紅金沙糖水小食

营业中

休息中

好多食評皆指女店主HARD SALE + 無禮貌, 我感受佢黑口黑面的原因是小家+發錢寒. 食物過份咸, 尤其炸雞翼咸到入骨, 幸及時吐出. 我覺得青衣城二期小食店 D 職員態度正常得多.

青怡花園附近有好多學校，補習社，琴行etc, 所以其實都很多客源(中小學生，家庭主婦，菲傭etc) 但得一間小食店獨市。獨市都算，一年內加幾次價，鋪頭入面d人態度超級惡劣。長期唔耐煩，d客問多兩句已經黑面，想加多d調味醬又俾說話你聽，態度超惡劣。食物方面都係超級麻麻：糖水又淡又稀，水汪汪無味；炒米粉/麵就超咸，鋪頭寫火腿炒米粉/麵，但有時係無火腿絲架。燒賣腸粉就正常發揮偏麻麻地。態度太惡劣，唔友善，d 野又難食，完全唔建議再幫襯。

街坊成日話呢間嘢態度差，有時我覺得都算，快d買完快d走，又唔係同佢做朋友，冇力氣同佢計較咁多。但今日真係嬲豬左。首先佢不嬲都好hard sell，買腸粉問你要唔要魚蛋燒賣、買魚蛋燒賣又問要唔要腸粉、買米粉問要唔要粥，買粥又問要唔要雞髀。如果只係服務體貼問一句就算我都算，次次去到都要問幾次，仲要問暈晒一round佢有賣嘅嘢。今日買三份腸粉，佢能本事唔落醬唔包腸粉hold住一樣一樣問我呢樣要唔要嗰樣要唔要，而我一開始就表達清楚我淨係要腸粉。佢都仲係要- 燒賣要唔要？（唔需要）- 魚蛋要唔要？（淨係腸粉就得）- 今日有炒米粉。（我淨係要腸粉）- 粥呢？有冇興趣？（唔洗）- 香腸呢？（我唔要嗰d喇，你幫我包d腸粉啦）- 我地d雞髀新鮮炸出嚟你要唔要一隻？（真係唔洗）😒😒😒😒😒😒買腸粉，鍾意食醬所以叫佢多醬，講左3次都依然係求其落少少。我講第4次唔該我想要多醬，佢竟然話：聽到。跟住隻手依然唔肯落，食幾十年腸粉冇見過咁白雪雪豉油又冇醬又唔夠嘅腸粉。好貴咩d醬？就算真係貴，都已經係咁加價㗎喇喎！唔好又賴covid，covid唔係加價同時偷工減料嚟做生意再態度差嘅合理解釋。同埋不嬲都係做開外賣㗎啦，c

今朝打算食下傳統啲既早餐，就行左過去試下呢間野，雖然已經聽過訓好多話呢間野態度差，啲嘢又難食，不過唔係自己親身體驗都唔可以下定論，於是就買左燒賣、粉果、腸粉、同線豆沙⋯⋯第一次食到有腥味既粉果、燒賣。腸粉就好難難食既⋯不過袋野就淨係得豉油，其實知唔知個醬先係重點⋯跟手食埋個綠豆沙⋯嘩！頂⋯完全唔甜嘅糖水，直頭同水一樣冇味，應該直頭叫綠豆水⋯可以做到咁差都算係勁！可唔可以比少少心思去經營，做野完全求求其其，唔可能再幫襯，應該好快執。唔好再害人，謝謝☹️

其實住附近都唔係成日食，又唔係最平，又唔係最好食，純粹趕時間貪方便都可以食下，平時食都係食燒賣牛肉粉果，上海黐飯味道ok但細舊又唔平，不過唔知點解成日都排隊。。。

記得之前這間店因為近圖書館，放學後會去買牛肉球吃，呢間的牛肉球係我食過之中不算好食，但周邊只有佢一間有得賣。 記得有一次冇帶夠錢，就把銀包入面的毫子拎出來用，岩岩好夠錢買牛肉球，點知個老細見到我拎住咁多毫子比佢，即刻黑面，仲話咗我一餐，雖然我係學生姐，但唔代表你可以話我喎，至此之後就再都冇去買過野食了，呢間野的服務態度真係絕，估唔到咁多年仲屹立不到⋯

話說 我今日同女朋友趕時間 係無可奈何嘅情況下唯有幫襯e間紅金沙 其實佢食物冇咩大問題 一般燒賣魚蛋 係個雞脾真係比較咸 而且價錢亦都唔算平 咁我同女朋友好快咁食完趕住走 係上左的士之後發現漏左袋野係小食店 咁我就打電話過去諗住通知聲佢 希望唔好將我袋野當垃圾掉左去 打通左之後係一個男人聽電話 我好有禮貌咁又唔該又唔好意思又剩咁同佢交代發生咩事 誰知佢好冇禮貌咁同我講佢唔知 「漏左野咪自己落黎拎」我即刻好有耐心同佢講只不過想你留意下唔好當垃圾掉左去 但我都未講完佢就好大力咁cut我線 係大聲到係電話另一面都感覺到佢幾冇禮貌 我覺得食物一般唔緊要 價錢唔合理都算 但冇禮貌真係好另人反感 可能有d 人話 做你幾十蚊生意想點ah 比錢大晒呀 但我覺得係人與人嘅互相尊重 我又唔係冇禮貌又唔係提出咩過份要求 我真心覺得連尊重人都唔識真係唔好學人做生意 真係會影衰香港！ e間舖頭真係請我都唔會再食 唔識尊重人嘅人整出黎嘅野都唔慌會衛生同好質素。

