紅螞蟻 (已結業)

晚餐不知吃甚麼，於是來這裡，因為不用等位。經理帶我們入座，不停說「window seat」，我們都覺得很好笑。其實那算甚麼window seat？只是靠窗的位置罷了。想了想，就點了焗薯皮、魷魚鬚、白汁煙肉意粉。白汁煙肉意粉($52)︰本來嗅到都蠻香的，但吃起來又有很多缺點。白汁太水汪汪了，男友很不喜歡。意粉又太碎了，口感不好。唯一喜歡的是bacon夠香口。焗薯皮($28)︰只有兩件。肉醬和薯皮的比例不太恰當吧，肉醬太多了。而我覺得是焗薯仔不是薯皮，總之比美式餐廳吃到的差多了。炸魷魚鬚($30)︰份量不算多，魷魚的質素都頗參差，有的腍，有的爽口。油份很多。其實我覺得這間餐廳的食物是很普通的，真不明白為什麼這麼貴？

二人餐..揀左兩款小食 一個飯紅酒車厘子鴨胸飯 一個焗面唔記得名 有三文魚既 兩杯野飲..之前聽人講 紅螞蟻唔錯的 見到個炸魷魚鬚個樣已經覺得唔掂....一咬落去多油凍唔脆...仲差過旺角嗰d..另一款就唔錯既..主菜飯同面都唔掂 普通貨式 完全唔值...俾多d錢唔緊要 quality好我心甘情願

服務態度好好,唔會趕人走~環境好可以同一大班FD傾計~而且每一款食物都好好吃~值得品嚐~

照燒鰻魚米線 + 餐飲 ~ 一個set lunch都係$36都算幾平架啦 , 而且唔止得個碗大 , 份量都好多 , 咀刁既友人食第一啖已經讚好味道 , 估唔到真係有原條鰻魚。 芝士千島汁焗西蘭花 ~ 有少少蛋放左係面 , 略遜一籌就係芝士味道唔夠 , 同埋冇薯蓉係底 , 淨係得千島醬既味道 , 不過份量都幾多 , 食完已經好飽。呢度既服務生態度都唔錯 , 雖然要招呼既客人好多 , 但係都有求必應 , 亦唔會黑口黑面好有禮貌。

陪老婆買完護膚品，比專櫃小姐講左一輪，企到累了.. 想起紅螞蟻的椰香湯底！ 豬軟骨髮絲麵 - 豬軟骨入味夠稔，記得上次既米線煮得耐左，都係髮絲麵較岩口味。 蜜汁雞片髮絲麵 - 雞片入味夠滑，椰香湯底夠香呀。 本來想食多個甜品，但老婆望住戰利品已經飽晒，食埋佢既半碗麵後，要投降了。

同爸爸妹妹一行三人去食晏叫左set lunch西班牙海鮮飯酥炸豬大腸酸辣米線醬燒牛月利雞翼今日爸爸本來諗住叫set lunch ge sphegetti carbonara但我之前食過實在太唔好食喇於是梗係即刻制止佢牛月利一貫的份量十足豐腴惹味呢度ge酸辣湯底其實無咩辣的酸辣比例大概係7:3啦炸大腸一早就放左湯於是味道只屬一般並不特別反而欣賞檯上面ge辣醬好惹味放一匙落個湯度即係upgrade左西班牙炒飯其實同普通炒飯分別不太大d海鮮又雪到咩味都無意料之中海鮮料做配菜ge粉麵飯做得好食印象中只有一次就係心泰ge海鮮喇沙米線真係件件都鮮甜好味其實我覺得呢度最好食ge係牛月利、烤鴨pizza同冬天先有ge鵝肝火燘飯!希望今個冬天都會有啦

