綠林甜品

营业中

休息中

綠林甜品讓我有著一段美好的回憶, 因為結婚初期住在附近地區, 所以常常都會去這裡食甜品, 老公特別喜愛食他們的湯圓。今天因為在附近食晚飯, 之後突然想起綠林, 就去看看多年後的改變。雖然同區都有很多甜品店舖, 但這是一個回憶吧~圓子很煙韌、仙草很滑、紅豆好大粒好好味, 全部加在一起, 口感十分好。豆腐布甸本身都好嫩滑, 好似皮膚的白滑, 桃膠好爽滑, 滋潤又養顏。以前我常常叫薏米腐竹糖水、烏豆桑寄生茶加雞蛋及老薑蕃薯糖水, 真係好適合我口味。

之前就聽過好多深水埗友推介呢間糖水舖，今日喺附近食完晚餐就特登過嚟朝聖🙏🏻，九點幾去到門口已經有十幾人係度等緊，等咗差唔多半個鐘先入到去，就叫咗個A3(芋圓、地瓜圓🍠、仙草、小丸子、紅豆粒、蓮子配糖水花奶🥛），都要等咗10分鐘先到。芋圓地瓜圓顏色比平時見既淡色，好煙韌但冇咩味道，蓮子冇去芯食落有啲苦，而紅豆都係淡口，唯一令人覺得好食😋係鎮店之寶仙草，食落好滑又唔太硬，同坊間食既好唔同，不過縱使有仙草加分，整體都係一碗好普通嘅糖水，令人有少少失望😞

已經係唔知第幾次食綠林了，今次想寫review 係因為朋友叫左佢的芒果系列，有驚喜！1. 蛋白杏仁茶姐是個蛋白杏仁控只要個間糖水店有做呢款中式糖水我都必叫！overall texture 係較稀但並唔係over 稀，每次食都keep 到水準，食到啖啖的蛋白。2. 楊枝甘露加芒果布甸呢個係估佢唔到咁好味！個楊枝甘露絕對冇戲場，係feel 到真係好多好多芒果打爛成汁，好濃好濃好濃的芒果味！個布甸入面亦係啖啖肉！下次應該會encore !

秋冬後最好食粟子，今日特登嚟試左專食傳統糖水的綠林。叫咗生磨粟子粒露$35, 自製杏仁露$26。超欣賞個粟米粒露🥰，粟子味好濃好夠，有奶味，又有細粒粟子增加咬口。凍凍地時份食非常合氣節食。呢間糖水鋪專食中式甜品比較有名，見平日幫襯的人都好多。

最近越來越多花哨甜品但本人始終熱愛傳統中式甜品杏仁蛋白茶熱辣辣新鮮製作杏仁味十足每一口先是糖的甜然後是蛋白的滑嫩之後是杏仁的一點苦澀最後是但但的甜的尾韻算是全香港最足料同好味嘅杏仁蛋白茶吧

嚟到舊式糖水舖梗係叫舊式糖水啦由於6點后唔可以堂食！所以入座時職員都特別提我哋！蕃薯🍠糖水～都幾夠薑不過都係覺得佳佳好食啲！下次試吓尼渡嘅栗子🌰糖水南北杏燉木瓜雪耳糖水～唔太甜！都OK

好耐之前朋友向我推介呢間位於深水埗嘅中式甜品，話呢款栗子粒露好正。今日咁啱路過深水埗就經openrice訂左一碗生磨栗子粒露再額外加錢要左芋圓+地瓜圓，埋單$43。滿心歡喜諗主試下， 結果好失望未曾試過咁難食嘅栗子露！首先個栗子露係完全無栗子味，就好似攞D粉+白糖黎開個糊仔咁，仲有D粉狀嘅粒粒，味道只有小許甜味，毫無栗子味，想食得出栗子味就一定要依靠個D大細不勻嘅栗子粒先有栗子味。其次係芋圓嘅問題，雖然呢間芋圓並唔平， 要加$7，由於小妹係一個芋圓控，所以食甜品芋圓係必加之物。雖然加左錢，但呢間鋪頭居然係呃錢，漏單，完全無比到芋圓，白白食左我$7. 差評！最後2人夾埋都食唔到半碗😅 難食到喊整體黎講，呢款甜品一個字： 差！ 二個字：難食！ 三個字：無下次！

深水埗嘅糖水舖係超多呀，如果你計埋珍珠奶茶飲品舖仲多，咁綠林喺度䇄立咁多年呢有一定有原因，傳統糖水呢講做得唔錯。不過我今日就食潮流興小小嘅芋圓喇，咁佢芋圓呢，我覺得整體嚟講呢就做得太甜，而且係唔係黑糖嗰種屬於普通湯水，咁就會失色咗少少啦。不過都算抵食一兜糖水有齊芋圓啦、珍珠、小丸子、紅豆喇、西米啦涼粉，每樣都係獨當一面，你今次掟曬落一兜到呢，真係唔打得都睇得，食落呢點都會有樣係自己鍾意食嘅嘢。講返啦最有派頭嘅芋圓呢，我覺得就未算特別好食 ，口感一般，食材味道就不太突出，但都係嗰句 深水埗價錢合理夫復何求🤣🤣🤣

