紫玉蘭 (已結業)

上個星期做完training老細請食飯，呢度裝修唔錯，野食都好有特色，最記得系0的碟，個個都有0的中國古代女人公仔。0的野食記得系好好食，但上臺速度比較慢，好多時候都系坐響度呆等第二度菜，大家所有話題都講過後就你眼望我眼，上菜速度有待改進

今日lunch吃過的菜式中, 我比較喜歡醉雞, 水煮牛肉, 雲吞雞.醉雞的花雕酒味很香, 雞很嫩.水煮牛肉不太辛辣, 很惹味, 但稍為咸了些.雲吞雞的湯很可口, 雲吞好吃.

喜歡週末到紫玉蘭吃點心，味道和環境都不錯，水準比裝修前有很大改善，甜品楊枝甘露奶凍和咖啡奶凍很好吃。

I like the furnishing of the restaurant very much. All the utensils are so classical such as the plates, tea pots and chopsticks ....Further, all the waiters and waitresses provide professional services. The set dinner is delicious.

美心集團餐廳來說這家是很有水準的, 先後來過多次, 最喜歡他們的清蒸鰣魚. 炒拉麵也很不錯, 其它也從來不會太差. 消費中等來說, 是可以接受的. 座位和環境也很舒適.順帶一提, 星期日茶樓都人山人海, 和家人午飯想清靜一點或容易搵位, 這裏會是好選擇.

這次是他們裝修後第一次去試，先講裝修，比之前好好多，高貴之外又好新朝。Even D Waiter and waitress都有新的uniform, 好professional. 另外D Service 仍欣然好好，值得比個Good!!!至於food就仍然keep 住水準.吃得試下新的花荼,好香.......一定会番抄.兩個人lunch食左$348.

今日星期五同個舊同學即興約出來食lunch，成12點幾先book 位，好多地方已經full左，好彩呢間仲有檯je：奶湯雲吞：個湯好香奶味好滑，雲吞都有6大粒，幾多餡肉，正！蒙古牛肉餡燒餅：個餅好脆好香好咬口，一啖咬落去非常醒神，d牛肉少少糊口，都幾好食肉粒炒飯（好似係）：普通炒飯一大碟，成$68，2個女子邊度食得哂？跟茶芥有個小碟：辣辣地有d豆腐粒、豆角都幾得意幾好味環境幾好，雖然我地坐近門口，但都唔覺好嘈，服務又好，雖然價錢較貴（尤其是小菜），都食得過。

因為地點唔就腳，以為平日食晚飯會少人，原來都幾多人幫襯... 環境都唔錯，樓底比較低，看上去唔夠高級... 服務員水準幾高，值得一讚... 洗手間好似普通商場咁，感覺較差...鹽水鴨- 夠清淡，肉質嫩滑灌湯小籠包- 包內的肉湯好好味砵酒鍚紙焗銀雪魚- 煮得啱啱好，肉質香嫩，用葱及肉絲煮成既汁伴吃，正！乾燒大明蝦- 幾貴！但絕對抵食煮筍絲- 其實係青菜絲，單睇外表係估唔到咁好食蓮子蜜汁火腿- 個包好味，不過金華火腿同蓮子都煮未夠時間，麻麻地(試咁多間，都係洞庭樓最好味)拔絲香蕉蘋果- 三件香蕉、三件蘋果，個皮好香脆，好味，不過份量比較少南瓜餅- 好味，唔油紫玉蘭奶凍- 有芒果同西柚肉伴吃，味道OKp.s.美國運通白金咭有折扣，不過只限散叫

一行七人黎左呢度食晚飯, 叫左一個四人餐再加. 套餐包括(希望無數漏):烤麩-- 呢味好少失手既, 好食丫.唔記得咩翅-- 份量夠, 七個人每人都分到一碗, 味道就一般啦.鹽水鴨-- 肉質唔韌, 不過唔多覺鴨味, 清清地咁.風沙雞-- 肉質幾嫩滑, 不過味道可以濃d.唔記得帶子炒乜, 松子黃魚-- 呢兩樣普通.小籠包(套餐包一客, 另加一客, 共8隻) -- 好多肉汁, 不過略為稀薄, 同埋穿左幾隻.酒釀丸子-- 丸子同我地食開既湯丸一樣, 不過細粒d. 當佢係普通湯丸食既話都唔錯, 皮好薄, 餡(豆沙、芝麻) 又做得清甜不漏. 可惜我期待既係煙煙韌韌無餡果種上海丸子. 糖水本身都ok.另外小籠包, 仲加左:黃酒雞-- 好似熱食既醉雞, 有大量湯汁浸著上, 酒味濃郁, 雞肉又算鮮嫩, 唔錯, 記得趁熱食.冬筍塌菜-- 塌菜切開左好似白菜咁, 一般食肆煮蔬菜都落好多油, 好欣賞呢味做得一d都唔油膩, 同屋企食既差唔多.拔絲香蕉蘋果-- 個皮唔夠薄同脆.服務同食物水準大致ok, 個別菜式幾好味, 適合要坐得舒服既聚會.