好耐無入新城市廣場。 商場新裝修﹐ 小店密麻麻﹐ 人氣超旺﹐ 但行得唔舒服﹐。食肆多到離奇﹐ 好多層都有野食。聽見紅螞蟻都好耐﹐ 拜日行街街有D累﹐ 就腳入去睇睇。下午茶時間。新派走年青人路線﹐ 清清爽爽﹐ 唔係好逼。 年清人服務﹐ 快手快腳﹐ 幾有禮貌。 四個人叫左五份茶餐﹐ 一豌/碟 乜乜 + 咖啡茶﹐ 三十幾蚊﹐ 加五蚊有豌雜菜湯。 食物細細份﹐ 無乜味道﹐ 豌五蚊湯普普通通姑公叫碟鴨肉蔥油餅就幾好食﹐ 無乜蔥﹐ 但香口。 草莓西多士就麻麻﹐ 好懷念港式牛油糖醬西多。埋單$180就好底食

琴日同左老公去食LUNCH.一入去已聞到好香既味` 佈置都好有氣氛老公叫左個XX蛋包飯 { 5記得乜野蛋包飯} 我叫左焗黑招牛仔骨飯` 2個飯都好好味 但份量好少 食唔飽仲有D野食黎得好慢' 埋但$98. 有D貴因為份量好少

平日行街經過見到裝修唔錯，已經好想黎試下。今日遲左起身，又記得睇過紅螞蟻下午茶幾抵，所以同男朋友去試下。芝士汁菠菜雞絲意粉：哩個頗為清淡，因為有冬茹既關係，整道意粉都有陣冬茹味，芝士汁亦唔算濃。豬爽炒飯：原以為只係炒飯，估唔到會有蝦片，蛋同雞翼。好惹味，同埋份量都算多。下午茶唔需要加一，每人三十幾就已經食到幾飽，真係好抵食。

和男友想吃一些小食，他想吃鹹，就點了雞軟骨；我要甜的，就點了心太軟。雞軟骨︰新鮮炸起，每一粒都很脆口，加上雞軟骨的脆卜卜，口感一流。有點點的蒜味，不會過濃。只是好像三十多一客，以份量也說不算抵食。心太軟︰沒有雪糕的，但只賣二十多元也是合理的。賣相不錯，可是剖開，沒有巧克力流出來，有點失望呀﹗但勝在很夠熱，而巧克力也十分濃郁，可以接受。服務態度尚算不俗，在等位時會跟你說大概等多久，讓人心中有預算。用了$20 coupon，結賬是四十多塊。如果沒有coupon，吸引力當然下降。

22 Jun 08 (Sun)裝修幾好 二人位有 sofa 有地方間開o左 可以 開 partywaiter 反應快野食幾好香辣帶子海蝦燴天使麵小辣 香口, 蝦 同 帶子 算新鮮軟腳蟹煙三文魚悶飯軟腳蟹 香 煙三文魚 在飯之中 一齊悶 雖然飯大保 但好味 一個人都食得晒六點前 no 加一

一行七人到此晚餐，慶祝友人的生日…食物的味道不錯，小食方面，我們叫了小食拼盤、雞翼、幼春卷、軟殼蟹，主菜的名稱太長了，都不記得了，其中一個是寛條麵，很好吃！又叫了一個牛魔王（飯），由於本人不吃牛，故不知味道如何…　又叫了一個類似雞皇飯的東西…好像還有其他，但已經不記得了…　味道不錯的，而且也不貴～這裏的環境很好，我們八個人，被安排了坐在最裏面的一張圓桌，自承一角，不停地大聲喧鬧！然後侍應生又不會忘記我們，不停地走過來為我們加茶（那時是晚市，很多人！！）我們買了蛋糕去，雖然要加$30切餅費，但幫我們點了蠟燭才拿出來，又幫我們分好八分，侍應姐姐還跟生日的友人說了一句生日快樂！服務真的很好，這$30也”俾得抵”！而且埋單每人只是$80，算很便宜呢～

