紅螞蟻 (已結業)

早前係紅螞蟻門口發現由9:00-11:00有一個$58甜品BUFFET,所以同家人決定去試下,但係未食淨係排隊已經好激氣!!打電話去問既時候,佢話8點開始排隊,8點半派飛,共有60個位,我7點45分去到,門口30個人都冇,佢同我講話數過夠晒人,但我好堅持咁等到8點半,因為我都好想知佢所謂既夠晒人係有幾多人,最後個經理比埋飛我。如果唔係我堅持,咁我仲有得食??我唔相信一個成年人數數目都唔識LAW!!之後9點再行返去拎位,我明明見到入面有位,但個經理話要9:15先入得,跟住我指住佢門口個牌問個經理咩唔係9點開始咩?佢話冇位WOW!但係有人同佢講係兩位DINNER既時候又會立即有位!服務態度唔好都算,9點15先比我入去,9:35分已經有d甜品係冇晒,到order第二次,所有既cake都冇黎,等到9:50我地追佢order,佢話所有既cheese cake都冇晒,淨返3舊比我地,真係多謝晒!!講完仲收左我地個meun唔比我地睇下再叫咩,呢個行為真係cheap到爆!到last order既時候d waiter問:你地仲有咩要order呀,不過大部份都冇晒la wow你都咁講lor,我仲有咩可以o

我地三個女仔八點半去到, 點知都好full, 等左二十分鐘左右, 好彩有卡位坐, 不過serve我地果個侍應就好唔得, 成日重覆又重覆, 一邊落單但隻眼望住門口, 隻耳仔又聽左出面的order啦我估, 結果每一次叫佢都要起碼重覆講兩三次, 最後一次佢先擰開個耳筒先落到單...本來地想叫第二個落, 但果個侍應話佢係專責我地張檯, 所以唔可以叫第二個....我地叫左個兩人餐再加小食, 主菜係芥末汁羊肉天使麵, 估唔到d羊肉係禁碎, 好細片, 得好少, 不過都幾有羊味. 另外叫左個豬仔飯, 這個竟然用個瓦煲黎裝, 有點似羊腩煲....小食有個菠菜蛋餅, 四件, 這個都幾特別, 另外一個雞沙律, 個雞好乾, 不過都算幾大兜, 另外再叫多個炸大腸小食, 這個都係好乾, 好似街邊果d好味d喎....食到一半d客人都少左, 但追加果個炸大腸都係等左好耐, 最後埋單又係等, 起碼等左十五分鐘, 服務真係好唔得!

鍾意去紅螞蟻食lunch因為第一, 好多選擇第二, 食物水準尚好第三, 價錢相比附近餐廳唔算貴, lunch唔加一身為一個常客..打動我寫呢篇食評既...就係搞笑經理我去到拎位時門口有好多人等左一陣入去..見到有個未見過既經理級人物..佢對住個Walkie-talkie講.."門口大塞車,門口大塞車"又講"宜家門口情況穩定,門口情況穩定"語氣好似D報導路面情況果D..哈哈...一田大減價...有好多人拎住喼入泥佢叫D"細佬""呀妹"去幫客拎..又問D客洗唔洗幫佢地將D"戰利品"放埋一二邊..佢重不停聊d客吹水..話咩"大減價係好搏家d人"又同d客講下富士康..睇住佢走來走去..我都食得好開心..食評梗要講下食左咩啦:1)香淡咖哩忌廉汁田螺肉焗飯$63, 我既例牌. 我本身唔係好食得辣野, 平日唔會食咖哩. 但呢到既咖哩好香唔會好辣,,田螺幾嫩,,送飯好正..中間有D菜同薯仔..好飽肚..雖然次次都食到我出晒汗,,狂飲水,,我都係好鍾意食. 好彩侍應加水算快,,不過焗飯要等耐D,,趕時間的話唔好叫.2)香煎挪威三文魚鮮茄炒蛋湯扁意粉$62, SET LUNCH. $62在SET MENU