公司部門來呢度開飯﹐目的係farewell三位同事。近期很少來﹐因為曾經試過上菜很久﹐服務的侍應不夠﹐所以同屬美心集團﹐有其他大把選擇。可能近幾個月去北京樓太多﹐同事便提議再來試試。叫了包括﹕醉雞(我的至愛)、松鼠黃魚、龍井蝦仁(我的第二最愛)、生煎包(我唔食的)、窩貼(都係唔食的)、蔥油餅(唔鍾意食)等等﹐另外個豆苗有虫﹐重唔只我一個人發現﹐所以佢地要檢討一下。洗手間可能是舊式大廈留落黎的﹐好窄﹐好細﹐如果請客的話﹐個客見到個洗手間咁﹐真係會嚇親。

又係老闆請食飯.4人叫左:糟(?)牛肉<-好似紅色海鮮醬, 濃味得來與牛好夾黃瓜粉皮<--用正北京拍黃瓜, 加上軟硬剛好的粉皮, 好味!上海街頭雜錦窩<--名稱唔sure, 但極度推介, 湯味似雲吞雞湯, 湯料是津白、竹笙、冬菇、竹筍、杭州魚蛋。我老公話d魚蛋似在杭州食過的一樣，口感好鬆, 係因為加入蛋白去打.小籠包及蟹粉小籠<--皮簿多汁, 但比翡翠的蟹粉小籠多d 蟹黃, 幾"漏"上海粗炒<--好是好, 但多油(上海粗炒特色), 我唔鍾意.生煎大蝦(1客3隻)<--手掌咁大, 但汁太濃味, 已食不出新唔新鮮...

環境唔錯，坐"Ka"位就最好，食物都唔錯，小籠飽、炒飯、特色既小菜...........仲有個"茦泥糕"幾正架！岩晒甜品發燒友！不過個"上海燴麵"就麻麻啦！林得黎，好似索晒d湯咁........>.<".....可能水準一時時啦！人手唔夠，入到門口，要等一陣先有人招呼！服務態度就幾好既！Toilet 就唔得啦~!太Dirty~ 同樓面好大分別~!!各食家請注意！！

前輩請食晏,每人一隻干燒明蝦,小籠包,宫保雞丁,蘿蔔絲酥餅, 菜肉水餃, 火腿津白.最驚喜o既係干燒明蝦,味道o岩o岩好!其他就不過不失!

係中環咁耐第一次o黎食，因為初七人日中午公司食開年飯，預定了每席$3,080套餐，原來就算walk in都係食依個餐。首先o黎個五碟上海冷盤有燻魚、海浙頭、素鵝、醉雞同醬泥白肉之後其餘個d菜式，與廣東菜差唔多，我就最欣賞個松子黃魚，可惜份量唔多、雲腿翅個清，可以夾到有一梳梳翅、擔擔麵麵質爽口彈牙，湯底亦好野味、最後甜品係酒釀丸子，一陣陣橙品又唔甜、d小丸子仲有黑芝麻餡tim。

呢度賣o既係淮揚菜,同上海菜好接近.蔥花豆腐其實有個好雅緻o既名,師傅刀法如神,片到D 豆腐好薄,食落幾好,釀素鵝清得來唔太淡,好爽口.樟茶鴨好過好多上海菜館,偏向濃味,糟魚時魚冇腥味仲好香,咸蛋黃蜆肉豆腐送飯好開胃,不知不覺食o左好多.萊茜煎烹羊排個名好怪,味道就一D 都唔怪,好香口.框子菜秀珍菰雖然係齋,但完全唔寡湯方面,租界三更店鴨湯好濃,顯然好夠火候,醋椒鯽魚湯就酸酸辣辣夠開胃