裝修當然好啦又幾舒服，不過我會係想食野多過食裝修啦一行３人，有媽媽+我+老公叫左一個２人晚餐，一客薯皮，一個京燒ｘｘ鴨餅晚餐揀左要小食拼盤，當中有軟殼蟹，幼春卷，豬仔骨，茄子軟殼蟹有ｄ咸，幼春卷豬仔骨都過得去，至於茄子就．．．或者我太過期待啦，不過真係食唔落口囉，麻醬味有少許，但唔知點解有ｄ酸而Ｍａｉｎ就要左個ｘｘ花枝片天使麵同埋〔泰式豬頸肉火燜飯〕天使麵就ｏｋ啦，尚算係咁，不過．．．．個豬頸肉飯就．．．食左一啖之後，真係好難再黎第二啖囉個飯係好似豉油撈飯咁，不過無豉油味，淨係知道係好啡色但又無味ｏ既飯囉豬頸肉就咁燒完放上麵，咩為之泰式？？好明顯係泰式還泰式（因為飯中好似有小片小片香茅片）豬頸肉還豬頸肉，火燜飯還火燜飯，我相信係真係用火燜ｄ有色ｏ既飯，而唔係連埋ｄ豬頸肉一齊整囉．．．．．我好相信我係絕對唔會再幫襯架＊

早排行街行到好攰，稔住早d食晚飯，坐下抖下~六點多無乜人唔使等位，食食下d人陸續o黎，最後走果時就有一堆人o係門口等位了~個餐牌都好多選擇好吸引 good最後我揀o左銀鱈魚飯 + 蕃茄什菜湯 (其實即係羅宋湯lor...)，d飯焗得硬o左d，d鱈魚ok啦，麻麻地。湯就鹹o左少少，不過可以接受。唔知係個飯定係個湯喇，個多小時之後非常口渴，一定有味精！寫呢個食評最主要唔係想講以上果兩樣野，係有一樣野好不滿﹕七點果時我想叫佢地o既souffle 疏乎厘 (應該係鎮店甜品，門口個大menu一大張相)，佢地竟然話無得賣！！我話﹕半個鐘頭之前都見到廚房拎o左幾個出o黎，你宜家同我講無得賣？？侍應o既解釋係﹕因為宜家太多食客，整呢個souffle o既程序又比較複雜，所以暫時停o左無得賣住。ok fine 我o既反應唔係廿滴汗係咩？？呢d叫做咩服務？太多人所以整唔到？？有無攪錯呀？！btw 我想order果時係一個侍應哥哥，當我話想叫souffle，佢就對剛剛經過o既侍應阿姐講﹕『疏乎厘 wor...』come on 你唔係咁樣o係我面前講呀嘛，一係就之前一早做個briefing，一係就行埋一二邊講

一行三人食晚餐，諗住平平地，所以去紅螞蟻食，真係無選擇錯！好好味呢！環境舒適，又新淨，又衞生，而且坐卡位，好舒服。我地叫咗好多野食，有...1. 香淡咖喱忌廉汁焗田螺肉飯 $62 - 好足料，好好味！2. 蜜汁焗原條鰻魚飯 $58 - 饅魚很肥美，份量亦很恰當，不錯，不過再多啲汁就會更加好！3. 酥炸美國豬大腸 $28 - 我本身不太喜歡吃，很怕豬大腸嗰陣味，但呢個小食ok，但份量比想像中小，唔值$28。4. 生煎蘿蔔糕 $28 - 個糕好乾，如果有啲醬可能會好啲。不過得兩塊，好小，唔值$28，但我地都飽，都食唔晒。5. 芝士汁焗西蘭花 $38 - ok，但個芝士汁淡咗啲，濃啲會更好。6. 鮮草莓千層酥 $27 - ok，份量同價錢相配，合理。7. 鮮雜果黑糯米(凍) $25 - 我好鍾意食，我覺得都幾大碗，食極都食唔完，最後都食唔晒！8. 甜品拼盆(脆炸芝麻湯圓、薄荷碎朱古力慕絲、洋薏米杏仁奶酪) $40 - 我最鍾意呢款，好抵食，足夠三人食的份量，而且薄荷碎朱古力慕絲啖啖薄荷碎朱古力，非常好味，炸湯圓也不錯，洋薏米杏仁奶酪啖啖都有薏米，好均勻。其實我地實在太多心，樣樣都想叫，叫叫吓