紅螞蟻 (已結業)

今日去呢度食lunch, 套餐湯麵配嘢飲($28), 飯配嘢飲就三十幾. 我叫咗個雞翼米線, 0的米線彈牙好味, 反而日式雞翼就無特別. 個炸雞件飯大大碗, 賣相非常好. 不過就嫌0的套餐0的選擇, 幾乎煮法得一個-炸, 炸雞, 炸大腸, 連札肉都要炸一炸.飲品可擇西瓜汁, 不用加錢, 亦沒有加一服務費. lunch去食就覺得幾扺.

焗反ok,只是飯有點硬,梳乎里麻麻。地方細但座位舒適,服務平平。比以前好像差了一點...

星期六晚好累呀!只想找個地方坐下食飯,所以去左紅螞蟻。有個52蚊既意大利雲吞(個名好長所以唔記得),以前未試過,所以試。原來都幾好味,用既係紅汁,好香,仲有好多配料,如什菌,小蕃茄,青紅椒,洋葱,主角則細細隻,同一般意大利餐廳唔同,反而我覺得佢有少少俄地中國人既雲吞,其實雲吞皮有少少硬(可能我放耐左卦?),不過加埋汁就ok,,而且配合得幾好味!另有芝士焗西蘭花,其實味道都可以,但係芝士變得好杰,好怪,亦難入口…個個店員都好落力推介店中甜品,尤其梳乎里,個個都叫客人試,但我無試,因要等半句鐘,下次先啦!

同媽子想搵地方食下午茶, 記得呢度的評價都唔錯, 就走來試試.下午茶餐有意粉, 湯麵等選擇, 數量都ok. 我要左香茅豬扒+髮絲麵+椰香海鮮辣湯底. 媽子要了福州丸, 麵和湯底都係一樣. 碗麵幾大碗, 但d麵一d都唔"髮絲", 比我在兩年前第一次食的時候差遠了. 豬扒香茅味重, 但頗乾身, 福州丸有點像炸了的鯪魚球, 味道都係一般. 至於個湯有椰香但唔覺有"鮮"味.佢地的服務在我就只係一般, 但對熟客則熱情得多.呢度的非吸煙區只有一丁點空間, 若想坐得舒服一點就要揀吸煙區呢

經過就多la~ 入去食都係第一次!26/8(Fri)7:30pm都係得幾丁人排隊, 唔係掛?(經濟復甦?) 結果5~10mins 就入左去.環境: 寸金尺土, 唔係咁好味道: 我個女友......人話二人餐多得濟wor~散叫 主菜: 咩羊肉天使麵, 油麻地~ 小食: 生煎蘿蔔榚, 唔係道道食得到 田螺薯蓉, 都幾好食 芝士西蘭花, 好過油麻地d d~服務: 都算ok~人手多到有d人行行企企~吹水傾計, 一 叫就有人應, 仲識自動沖茶.抵食: 散叫$200 兩個, 二人餐就會抵食d, d 咋乾淨: 眼不見為乾淨總體上都ok 啦, 睇下同邊個食啦

同bf叫左個豆豉芝士汁銀鱈魚焗飯,白汁煙三文魚天使麵同生煎蘿白糕.個飯好似冇以前咁好食,冇乜芝士同豆豉味,汁又太少,不過都叫唔錯,幾特別.個天使麵唔知點解冇咩味,要加D辣醬先食到(辣醬都幾得,辣辣哋酸酸哋).個蘿白糕係用蘿白絲加蝦米...煎成圓餅形,味道都唔錯,不過食時就好'呢hea'!佢哋D咖啡好難飲,又水又淡,好唔掂!仲有,好似加左價.

單純講味道，其實唔錯，牛魔王飯幾正架。不過，ｄ侍應就差ｄ，唔多理你之餘，最大件事就係碟野仲未食完（仲有兩件牛肉架>.<"），已經收左去，仲要係四碟有兩碟都係咁，叫都叫唔住，收之前都望真下隻碟或者俾個手勢問下個客仲要唔要可以嗎？雖然野食OK，但係食得好唔開心，唔好意思喇，服務個項真係只值1分！

今晚黎開餐叫左個二人餐包括小食醬燒牛脷,香辣海蝦墨魚天使麵,腰果茸沙嗲汁金菇豬扒飯,餐飲要左兩杯凍檸茶,另加15蚊要左個焗軟心朱古力布甸醬燒牛脷～味道唔錯,少少甜又唔un香辣海蝦墨魚天使麵～叫左少辣,味道較為清淡,好在海蝦彈牙亦新鮮,天使麵亦幾彈牙,味道唔錯,可惜多油左d腰果茸沙嗲汁金菇豬扒飯～有粒粒腰果粒o係面,有咬口,沙嗲汁帶有少少花生醬香味,加埋金菇同豬扒,好美味,但如果豬扒瘦d會更好,因為真係幾多肥肉凍檸茶～一般茶餐廳貨色,ok啦焗軟心朱古力布甸～呢個好味道,唔太甜或者苦,加上真係有朱古力醬走出黎,不過如果可以再多少少會更perfect,兩個人分享一個已經好夠服務態度誠懇而且會留意住你食野既速度上菜見你差唔多食完主菜先會上甜品好細心更加好係今餐唔收加一好抵食朋友仔都話下次要再黎食

