住放咗工同幾個同事行去旺角食野傾下計，點知……放工先黎落雨，咁唯有係公司附近搵食啦，呢間Lunch食過，ok的，但晚餐又冇試過wor,大家冇所謂就入去食，本來以為佢地只有定食，但入到去原來都有其他小食，又ok wor，我地4個人叫咗二碗店長推介的拉麵(說真的，個拉麵湯底好味到爆呀，好濃好骨膠原，最初店員同我講話個湯底肴咗10小時，用幾多豬骨㷛，我都半信半疑，但第一啖飲落口，真係真材實料)，一個炒烏冬，一D小食，四個女仔其實都好夠，但某同事係都話要食返個甜品先至滿足，於是我地點咗個什果福袋，袋裏面竟然有個雪糕球，但成個加埋一齊食又幾好味，唔錯唔錯。

因團購原因走去試.先講做生意用咁嘅方法真係唔得囉,點解個價錢同團購個menu差咁遠嘅?叫左:吉列廣島蠔飯定食,照燒雞扒醬油湯烏冬定食,紫蕃薯焗布甸,香芋焗布甸,香芒糯米糍卷,楊枝甘露吉列廣島蠔飯定食:吉列廣島蠔好細粒,味道似內地貨炸完出來都好濕帶有小小腥,蠔味淡,炸粉唔脆有點硬.飯好粗嚡唔似係珍珠米.前菜好普通冇咩特別,反而個蛋沙律醬做得唔錯,不過用來點蠔食都係淡,空口食就ok!照燒雞扒醬油湯烏冬定食:照燒雞扒肉質嚡個照燒醬味淡好一般,醬油湯烏冬,湯烏口感算可以,不過個湯親眼睇住用滾水開嘅,你話會係咩味呀!紫蕃薯焗布甸:味道唔錯,可惜蕃薯出水太濕.香芋焗布甸:比較甜,唔夠香.香芒糯米糍卷:點解唔係卷狀嘅?芒果好酸完全唔得,個皮反而做得唔錯,幾軟熟有口感.楊枝甘露:定食送嘅,反而幾好,香甜味美幾香滑.

這日式小店係新開張, 朋友推介所以去食個lunch.lunch menu 都幾多選擇, 價錢大約40-50, 在大角咀係屬於中價. 主要係日式定食, 拉麵烏冬和飯都有. 餐廳大約可坐20人, lunch都幾多人. 定食包括主菜, 前菜, 甜品OR汽水.照燒雞扒烏冬定食-- 選了豬骨濃湯, 湯底幾香濃又不油, 幾好味. 烏冬煮得幾好, 硬度適中. 湯烏冬有幾多配菜, 冬菇, 四季豆, 紅蘿蔔等. 雞扒份量幾多, 有8小件, 雞肉不會煎到乾哂, 仲幾腍, 味道不錯. 我覺得可以煎得乾脆D會可口D. 前菜係腌矮瓜, 做得很好, 唔係响街買D八爪魚中華沙津嗰D冇誠意小食.豬軟骨烏冬定食-- 同樣選了豬骨濃湯, 豬軟骨有3-4件, 十分入味和腍. 朋友話豬軟骨汁加豬骨濃湯令個湯更好味, 我都有同感! 另外甜品係芒果布甸都幾好味, 唔係水汪汪嗰D!!lunch set 冇加一每位$42, 真係好味又抵食!

新開的一家小店,但已經食了幾次,最初抱住試一下心態入去食,點知真的有驚喜,店在午市主要是做日式定食,佢跟餐是送甜品的,而且個甜品好好味呀,拉麵烏冬都唔錯,彈牙,豬骨濃湯底好味,我今日試了廣島蠔定食,好味,旁邊的同事對我的蠔都虎視眈眈,下星期再試其他野先,順帶一提,佢地個滑蛋豬扒飯都好好味呀