紅廚房 (已結業)

難得在外國生活的娃友回港，大家便相約出來一起飯聚。因為沒有預約地方，很難找地方吃飯，來到這裏有位便入坐，但可惜食物味道一般，只是環境坐得舒服而已。****************************要了紅湯，湯的味道較為淡，材料都充足。餐包沒什麼特別，夠軟口。這個煎蛋雞扒石鍋飯，這個飯是靠那個燒汁，雞扒是雪藏口感，所以味道真的一般。焗芝士海鮮飯。看上飯的表面芝士夠多，但入口沒什麼芝士的味道，配上的蒜蓉包更是像隔夜的乾。焗芝士西蘭花，沒什麼特別香芝士味，只是吃西蘭花而已。焗黑松露菌忌廉龍脷柳意大利飯。入口沒有黑松露的味道，魚肉有點乾身， 蒜蓉包更不用說了，也是乾身都不願入口，所以都有點失望。最後要了一杯凍檸茶，算是唯一這晚較為好味的食品之一。

價錢唔算貴的餐廳, 中午時段竟然有大量吉位, 心想又係寫劣評的好地方就坐下吧.忌廉湯, 似乎是訓練味覺的液體, 要很認真去感覺先感覺到一些少的忌廉味, 淡如水的餐湯.餐包, 超市買嘉乜牌都好食過呢件物體, 硬而無味. 黑毛豬骨扒, 這是否炭燒? 個豬骨扒已經變成半炭般的模樣, 不含水分, 硬度高, 這是武器屋的投拋武器?黑松露魚柳飯, 賣相劣等, 一看上去好似一堆嘔吐物在飯上, 裡面含極大量的生粉, 大量的麵包粉包住丁屎的魚柳.石頭鍋飯, 飯已經變成石頭的硬度, 其他材料份量太少, 口感乾而無味, 只為填飽肚或鍛鍊腸胃而設.咖喱魚飯, 濃如泥膠的咖喱配上粗鞋的魚肉, 感覺條魚應該仲大過鯨魚先可以有這般粗的肉.海鮮意粉, 不值得再提, 難食.窩夫真的很難食, 雪糕又少, 好少有食甜品食到想嘔, 但是長輩教落唔好浪費食物... 不過無教過話唔好浪費拉圾, 所以無食曬.

是時候把文債清清了，這晚從澳門回來約了朋友跟我一起到旺角一個很久沒踏足的地方，來到朗豪坊旁邊的大廈裡吃飯，說真的就算是以前常來也不會注意到這地方試的是巴西風情，因為最近世界盃嘛，所以也有關嚕一開始是杯偏甜膩的白酒，濃度偏高不好酒品的我也沒多喝巴西紅菜頭什菜湯 像是一般的羅宋湯只加入了數顆紅菜頭進去，質感也比較草青生生的巴西淡雞肉絲凱撒沙律 清新的沙律算是不錯不過雞肉方面比較幼細，感覺吃起來會像吞拿魚南非直送石蠔 這個最有驚喜了每人只有一顆，但個子頗大蠔味香濃，香甜creamy印度馬沙拉咖哩魚 配 椰絲薄餅不抱期望的比較好，咖哩煮魚塊，魚肉沒刺但肉質不算滑嫩但椰絲薄餅甜甜的頗不錯，只是熟度不足挪威煙三文魚忌廉焗巴西木薯生硬的木薯配上微酸的奶油跟不錯的煙三文魚但沒有很搭雪糕窩夫 甜牙齒想吃的東西卻不是預期的效果，窩夫很爛又硬不好吃想不到客人很多，而且有人包了半場為朋友慶生但食物上桌的速度偏慢，我們也吃了2個小時左右

