紅蔥頭 (已結業)

今天路過朗豪坊時，順便在11樓吃了個午飯，我點了一個芝士忌廉菠菜龍利飯和鐵板一口牛。先說一下那個飯，我覺得它的芝士濃度挺符合本人口味，因為我不太喜歡芝士過濃，但如果5分來評價芝士的濃度，我會給它3.5分，所以對於追求很濃的芝士味道的朋友，吃這個就要加一下其他調味料了；至於菠菜方面，我覺得它的味道稍微被芝士味所掩蓋，但我不喜歡菠菜的味道，所以覺得挺不錯，這適合像我一樣偏食的朋友；不得不提一下這個飯的忌廉的味道有點有趣，原本忌廉汁的味道被杏仁的香味取代了，我原以為是錯覺，但另一位同行的人也嘗出忌廉汁的味道與杏仁相似；最後我想說一下整個飯的主角—「魚柳」，這魚柳吃下去時沒有腥味，滑而不膩，令人覺得意外的是這次芝士並沒有掩蓋它的味道，魚的味道仍很突出。這圖所顯示的是甜醬汁內沸騰的氣泡不斷冒出的一刻，也算是這菜式其中一項特別之處。這一口牛脂肪和肉的比例剛好，肉質相對嫩滑，沒有肉筋(PS:我吃的那幾小塊)，牛味算是濃了，吃每一口都口齒留香，所以吃一口後絕對想吃第二口!!!!至於甜醬汁，我覺得是偏甜，大約是5級中的3.5級以上，所以它跟薯蓉之間有點格格不入的感覺，建議不要蘸太多汁，除非你喜歡吃超甜的

約咗朋友旺角食午飯，想抵食、好食又可以靜靜地傾下計，諗起朗豪坊11樓依間西餐廳，之前黎過幾次印象良好。星期二下午1點半，竟然唔駛等位。朋友第一次嚟都驚奇地話喺朗豪坊五十幾蚊個午餐仲免加一好超值。Lunch set有兩個餐牌，包餐湯、餐包同飲品，就只包飲品，加$6可升級包埋濃湯同牛油法包。我地揀咗，大家口味相同，都揀咗芥末德國腸燴意粉($57)，餐湯就一個羅宋湯、一個粟米忌廉湯，飲品每人加$3轉鮮橙汁。兩個湯都濃郁好味，朋友話羅宋湯就幾辣下。 烘熱嘅牛油法包如果大片d更好。個芥末德國腸意粉賣相唔錯，顏色鮮艷，意粉煮得軟硬適中，每條都吸收到恰到好處嘅芥末汁，只係德國腸切得薄咗d，多多少少失去德國腸應有爽脆嘅口感。鮮橙汁大大杯，唔錯。總結，食物、服務、餐廳佈置、價格依然，會繼續幫襯。

正正常常既餐廳所有菜我都食過，最好食既係焗飯系列，有蜜桃焗豬，番茄焗豬，個汁做到啱啱好，又有口感野飲必叫熱檸茶，超正，好有紅茶味，絕對係一般茶記飲唔到，價錢又親民，係旺角附近返工既朋友仲可以問下佢有冇公司優惠🤤

環境：⭐️⭐️⭐️⭐️⭐️店舖環境設計用心，柔和嘅燈光下用餐，在忙碌的工作下確是一陣子的享受！食物：⭐️⭐️⭐️⭐️食物款式選擇多，附有餐湯、餐包及餐飲，性價比高！食物質素用料新鮮，雞肉滑嫰，價錢亦合理！炸薯條如果改為薯蓉或焗薯片會較健康！雜菜湯用料十足，辣味夠濃！服務：⭐️⭐️⭐️⭐️待應服務有禮盡責，以客為先，會一眼關七走全場，不會視而不見，上菜速度快，會因應客人不同點餐款式主動遞上調味料，抵讚！註：⭐️⭐️⭐️⭐️⭐️五星為最高分，⭐️一星為最低分。

每每在weekend到旺角，總被到處人頭擁擁，橫衝直撞的人人人人嚇窒，更別說是想找間餐廳安靜的吃飯。🤦🏻‍♀️.這天在酷熱天氣底下，怕冷又怕熱的我(廢既。)就拉著👩🏻直接由MTR進入朗豪坊找吃的。好，還是人多多，還是行李箱一個二個。好，我唔怕你地架。.為免等位，我們決定又去紅葱頭，一家味道不錯，又難得安靜🤫舒適的小餐廳。室內佈置舒適有格調。沙津牛粒🐃配紅飯 - 點這個永遠錯不了，牛粒熱辣辣生熟度剛好，口感非常好，與紅飯味道很夾。👍🏻👍🏻芝士🧀焗蜜桃去骨雞腿配炒飯 - 芝士舖面焗至微燶，剛好。與甜甜的蜜桃很配，蛋炒飯也不錯。份量偏多。👍🏻HAHAHA,, 報告完畢。只能說，這是一家Above average的小餐廳，如能保持食物質素就更好，店員服務有待加強。

七月二十一日14:50，一家三口諗住簡單食午餐，剛至攞飛排第一，而之後有四位sales 女士到場，怎料”主任”居然真接比位她們入坐，而我追問，他竟無禮地回應「唔知喎！」，我再問當值經理Raymond，他只係回應可能誤會啦⋯⋯ 這樣嘅態度，其實佢不應該做服務性行業.....

