繼 (已搬遷) 新店位置

唔明點解咁多人話好食？野食調味唔夠，味道普通！呢d都算啦，最唔好彩係坐隔離果檯係廚師既朋友，雙方不停講自己野，對朋友照顧有加，對我地基本上無咩理會，我地坐係隔離覺得尷尬同被受冷落，基本對客人禮貌都沒有？你係翻緊工定係招呼緊你d朋友？最後餐牌有甜品或飲品揀，但店員直接過來詢問要飲咩，我同佢講唔係有得揀咩？佢就話已經無曬甜品...其實都已經打電話過來bk，唔係應該準備咁多人既份量咩，既然無得揀咁你餐牌上面就唔好寫啦價錢需然比一般平，但師傅服務衰過茶記

每隔幾個月就一定要食一次每次都要搵Sam師傅由前菜開始已經令你好開胃而且每次前菜都唔同用返時令嘅蔬菜🥬第一度刺身前菜 調味配料都別出心裁第二道前菜 一種魚有兩種食法 唔止食魚嘅新鮮仲有師傅嘅手勢時令日本直送生蠔加埋師傅自己醃料時令蟹肉蟹膏海膽炒飯 食過返唔到轉頭仲要唔係年年都有 真係睇彩數🥺多款時令刺身每款刺身唔係就咁切完擺上枱而係有悉心嘅烹調同調味淨係呢種心思已經值哂每兩三個月就要黎食一次真係好好味加埋妹

朋友推介食哩一間阿媽家姐，所有食物都非常新鮮！！！午餐時段我哋選擇左1000蚊 set，刺身都非常新鮮，特別推介海膽，拖羅！佢啲前菜，小食，熱食都非常精致，好味。打卡一流！真係好好食，可惜海膽得太少🤪午餐時段分兩段，每節只得1.5小時！時間真係非常緊迫，享受不到未食之餘，亦不能夠和朋友暢所欲言。又要打卡又要感受食物味道，真係無乜時間！如果可以變成兩小時或以上唔會更加好。可惜做生意就係咁。希望可以考慮下意見。否則我寧願選擇無限時的！😅

Lunch有三款基本套餐，308到328，主要係帶子、蝦同鵝肝嘅分別！極度推薦大家要揀最平嘅帶子！！帶子新鮮不在話下，畫龍點睛嘅一筆係師傅會將帶子燒出嘅汁加昆布變湯，連埋燒得剛剛好嘅帶子，鮮味滿滿！大蝦都好食，彈牙爽甜，隻蝦有成隻手臂咁長，一睇都知正！師傅齋用鹽加少少牛油乾煎，仲撈咗啲蝦膏煎汁，所以蝦味極度濃郁！但係比起帶子，就略嫌乾咗少少！銀鱈魚煎香，肉嫩但略嫌多骨。師傅會將魚皮煎脆，嫩滑魚肉配脆魚皮，聽到都知好食啦😋 如果口味比較重的話，可以點微酸少辣蕃茄汁，吊出魚嘅鮮味，食來仲好消暑❤️主菜前有糖脆麵包作間場，建議各位美女唔好望師傅點整，只要吃便可🥲主菜可以揀薄燒牛或煎牛柳或者豬。我個人較喜歡前者！呢個價錢當然唔係食A5個類和牛啦，不過都足有兩塊手板大嘅牛，師傅會用嚟包蔥加蒜，輕燒至你喜歡嘅熟度。一食落口，我覺得反而畀燒牛柳嘅肉味仲要濃，好惹味！而且蔥蒜有水份加埋肉汁，又係大叫好好味啊系列🫶🏻Lunch set仲有沙律、炒飯、炒野菜及甜品或飲品，無可能食唔飽🥹而家book lunch已經去到九月先有位😭想係香港食好嘢真係好難啊😭😭

