紅蔥頭

营业中

休息中

其實紅磡都好多好野食～呢間紅蔥頭雖然食物就吾算得上十分好食，但勝在環境舒服，啲位都ok，服務態度ok。星期日同朋友食下午茶，呢個炸薯條連凍檸茶$4x到，正常既炸薯條，佢個醬幾好食～～飲品就麻麻，但我幾中意凍檸茶同朋友講左幾蚊鐘都冇比人趕走，都幾好丫

如果只有一個小時嘅飯鐘，食紅蔥頭一定係首選！學生基本上有折扣優惠，比起紅磡其他食肆，算係性價比較高嘅一間餐廳！食物嘅質素非常唔錯，當中最鍾意嘅一定係意大利飯！！

心血來潮事件簿😋（3）以前得閒同同學落左堂之後就會偶然到依間餐廳食下野，因為有學生價，就算作為普通午餐，價錢都尚算合理，今日就同大家講下依間餐廳最好食洋蔥豬扒飯，食落去嘅汁唔會太過甜，而且豬扒都好有口感，完全啱矖多啦尊嘅口味😋佢依個餐除左個飯之外仲會包埋個湯同埋個蒜容包俾你，都係一個價廉物美嘅餐😋😋間餐廳的環境都唔錯，木凳坐落都算舒服，反而店員服務就有待改善，上錯餐的時候會黑面，嚇死多啦本尊😱不過如果論食物，這間餐廳都還算不錯，簡單一個午餐都是一個不錯的選擇☺️

那天晚上，上學前到了這間餐廳吃晚飯侍應說出示學生證即可享有學生餐 免加一再9折所以就揀左個學生餐揀左個扒餐，無曬忌廉湯所以就要左個羅宋湯湯偏辣，對小妹黎講除左食麵嘅辣湯底外，其實嘅辣湯都會覺得太辣薯條中規中矩，唔算妹脆口亦唔算林但牛扒就好難切又難咬....

傾完project就去附近食lunch，見到間西餐廳唔洗等位就入去試下，環境都幾有格調，另外多人一齊食飯都唔洗分開坐。今次就叫左個雞扒意粉，跟餐送埋湯、蒜蓉包同飲品。更加重要既係有學生證有8折優惠，一個餐50蚊都唔洗，45蚊就有，算係幾抵。飲品選擇同茶餐廳果啲差唔多，仲有啲特飲，但要加錢，所以冇點到。餐湯同餐包好快就送到，個湯就不過不失，冇咩料，唔算好濃稠。蒜蓉包就幾香同脆卜卜，蘸餐湯食就更加配合。至於個雞扒意粉呢，塊雞扒都算厚身，肉質嫩口，意粉撈埋啲汁食就冇咁寡，但就略嫌菜的份量較少。同桌朋友點左吉列豬扒，都炸得唔錯，個汁幾香。不過上菜速度就有啲視乎你點咩餐，同桌另一個朋友個飯（唔係焗飯）等左好耐，去到大家都食左一半有多先到。整體黎講都算抵食同飽肚，同埋近紅磡地鐵站夠方便～

一直未寫呢間餐廳，上次係因為做嘢而去紅磡，由朝做到晚，所以都連續幾餐都响度搞掂，不過置富呢個場午餐時間都幾多人，想坐得舒服啲，紅蔥頭係比較寬敞嘅選擇。是日要由朝踩到晚，要食返夠本先平衡到心理，點咗個bbq醬燒豬仔骨，豬仔骨燒得啱啱好，而且好入味肉骨比例叫做一半半，唔會得副骨頭俾你，肉質好腍好鬆軟，呢度嘅廚煮得好過旺角分店喎~同行人士就叫咗個卡邦尼煙肉天使麵，芝士味都幾濃郁，而且勁多煙肉，唯一想挑剔嘅係個汁如果做得濃厚啲唔好咁水稀稀就好啦～

呢日午餐去都can食飯同學揀咗食紅蔥頭我自己就未食過嘅咁就去試下啦呢度午餐價錢都ok四五十蚊左右大多都係扒飯不過唔係全部有跟湯同餐包因為呢日想食素所以揀咗蘆筍雜菌意大利飯其實都係得一款素食 冇嘢好揀不過我都鐘意出街食意大利飯因為喺屋企煮花時間得嚟好難煮得好食過咗十分鐘多啲就有得食喇賣相比想像中靚味道更加係超乎想像地好夠creamy得嚟食得出唔係就咁高湯加牛油蘆筍同意大利飯唔叫perfect match不過令個味道更有層次感令個飯食落去冇咁膩48蚊連嘢飲學生免加一再九折算係好唔錯

這一間餐廳的位置很方便，好近火車站。而且地方很大，即使午餐很多人光顧也不用等位。侍應很俐落地帶我們坐下。（有餐車方便員工出餐👍🏻）佢哋點餐都很有系統。有紙比你自己填餐的號碼，連飲品都是填號碼。我點了番茄奶油鮪魚螺絲粉，而朋友點了芝士忌蜜桃雞腿配蛋炒飯。 兩盤都超大碟。而且夠熱👍🏻食得出廚師放咗好多洋蔥和香草調味。即使是蕃茄醬汁，我食到一半就太飽投降了。我偷咗朋友兩口飯試。基本上就是焗蛋炒飯。 飲品是熱好立克。好難沖得難飲啦😂總括而言，食物是有中上的茶餐廳的水準。仲要是大大份，又夠平！所以很值得推介！