是晚和朋友慶祝生日，食物不錯，主菜份量足夠，餐廳環境一般，不夠情調，服務尚算殷勤，有推介食物又有經常為我們添水，價錢方面，大約$300一個2人餐，朋友特別推介豬肋骨及朱古力心太軟

20180613 旺角區的真心推介落雨晚上臨時找到飯腳🤤尋晚急急在開飯啦揀一間在朗豪坊的西餐廳，貪其落大雨也不怕，約朋友又方便。由於比預約早到，經理也很禮貌的安排座位給我先坐邊等飯腳，第一感已不錯。第一次試呢間西餐，果然性價比超高🙆🏼‍♀️😋D扒正又唔貴🥩，心太軟都👍，再一次加分。經理見我哋食完一碟太滋味再醒多碟心太軟🍫，臨走最後加到滿分💯，所以立即訂埋星期五晚上作為另一班朋友飯局的腳點。註：美國安格斯西冷（左）👍👍👍👍、鐵板西冷（右）👍👍👍👍👍

去朗豪坊睇戲，開場前得個幾鐘時間，所以近近地去呢度食。去到冇咩人，唔駛等位就可以即刻入座。當時店內食客唔多，感覺服務員態度散漫，叫了個2 人set, 價錢可以但食物不見突出，試過就算！

考慮左好耐都唔知去邊到開飯局約齊兄弟姊妹一聚，傾傾結婚當日的安排。最後決定到廊豪坊的紅蔥頭，一開始響OpenRice 到預早book 定台，因為有14人，所以book 完再打電話去confirm booking ,講明係openrice book 好快就check 到資料。當日我book 左7:30 食，但因為拎左好多好重的兄弟姊妹禮物，7:15我地就到左， 男經理勁好人比我提早入坐。仲一早安排左一邊近牆的位置等我地可以靜靜地傾計。人齊就開始落單，落單同事超勁14個都無甩溜，手腳又快， 仲好風趣。雖然事先講明限時90分鐘用餐，但由於講結婚野講到忘晒形完全無留意時間，但我地超晒時都無趕我地走，仲非常好，唔會好似其他餐廳咁不停收野阻礙你。 野食又夠大份，兄弟姊妹都食得飽飽。加上餐廳有得用信用卡同麻廊豪坊消費仲有免費迫車。簡直係perfect。 我會推介比其他人😊多謝餐廳同事同經理👍🏻為我的婚禮出左力🤣

今曰去睇介指，睇完就行去朗豪坊食晚餐。好耐冇食過西餐了。我地兩個人叫了個2⃣️人套餐，套餐內已包括餐飲、湯、頭盤、前菜、甜品。最愛燒排骨，燒得好惹味，食到停唔到囗！個煎魚柳飯就普通左少少，下次可以試下食意大利飯，應該會好食d！臨尾送上埋甜品 心太軟 1⃣️切開即刻流曬D朱古力出黎 正 埋單不用3⃣️百元 確實抵食

訂左位 閒日同朋友黎食晚飯。用Openrice 訂位時Join左個 意粉類9折優惠，所以分別叫左 1) 忌廉汁黑松露煙三文魚天使面 同 2) 黑漆漆墨魚面我兩個都有試，但主要食煙三文魚天使面。忌廉汁黑松露煙三文魚天使面Okay 正常 5錯 ， 忌廉汁分量剛好 入味 唔係太燶，面條硬度岩岩好，所以有d口感。除左意粉同煙三文魚，西蘭花 同 菇 分量相對出面食 較多同適中。另外，黑漆漆墨魚面正常口味，魷魚都彈(但較少)，得兩粒番茄沒其他配菜。如果想食set 可以join 升級優惠，另加16-28，可選不同甜品/湯/飲品。加埋升級優惠，同出面一般食個西餐set差5多，但升級優惠的價錢/可自選食品 較為有彈性。埋單一人約HKD 110同埋間餐廳係朗豪坊戲院上三層，食完館可以去睇戲

晚餐9:00後安排入坐卡位，暗黑浪漫情調，斟水落單有禮，鐵板食物上桌，服務細心周到。食物色香可以，豬雞扒味一般，薯條配菜新鮮。中上地段方便，如此實惠價錢，要求莫過於高。

今日幫朋友慶祝生日，本身book咗20:15， 但自己記錯時間遲咗15分鐘到， 餐廳都好好有幫我哋留座服務方面: 想表揚一下reception嗰位男侍應(有戴眼鏡，年紀比較大)，我哋一坐低佢就詳細介紹餐牌同埋做緊嘅優惠。食完晚餐之後，佢捧上生日心太軟時好親切地為我朋友唱生日歌亦都送上祝福 唱歌可能係公司需要， 但佢嗰份親切感真係為呢餐嘅慶祝再加分，多謝!食物方面: 心太軟好好味，因為佢會問你想幾時上菜，然後因返嗰個時間即焗即上。 另外叫咗個牛扒，我哋叫咗五成熟，但我諗佢煮到有啲過熟， 所以唔夠“林”， 有少少扣分。總結而言， 因為服務好好，我願意再次光臨。

服務員服務很好,特別是門口接待的男服務員(比較年長的哪位),因為我原來BOOK錯日子,佢幫忙安排入坐又提醒我上網即BOOK及取消錯的BOOKING,他很抵讚環境舒適, 價格合理, 服務很好, 食物質素高鐵板牛肉粒香甜美味, 薯蓉好好食雞翼炸得香脆可口, 內軟外脆,..非常非常正海鮮飯好香濃芝士...正