綠色素食份子 (已結業)

母親節當日我地訂左7：00的枱去食飯，我地6：50已到達餐廳，餐廳職員話訂左位都要攞籌，心諗訂左位都要攞籌咁奇怪，但是旦啦最緊要有得食，職員一邊安排人入去坐，一邊話入面好多位一定夠坐，到左7：30，個職員就話訂左7：30個d唔好意思無位啦，要等下一轉8：30，吓無野嘛我訂7：00果wor，最後我地只能即刻搵第二間餐廳食。其實餐廳賺錢很正常，但做生意都要講信用，無位仲比人訂位，準時到仍無得食，咁樣對餐廳真係好，因為可以確保有客，但對我地就好慘囉，母親節要臨急臨忙搵一間餐廳食飯，仲要搞到我母親好唔開心囉

價錢$128位落訂時話食90分鐘，去到食當日改左話只可食75分鐘，好似佢鍾意改就改話比你食75分鐘只可以跟佢指示去做，時間一到就差不多要趕你走咁叫人入嚟執枱。食物跟進得好慢，好多時出現根本冇嘢攞嚟食或攞嚟飲。$128素食自助餐價，咁嘅服務態度根本係食到一肚氣。就是食物味道OK，想測試自己對服務態度嘅忍耐程度係可以一試

連續幾天出差，每天都忙於應酬，難得今天和朋友小聚，在朋友的帶領下，穿過不起眼街道，可這裡卻是靜中帶旺，簡約的設計風格，有遠離塵囂的寧靜感覺！雖然是自助餐廳，但服務人員的親切笑容和問候，令人感到舒適！原本以為素食不外如是，今晚的晚餐卻令人充滿驚喜😊自助餐的食物品種巽常豐富，有酒店的風格，沙律🥗、炸物、中西湯、糖水、熱食及飲品分門別類，整齊的擺放在餐枱上，菜式方面除咗大路的雜錦沙律外，仲有羽衣甘藍🥬、香橙核桃紅菜頭、蘋果沙律及凉拌秋葵；熱盤的菜式亦好有心思，有金菇煙肉卷、素叉燒是推介美食，仲有自家製作的春卷、南瓜餅和芋棗…很有特色，種類繁多，可惜眼寬肚窄，超過50款的美食飲品，超值的價錢值得推薦👍👍👍最令人感動就這餐廳的老闆仲會定期派發免費飯盒比長者享用，如此的良心企業確實少有。在推介素食的同時盡一份社會責任，為北角堡壘街的素食分子點贊👍👍👍

一直以來都有幫襯開呢間餐廳，出品不錯，有保證👍而且環境舒服，樓底高，座位闊落。如果出面沒有客人等候入座的話，經理好好人，可以比我們坐耐D，沒有壓力☺️最近發現他們的自助餐檯變左，變得更簡單明瞭，而且就來夏天他們整左個凍櫃擺放食物，望落即時清涼，又可以確保食物品質👍👍最鍾意食他們家的日式涼拌海竹笙，口感爽脆，味道酸甜加少少辣，超好味，必食，因為在其他素食餐廳沒有見過有。其他冷盤和熱盤都好好食，會keep住轉不同的菜式，有新鮮感

原來素食可以咁好味！😋 哩間餐廳有3間分店，我地個次去左北角個間食，一入去就覺得好正🤩👍🏼，餐廳好寬敞又有洗手間，我地叫左4人自助餐(中午)：$80/人，好抵食！❤️❤️❤️菜式+飲品 total 50幾款，真係勁多選擇！最鐘意食個到啲Pizza🍕，新鮮熱騰騰😋，勁好味😻，我地成班frds食得勁開心！啲人服務態度都好好，勁好笑容😁，上菜都好快，而且超級衛生！🍏🥬🥦🥕推薦推薦！👍🏼👍🏼👍🏼

之前同朋友黎食過，覺得好好食所以今次再黎食！發現呢間餐廳既冷盤食物擺盤吾同左。負責人好細心，因為香港夏天天氣實在太熱，佢應該怕呢D冷盤易變壞，所以特登整左一個凍櫃冰住呢D食物！值得一讚！冷盤櫃入面冰左吾同款既食物，例如沙律，蕃茄仔，羽衣甘藍等等。而我覺得呢個甜酸齋最食，食完好開胃！而熱盤方面都有驚喜！有某部分係新菜式，同上次食既已經吾同左。廚師都好有心機，佢會因應番季節烹調吾同既菜式。例如呢個素西檸雞，賣相好吸引，口感脆卜卜，夏天食好開胃。而咖哩雜菜煲顏色鮮艷，吾係好辣，配飯一流！

由於有長輩是食素食，所以我們今次選擇的是位於北角的素食分子，位置喺炮台山與北角站的中間，我們12點鐘左右到達，但是原來今日有團體包場，所以我們只可以吃到一點左右，平時的話相對可以吃比較久，去到的時候餐廳內已經滿了九成人，門口的位置是放食物的地方，食物種類都算很多，有炸物，有pizza,熱食也有10多款左右，也有湯有粥，飲品方面也有三種，而且也有甜品，雖然今次吃得比較趕，但是1小時左右其實都夠吃的，價錢方面也不貴，而且更不用收加一服務費，值得推介！

最近選擇餐廳吃飯去慶祝母親節，今日返家途經這家餐廳，就入去試菜，結果一試愛上，就決定母親節當天到這裡慶祝！這間素食的環境比其他素食店舒服很多，好大好靚。今日試左好多菜，全部都喜歡💕有傳統甜酸斋，清炒菜，又有很多新式素菜，素雞絲粉皮、日式和風酱釀秋葵、招牌素金菇牛肉卷～～真係好新穎，而且好好味，下次一定要帶母親大人黎哩到食👨‍👩‍👧‍👦今年5月12同時係母親節和佛誕，老闆娘話一定要提早book! 餐廳十分雅緻，寬敞舒適