上月二十號收到食友的邀請，到旺角朗晴坊紅廚房試食，在此謝謝食友的安排和邀請。紅廚房為一間意大利餐廳，位於朗晴坊三樓，但在下甚少在這大廈用餐。餐廳選用紅色為主調，還有一個吧枱。餐牌亦選用紅色，也有用黑板寫上餐單。在下選了一個羅宋湯，有蔬菜和牛腩在內，猶如港式豉油餐廳般的模樣，味道就可以的。華多夫沙律配三文魚。沙律配上沙律醬，這並不是在下所喜愛的，三文魚味道一般，不過沙律就並不太衛生。法國生蠔。生蠔都算幾鮮甜，不過海水味不足。雜菜香雞墨西哥卷。這明明是意大利餐廳，為何會有墨西哥卷？令在下有點疑惑。不過墨西哥卷都幾煙靭的，有點咬口。令在下有點大惑不解的，原本侍應說主菜是牛柳的，於是便點來一杯紅酒佐之，可是卻沒有通知下既然來了羊架，在下實在有點驚訝。不過個羊架不羶，肉質軟腍，沒有太多脂肪。最後來一個炒飯。真的完全估佢唔到，今晚不是吃一個意大利菜，而是一個 Fusin 菜式，有點不倫不類。炒飯尚算唔錯，米飯米米分明。甜品中以一球雪糕配一個窩夫，老實說在下也不知道如何形容這個窩夫。這一餐實在有點失望，除了剛才提到的問題外，還有上菜時間超長，有點不耐煩的感覺呢！

Tried some dishes at this place because I was filming there.The dish I liked was the fried rice which does not taste like Chinese fried rice.Each grain of rice was distinct without the oily metallic taste.The grilled lamb was soft but a bit too fat for my liking and the fries tastes like the ones from McDonalds.

上月下旬，受食友邀請，來到旺角朗晴坊 3 樓一間樓上意大利餐廳「紅廚房」試菜，在此先說聲多謝。記得以前還在旺角上班時，間中也會到朗晴坊吃午飯，不過印象中當時 3 樓是一間以供應健康麵食為主的樓上店叫「八麵玲瓏」，原來這麼快就已經關門了，或者這就是香港食肆的普遍現象吧，開業快，結業更快。其實來之前，筆者也有先瀏覽過這餐廳的網上食評，見好壞參半，所以對食物的質素也沒抱太大期望。先來兩款餐湯，一紅一白，一濃一淡，前者據說味道還可以，不過後者湯底就太過稀身偏淡了，水準只屬一般。華多夫沙律併煙三文魚，三文魚 ok，不過沙律菜就竟然有活生生的…….法國生蠔，海水味較淺，不過入口尚算清爽鮮甜。雜菜香雞墨西哥卷，外皮煙韌、口感對勁，不過這晚是來吃 fusion 菜嗎？本來服務員說這晚為我們準備咗牛柳做主菜，還推介配以這款白酒，誰知等了好一會才出場的扒餐，竟然在沒預先通知下換成羊仔架，真係估佢唔到，幸好這客羊架肉質幼嫩，沒多餘脂肪和羊羶味，味道正常。最後再以一個中式炒飯作結，fusion 得有點不倫不類，好彩個炒飯水準唔錯，配料豐富、飯粒分明。飲品點了這杯以店名命名的「紅廚房」mocktail，用上檸檬

有幸得到好食食友邀請前來試菜, 最開心莫過於一起一邊進食一邊談天說地, 讓大家有機會認識更多。環境以紅色為主, 內裏燈光昏暗, 頗有情調。地方尚算寛敞, 坐得舒適。門口擺放了一塊黑板, 上面寫上各款菜式, 讓客人一目了然。這裏還擺放許多不同的酒款, 為客人點餐時作配搭。服務服務員安排我們坐在另一邊的間房, 讓我們可在較寧靜的環境下用餐。食物店方為我們安排了不同的菜式, 當中想一提的包括有：1) 羅宋湯：湯料十足, 味道帶有香濃的蕃茄酸味, 很醒胃。2) 雞肉墨西哥卷拌沙律：上枱時仍保持暖暖的, 雞肉尚算嫩口, 而內裏所夾的青瓜絲和紅蘿蔔絲則爽口; 薄餅皮比較煙韌, 而內裏的醬汁欠奉, 未能突顯其風味。3) 燒羊架配薯菜：羊肉帶點粉紅, 肉質可算軟稔。幼身薯條炸得剛好入味, 但蔬菜略為硬身。4) 明太子炒飯：鹹香的明太子與炒飯拌混, 更能提升飯的味道。炒飯內有不同的海鮮粒, 亦有爽口香菇粒和黃色翠肉瓜粒, 整體味道不錯!此外, 服務員為我們送上紅酒和香檳, 以襯托各種食物。______________________________總括而言, 環境和部份食物都ok, 謝謝安排!

