影片
港铁太子站 C2 出口, 步行约3分钟
继续阅读
电话号码
98891259
营业时间
今日营业
12:00 - 22:00
星期一
12:00 - 22:00
星期二
全日休息
星期三至日
12:00 - 22:00
*最後落單時間: 21:30
以上资料只供参考，请与餐厅确认详情
太子區少見的素菜。老闆娘親自下廚，即叫即做，外賣建議預先order唔需要等。店鋪無咩冷氣要留意。夏天見到老闆娘同員工都做到身水身汗，好欣賞佢地的堅持。雖然唔係每樣都好食，例如韓式泡菜炒年糕，偏鹹，建議老闆娘可以調節下就perfect。但我鍾意係小店用心製作，有幾樣菜式係我長期都會叫，尤其係羅漢齋，次次食都好開心，叫套餐每次都會送湯或者甜品。份量好充足，有時可以留到1/3 到第二日中午食，好抵。長期有派飯給長者的善心之舉，經營素食唔容易，真係要多多支持。
继续阅读
早半個鐘打電話落order，黎到都要等..叫左個烏冬同埋紫菜湯諗住都會有驚喜..點知..我諗大家唔嫌要等又或者好想試伏嘅都可一試..個紫菜湯我真係接受唔到係甜嘅。個烏冬..真係普通到不行..
继续阅读
店家是位熱愛推廣素食的人士。還記得在深水埗舊店「梅貴緣」已幫襯。很高興他們在太子開店，由地鐵站行去近左好多，為我哋素食或為食之友多一個選擇。店比舊時細左好多，堂食約三、四個位，想慢慢享受，都係外賣會方便我。今次試左羅漢齋炒烏冬、薑醋。等外賣時順便吉左一串咖喱魚蛋食。咖喱香而清，可以食到丸的味道；即抄的羅漢齋烏東，料款多樣化又足料，可一啖烏東一啖餸；本來好飽，但個薑醋太香啦，忍唔住都要食埋。總結和以前一樣可保持到水準，最重要係食完唔口渴，不會過濃味道，可以食到食材嘅味道。又多左一個外賣飯堂。正！ 大家要多多支持小店！
继续阅读
緣素新開張位處太子基隆街附近，提供純素餐單老闆娘好熱情，而且新張期內有八折！點了菠蘿腰果玉碎炒飯，原來所有炒粉麵飯都係即叫即炒！啱啱開張唔夠腰果，廚師用松子代替。炒飯嚟到份量非常大，各位女士可選擇少飯。雖然賣相一般，但勝在即叫即炒，同埋老闆娘熱情搭夠！
继续阅读
太子基隆街開咗間新素食餐廳叫「緣素」，原來前身係做自助餐嘅「梅貴緣」，睇下有咩正嘢食先。🤓座位唔算好多，餐牌好似勁多嘢揀喎，餃子，小食，炒粉麵飯，小菜，連漢堡包都有。唔想諗食咩嘅就學我咁叫個「貴緣素大碗」食啦。😄係咪好似盤菜呢？賣相真係超靚呀。呢度兩個人份量賣 $118，新張期間八折優惠（至一月九號）即係 $95，除開每人唔使 $50，好過食華御結啦。🤭單張講嘅材料未必完全一樣嘅，老闆娘話因為有時冇某啲材料，例如今日係跟烏冬唔係素麵，餸都會有少少分別，但總之都係超豐富。😋先講個炸豬扒，真係好正，好脆，味道又調得好好，食一塊唔夠喉呀。🤪望落有啲似蠔豉嘅係素羊肉，比好多舊好抵食。豆卜好大舊，非空心好好肉地，水餃係自家製，皮好煙韌個餡又好味。烏冬唔係手打，冬菇係原粒有好多粒，墨丸，貢丸同牛丸同真嘅好似，片頭就樣似，但食落比較似魚腐，比較淋身。😀有一塊好大塊嘅，問咗老闆娘原來係泰式魚餅，超好食呀，好香辣，老闆娘都話係佢嘅最愛。最特別係有羽衣甘藍，好似係第一次食粉麵食到佢 ☘️。仲有兩舊好彈牙嘅，好似話係扮豬肚嘅東西，都好味㗎。😙資料話係太子站 C2 出口，回程我發現 D 出口近啲喎，過條馬路就係喇。大家去開睇下我呢個路痴有冇講錯。😂
继续阅读