紅豆烘焙 (寶靈街)

营业中

休息中

法式布丁麵包，呢一個完全係人類最恐怖發明為左食呢個布丁包都撲空過，賣晒！終於！終於！咁岩行過見人排隊就衝過去排埋一份，有得食啦，期待左三生三世-法式布丁麵包 $15/1 每日4pm新鮮出爐 賣完即止未食既美食獵人 呢一個甜品你今日嘆左未呀？排隊既人龍絕對可以嚇死你！個個都搶住去買布丁既口感好滑嘟嘟，超級好味呀布丁既位置好似蛋撻既感覺，不過食得岀加入左香草同忌廉、所以一路食係完全抗拒吾到！即使叮返熱，都一樣好味

今日放工經過此店，見到有法式布丁包仲有3款味，咁就買原味、朱古力味各兩個😋，姐姐就用盒裝，個盒放咗係散銀兜隔離，當佢夾到第三個時鬆手跌咗落一埋散銀上，佢秒速將個包夾返上盒入面😱，我即時同佢講個包跌咗落啲散銀上喎，佢先換過比我，如果我唔講，我相信佢係會照比我🤮，此店職員衛生意識非常差，第一跌過落散銀嘅食物照賣比顧客，第二當時佢係換咗比我，但係個包即時放回麵包架上😰，即係佢會賣比下個顧客😨😨😨，我唔會再係呢間店買食物。

最近好流行法式布甸麵包‼️每次經過都俾佢新鮮出燈嘅麵包香吸引住😆耐何太多人排隊，一出爐就售罄，所以都無機會試到😖 最近咁啱係附近食飯，見度另一間麵包店都有賣，又排曬長龍，咁唯有放棄啦😞 點知食完落到去剛好散咁啲人流，見唔多人就即刻買嚟試！！！布甸麵包（原味）$15見人推薦凍食✅ 凍食嘅話其實都食到佢嘅蛋香，布甸連埋麵包真係好夾～我就放咗去焗爐焗3分鐘with 180度，個麵包就會脆脆地，但布甸都仲係凍嘅。咁樣食落嘅口感香脆再加埋布甸嘅香軟，一個字！「正」‼️依家出邊成一杯布甸都$10至$30，布甸麵包都算大，又好食都只係$15咋！性價比超高‼️食完令人好想再食😋朱古力流心麵包 $15本身買返嚟佢唔會流心嘅，用焗爐教咗180度，焗左5分鐘，佢就會呈現一個半流心嘅狀態，麵包脆嘅，朱古力流心得嚟仲喺偏凍嘅，所以係半流心。我就覺得呢個狀態最好啦～又方面食又外脆內軟😆但相較原味來講，朱古力味比較遜色，朱古力味唔夠濃郁～個人都係鍾意原味～～但想試吓唔同口味嘅朋友都值得試吓嘅～～總括嚟講雖然唔係最出名嗰間嘉多利，但真係未有機會食，呢嚟止口忍都唔錯～而且依家嘅法式布甸麵包已經好正～～希望有機會食到嘉多利啦😆

小仙子同小🐷經過紅豆烘焙，已經見到條長長嘅人龍，原來係等緊4點出爐嘅布甸麵包😜等左10分鐘左右就開始出爐啦，款式都幾多，有3款口味(原味、朱古力同紫薯) $15/1個如果法包即日既話食仲脆，不過如果隔一日食就要焗返先脆，不過朱古力款質地比較稀😅返到去已經流左出黎，餡料都滑既😗平時食慣原味，試下其他味都有驚喜，紫薯味都唔錯😗如果有火槍可以喺表面加d糖燒一燒，變成焦糖面🤤或用焗爐都等，表面脆內面軟😋