今日本身想book 繼鐵板燒同friend慶祝生日，點知full 曬員工推介我哋試下佢哋既Omakase ,抱住一試無妨的心態，但估唔到繼除咗鐵板燒出色✨之外，原來壽司的omakase 都好好食🤤$880 lunch Omakase (唔記得咗影Menu）不過最後係飽到捧住個肚走😝😝呢個價錢，有甘多款壽司、刺身，其實性價比真係好高最後果款馬糞海膽拼鮟鱇魚乾，真係食到舔舔脷師傅聽到我話想食鐵板燒炒飯，仲即刻叫人整一碗俾我，surprise 滿足的一餐lunch omakase ❤️

本來我們並不是一個喜歡抱怨的人，但是昨天這裏真的讓人太失望太失望太失望！🤮但昨天我們點的長腳蟹，龍蝦，厚燒和牛，薄燒和牛，但那個廚師把我的食物給了另一個枱，那一台是廚師的朋友……我們事後有反映過給他們經理，但是他只是要我們拿出證據……如果是你們，你們會如何做？再去？不了…😂傷心💔💔💔💔💔💔

餐廳位於D2 Place 二期，位置都相當方便易揾！有提供鐵板燒亦有壽司或omakase。雖然環境相對上無其他鐵板燒餐廳甘高級，但都正正常常整潔別致！餐牌上嘅一人餐大約都係人均三百幾左右，而今次我地就叫左龍蝦二人餐$880。即刻講下食物質素點先：前菜沙律有海葡萄，味道普通無特別就唔多講。然後到香煎銀鱈魚，師傅將魚皮壓至最扁然後再修改形狀上盤，食落脆卟卟非常香口，十足好似炸左甘！魚身亦煎得外脆内軟，打開可以見到好多魚油在内，煎得真係特別香！下一道係九州清酒煮蜆，將清酒連蜆放錫紙中，用火燒走酒精。湯非常鮮甜，除左有蜆嘅鮮，亦有清酒帶出嘅小小甜，非常好飲！然後就係主角波士頓龍蝦，二人分享一隻。師傅首先調校一個秘製醬汁，混入肥美嘅龍蝦膏同牛油。香煎好龍蝦後，將醬汁淋上表面。龍蝦雖小，但爽口鮮甜，加上非常香口嘅龍蝦膏醬汁，好食！之後就係肉眼薄燒。師傅將葱同蒜煎香，再用牛片包住葱蒜同肉汁成卷狀上菜。原本以爲只有三件，但原來食完三件會再添一次三件，姐係總共每人六件牛卷！非常飽肚！味道方面，牛卷包住所有葱蒜同油份，食落真係滿口油，有點膩但香口好食。尼到呢度其實大家已經飽左，不過仲有几道菜未上啊！接著就

今次同大家介紹位於D2 two嘅繼門口的日式屏風已經給予人一種高級感主打日式鐵板燒 另外亦有做壽司💁🏻‍♀️晚市要上千元一位 相比下午市性價比較高不過基本上都full house 要提前電話預訂啊~.🎈龍蝦午式鐵板燒二人前餐 ($880)計埋甜品同湯共九道菜的Menu廚師會先將食材準備好放於食客面前於席前烹調食物 可以欣賞到個過程👍套餐可以加$98要刺身 不過餐廳主打鐵板燒 刺身方面就比較一般😂一位師傅會serve約四枱 主菜會各有不同有時就會有得睇未有得食啦😂😂.👉溫室野菜沙律 下單後店員就會奉上沙律材料都不算敷衍 有蘆薈 腰豆 蕃茄等味道酸酸的開胃菜評分: 7/10.👉銀鱈魚打響頭炮的是銀鱈魚 基本上每款套餐都有師傅會將魚皮切出 再煎至香脆😍魚肉表面煎香 肉質juicy嫩滑火候把握得恰到好處👍 師傅特意提醒可以點中間蕃茄汁 不過原汁原味似乎更好食！評分: 8.5/10.👉九州清酒蜆用錫仔碗放於鐵板上煮熟 途中仲好猛火😂蜆肉無沙 帶淡淡酒味好清甜份量亦夠足 味道不錯~評分: 8/10.👉波士頓龍蝦 (1隻)二人前套餐有一隻龍蝦 一人半邊😛師傅已經將龍蝦肉起出 不用自己剝殼醬汁加入蝦膏