已經係哩間餐廳嘅多年熟客，幫襯左3年都未變心👍🏼🥳🥳，因為真係好好味，素食健康又環保♻️野食咁多年都保持水準、而且越食越豐富🍮🥟🍜🥗🍕🍵，佢地雖然係自助餐，但次次去襯都有驚喜、老闆娘好有諗頭，所以食極都唔厭！😋我同啲員工好熟架啦，老朋友咁，佢地好有人情味，有識講笑，每次食都覺得好開心🤣😁最抵讚就係間餐廳鐘意做善事，耐唔耐就免費派飯盒比長者👵🏻👴🏻、開素食宴咁，宜家哩啲良心社企真係買小見小，素食分子簡直係清泉！💚👍🏼一試包你愛上！💕

第一次食素食就簡啱左！哩間啲素食選擇勁多，有炸物🥔🍠🍕，有中菜🥬🥦，有湯水☕️，有沙律🥗，有甜品🍮，真係估你唔到！🤩餐廳嘅裝修簡約清新，坐係到嘆自助餐簡值係神級享受🥰，我個次同屋企人去食，一家大細都啱食，個仔勁鐘意食佢地嘅Pizza同春卷🍕🌮，後尾問先知，原來係佢地自己包架！餐廳勁大，可以簡坐出面或者入面，我地鐘意坐出面，近啲食物唔洗走黎走去～👍🏼👍🏼入面都嘆，有啲私人空間，仲有張有圓台，成家圍住食都好開心🥳🥳勁鐘意！❤️一定會再幫襯🤩🤩🤩

排隊拿籌後被打尖，本人籌號16，等了半小時以上卻被籌號24硬打尖，對質後店員卻安排他們先落座，估計私底下是認識的。撇開差透的服務不說，食物質素低下，馬鈴薯酸味重，其他均淡而無味，而且選擇少，環境又多蚊。

朋友食素所以每次聚會都會找一些素食店，今次就來到這間餐廳，在門口等了一會才可入場，裝潢以西式為主都幾乾淨，入到去都幾企理而且食品都多元化，有凍盤，熱食，甜品。前菜都一桌都多選擇，放得幾靚，一層層咁放都幾吸引，不過都幾多人來吃，所以都要快拿，但refill比較慢少少，熱盤每款要了一些但偏油身，薯條凍咗少少，淨菜都有幾款，味道偏淡都幾新鮮，炒麵炒得不錯，素的咕嚕肉沒想到都不錯幾酸而口感都十分相似，甜品都不太甜都足料，春卷幾脆但吾夠熱身只是微溫，炒飯都幾好食又乾身，釀瓜都幾入味，飲品都有幾款選擇而味道可以如果濃點就更好。但以這價錢都講都幾抵食。

撞正今日初一，媽子要食齋， 突然唸起去北角堡壘街食齋buffet，價錢平，假期兩個埋單都係$160（平均每人$80），不用加一，隨便去一間餐廳食都吾只呢個價錢啦。一入到去人頭湧湧，不過好快就安排到位置比我地，食物區有好多熱盤食物，另外還有一些沙律、炸物、pizza、中式湯、糖水，粥，飲品（豆漿、茶、洛神花茶等等）款式算多。雖然人多，但他們refill啲食物都算快，有時還出一啲吾同款的食物，食物質素都吾錯，所以真係超抵食。

你地做包團，就唔該話聲比人知。仲係咁叫人入黎，坐低左開左單，嘩。百幾位老人家入黎，出黎取食物就用自己食過嘅筷子。不會再來，野食小，添得慢。想飲杯豆漿都冇未走再加：食食下又叫我坐入去比多一個人坐，呀姐，你巳經叫我搬位搬左一次，又搬，你想點呀。

今日誤打誤撞來到素食分子吃中午自助餐。原先是幫襯另一間的，朋友去錯。我無所謂便既來之則安之。未到11點半，餐廳已有不少客人。朋友說11點15分，鋪便開門讓客人內進，果然是早起的鳥兒有蟲吃，喜見生意不錯。餐廳雖然陳設簡單，事實上也花了不少心思去裝飾，我朋友便是被那些公仔吸引進店。店舖乾淨整齊，環境舒服，廁所亦十分衛生闊落。食物款式很多，由前菜、冷盤、沙律、熱葷、粥粉麵飯、飲料、糖水、甜品、水果…大部份食物都很美味。豆漿有豆味不太甜，我們喝了又喝。炸物香脆可口，軟糯香甜…只好把本人的減肥計劃暫時擱置了。而日式豆腐是其中最對胃口的了，真是滑溜，完全是豆腐自己滑下咽喉的，全不費勁。番薯粥稀稠合度，配著油炸鬼吃，饒有小時候，阿媽帶去大排檔，吃粥做早餐的風味…想著慚愧，已多久沒和阿媽吃早餐呢？熱葷以瓜菜為主，溫度保持得很足夠。我平時最懶洗菜，在這裡盡情吃這些'植物'，便三天不用洗菜了，嘿嘿…12點多，客人開始多了，基本是坐滿。服務員很勤快，不斷補充，也有推出新款式食物。這裡的服務員很有禮貌，做事也很俐落，值得一讚。買單的時候，要記得買他們家的柚子蜜，很大瓶才38元，超值。如果你們就住在左近，月底份