經開佐敦嘅朋友對紅豆烘焙都唔會陌生 日日準時出爐嘅麵包梗係街坊們嘅搶手貨 依家仲要新推出法式布甸麵包🥯 舖頭出面都大排長龍‼️😳法式布甸麵包其實係用豬仔包挖空 叫唔再係中間加滿布甸醬 買返屋企要用返光波爐、焗爐或者氣炸鍋✌🏻 先可以做返啱啱出爐嗰隻外脆內軟嘅質感 麵包香脆 布甸餡料有流心效果 好有蛋香 味道唔會過甜 果然好味😋仲有試咗佢哋嘅紫菜肉鬆卷 大大個都只係$15 大塊紫菜包住充滿着吞拿魚沙律醬餡料嘅麵包 兩房仲灑上大量肉鬆 餡料有吞拿魚鹹鮮香味 麵包食落好滿足👅 牛角包🥐外皮酥脆 內裏空氣感強 再多幾層口感會更佳☺️

相信麵包係唔少香港人早餐既選擇，有時瞓晏左趕返工仲邊有時間買早餐呢🌝我不時都會放工時買定麵包當第二日早餐紅豆烘焙就咁岩係我公司附近店內好多麵包款式我都有試過法式布丁（$15）大大個金黃飽滿既布丁賣相唔錯， 微波爐輕輕叮番熱口感更加好雞皇酥 （$11）份量餡料十足，絕對可以供給你整個早上既動力，最後介紹埋好多朋友都鐘意既牛角包🥐外皮夠晒酥脆配埋杏仁片就更加香，今時今日香港地呢個價錢食到足料靚麵包，的確係唔錯既選擇~

平日四點幾去開佐敦，見到呢間好多人排隊，之前上網聽過佢有布甸麵包，好似啱啱岀爐，就過去排咗一陣啦，大概十幾分鐘就到我，5:00左右都仲買到。見到佢都不繼有一兩盆拎岀黎嘅。不過之後5:40-5:45左右再經過就無哂啦。$15一個，有原味，朱古力，同紫薯味，四個啱啱好一個盒。我即日食，無整熱，法包都仲脆，布甸就朱古力味濃好多，紫薯就似雀巢雪糕個隻紫薯味，唔算太夾。以原味就不過不失。但係布甸分量都幾多，食一個都幾filling😂都係建議即日食，我留咗一個原味第日先食，法包皮已經淋晒啦

早前見咁多人派隊，加上係媒體見過，好似覺幾好食咁，於是今日趁有機會，買左兩個試下外形就好吸引，味道我就覺一般，只係大碗吉士咁.... 咁佢D吉士都好滑，香味就一般般，食一個就好飽肚，如果本身食量不多，咁$15當午餐都可以的 (但佢要4點才出爐，下午茶又好似太飽)，但可能之前期望太高，所以食落又唔係覺好好好好味，要排咁長隊就有點誇，個麵包有少少硬，咁個包同吉士紫薯就唔太甜，甜度剛剛好只是如果係鬆餅或撻皮可能會更好食.... 可以一試，但就唔好抱太大期望，只可以說OK啦，不過不失，但如果排大隊，專登走去，日曬雨淋咁等去買就唔值了，剛巧路過，又有點肚餓，就可以買過來試既，始終都$15一個，夠車錢坐巴士返新界了。

之前上網見到好多人推介呢度嘅法式布甸麵包🥯買完之後第二日都食得，返去加熱不過真係教得太熱導致布丁🍮🤣溶咗唔會太甜，夠大嚿不過人真係多人去，尤其係啱啱出爐嗰陣佢哋仲有其他好多唔同款式嘅麵包斑斕麵包一個方磚，鬆軟好味仲有香脆嘅牛角包都係熱辣辣㗎！啱晒當早餐咁樣食！平日一出爐都可以照樣咁多人聽人講即時食嘅話外層超級酥脆不過攞咗返屋企就真係一定要擺微波爐始終我啱啱出嗰陣咁好我覺得佢啲糯米糍同埋蛋糕都好吸引價錢都好街坊， 非常抵買