好掛住個辣茄蓉海鮮意粉!!!今次第三次食啦，今次再去食。一入到去好焗，我記得夏天去都係咁，熱到不得了，好彩而家係冬天姐。紅廚房轉左餐牌，以前嘅餐牌有圖睇，而家冇…我個人喜歡睇圖簡野食，今次睇住個餐牌好悶，得字冇圖，就好似番學讀書咁，密密麻麻，睇到你想訓…好彩之前食過，所以我都係簡番辣茄蓉海鮮意粉，好味，有多啲海鮮就好啦！友人叫左個羊扒:

早前系團購網見到有下午茶團購 睇相見到好似好豐富 價錢又吾貴 所以就團購泥下午茶。我地book左2：00 準時去到鋪頭 竟然入面得1台人 環境超靜。我地入去時講明系團購 所以入到去坐低已經吾需要再點野食。一坐低就有waiter擺低水同餐具 個水杯系透明既 但系吾知點解花哂 仲好似好舊甘 見到有少少反感。逐層講。先食第一層 我地首先食果2個窩夫 仲有少少微溫 上面淋左朱古力醬+士多啤梨醬 但系個窩夫太林 而且無咩香味。之後食第二層 巴西火腿只系得個咸字 完全無香味 而且無嚼口。煙燻三文魚比較香 食落有質感 終於有番少少質素。下面果2件多士真系離哂譜 完全硬到食吾到 咬落去乾到不得了 仲要乾得泥好痴多士甘基本既食物都會整成甘 過分！！！之後第三層 有碗肉醬芝士腸 毫無特別 自己整仲好食。cup cake好粗燥 好似出面餅店買番泥$3個甘樣 真系好難食！最後食埋上層果2杯甜品 成杯野吾知系米cream泥 有少少榛子味。成個tea不知所謂 如果吾系團購都吾會食 我地仲要見到出面寫住$148食呢個tea 完全吾值！！！吾會再泥！！！

今日同媽咪去朗豪坊UA睇戲，原本諗住係朗豪坊食，但商場D餐廳大部份都係連鎖，係邊度都有得食。媽咪話聽到D人講隔離有間叫朗晴坊，有好多野食，所以係套戲未開仲有個幾兩個鐘前就去醫飽個胃。朗晴坊差唔多八成鋪頭都係食架，好多選擇。媽咪想食泰國野，但我地得兩個人，雖然好肚餓，但好似有D難叫多幾款野食。最後，我地揀左三樓呢間紅廚房。嘩，間鋪頭都全滿，好好彩啱啱有人走，如果唔係我地就要等喇。難得同媽咪出黎拍拖，一於豪食。我地叫左個二人套餐， 包括芝麻醬沙律X2 湯X2 餐包X2 三文魚小食或春卷小食 西冷牛扒X1 煙鴨胸意大利飯X1 甜品迷你窩夫同飲品X2。媽咪仲加左個煎鵝肝。係等食期間，我上左Openrice 睇食評。點知。。。。普遍都話難食， D 相仲有D恐佈。我地仲叫左咁多。。。我點同媽咪解釋？首先黎左紅湯X2 餐包X2紅湯係羅宋湯 ﹣ 同出邊個D唔同，好多湯渣，唔係得水。。。仲好辣，真係好辣。媽咪話超辣 （但佢飲哂）餐包附上ANCHOR牛油獨立包裝，D牛油同牛油刀有細碟另上 ﹣ 媽咪話間餐廳都幾DUM本，ANCHOR牛油好貴喎 獨立餐廳好少見芝麻醬沙律X2D醬好好味三文魚小食 ／ 春卷小食三

今日經過朗豪坊UA影院，見到隔離有間叫朗晴坊，原來呢度好多食野嘅店，聽排隊嘅姐姐講紅廚房，價錢又唔貴，味道OK喔，於是乎我決定就去紅廚房試試啦。不過去到噶時候系lunch time，裏面爆曬咁滯，有個waiter走離話需要等等，等左大約10分鐘左右啦,比起一般cafe 個款式多啲,服務唔錯,今日我試左個麻婆豆腐飯,上菜時間都好快, 分量幾大,不過咸左少少,如果味道稍微淡少少會好啲,午餐配餐湯同埋餐飲，我試左個羅宋湯，個湯帶有少少辣味，不過個人唔系好喜歡辣味，所以覺得一般，然後另外叫左杯天使之心,飲落甜酸甜酸,士多啤梨味道較為重,飲落味道唔錯,總嘅離講味道、服務、環境各方面都唔錯，值得一試，下次有機會再離試試其他產品。

