綠野仙踪台式茶座 (已結業)

昨晚又同长颈鹿去揾食啦(唉!又系例牌节目),本来想去食大家乐的焗猪扒饭,但男友话无野啱佢食,无法啦,咪跟左佢来呢度食.入到去,竟然见到按摩师,大只佬同奄尖婆系度开紧餐,又会咁桥! 长颈鹿话不用佢地请我地食饭,但按摩师坚持要请,既然有人请,就有大食大啦!(嘻!好似好衰女咁呵!)我叫了咖喱牛腩焗饭同蓝苺奶茶,而男友叫了黑椒鸡扒米线同泡沫咖啡.蓝苺奶茶几甜,蓝苺味几浓(虽然明知系糖浆),我怀疑系因为我才有这杯特饮的诞生(以前曾在一间台式饮品店工作,周不时都会用蓝苺糖浆沟奶茶来饮,同事都觉我怪,惊我乱沟会肚痛,但我觉得好夹,饮咁多次都无事).而鸡扒试左一块,ok啦.今次最想讲个焗饭,之前家人都曾打饱少少焗饭回家食,试过几口,都几好食,但发觉餐牌上系无葡汁的,于是试下叫咖喱.上枱时,飘来的唔系咖喱香,而系葡汁香,真系俾我估中.牛腩饭个面㶶左少少,里面有薯角同甘荀,系白饭底,如系炒饭底会好d.试左一口,几香葡汁味,而d蔬菜伴著个汁一齐食都ok,但牛腩就有d柴,麻麻地.比起上次的肥,今次的食物确系好左d,服务又好左d,算啦,可以继续留低啦!