綠野仙踪台式茶座 (已結業)

記得係佢開業不久，我同老公去食過一次晚飯，本來一切都冇乜野，食物味道OK，價錢都OK架！不過估唔到食完之後隔一晚，我老公同我就不停痾嘔，本來想叫白車，但外於肉酸，所以冇叫到唯有死頂，直至天光就立即去睇醫生。因為我兩公婆果幾日都只係一齊食過果餐飯，而大家既病發時間一樣，所以好肯定係呢間野攪到我地咁既......！事後我即刻打去南區食環署，竟然食環署d 人話我地唔係第一單......又話會跟進......但最後都唔見佢地有咩行動，但我就聽聞身邊都好多人中左招囉~~~唉！食環署d 人都唔知點做野架！呢間餐廳就更加唔駛講啦~~~

之前去過,d野唔太好食, 個次係叫雞翼粉,點知道d湯底,好多"時由". d服務又唔係好ok. 之後我都唔會去呀.

同男朋友黎呢度食dinner，食左蕃茄牛肉泡飯，出乎意料地好食喎，雖則佢係D湯多過D飯好多..係有D怪怪地，但係D湯好好飲，冬天食真係不俗！仲有個飯好大架，兩個人食都ok=)我都食過西環分店幾次，肉燥薯仔食最好食，其他食物則一般，tea好扺

我們一行三人好耐都沒有去這裡吃午飯了因為太慢, 今日突然有人想去,好啦!試下有無好D一去到等左大約十五分鐘有,上一次等左最少四十分鐘,跟著叫食物.我地叫左三個餐,包括牛肉飯,肉燥豆腐飯,同焗豆魚餅飯另外飲品就係三杯茉香奶茶,等左大約三十分鐘到齊而上一次等左一小時先有一樣到,所以今次對時間上我很滿意到服務我還記得上次我叫一位肥肥矮矮的女服務員杯水比我時,她叫我等一陣,等了很久都沒有到於是我再叫她多次她就同我講我好忙等多陣得唔得呀?過左大約十分鐘.她就好大力放左杯水在,到今日我問一位肥服務員一碗牛肉汁,都等左好耐但係今次我唔敢再追,跟著見到那位肥服務員走過來同我講碗汁仲未到呀,就跑去碗汁比我.所以今次對服務都不錯,唯一最大問題就係走去收銀沒有人到食物我就只能用四個字形容-不過不失如果能夠保持這樣我一定會多D去因為價錢唔算貴今次食左$96

呢間野之前成日都會去，佢d野食都ok o既，自己又住香港仔貪放便又多野食，不過近呢年黎d service真係好唔得，係差到你明明想食佢d野但諗起佢d巴巴閉閉o既staff就唔想入去果隻，記得有一次去食lunch，佢lunch都真係好爆下架，果次我隔離桌有四個人，個staff拎野飲過黎，可能果時真係太多人啦，個staff一次過拎成十幾杯野o係手，有一杯淋左落我隔離桌o既其中一個人度，個staff竟然sorry都冇句囉，個客叫佢拎d紙巾黎抹佢都好似好唔情願咁囉，成件事個staff都好似覺得自己冇問題覺得自己冇錯咁囉，我真係覺得好唔掂，好彩佢遇到個好客咋，如果換轉係我，我一定鬧到佢傻呀。另外仲有一次就發生o係我男朋友身上o既，有一次我地去食野，食完野比錢，我出去門口等我男朋友，我男朋友費事袋咁多散銀，所以零頭比散銀佢，比左兩蚊毫子佢，佢竟然話佢地唔收毫子囉，話找比客d客唔會要囉，但佢個理由完全唔合理，一黎佢冇預先貼子出黎話佢地唔收毫子，二黎d 毫子唔照過兩蚊根據法例規定佢地冇理由唔收架，自從呢兩件事後我地都冇再去食野lu，寧願坐車去第二度食都唔貪放便o係呢度食，總之呢間野除非大家想食得唔開心

今日下午2:30一個人去greenland 食tea依間野既服務我不嬲都覺得係勁差今日仲要發生d 噤既事所以決定上openrice 講叫左一個tea set諗住加多一個豆腐幫我落order個個我相信係manager佢問我加$4個個定係$5個個? 加落去唔同個喎?我個陣都唔知佢講咩$4,$5當我一頭霧水之際佢好似已經幫我make decision$4個個之後好啦落左單跟住覺得唔多對路咩$4, $5??咩加落去,又咩唔同??then我再睇menu最後發現menu第一頁寫住"脆皮豆腐+$5"之後我問waitress$4同$5有咩分別才發現$5先係我心目中要既野好啦! 正常既一個客人會改order因為入左單都無一分鐘以我行內人所知kichen跟本就唔會已經整好個order如果唔係洗咩等!5mins先有野食?除非你話比我知一早已經整好囉!我認我當時係有不當之處因為我無即時問$4, $5既分別不過manager見客人唔明個陣, 唔係有責任解釋架咩?但係好不幸幫我落單個個女人manager同我講:"係囉! 我頭先都問左你囉"她當時的嘴臉真的非筆墨所能形容之後我唔記得佢係咪同我講:"依架先話轉"最後佢

Today's lunch, I dined with 5 other girls. 我叫香煎素鴨拉麵,同事們叫了花枝丸米線,牛肉飯,甜酸雞肉飯,三鹵米線,雜菜米線.we had sets so we ordered 珍珠奶茶,芝麻雪香,蜜桃紅茶, hot ginger honey. Colleagues comment the soup of 米線tastes plain but the dishes are good. My 素鴨is just the fried bean paste, but it has a seaweed piece inside and makes it quite special. In general we have good comments on this restaurant .