今日去咗紅蔥頭到食lunch，叫咗個雞扒拼薯條同埋跟餐有一個蒜蓉包同埋餐湯，總會有一杯野飲，咁多樣野加埋都係＄50左右， Poly學生仲會有優惠添，真係好正啊😆

今日食得有d趕，淨係影左一張相，請大家見諒喔～呢排既menu加左呢個芫荽辣椒炒煙肉闊條面，一見到有芫荽既菜已經唔洗係唸食咩了芫荽辣椒炒煙肉闊條面（$42）呢個價係88折後既學生價跟餐有杯熱飲份量幾啱女仔食，唔多唔少啱啱好！男仔叫飯食會比較好～我呢個芫荽迷有少少失望，唔係好食得出芫荽味啊：（辣椒味都幾香，幾融入到落d意粉度，啖啖都有d辣椒味幾開胃*v*佢好既地方係香得黎食落唔會覺得好辣，就算係平時唔食得辣既朋友仔應該都可以食到的闊條面煮得啱啱好，會有少少偏硬添：）平時我都鐘意食麵質硬d既 覺得好啱食xd午餐生意好旺，又好似唔夠人手甘，所以出餐會有少慢，大約10-15分鐘～ （以前好快手架：‘P，5-10分鐘就出到餐）所以如果趕時間既話 要考慮清楚搏唔搏啦：）

我和我的朋友今天來了紅蔥頭吃午餐🍴，位置很多，不用等位就可以直接坐下👍🏼👍🏼我們叫了午餐食,其中會包是日餐湯，牛油法包，一個主菜，以及餐飲。👻餐廳可以選擇忌廉湯或者羅宋湯🥫，而我就選擇了羅宋湯，水準挺不錯的，不只是湯，還有蔬菜在裏面。🥦🥦牛油法包方面，上枱時是暖暖的，脆脆的🥖🥖而主菜方面，我就點了D餐，海鮮忌廉燴意粉🍜🍜面嘅份量非常之大，而配料方面亦不少，有很多雪藏蝦🦐🦐，非常彈牙，另外還有蘑菇，索晒啲汁😋😋 整體來講都唔錯！

Previously heard that this place (another branch) was pretty decent, but was very disappointed this time.Wait staff obviously hate their job, zero service and quite rude. They came to our table and asked who's drink/food they were holding, and then ignored our answer and just set it down at the side of the table quite close to the edge.Food was okay but a bit bland.Iced coffee was so sweet it was not drinkable.Additionally, one of the waiters was making really inappropriate and suggestive commen

👫男朋友👱🏽‍♂️讀poly，有時lunch要係附近食，咁操開肌需要勁多蛋白質嘅👱🏽‍♂️就揀左嚟都can（置富都會）嘅紅蔥頭据下扒，補充下蛋白質✌🏻#蒜蓉牛扒 <$55>Garlic Steak▫️跟餐咖啡/茶▫️跟餐白湯餐湯有紅湯/白湯揀，👱🏽‍♂️就揀左白湯，個湯飲落普普通通，無咩特別，叫做入得下口🤨▫️跟餐蒜蓉包蒜蓉包得一細塊，外形唔似食開個種包，反而似威化餅😂 不過焗得幾香脆，浸湯食都幾正㗎～▫️可配白飯，意粉或薯菜塊牛扒唔算大，而且幾薄下，同埋有好多筋，好難切😠 味道麻麻，都係食個蒜蓉汁嘅味，無咩牛味🤔 不過薯條就炸得都算香脆，唔會上碟就淋曬～整體嚟講，呢個價錢据到扒都唔會期待太多，只為飽肚🤣🗣：套餐凍飲要加$3，13:00前結帳離座可享有9折優惠；制服人士可享免加一優惠，另外可以提前電話訂座喔👾*10% Service Charge*

Lunch time 有時間當然要去都can 食啦 呢間我已經食過好多次 都幾鐘意食物質素唔錯 環境舒適 再加上學生優惠可以八折 真係幾抵 唔洗五十蚊就食到餐好豐富既lunch餐單都有唔少選擇 全部都幾吸引今次我地兩個人十二點幾到 唔洗等位我就點左瑞士豬扒拼薯菜（$50）包埋蒜茸包 餐湯同飲品 瑞士豬扒上面有火腿同芝士 雖然芝士唔太融 又唔係好夠味 但豬扒唔肥 唔油膩 肉質又幾彈牙煙韌 整體都幾好最鐘意就係紅蔥頭既蒜茸包同忌廉湯 真係好味 每次黎到都想要可惜每次去食 店員服務態度都好一般 但都值得去

落左order等左成8個字都未黎 唔緊要佢話漏左order 再落過 好我比多次機會佢 又再等半個鐘點知又未到 我再催下佢 點知佢話未落單 我嬲到走左如果想試下等待嘅滋味 一定要黎呢到上不過我一定唔黎