紅蔥頭 (已結業)

第一次食午餐...因為多數係食下午茶...原來食午餐呢段時間呢間野都好爆架@@叫左個三號同八號，除左呢啲都仲有午餐abcd餐，個啲有湯有包，123號餐個啲就冇去西餐廳食意大利飯都貴貴地，但呢個性價比高，平平地有好食嘅意大利飯！每一粒飯都痴住左啲汁，口感適中唔太硬，啲菇都唔會少呢個同餐牌圖差好遠..餐牌果個係好多波菜係芝士下面...實際得幾條😢但味道is ok的，魚都好大片，啲飯係夾雜住少少蛋...似是炒飯底...汁夠多，唔會唔夠餸飯

今曰放假同媽咪帶埋ar b去朗豪坊行街買衫 行到咁上下見肚餓 就黎左呢到醫肚啦我地叫左兩個lunch set 仲要包埋野飲 餐湯 麵包 1⃣️個set先至五十幾蚊到真係好抵食呢度啲侍應都好好人我話塊麵包凍左唔夠熱 佢都肯換過俾我 仲請我哋食多咗塊添跟餐叫咗一個羅宋湯一個粟米忌廉湯前者比較酸 後者就比較稀左少少 唔夠杰身 口感爭d！至於兩個午餐一個就係煎牛扒配飯一個就係煎雞扒配薯菜 薯條炸得幾脆雞扒同牛扒肉質都夠嫩滑 服務態度又好 又抵食 下次一定會再嚟

約了一班老友星期日晚在朗豪坊吃飯，諗住聽日要返工所以早食，發現係openrice可以訂位再加asia miles / 9折. 餐廳環境很好，有情調，座位舒適鬆動，很適合朋友談天。食物方面是典型西餐，套餐有港式扒餐，味道不錯和性價比高。其中一個朋友說她和她前男友（現任老公）是這餐廳的常客。如果拍拖情侶來吃也是挺不錯。過了一個愉快的晚上。服務質素雖然不錯，但有改善的地方，譬如說向服務生要求加水，但整枱人他只加給向他要求加水的朋友。不過只是小問題，整體來說是值得推薦的餐廳

今日同太太黎朗豪坊行街諗住食餐好既見到呢到幾有格調又多人食就黎試下我叫左一個牛扒意粉做午餐本身對午餐牛扒都唔會太大期望黎到個賣相真係差過茶餐廳牛扒中規中距只係啲黑椒汁太咸想叫薯條又話冇唯有叫意粉但個意粉係dry之餘竟然係未熟晒🤦🏿‍♂️午餐唔算貴但真係冇諗過係朗豪坊食野可以咁難食結論只有兩個字 失望

星期五旺角夜,去到朗豪坊心大心細唔知食咩好經過紅蔥頭見好耐無食就入黎再試試叫左個二人餐,貪佢唔算貴又多野食服務質素好好,叫左兩個蘑菇湯,黎錯左兩個紅湯,即刻幫我地換番,個湯都幾有蘑菇味道,忌廉味唔太重,所以飲完都唔會飽到食唔落其他菜色田螺都幾入味,份量適中,薯蓉撈埋D汁都好滑好食帶子燒牛柳,兩粒帶子細細粒,煎得香口,牛柳就好軟腍,口感不錯墨汁意粉就個汁比較濃,都算入味最後有兩球雪糕,賣相相當靚餐廳環境雖唔算闊,但燈光暗暗地都幾舒服而且選擇多,而家有懷舊扒餐,見到旁邊食扒餐都相當大份服務質素都好好,會主動幫你加水同人手充足,唔會無人服務你

服務越來越差，叫左個B餐豬扒拼司華力腸伴紅酒汁，將紅酒汁改左黑椒汁。當餐送到時仍然係紅酒汁，叫待應改返黑椒汁，點知待應再拎返個餐時，只係將黑椒汁淋上紅酒汁，就當改經改左。真係離晒大譜！

