紅葉茶屋 (D2 Place TWO)

营业中

休息中

難得尋晚星期五品使加班，未夠7點路過，唔使等太耐，就打算去食久違既壽喜燒啦！🤤好快已經可以入坐，落完單都只係大約7點10分左右。😊大約7點半左右，朋友既鯖魚定食已經到左，再等左10分鐘左右，就問問樓面壽喜燒整好未，回覆只係製作中，要等等。😤眼見其他枱，比我遲黎既啲食物都已經不停咁到，見朋友都食到咁上下，所以又忍唔住咁不停追問店員，點知呢個問幾時整好同等等既回覆，一直來回咁問同回覆到8點15分左右先等到個壽喜燒，😮‍💨最後因為等得太耐，等到連原本想食既甜品都無叫到。😵‍💫要等成個鐘，下次無時間都唔敢再去食

主食：芝士雞肉蕃茄忌廉烏冬$88烏冬麵好大碗，烏冬係粗身烏冬，比較有嚼口，湯底勁重芝士蕃茄味，好creamy，芝士同蕃茄撈埋一齊好夾🫢細心位係芝士蕃茄湯底食得多會好膩，佢加左小小蒜片，食落冇咁肥膩，同好飽肚🧀飲品：冰忌廉抹茶拿鐵$45係我最最中意飲既抹茶拿鐵💚抹茶味好濃，味道剛剛好，不會苦又不會太甜，感覺好似食緊雪糕咁☺️

同同事食晏想食日本野，見依間暫時未係好多人就衝左入去🤪 落單係用QR code自助落單，旁邊亦設有自助斟水區比你自己斟熱/常溫水。 今次叫左豪華海鮮丼茶漬飯，佢有得揀2種湯-昆布湯或香濃蝦湯嘅。我揀咗跟蝦湯味，今次再食覺得佢個香濃蝦湯真係有濃咗啦不過就咸，之前食過一次覺得佢個蝦湯好淡口🤪今次總算有改進。而刺身都keep到幾新鮮唔錯，湯唔夠係可以叫店員再添嘅。上菜嗰陣有跟埋食法指引比客人參考。 如果佢個湯做到香濃而唔係好咸就更好💕

2023.07.02呢一晚，諗唔到食咩，近近地諗起呢間，食物算ok又幾好坐！今次揀唔同嘅食物，其實對我俩來講，都唔算多選擇，我哋兩個都要湯烏冬，再加一個煎餃子。我個腐皮烏冬好正常，都有小前菜，唔錯👍🏼 而女友個芝士雞肉番茄忌廉烏冬就有點意外，我哋好少叫呢款，估唔到係咁嘅賣相，味道都幾好，係啲雞就⋯⋯白雪雪咁，睇落同食落就一般，如果可以煎一煎就好喇，定係會唔襯呢款鳥冬嘅味🤨 炸餃子，好味喎，價錢好合理😊👍🏼

我琴日同朋友去食，職員服務態度幾好。雖然價錢偏貴，但食材豐富，新鮮。值得嘗試。鍾意食日本嘢嘅話，可以去試吓。好似仲有茶泡飯，諗住下次過去試食。鍾意食日本嘢嘅話應該會啱！

環境舒服 ,職員主動問坐出面定入面,叉燒不會太肥,頭盤小食不會太重味,價錢合理,黑蜜抹茶蕨餅特別,抹茶味濃,正 ,抹茶蕨餅,好食,牛奶雪糕入口即熔,抹茶也濃,柚子冷飲好正

放工跟朋友去D2 Place, 路過見到紅葉茶屋，記得喺奧海城食過，今次有新餐牌，一於試下～😌今次點左鹿兒島黑毛一口和牛定食， $138 有咁多件和牛粒，仲有配菜及湯，已經覺得性價比高！食落和牛粒肉質鬆軟，有豐富肉汁，唯獨有部份有筋咬唔斷，其餘都好好味，而且配柚子酸辣汁好開胃～👍😋朋友點左海鮮定食，大大隻甜蝦、三文魚及吞拿魚刺身，肉質柔軟鮮甜，而且日本米煙韌有口感，朋友都話好味～位置近荔枝角D2 出口，上商場一層就到，都夠方便，星期五晚8pm 左右唔算多人，下次可以再食！😌

