絕味

营业中

休息中

招牌麻辣風味鴨腎ok幾好味，食落都唔係好辣，少少彈牙，以四十二蚊嘅價錢嚟講，分量都算幾多，幾抵食不過可能食得辣嘅人，要再自己點下辣椒油，或者辣椒豉油會比較惹味。

晚餐加餸， 去咗絕味買兩個餸， 買咗一個麻辣鵝翼同一個麻辣腐竹。 鵝翼 30蚊 腐竹15蚊唔算貴， 仲可以買四送一鵝翼味道夠辣， 口感唔錯， 一盒分量都幾多， 但我覺得鹵水唔夠入味， 可能配合返香港人健康嘅口味腐竹夠入味夠辣， 但係一盒會有幾舊特別硬， 但總體都算ok總體味道不及大陸食咁道地， 但香港可以落街就買到算唔錯， 價錢唔算貴， 下次會試埋佢個招牌鴨舌

《真係一絕呀👍🏻》———————————————#絕味🌶近日留守家中，口淡淡，已經好耐冇食過麻辣啦😭今次介紹呢個絕對係煲劇打機嘅好配菜🎮💻-我地買晒四隻口味，包括招牌風味、藤椒風味、五香風味同甜辣風味。一打開個盒就超香，配啤酒一流，一於啤啤佢！裏面最推腐竹同鴨翅，腐竹好入味，唔會太淋，非常有咬口；鴨翅都好多肉，口感紮實，辣得好過癮😆鴨掌好大隻，怕辣既人可以揀五香口味。雞翼尖都好唔錯，唔覺唔覺一個人都可以食晒成盒！-平時買絕味，覺得價錢都唔算平，所以好少買咁多。但今次比我搵到網上外賣平台 嘅生活百貨竟然有賣，平時以為只會買到日常用品，點知連小食都有～而家做緊滿$100減$20 ，仲全部免運費，相當之抵！落咗單等咗唔使30分鐘就有人送到上門，衛生又方便🤟🏻-⭐ 參考價錢︰（已折扣）五香風味鴨掌：$31招牌風味腐竹：$17藤椒風味雞翅尖：$26甜辣風味鴨翅：$31-🍌 抵deal 指數：8/10💰人均消費：$30

一直都好想會一會佢！重記得第一次膽粗粗叫左個麻辣鴨翼！過癮！一試難忘！今日同友人行經講起～～辣癮發作！朋友話識食其實係食埋盒麻辣蓮藕，腐竹同毛豆！二話不說～即買兩盒～夜上宵夜啤啤佢！終於點定等到宵夜一打開！果然好香～一食蓮藕！嘩～真係正！佢係有啲「腍腍糯糯」既口感！麻辣味依舊出色！腐竹又係超岩得口味！佢唔係好林個種！少少硬硬地偏乾身！想食麻辣汁一定要叫佢！😂🤣再試唔記得影相既毛豆！好入味，入味到想連殻都食埋，不過就略亂豆太小粒。如果我一食可以要食三盒先過到癮！一路食，我一路啤一啤，一路睇下綜藝！人生一大樂事。又肥幾磅。正丫！

之前對呢間野認真麻麻的，因為自己本身對辣野興趣吾大，但有一次試過佢個鴨翅就愛上了！絕味鴨脖：甜辣風味好味指數呢個鴨脖食落都幾有肉，少少辣，皮質有咬口，辣得來又香，推介絕味鴨翅：甜辣風味好味指數：呢個真係超級好味，肉質很實，咬開可以見到一條條，送酒或者煲劇都超正絕味鴨珍：甜辣風味好味指數：呢個我記得初初推出時應該係一個個，依家改成一片片，但係我覺得都係成個比較好味D，可能切片一之後爽脆度改變左，但係切片就比較入味D，各有各好吧l！如果好似我咁，食吾到太辣可以選擇甜辣風味或者五香的！