平時好鍾意來綠林食d糖水，覺得佢d糖水都好傳統好啱口味。.但今次過來，見到有新出嘅芋圓，當然要試下啦。.🌼芋圓地瓜仙草 $35呢個係芋圓，地瓜，仙草， 紅豆粒，西米or黑珍珠配糖水及花奶。.首先 一端上來見到賣相已經覺得 有d貨不對版，冇相咁吸引。.食落發現，真係一般般。d紅豆粒如果再霖d會好正，芋圓同地瓜圓嘅煙韌性唔夠，覺得太軟。仙草還可以。黑珍珠一般般～.總體來講 呢個糖水麻麻地，不如其他傳統糖水好味。

當日夜晚大約7:45PM黎到, 唔洗等位只叫了一個楊枝甘露配小丸子等左一陣就上台一食, 覺得好似漿糊咁既口感味道亦有D淡芒果係正常既不過D小丸子都係一PAT PAT好粉既成件事一D都唔好食好失望唔會再有下次了

捉緊夏天的尾巴，趁住天氣有熱熱地，食多幾次冰涼的甜品先去深水埗買電子野，順便食個甜品先番屋企綠林甜品都算系深水埗的元老級甜品店，系深水埗咁多年都可以屹立不倒系有佢的道理望下個餐牌，基本上你諗到的甜品，系可以系餐牌搵到出黎<紅豆粒豆腐布甸綠茶雪糕$43>紅豆粒無起沙，煲到品算好淋，不過FatBrown 不嬲都鐘諗有咬咩的野，所以都Ok ge 豆腐布甸陣味幾清新，配綠茶雪榚都幾match <紅豆粒涼粉芋頭小丸子$46>紅豆粒都系一樣唔起沙，涼粉份量有點多，食到後尾陣味有少少單調，如果小丸子比例多番D就好喇

BBQ@Home, 竟然大家都唸起想食糖水, 由於我之前order過一次真心正. 夜晚仲要無啦啦大雨到抽筋, 辛苦哂車手哥哥!!🍡我地叫左: 🥄合桃露(HKD29)-保持一貫勁thick口感, 合桃超香磨得勁滑, 原本我想食蛋白杏仁茶但無得賣, 合桃露係第2 favorite.🥄芝麻糊x湯丸(HKD36)-粒湯丸會唔會勁大粒🤣黑mun mun嘅芝麻糊又thick又足料.🥄無花果x燉雪梨(HKD46)-貴公子滋潤推介, 整左啖, 好清甜, 有雪梨🍐片+無花果粒, 熱氣BBQ清潤之選.🥄仲有足料蕃薯🍠糖水, 粒粒馬蹄露, 腐竹雞蛋糖水, 椰汁西米露. 大大碗都係HKD25-26@咋, 而且店家仲送左幾張HKD5 coupon (強迫消費mode🤪), 正!

綠林甜品，每次見都排曬長龍，出名芝麻糊，以前食過都算幾好味，不過好耐冇嚟食囉，今次經過就入去食一碗啦。滿有期望叫咗碗芝麻糊嚟食，食咗一啖，Oh No！味道大不如前，話人手炒又話乜嘢黃金比例，芝麻味好香 bla bla bla, 我又唔係好覺囉，我仲覺得係太甜，比例唔好，蓋過咗芝麻啲香，唔好食。Very disappointed 就係今次嘅經驗。經過今次之後，我覺得我唔會再嚟食。我衹係講出真實的一面，唔係打手，味屈我 ! !

以前一路以黎都好鍾意食綠林甜品嘅蛋白杏仁茶真係食過返尋味！但係最近天氣太熱所以想食返啲凍野，所以今次膽粗粗就選擇咗芒果布甸加芒果西米露同埋紅豆布甸配香芋雪糕，估唔到令我大失所望。芒果布甸食落係死實嘅甜，甜到好似食緊砂糖咁，過分甜，完全唔想令人食落去。反而個紅豆布甸配香芋雪糕就幾好食，豆腐布甸雖然偏淡但都幾滑溜，整體來講都算好食。不過如果再比我選擇一定會選返傳統糖水會比較穩陣好多！我都明白始終佢呢間都唔係做開新式甜品所以以後都係食返佢個蛋白杏仁茶會比較好！

傳統糖水店要喺旺區生存 絕對唔容易！而喺深水埗這舊區，租金比較便宜，亦相對多一些甜品店選擇！綠林主打新式甜品，但亦包括傳統中式糖水如芝麻糊、豆腐花等！今次店內食的是至愛芋圓地瓜圓仙草系，併紅豆粒，小丸子和黑珍珠！份量十足，甜度適中，芋圓煮得到位軟嫩！好味！