呢間餐廳既食物質素唔錯，我叫左炸物定食，啲豬排同炸蠔都炸得外脆，裏面軟熟多汁。價錢黎講就真係偏貴喇，$138一個飯餐，少少漬物，麵豉湯，但唔包野飲。服務方面，基本上都係自己qr code點餐啦，自助斟水，但收左加一，不明所以。個人認為加一係比個服務，如果主要係自助點餐斟水，冇必要比加一。另外，我朋友叫左個黑麻油拉麵$98，除咗面之外，就得幾塊肉，食完都唔會太飽肚。因為我地下午3點幾食，當食下午茶的話，都尚可。

上完堂走過對面 D2 二期睇下有咩好食。西式，日式，港式…. 都有好多選擇。見呢間日式料理店有飯類，鳥冬類，甜品，非常吸引。生薑燒豚肉定食份量足夠。主菜生薑燒豚肉賣相ok喎，睇落juicy，調味夠入味。喜歡多洋蔥。伴碟薑蓉可增添味道，不過我覺得不需要，都好夠味道。套餐包括前菜兩款，白飯和麵豉湯。整體套餐嘅賣相，份量都唔錯，可值得試吓。

紅葉茶屋最近新出了期間限定夕張蜜瓜雪糕！雪糕芭菲、抹茶提拉米蘇、意利利奶凍每款都是顏值與味道兼備！✧ 鎌倉紅葉茶屋特製軟雪糕芭菲 配期間限定夕張蜜瓜雪糕光是賣相，已足以讓一眾甜品控為之瘋狂。最頂的是夕張蜜瓜雪糕，高脊杯裡層層堆疊了紅豆、抹茶口味銅鑼燒、抹茶忌廉、自家製白玉和抹茶凍。夕張蜜瓜味真的相當濃郁醇正，感覺在吃蜜瓜，第一口就愛上，但是多吃幾口還是會覺得，有點膩。抹茶味的銅鑼燒有驚喜，特別在吃過甜膩的蜜瓜雪糕後，吃一口較苦澀的抹茶味銅鑼燒，可以中和一下。青澀與甜膩，蓬鬆與綿密，多重口感在口中爆發，份量之多足夠填飽空虛的下午。✧ 鎌倉紅葉茶屋抹茶提拉米蘇朋友點的這個三重奏，有提拉米蘇、期間限定夕張蜜瓜雪糕和一個意大利奶凍，一次有三種享受。提拉米蘇是抹茶口味，剛入口能吃到抹茶細微的苦味，甜度低，沒什麼酒味，一勺挖到底，還有不同層次，底部應該是餅底，脆脆的，更有層次感。意大利奶凍清新淡雅，不知道是本來就沒什麼味道，還是剛吃了蜜瓜雪糕，蜜瓜味道過於濃烈，掩蓋了奶凍的味道。紅葉茶屋地址：荔枝角長順街15號D2 Place Two1樓110-111號舖

第1次食紅葉茶屋係好耐之前喺黃金海岸店，記憶中炸豬扒幾好食😋今次第2次食呢間，不過荔枝角店就第1次食，平日夜晚嚟到食晚餐，通常walk in 都會有位，因為D2 Place 平日夜晚係比較靜！餐廳採用簡約和風設計，坐到卡位係幾舒適，所以當晚係可以食完正餐再慢慢食埋甜品，係平日夜晚好啱chill 住食嘅餐廳！餐牌選擇幾多，好多都想食，上次食咗烤豬扒，所以今次就試吓牛😋🐂和牛肉壽喜燒定食🍱 $168😋食後感：-賣相吸引🤤，牛嘅份量都幾多，肉質鮮嫩入味，壽喜燒汁濃郁，裡面嘅豆腐同菜都好入味，好味道😋👍🏻推薦🥤芒果＆西柚紅茶（凍）$42😋飲後感：-好fresh好解渴，西柚味比芒果味重，少少酸，我呢個西柚控表示好飲😋👍🏻🍨抹茶蕨餅新地 $68😋食後感：-見到相都覺得吸引，📷打卡able😍-好豐富嘅甜品，有雲呢拿同綠茶味雪糕、紅豆蓉同埋蕨餅，味道好夾，紅豆蓉比較甜，不過同雲呢拿雪糕或蕨餅一齊食可以中和甜味，好味道🤤最後蕨餅部分我係食唔晒，建議甜品可以2人share 食餐牌裡面仲有好多款食物都想食，上次食完烤豬扒好味，今次食完和牛定食好味，下次仲可以繼續encore 再試吓其他菜式！