與男朋友在荔枝角 P2 Place 二期逛街時，無意中發現了這間同提供廚師發板及鐵板燒的日本菜餐廳，因而便內進一嚐究竟。步入餐廳後，可見內部是呈現長方形的空間，其左右兩邊均是鐵板燒的區域，走至盡頭則是廚師發板的吧枱位置。而在裝潢方面整體設計皆以淺木系為主要元素，並再配襯昏暗燈光和特色掛畫，令環境感覺簡潔高雅。是日選擇的廚師發板套餐價值為 $680，當中包括了前菜、沙律、蒸蛋、刺身六款、壽司六件、蔥吞拿魚飯、湯、甜品此八款種類。茶碗蒸使用蟹肉、鯛魚、昆布、木魚水製成的茶碗蒸味道蛋香濃郁，鮮甜滑溜，並擁有豐富層次。沙律沙律用上紅腰豆、番茄仔、生菜、青瓜片、紅蘿蔔絲、蘆薈粒製作而成，並加以胡麻醬調味，食用時爽脆甜酸，濃香清新，是道富有新鮮感的前菜。汁煮海參使用汁煮方式製作的海參配搭上萬能蒽、蘿蔔蓉、土佐醋食用，味道鹹香帶酸，爽彈鮮美。石鯛間八魚位於右方的石鯛是淡身魚的一種，因而師傅配搭上魚子醬、金箔以增添味道，口感細膩煙韌，甘香微甜。左方的間八魚同為清淡的白身魚，將其肉質切成格狀後，再包裹上北海道馬糞海膽，並加入淡雪鹽、山葵調味，口感韌脆爽彈，淡鹹不膩。赤貝深海池魚右方的赤貝由於是當造期，因

日式鐵板燒一向都係高消費項目，但係呢間餐廳，因為價錢合理， book枱要book成兩三個星期，非常誇張食之前，師傅會放晒食材喺枱面俾你影相海帶汁煎帶子，味道就好好而且帶子都好鮮味，但係中間就疑似過生，搞到食完之後有少少肚痛鵝肝多士，鵝肝香濃，配上牛油多士，非常之好味一位師傅大約服侍四個客人，都好專注同客人溝通，服務唔錯，圖為煎銀鱈魚，外皮香脆，非常好味其實食乜就唔算多款式，但係最尾因為有呢個炒飯作結，都算食得飽最後師傅會親自整焦糖牛油多士，雖然好簡單，但係非常之邪惡又好味，係必食之選

今日又有人請食lunch😋😋😋哩間之前都食過，食完都好掛住想再黎，今日終於又再黎啦。佢Lunch set 大約三百蚊左右，但都有好多道菜，雖然份量唔算多，但一定食得飽你😝今次揀左$328既法國鵝肝配美國特級牛柳餐頭盤：😋溫室野菜沙律： 一小兜，新鮮，有麻醬，無特別算中上😋法國鵝肝：兩塊鵝肝+脆麵包，我就對鵝肝一般，但上次食過又覺得幾好味，不過食完塊包都好飽。煎得好香同埋都肥美。好味😝😋一小塊銀鱈魚：師傅將塊皮另外煎，好脆口。加上塊魚多汁唔會好乾身，好味😝主菜：😋美國特級牛柳： 厚身牛柳，我食開medium rare,師傅煎得岩岩好，外脆內軟，肉汁分明，好好味😝加上新鮮炸蒜片，超好味呀，我地要追加蒜片食添呀😝附送：😋煎沙糖牛油麵包，甜甜地幾好味，可惜之前個鵝肝多士已好多包。😋炒飯+野菜： 上次飽到食唔晒碗飯，但炒得好好味，乾身粒粒分明，日本蛋味重😝仲有超多芽菜既野菜，中和返。完尾結果😝*朋友食既大蝦，日本黑豚薄燒及肉眼薄燒都好好味。基本上9成既食物都好新鮮好味，服務環境一流。記得一定要訂位，因坐位唔多。晚市價錢會貴幾百蚊但食物會再多少少。所以lunch食比較抵👍🏻👍🏻👍🏻極力推介👏🏻👏🏻