朋友在朗豪坊附近看到廣告話想試吓，反正又諗唔到食乜，於是就決定上去一試。入到餐廳，眼看裝修尚可，座位也不算迫，心諗食物應該唔會太差嘅，但一看menu 就心知不妙了……。這個黑毛豬骨扒，根本同煎普通豬扒無分別，味道麻麻，仲有點乾。這個水牛鷄亦簡直就差！只係響炸鷄亦上面淋個汁，很難吃。這個忌廉大蝦明太子意粉，雖然味道普通，忌廉味唔夠，但總叫味道正常，雖然不是大蝦，但份量比想像多。不想浪費食物，所以也把所點既食物吃光，無奈是次晚餐真的很失望啊！

D餐具唔太乾淨,大家食之前真係要睇清楚D....如果dirty,就記得拿隻新的呀!我叫咗個咖喱魚飯,真係好難食....難食到嘔.....黃色的'咖喱'似水,味道奇怪,食落老覺得有陣怪味,真係唔識欣賞呀...D魚當然唔太新鮮,個黃咖喱真係....喊都無謂...

唔明點解會用咁大的容器裝個湯出黎, 以為好好飲一飲落去, 就知中伏la ! 個湯唔夠熱不特止, 仲要勁淡, 近乎無味咁滯, 完全唔掂!個賣相極之唔得, 餐包似紙包蛋糕, d 刀插晒係中間, 好似插香咁;好心就搵第2隻碟放d 刀同牛油la長型ge 餐包, d 牛油塗係中間, 好難食到個牛油味, 又係唔掂!呢個石頭鍋飯無咩汁之餘, 又多飯焦, d肉又硬, 唔掂!呢個意粉算係全晚好d 個餸, 有d 蝦咁, 但份量好少, 賣相又係唔得 成pat 野咁加左芝士, 但唔太融ge茄汁唔夠之餘, 飯又少又多飯焦, 係d 豬扒入味d, 但唔夠汁, 食落好乾其餘無樣討好 個飯超難食, d 汁唔夠又傑, d 飯又黏, d 黑松露同個魚柳飯完全唔match塊蒜蓉包更係凍兼無烘過, 完全令人失望!完全係有賣相, 無內涵, 同黑松露魚柳飯一樣咁難食, d 汁又係唔夠且傑, d 飯又係黏ge塊蒜蓉包又係凍兼無烘過, very nasty!每人接近$100 食埋d 咁ge 質素ge 野, 完全唔抵食!我地食碗河粉仲好食, 都唔駛食得咁angry !

下午茶去朗晴坊揾食，俾紅廚房嘅有營食肆標誌吸引咗。但係原來teaset 同set lunch都冇有營菜式，所以都係食其他嘢。teaset就比較少款而且唔係好啱食，最後叫咗個lunch嘅喇沙豬頸肉石鍋飯$39包湯，包，嘢飲 。個fd嗌咗個tea 三隻雞翼+沙律$25冇嘢飲。可能因為冇乜人，啲嘢都算嚟得快。teaset:好細份,味道不過不失蒜蓉包: 好似得1/3塊咁，唔熱唔脆，不過幾香蒜蓉味羅宋湯:有驚喜，香濃但唔油，多菜，不過辣咗少少喇沙豬頸肉石鍋飯: 幾大份，好夠飽。醬料份量適中，但完全冇喇味，淨係咸咸哋咁。個飯好夠熱，食到最       尾都熱，刮埋啲飯焦好香口。最好嘅係好多菜，西蘭花椰菜花紅蘿蔔，雖然有啲咸但係熱辣辣同埋都幾新鮮。凍榛子牛奶咖啡(+$10): 差。冇榛子味冇牛奶味，連咖啡香味都冇乜,淨係得啲糖水味，細杯仲要有半杯都         係泡，同埋太多冰 。要加$10完全唔值!! 就算唔洗加錢呢杯嘢都唔合格。總括，呢個價嚟講嘢食算係幾ok，但係飲品就建議真係唔好叫咖啡。