今晚唔知食乜好，見成日行過都無幫襯過，就幫襯下呢間D2 嘅紅葉茶屋。叫左2個外賣返家吃，諗住嘆下。。1。吉列豬扒滑蛋丼2。香辣焼牛肉定食無一個過到關。首先個豬扒丼。豬扒肉柴、無味、粉甩、水汪汪、個蛋唔均勻又鹹，配菜似超市貨、飯不是珍珠米。。至於個「香辣焼牛肉定食」，沙律同牛肉放埋一齊、味偏鹹、飯當然也不是珍珠米🤷🏻‍♂️簡單講，完全不合格嘅日本食物，更不值超100元呢個價位。無技巧、無誠意！不會再去。openrice 落單寫明要「少鹽，走味精」，好似收唔到一樣🤷🏻‍♂️

見到門口張壽喜燒poster幾吸引，於是就入去試下，餐廳裝修以木系為主，侍應安排左我哋坐卡位，座位都幾闊落。到埋單嘅時候發現原來有加一服務費，除左上菜係由侍應送餐，其他都係自助式，用QR code落單，水係自己斟，埋單都係自行出櫃面。————————————♥————————————- - - - - - - - - - - - - - - - - - - - - - - - - - - - - -♥️ 豪華和牛肉壽喜燒定食 $198牛肉壽喜燒唔係用熱鍋上，未食到一半已經開始凍，牛肉份量多，肉質嫩口，入邊有少量菜、豆腐、洋蔥、冬菇，壽喜燒汁偏甜，白飯可以任添。♥️ 香蔥柚子蜆肉烏冬 $85整個湯底冇乜柚子味，湯底清清地，蜆肉冇沙，烏冬煙煙韌韌。♥️ 藍莓芝士忌廉窩夫🧇 $68*即叫即製，需時15-20分鐘睇相既時候以為係脆脆嗰果種窩夫，事實係熱香餅既質感，藍莓醬偏酸，芝士忌廉冇乜芝士味。- - - - - - - - - - - - - - - - - - - - - - - - - - - - - -————————————♥————————————

嚟到商場唔知食嘜好，見呢間日本餐廳有我想食嘅茶漬飯就入咗去食啦，時間尚早唔使等位，到我走嘅時候就叫緊籌號啦，都幾多人食喎講返個茶漬飯先，店員遞上一份茶漬飯嘅享用方法說明書比我睇，係其他店食通常店員都係口講，呢度就有說明書要自己睇，都係第一次收說明書，雖然刺身唔算厚，d 茶又唔係好夠熱，但勝在一碗飯可以有3種食法，味道係唔差嘅，如果d 茶熱返d 就更好啦跟餐嘅前菜又勁鹹😂朋友叫咗份豬扒飯定食，味道就正常總結收加一服務費但冇服務，水要自己倒🤨

2023.03.12 dinner呢一晚唔知食咩好，走咗嚟呢度搵吓，都好耐冇嚟，都有啲新餐廳，我哋揀咗呢度，望到環境幾好就走左入去，我哋早，仲有梳化卡位，好舒服😁睇睇餐牌，女友揀咗牛肉壽喜醬汁烏冬，我就要生薑燒豚肉定食。 烏冬先到，幾靚喎，有兩個小前菜，咁樣收$95都值啲，啲葱仲分開放添，幾細心👍🏼 味道唔錯，都有壽喜燒汁味，牛肉都唔錯，啱我哋，係瘦牛！ 我個定食呢，都好靚，但啲豚肉就⋯⋯少少似普通豬肉，個款仲似炒雞肉添🫢 不過味道就好好，仲整咗小小薑蓉放係碟邊，連埋啲肉食更加有薑味😋 不過個麵豉湯就唔夠好味🤪