同朋友仔二人叫左個SET，價錢好似係AROUND $120，都幾好，兩個MAIN COURSE，一個小食、兩杯飲品，另加15可以食甜品。醬燒牛脷幾好食，蟹籽什菌焗飯味道略淡，炒天使麵(唔記得全名了)都幾好，有小小辣，適合喜好清淡味道人士，朱古力軟心布甸幾好食，配襯既生果都幾鮮甜。可惜的是喜愛的士多啤梨香蕉奶變得好難飲。服務態度良好，等左一陣就有位了，最好係可以要求坐非吸煙區。

曾經跟師弟兩人趕往深途中，在這兒以十五分鐘「吞」了一頓午餐。點的是兩頓午餐，埋單$72，，快得來不算差。三拼麵餐：三拼是褔州丸、炸大腸、雞中翼。褔州丸好juicy 、炸大腸少肥但香酥、雞中翼多肉夠大隻。配以幼滑如河粉的台式水晶米粉，不俗。好多配料，夠飽。餐飲點了好一般的凍檸茶。焗飯餐：選了「蟹籽雜菌焗飯」，份量剛好夠男生食用，汁料夠香，好味！（推介）熱咖啡好一般！另，水晶吊燈相當漂亮！

星期六,我同朋友去到apm樹~~~記得果邊有間紅螞蟻新開咪去try try~~~晚上9點幾到都好多人,咁我地咪去行左陣先返轉頭,又好快散得緊d人...我地坐好就睇到d甜點好正,咁我叫左3個小食同2個甜品1.牛利(甜甜地)....保持味道2.薯蓉(油左d)3.豬頸肉(d汁酸酸地)...幾好味4.士多啤利凍奶(好似咁叫,用酒杯上)...第一口面上有cream士多啤利好好味,有2枝牛奶朱古條好甜,到中間d咩凍奶就甜到難以相信,底下有d士多啤利啫喱中和返先好d不過如果有身體不適者勸勉物try~~5.芝士餅(好芝士)....okd位無其他鋪咁迫,無咁煙,環境ok ga,大家去睇睇la係apm 1/F L13

周日去食lunch, 估唔到都有set lunch食喎, 叫左個烤茄子牛脷飯跟西瓜汁$43同埋墨魚仔炒意粉$35, 再散叫個炸大腸$25炸大腸係我地每次必食之小食, 其實無咩特別, 可能因為覺得係鋪頭食個d腸會洗得乾淨d, 油又無咁千年啦, 不過佢都好大酥, 腸又唔會話勁多肥膏, 都幾好食啦!! 茄子牛脷飯有d怪, 因為完全無汁!!!!係四片燒茄子+四片燒牛脷+木魚絲+白飯一大碗, 岩晒個d大飯王!!!! 茄子燒得好味, 因為唔會太淋同埋有燒汁係面燒, 牛脷略為過左火, 有d鞋同硬, 可以做好d, 如果飯可以比番d汁咁就最好啦!! 墨魚仔炒意粉有d老襯, 因為係雞粉炒意, 墨魚仔好細隻又好少, 意粉又無咩特別, 得個多字, 唔抵食! 成個set最抵都可算係杯drink, 無加味精西瓜汁, service都係一般, 座位同一般紅螞蟻一樣, 迫迫地咁囉.

今日去左觀塘創紀之城5(APM)L1-13既紅螞蟻食Lunch.等左一陣有梳化位不知幾開心,叫左白汁天使麵($5x),焗田螺薯蓉($30),北京鴨肉薄餅($5x),同午餐蕃茄煙肉意大利粉,跟餐飲1杯($52)1.白汁天使麵-完全冇白汁,乾淨淨,被騙2.北京鴨肉薄餅-好細件3.蕃茄煙肉意大利粉-d煙肉少到喊,好似食緊淨意粉4.田螺-唯一覺得ok加上連水都要問幾次先有,lee 間決冇下次啦

食過尖咀同埋銅鑼灣三間紅螞蟻,最好味o既芒果汁都係太子呢間.另外有次試過同朋友食個陣,隔離台個亞嬸走個陣倒瀉左我朋友杯芒果汁,d wairess極helpful咁畀左塊布我朋友入toilet沫乾,跟住安排我地坐第度, 然後好快就畀過杯芒果汁我朋友,所以我對呢一間組螞蟻o既印象幾好的!

20050219 1.30pm男友來接放工, 大家都無食早餐, 加上天氣又凍, 搵o的飽肚o野食下. 2人share吃-*辣肉醬菠菜焗菠菜味千層麵- 太鹹, 但一的都唔辣wor, 菠菜焗o左個樣好可怕.*粟米蕃茄乾松子醬炒寬條麵- 齋, 同埋太淡,要落芝士粉. service good, waiter們一眼關七話頭醒尾兼快手快腳, 抵讚. 不過坐得好辛苦, 因為太逼. o的走廊逼到一個地步有侍仔跌o左個玻璃碗, 嚇死人.因為係SET 所以有o野飲, 一個熱奶茶一個熱檸茶.不過無加一,一人先幾十蚊,算啦.