今日落毛毛雨，天氣好濕好寒，個人特別想食啲熱野暖下，經過『紅金沙』原來都幾多選擇喎😮糖水係主打，仲有自製涼茶、魚蛋燒賣、炸物、雞脾、連粢飯都有👍🏼而且價錢都好合理，同出面差不多。我今次只係口痕想食少少，所以只係叫左咖哩魚蛋、燒賣各一串天寒地凍拎住呢碗野真係好幸福☺️『紅金沙』嘅咖哩魚蛋雖然唔係好細粒個啲陳皮魚蛋，但係都好夠味！除左食到外面嘅咖哩味，魚蛋入面都有味😂而燒賣蒸得好透徹，咬落好軟熟配埋後加落去嘅辣汁味道好夾👍🏼整體黎講食物味道唔錯呀！

細個時屋企住近街市，每個星期家人都會到家小買啲小吃，例如腸粉米粉呀做早餐或下午茶。呢間紅金沙就俾到我呢個回憶。呢間舖頭好細，久唔久都會有人龍排在佢門口買小架。如果唔買走，其實佢間舖有個位置俾你坐低食，係有少少逼同有時要等陣，但係都等得快的，話哂我諗食客都好明白大家都係想即刻醫肚，你係絕對唔會見到有學生哥喺入面吹水同HEA。我食左腸粉同燒賣，講真就無細個食啲豬油腸粉的熱辣辣同香，不過味道都正常0拉，燒賣啲肉都實的的。我成日都覺得你俾得咁的價錢就有邊副眼鏡度，佢真係算唔錯架0拉﹗有驚喜的是糯米雞，佢一拆開啲葉以經有一陣荷葉香味，仲有，而家有時去茶樓食真係啲荷葉多過舊飯，咁紅金沙又唔會咁的。佢都算足料，仲有隻雞翼喺入面，味道都唔錯。最後我仲叫左個牛肉同粉果，牛肉夠實，粉果足料。合格﹗其實最吸引係個價錢，去茶仔或茶樓食個飽的早餐而家都唔平0拉﹗難得呢間小食店有咁多款揀，又平，都係一個開心選擇呀﹗

魚蛋好難食😫炸雞比酸😱我襯無人幫襯個陣，拎返隻雞比返去好有禮貌問佢地雞比點解酸，個男人聽完之後靜左係度10秒，應都唔應我，扮睇我5到，我就企係到問多次，然後佢好惡咁望住我😡然後有個女人黑面同我講（無可能酸咖！一定5係酸！)我心諗你們連檢查下都唔檢查😡然後個一男一女不停冷言冷語咁死撐😡講真句呢d咁既天氣變壞好正常姐，我又5係搵麻煩！又無鬧佢地，但佢地d咁樣既態度好黑人憎。😡簡直用錢買難受！

放工食完飯打算買個糖水番屋企食，附近又５知邊到有得買糖水，就見到呢間小店有糖水賣就諗住遲下啦。餐牌就好多種糖水，但真係賣既就得４款。咁可能賣晒掛，咁我米叫左２個芒果椰汁西米露。價錢就２Ｘ蚊左右一碗啦～同平時個Ｄ糖水店都差不多。咁我相信出邊食過都知呢隻糖水整都５係太難，應該好快就有得拎，點知都係要等左成１０分鐘。番到屋企，一打開個袋就已經有隻小強係個袋入面，仲要係識郁既。咁我仲點敢試下入面既糖水呢。咁就白白浪費左我等既１０分鐘，４Ｘ蚊既錢同２碗野食。可以比食小強入到去姐係個廚房既衛生真係５係幾得。

是日經過，見到好多人排隊，於是想試下，點知中伏。炸薯角同魚旦都係咸到入肺！超咸！！！另外外賣咗一碗海鮮拉麵，又係伏！味精湯，食完好頸渴😱。一定唔會再去買。去七仔都好過佢。

之前買左一碗生菜魚肉，貴得來唔單止，仲要勁難入口囉！！d魚肉係好粉，係超級粉，食落口完全唔似魚肉！！！唔似魚肉都算，仲要冇醋！！！oh my god除左生菜魚肉，腸粉都唔得，腸粉食落好硬，仲要好膠個質地，食左2次已經唔想再買

呢度賣既小食一般 味道平平無奇 fishball 旁邊7仔味道仲好過佢 燒賣又細粒 食物一般吾在講 服務態度先難頂 一幅吾憂做既款 有次我排緊隊 前面有兩個學生 甘兩個學生買完走左 無啦啦有個阿伯借d倚係度睇上面個價錢牌好似想買野 跟住就排左我前面 但個男老闆見到吾理 照問佢食咩先 大佬!!好明顯我排先啦 我嬲到走左 自此對呢間野無好感!!

當第一次見老闆和老闆娘,之前唔知係邊見過,係啦,青衣街市.OK,這代表入貨有保証,可以一試.其實之前有第二間,不過佢一開,間開左十幾二十年的小食店已經沒有什麼生意了,而且仲要減價,所以當時大家會見到,一邊要排隊,一邊無人........anyway 最後紅金沙糖水留下.見到個名以為糖水主打,不過,我覺得我食得最多都係普通燒賣腸粉............燒賣腸粉應該都係青衣小食店用開個間supplier,保持水準糖水OK的,不太特出.此終中式糖水味道差不多.坐位都算新,不過有點窄,不過算有裝修有人清潔.服務還可以啦.($10,想要咩呀?)