最近有多點機會到西田那邊閒逛，自不然也就多些時間到來開餐。很遺憾的，這兒餐廳的食物水準的確真的頗為"有限公司"，不過為着抽多些時候與小朋友走走，也就有點迫不得已的意味了.....其中的"表表者"便是這間開得成行成市的西日餐廳。食物水準頗為不濟，但環境倒是光猛開揚兼闊落，算是叫做聊勝於無啦....套餐是下午的必然選擇，紅湯當然是例牌之選。不算稀的texture，頗多菜蔬在內，算不俗的。可惜伴吃的蒜蓉包吃落全無蒜香，且焗烤得有點過焦，苦味十分突出，弄得連湯也酸中帶苦來，有如人生....看到是日有小吃優惠 ---- 加十大洋便有一客蜜汁櫻花蝦伴XO醬炸豆腐，也就來一份試試。端上來一入口便知完全不夠熱度，已被攤涼的豆腐外皮當然不會香脆，但連汁也是冰凍的，就真的不能令人原諒了。雖則說不可對"十元特價小吃"有着甚麼期望，但老實說，不至於那樣難吃的嘛....蜜汁雞件鰻魚飯是小弟的主食選擇。飯沒有全被焗透，炒飯底全然不香，像普通白飯一般；蜜汁澆得不均勻，有的地方猶如澤國一般，其餘的卻又乾巴巴的；雞件沒有預先醃過(已是有些意料之內了)，最弊的是連鰻魚亦是乾如柴的，差勁得可憐....太太叫的雞肉丸湯的湯底

休閒星期日散步後tea本想到其他餐廳試試可是還是被紅螞蟻特飲吸引了蓮子百合茶,,雪梨海底耶,,薏米水和赤小豆粉葛都好飲冬季限定,,要在夏季來前飲個夠吃了個三文魚湯飯好飽雖然等耐左D...好熱...味道不錯服務比之前好了...一次比一次好侍應變主動了Lunch吃更抵因星期日Lunch&Tea也不加一

一份二人餐，一家三口食小食係翠玉瓜及豬仔骨兩份味道唔錯及不會太淡或太濃一個三文魚湯煱飯，非常之熱，還有椰子香味!魚味唔錯及有新鮮味添!一個係咖喱焗田螺飯味比較淡了一點但也有不錯的味道香味夠，熱度也十足一份牛脷醬汁調配都唔錯也有口感可惜不太熱甜品也可以平均係一個好的晚餐坐得舒服但服務就較差，要改吓！

平時通常黎食午餐和下午茶，覺得唔錯。食晚飯就相對貴左d。鮮茄雜菜湯：雜菜湯似雜菜水多d，唔好飲。煙三文魚雜菜沙律：雜菜唔夠新鮮爽甜，三文魚肉 “梅梅地”。瑞士香蔥忌兼汁花枝海蝦燴天使麵：sauce頗creamy和香，天使麵有咬口。蜜汁焗去骨烤鴨肉葡國腸飯：香噴噴熱辣辣既焗飯係呢度最值得食既菜，次次都幾好味。原本想食埋甜品，但太飽食唔落啦。

經常見有人在這餐廳門外等位, 也曾試過入內進餐, 印象中是一間不錯的餐廳, 今日適逢經過, 便決定參與等位行列。約十五分鐘後有位, 坐下後便叫了在門外已選定的菜式。雜菜湯 - 蔬菜充滿整碗湯, 味道亦適中。蒜蓉飽 - 又是囡囡的心頭好, 外脆內軟, 絕對合格。煙三文魚軟殼蟹煲仔飯 - 煙三文魚夠香, 軟殼蟹反而一般, 油頗多, 煲仔飯未夠乾身, 但也有點飯焦, 整體來說, 不過不失。牛油田螺焗薯蓉 - 田螺好味, 焗薯蓉夠滑, 加上香濃的牛油味, 十分惹味。因邊吃邊工作, 未能完全投入享受, 有點遺憾。

今日去完大會堂,特意到來食Tea,都有一段時間冇來了!嘩,可能係星期日所以好多人,但好快有位,我都係兩個人啫!叫咗個豬扒麵椰香海鮮辣湯,仍然好大碗,須知我唔係成日來食,但每次都會叫呢個湯,個湯真係好好味!咖哩蛋包飯,嘩....真真真係好大碟!不過D蛋就唔夠熱....加十元仲有三隻餃子添!但個汁好似唔係餃子汁咁怪怪哋!!最後唔駛問更係食唔晒啦!個經理行過見到我碗麵冇晒D湯只淨番D麵,仲以為有問題,(咁我又真係食得哀咗D咯)下次入開沙田實會再嚟食過!

之前食過MK的紅蟻,,覺得唔錯今日黎到沙田''唔想再諗''一於入黎食dinner先講裝修''呢間紅螞蟻真係幾靚d窗框好有design睇完裝修睇menu la照慣例叫了2人餐 $188要左小食拼盤 三文魚椰汁湯飯 仲有一個招牌海鮮焗飯小食拼盤有5樣小食：春卷、炸軟殼蟹、香酥掛骨、涼拌茄子、唔知咩丸樣樣都平平無奇 係炸軟殼蟹較突出三文魚椰汁湯飯 驚喜既係有幾舊三文魚排真係多到食唔晒*_*只不過佢個椰汁漫太濜啦....我食左一半就頂唔順放棄加上..佢個三文魚排有d腥`又多骨真係食一半就夠試埋友人既焗飯 好茶餐廳既質素佢個汁係勁平民既豉椒汁'''拎係焗飯真係唔係太襯好在...佢海鮮都為數不少挽回左d分``總括黎講''呢餐差唔多要每人100但食既野唔值100我係出面會食到質素更高既食物lo*可能係個別紅蟻既問題我有信心再試其他分店既@_@