呢排好流行呢一個嘅布丁麵包🍮，尤其instagram都推薦左好多間，有人推薦大埔嘅布丁麵包，可惜去到已經無曬🥲咁橋黎到佐敦見到呢一間麵包店有麵包布丁之餘仲有糯米糍，而且都係15蚊🤩所以即刻飆入去買😆買完拎返屋企慢慢嘆🥰先講麵包布丁，脆卜卜的外皮配上滑溜蛋心，外脆內軟，仲要係朱古力味，簡直絕配☺️而個芒果糯米糍雖然外皮比較厚，但餡（芒果）甜，唔酸，整體ok😆呢一間嘅麵包店都唔錯唔錯😃😃😃

今日打完疫苗行過見到好多人排隊問d人先知原來等緊一陣出爐嘅布甸包見近排呢個都幾hit而且唔係間間麵包鋪有整，咁我不如都買個試下先門口有張poster寫住每曰4點出爐，先到先得，賣完即止，每個$15。咁我買4個啦～呢度有兩隻味，4點一到會出左原味先，之後過多10分鐘左右會出埋朱古力味。其實佢個size同蛋tart差唔多，不過蛋漿位奶味重d同埋係麵包底。我同屋企人食左都覺得so so唔係話好味到值得推介，都唔係難食，只係我地覺得普通囉😅 可能我地始終比較鐘情於牛油果陣濃香味，所以呢個都係試過就好

Another new craze in Hongkers. This time it is the Pudding in a bun.Basically it is a hollowed out crispy round bun filled with custard the same stuff you find in eggtarts.Overall, the crispy bun is quite a nice option over the flaky pastry tart if you don't like the traditional ones made with lard.I liked ripping the bun and dipping it in the egg custard.Overall, quite a nice treat with that sweet custard filling and great for pairing with tea some.Obviously Hong Kong Milk tea for hkers but a d

見到呢間都有法式布丁包就試下黎買呀佢1600出爐黎到大約1700見仲有人排隊一心以為一定試到點知排到時古力味同原味都賣晒LU得番紫薯味唔知係咪新出既呢見一場黎到就試一個呀雖然已經唔熱驚喜既係個包包仲好軟下質感似法包咁但無咁硬係少少煙UN幾讚呀紫薯係好多份量真係好似布丁既感覺係食唔出好濃既紫薯味呀下星期早DD黎好想試古力味呀

星期日我特登出去佐敦買呢個法式麵包布甸，睇左好多ig foodie 介紹呢間傳統麵包店所賣的法式麵包布甸，係法式豬仔包中間挖成空心，再加布甸醬烤成，要整得靚同好食，好考功夫，呢間烤得真係好靚，同埋除左原味仲有朱古力味同紫薯味，甜度適中。每日四點新鮮出爐一出爐就開始見到人龍，可以趁熱食或者買返屋企烘熱食，我個人中意拎返屋企烘脆個包先食👍凍食個包應該係有少少煙煙韌韌，加埋布甸又係另一個口感，相對會較甜。味道非常驚喜，我用光波爐烘左四分鐘，麵包變得很香脆，中間布甸很流心有朱古力奶味道，撕開麵包點朱古力醬，超好味！！另外紫薯味同原味雪左一日我先烘熱食，烘了三分鐘，唔會好似朱古力味流晒啲醬出來，食得比較方便，外皮很脆，原味好有蛋香，紫薯味都好重紫薯味，勁多餡，中間仲有少少凍，有冰火二重感覺，連埋麵包食唔算好甜，十五蚊一件好過自己整。

今日經過佐敦，又見到紅豆烘焙，佢哋的麵包款式好多，除了麵包、西餅、蛋糕、酥點、蛋撻、曲奇、糯米糍等等各款麵包甜餅甜食外，仲有近期大熱的布丁麵包。最後買左法式牛角包、芝士德國腸麵包、及法式布丁麵包，牛角包夠酥脆，德國腸包芝士味道濃，法式布丁包，表面有層香脆焦糖，配合麵包中心嘅布丁食，口感一流。麵包出品新鮮又款式多。提提大家，記得每日下午4:00新鮮出爐嘅法式布丁麵包係限時優惠，記得把握機會!!!!!