荔枝角D2 place 有間優質日本餐廳，朋友邀請食Omakase，聽朋友講見過黃宗澤都嚟呢度食飯，諗住來撞下彩睇吓有冇其他明星仔一齊食飯我揀左「繼」set $1590 廚師發板, 原先以為唔夠食，點知飽到食唔晒個set🤣 Soooo fullll一坐低Service全程好周到，斟酒遞餐服務生態度好好！師傅好快手就岀左個無花果榛菜沙律，榛菜滑生生唔係好食得慣，但係聽講好健康！最難忘係安康魚肝鮮味濃郁入口即溶，推薦大家必食！新鮮蟹肉撈飯，鮮味濃欲，優質！師傅細心介紹野生拖羅同養成拖羅的口感分別，野生拖羅會比較多筋，但味道不相伯仲，好肥美, 秋刀魚用葱餡又幾爽口有趣。板燒龍蝦肉，重量級海膽炒飯，仲有我最愛的焦糖味多士，好味到停吾到

荔枝角高質鐵板燒  -  繼閨密生日話想食鐵板燒立即諗起D2 place 嘅「繼」餐廳位於D2 place - phase 2 入口位置有少少隱蔽全部座位都係爐邊好好feel!! 我地四個人叫左四個一樣嘅Set 前菜沙律及酒煮花螺海老大蝦燒得爽口彈牙大大隻啖啖肉南非鮑魚唔會韌好入味日本石斑魚全晩最期待食魚因為上次食過嘅燒魚超好食！雖然今次呢種魚唔同上次嗰種但係一樣燒得嫩滑好食！魚皮仲脆卜卜❤️食到中段餐廳貼心地預備左青檸果凍清下味蕾美國特級牛柳/肉眼薄燒本來係二選一但師傅讓我地兩款都試肉眼薄燒配葱花同脆蒜片好夾Medium燒得啱啱好！睇住師傅燒都係一種視覺同嗅覺享受😎美國特級牛柳肉質鮮嫩牛味可口唔需要任何醬汁都好好味鯛魚湯好濃郁但絕對唔會腥牛油沙糖多士巨量牛油同沙糖半煎炸而成好脆好邪惡但係我過唔到自己心理關口只食左四份一炒飯可能食到最後已經飽左炒飯顯得平凡普通下次再食鐵板燒依然會再選擇「繼」❤️

同朋友慶祝生日，點知服務差到頂住條氣，多謝哂! Reception d 語氣差到一個點，完全無認真聽客人要求同回覆，嘢食味道都算ok,不過食到一肚火就bye bye la. 唔會再去！

無論海鮮及肉類，食物新鮮質素高；我特別喜歡他們的日本響螺、好鮮味。一人前的鐵板燒餐已經很豐富, 食炒飯炒麵之前，他們會燒一份牛油糖多士，雖然有點兒邪惡，但是真的好好味😘他們晚餐的價錢，在荔枝角區來說，價錢是有點高；其實午餐食杯也是差不多，但是價錢便宜很多，所以午餐如果能夠long lunch 特別抵食鐵板燒的房間也設計得10分舒適；雖然不是太大，但就是有一種舒服的感覺。 有部份廚師也喜歡跟客人交流，一邊煮一邊傾偈，感覺特別親切。