和朋友睇完戲去左朗豪坊搵食，咦就咁啱想食扒喎於是去左好耐冇去既紅蔥頭了。叫左個西冷拼雞扒，好味好大份呀，真係太回味啦。朋友叫果個三文魚扒就好硬，味道一般，但個炖飯底炖得唔錯，如果想食清淡一點的朋友可以一試。

今日喺傍晚時間我們喺旺角做完嘢之後去咗朗豪坊行吓，睇吓去邊間食店食晚飯？因有大部份嘅食店我們都有食過，所以想搵間之前未食過嘅，行到去比較高層見到呢間「紅蔥頭」係未食過，而且所以我們就決定入去食晚飯！我們叫咗鐵板西冷牛扒、鐵板薄西冷拼豬扒同鐵板薄西冷拼鷄扒嘅份量超足料大份，西冷牛扒嘅肉質非常鬆軟嫩滑，肉味亦相當濃郁，而且係我們最鍾意嘅厚切，真係好正呀！至於薄西冷雖然係比較薄身，口感唔算好豐富，但肉質都好軟滑！豬扒嘅肉質相當鬆化，唔會煎到過咗火令到水份流失而變到硬實實，真係值得一讚！鷄扒嘅肉質好鮮嫩，而且表面煎到色澤好金黃香口！羅宋湯真係落足材料去煮，所以湯底嘅味道係極之鮮味濃郁，真係超正呀！牛油法包好酥脆香口，除咗有淡淡嘅牛油香味之外，仲有香草嘅味道！

晚上想外出逛逛，便選擇旺角朗豪坊這一帶，那時已將近九點，仍不知吃什麼好，閒逛經過一家西餐廳，環境頗好，便走進去試試。忌廉湯和牛肩骨（熱）還可以，其他也是中規中距。總的來說，喜歡這裡的環境和他們的服務態度。

係好肚餓嘅時候見到係出面嘅menu好似幾啱食，所以就入左去試下 😂🌟芝士忌廉汁煙三文魚長通粉 $53係朗豪坊入面食到茶餐廳嘅價錢仲包飲品真係好難得😂 最值得一讚係佢呢個長通粉真心唔錯😎😎芝士同忌廉汁好濃郁 😍 令到每粒長通粉都有芝士拉絲的感覺😋😋煙三文魚亦算肥美😋 由3塊長三文魚卷成一朵玫瑰花🤗成碟清哂😘😘

旺角真係好多人，尤其浪豪坊，真係人來人往。最後見到間西餐廳 cafe Med (紅葱頭），望入去環境不錯，午餐還不用加一。😃午餐有4款選擇。有餐湯、牛油法包、主菜及飲品，價錢只是$54-$57。我就更係點最貴的黑椒牛扒餐啦 （😬😬都係$57姐）餐湯-羅宋湯，湯好濃，又多料，配上香口法包，好好味。有驚喜！主菜 - 黑椒牛扒配飯，雖然只係$57及賣相普通， 有d似快餐出品，但吃落，牛扒一d都唔差，配上小辣的黑椒汁，好野味。如果想在旺角吃餐舒服午餐，這間是不錯選擇！

今日收工既時候落大雨，咁就唯有去朗豪坊避雨同朋友行下行下，就去到一間頗有情調既西餐廳一睇，價錢又唔係貴喎於是就同朋友入去試下！入到去，餐廳都差不多坐無虛席我地被安排去坐一張卡位張梳化好闊落，坐得好舒服隔離有個area有個蠟燭仔係枱面，非常有情調，適合和情侶二人世界！我地一行三人叫左四樣野食第一樣係前菜，叫做鐵板上的蝸牛（法式香草牛油焗田螺），賣相很精緻，薯蓉好細滑，配合埋田螺一齊食，好夾！好好味！主菜我地叫左忌廉汁黑松露煙三文魚天使麵、芝士焗蜜桃汁去骨雞腿飯，同埋鐵板度西冷拼雞扒。先講鐵板，份量好夠，味道都好唔錯焗飯既蜜桃汁比較特別，係出面唔容易試到，成個焗飯好juice，唔會有乾既感覺天使麵既黑松露味好出，岩晒中意黑松露味既我，加埋一塊大大塊既三文魚，正！總結黎講，呢間餐廳既環境同食物質素都偏高，價錢就定係一個親民既位置，唔錯，絕對值得再黎！題外話，見到隔離枱叫左一份ribs，好大份，下次一定會試！