記得多年前...去左問佢地可唔可以訂位...佢地話唔可以...就對佢地冇乜好印象...----------------------------------------------------------事隔多年,諗住去試下...第一次食煙肉芝士意粉(好似係...)...一個字"正"!好夠"芝"味另外再叫左個魷魚鬚...超脆超香超好食!未食過咁好食既魷魚鬚...仲叫左2碟

食左RED ANT好多年,覺得一向都唔錯,今日幫襯沙田分店,真係唔罵唔得~叫左個二人SET,$188蚊炸魷魚酥保持到平時水準,好食~炸大腸,第一碟上台,凍又硬,明顯唔知放涼左幾耐都照上,痴線,換過碟,係又熱又脆不過都係唔係太好食。煙肉蛋汁意粉.意粉唔洗用存咬,成口都化哂,唔知煲左幾多個鐘,真係似炆意囉~難食到兩個人都食唔落。最後個MAIN係蒜茸飽雞肉丸,個雞肉丸..是但晌超市執的平貨咁,仲要用雜菜湯水煮..請問點解要配蒜茸飽食呢,呢一味真係錯哂`, 一人食左一粒丸就唔食惟一個荔枝乳酪似D樣....一世無下次~

黎左呢度真係好多次, 次次都好滿意, 特別係佢地D環境, 真係好正, 坐得好舒服。朋友介紹下午茶, 因為我多數黎呢度食DINNER, 見佢D下午茶幾平, $30-$60不等, 有細細份既薯條炸物, 也有大大份既炒鳥冬, 我就叫左個美國豬大腸米線配椰香湯底, 凍奶茶, 其實今次個豬大腸好似差左, 有D唔夠脆, 仲好似有D黑黑地既肥膏, 唔知係未唔洗得唔夠乾淨???!!!!!杯凍奶茶依然是非常之合格, 係我鍾意既味道!!!! 食完, 同個FRIEND望上天花, 真係好寫意, 望住上面既玻璃, 落住雨, 好正呢.....P.S.唔知關唔關D豬大腸事, 食完沒久就肚痛啦........

我係napoleon既超級fans!食過paris既作品~一試愛上..誓要尋找最好食既拿破崙!好食既宗旨係:新鮮既酥皮唔會有水氣~要crispy鬆化脆口+蛋香奶油味既custard!而非cream+sponge cake!第9間~red ant紅螞蟻出品既mango/strawberry napolean cake~又係失望之作....因為佢唔係用custard...係用cream...是次為09年2月14號情人節既dessert~p.s雖然dessert很失望~不過佢既main course我好中意~係焗田螺~我自己都好中意食佢既焗飯~而且我都試過其他dessert~如心太軟都ok~最重要係我中意沙田呢間既裝潢~!而且係情人節都唔洗逼你一定要食set dinner!又有得book位~所以我都比個笑佢!

若是評沙田市內環境不俗的餐廳的話，除了《UCC》外，第二的應該是《Red Ant》了…每次走過《Red Ant》都被店外有如窗檯般的開放式設計所吸引，內裡的裝潢亦十分grand，可是一直都沒意慾入內嚐嚐（也許是怕店子大部份的價錢都是拿來「吃裝修」的吧）…今天晚上終於鼓起勇氣到來試試看…我倆點了一客$178的二人套餐（包兩款前菜或餐湯、兩款主菜、兩杯飲品），餐內至少各十款前菜及主菜供選擇，配搭頗豐富的喇，還可加錢吃甜品，當然不要套餐的話散叫其他食物亦可，食物的類別除一般西餐廳的意粉、飯類等等外，更有泰式湯粉等等，選擇甚廣，真的十分「多國菜」啊，另外單點主菜可加$25轉餐的呢！（包飲品及沙律或餐湯）點過了食物後，耐心地等候著…不久，侍應便端來我們的鮮茄雜菜湯，喝過了一口後…「嘩～好鹹呀！」之後便是煙三文魚沙律大大盤的奉上（配日式沙拉油），內裡的蔬果色彩繽紛的，正合我們愛吃菜的心意，而且三文魚的份量絕不吝嗇（有的是厚切、有的則是薄切），不錯不錯…然後，侍應一口氣把主菜都端了過來，挪威三文魚雜菌椰汁湯飯雖沒有漂亮的外表，卻是充滿內涵之作，那椰汁湯不是想像中般creamy，而是有點像稀身白汁的質