呢間都唔錯, 食物種類又多, lunch set好平, 廿零有交易, 唔鐘意可以比多少少錢散叫, 都係三十零蚊, 另外飲品又多款, 我最鐘意食冷麵, 三絲冷麵係我favour, 有雞絲,火腿絲同青瓜, 料多個醬汁即花生醬又好味又夠多, 多choice又fesible, 唯一唔好係嘈左d, 係香港仔一個好選擇

響灣仔食過佢既排骨又響香港仔食番排骨香港仔既好食三倍, 唔會鞋烚烚.好鍾意飲佢既金桔乜乜, 因為好夠酸(酸到我朋友飲唔到俾我飲).好足料!!

近排天氣時熱時冷,而自己的身體又不知何故,突然變弱,經常手冰冰咁(以前就算天氣寒冷,對手依然會幾暖下),所以有時都會走去食下醉雞鍋.個鍋$48,另外跟鍋叫飲品可以買一送一,都算幾平下.雖然鍋料除左雞件之外,就只有津白,但湯底卻係幾落足料,我食這個鍋的時候,都會呷幾口湯,個湯底真係好甜,好有酒香,食完後不只成個人暖晒,塊面仲幾紅下,十足十飲醉酒咁!如果糧尾時候想食醉雞鍋,與其去大家樂食,不如加多少少錢去這裡食,效果可能更佳!

灣仔都有間分店喎~不過個間負責收銀既男人(據聞係老闆)好哀,間鋪明明有宣傳紙寫左話食滿$500會送一張coupon,點知個男人每次都話派哂,但張宣傳紙一直都無拆走,擺明係呃人,個男人仲好無禮貌咁話佢地有權選擇俾唔俾coupon,仲話我地細,d大既都唔會好似我地咁,年齡歧視呀~如果唔係佢咁既態度, 我都覺得食得過....

環境好就唔在講啦,食物好價錢仲好麻,想坐耐少少都得呀

昨晚又同長頸鹿去搵食啦(唉!又係例牌節目),本來想去食大家樂的焗豬扒飯,但男友話無野啱佢食,無法啦,咪跟左佢來呢度食.入到去,竟然見到按摩師,大隻佬同奄尖婆係度開緊餐,又會咁橋! 長頸鹿話不用佢地請我地食飯,但按摩師堅持要請,既然有人請,就有大食大啦!(嘻!好似好衰女咁呵!)我叫了咖喱牛腩焗飯同藍苺奶茶,而男友叫了黑椒雞扒米線同泡沫咖啡.藍苺奶茶幾甜,藍苺味幾濃(雖然明知係糖漿),我懷疑係因為我才有這杯特飲的誕生(以前曾在一間台式飲品店工作,周不時都會用藍苺糖漿溝奶茶來飲,同事都覺我怪,驚我亂溝會肚痛,但我覺得好夾,飲咁多次都無事).而雞扒試左一塊,ok啦.今次最想講個焗飯,之前家人都曾打飽少少焗飯回家食,試過幾口,都幾好食,但發覺餐牌上係無葡汁的,於是試下叫咖喱.上枱時,飄來的唔係咖喱香,而係葡汁香,真係俾我估中.牛腩飯個面燶左少少,裡面有薯角同甘荀,係白飯底,如係炒飯底會好d.試左一口,幾香葡汁味,而d蔬菜伴著個汁一齊食都ok,但牛腩就有d柴,麻麻地.比起上次的肥,今次的食物確係好左d,服務又好左d,算啦,可以繼續留低啦!

昨晚同honey跑完步,10:00左右黎左呢度醫肚,我地叫左兩份宵夜餐,分別係炸雞脾米線配泡沫咖啡,同埋五香醬蹄菜飯配鳳梨綠茶,另加一份京都烤骨,可能同時間有一客共十幾人,所以上菜慢左好多,估唔到個烤骨先來,一睇就知好肥,有一件肥膏厚達1吋,都唔知係咪用超肥五花腩來煮,而其他東西隔了成15分鐘先到,仲要送錯東西來,要我提先記得,後來我飲杯鳳梨綠茶,無乜鳳梨味,只有綠茶味,而醬蹄又肥左d.唉!之前平日晚上都唔會咁架,希望可以改善下,隔一排先再去食,當暫且俾次機會啦!

都有好多野食選擇但味道一般