朗豪坊入邊雖然有好多食肆，但有時一個人都好難選擇正煩惱食咩之際，見到呢間紅蔥頭唔需要等位，而且環境不錯，可以坐得舒舒服服，set lunch 價錢亦非常相宜50幾蚊一個餐，仲附送餐湯餐包同嘢飲，係朗豪坊黎講性價比極高叫左個蒜蓉雞扒意粉上菜效率高，好快已經黎左餐湯同包，湯同包好明顯一早預備好，湯唔夠熱，個包亦食得出已經烘左好耐意粉頗足料，意粉稍硬，個人認為醬汁同意粉味道偏淡，整體呢個餐黎講水準只屬一般，食得飽肚，但不覺得享受美味但呢個價錢，速食午餐是不錯選擇

週末期間與友人在朗豪坊蹓躂，買了心頭好，隨意在上面幾層找家餐廳吃下午茶。肉醬瘋薯的薯條首先不多，用一隻杯仔上，感覺很少。脆是脆的，惟薯味不夠，薯肉質感亦不夠粉糯。配上的肉醬淡而無味，我們需另加茄汁同吃。一山還有一山低，黑椒豬扒炒烏冬無黑椒味，得個鹹字，豬扒有很肥很厚的肥膏連著要吐掉，扒肉是靭的；更甚的是油到無朋友，吃完碟底清清楚楚地淌著一層1cm高的油。咖啡及檸茶都是普普通通，然而咖啡不夠濃、檸茶不夠檸，未能驅走膩氣。餐廳內客人不多，但冷氣嚴重不足，逼使我們蔥蔥的吃完蔥蔥的走了，不帶走一片雲彩。

星期五晚要朗豪坊搵食唔容易，本想食另一間餐廳，但多人到傻，只好由頂樓每層行下有咩食。見到呢間唔洗等好耐，又可以坐底傾下計(無錯！我每次同朋友食飯就係為左傾計😆)睇完餐牌，我地決定叫2人餐，唔洗諗太多😆爽快既人！先上個雜菜湯，入面好多蔬菜，唔會太酸/浠，我覺得唔錯！再黎焗田螺，朋友喜歡程度係將成餐飯既食量，放哂呢個度，清哂😆！之後益左我😏😌，睇落去就明！炸烏賊: 脆，入面既烏賊好香好爽口，配個酸酸地既沙律汁(👈🏻我估)，無咁膩！熱玫瑰花柚子蜜:甜甜地，飲完好舒服。牛柳我地叫左medium rare，估佢唔到，都做到呢個效果，令到件牛好正，仲生生地，肉嫩！佢叫做深海帶子，無諗到咁細粒，好想叫佢放番入海養大啲先食🙈，底下薯蓉都好食！個燒汁唔會似現成醬汁，所以唔會太咸！頭先講我朋友中意食田螺，食到飽哂，所以件牛柳益左我，我食左好多！卡邦尼煙肉扁意粉:上枱仲好熱，味道不過不失。2個人都食唔哂🙈，我地食飽後就叫賣單，俾完錢就走，但！！！到我打呢篇先發現😭😭😭2人餐個甜品呢？！嗚...佢無提醒我地雪糕仲未上餐廳啲枱距離好近，想講秘密係無可能架啦，細聲對方聽唔到，大聲講得都唔係秘密啦😂！ 有時都唔係想