紅島冰廳

营业中

休息中

叫了個生牛肉下午茶餐，勁難食。成碗河粉淡而無味，牛肉完全冇肉味，實在吃不下去，不是要求退款或更換，只是要求再叫另一款下午茶餐，竟然被拒絕。原因是過了2分鐘下午茶時間。未見過服務業態度這麼沒有彈性，自己出品不行客人沒有過分要求，只要求多叫一套下午茶，但仍然俾錢，這樣都不被接納，實在對香港餐飲業失望在這樣下去，真擔心香港飲食業維持不下去，我身為香港人也不願意見到這樣的事。願意留港消費的我們竟然抱着一肚氣埋單，唉。

佐敦附近好多冰室冰廳，今次試吓呢間紅島Lunch時間都好爆滿，2樓全部都係人，不過啲人都食得好快，所以其實唔使等好耐位午餐選擇多元化，價錢唔算貴，通常$70有找，我揀咗食扒同埋薯菜值得讚嘅係佢薯菜係焗薯同埋扒下面會有啲菜墊底如果食得健康啲，其實呢個選擇唔錯，但係要叫佢汁另上仲有包湯同嘢飲，全部味道都唔錯，就係不過不失嘅茶餐廳味道，呢個價錢差唔多啦仲有試埋佢個菠蘿包拎走，不過比較之下，我覺得尖沙咀間紅茶嘅菠蘿包好食好多😂

今早，諗住試吓這間紅𡷊餐廳，一入去他們已封了半間餐廳座位，人已經夠多，係咁逼人搭枱，我明白可能是人手不足，或是善用資源，但令乘客坐得唔舒服，一樣冇下次，所以轉頭我已經掉頭走，明明有位都唔俾人坐，點同國內比較，不要忘記你是收緊什麼價錢，一句講晒服務超差冇下次

We weren't sure what to eat and were a bit hungry. So we came across this cha chaan teng that was conveniently located at a major intersection between Jordan and Tsim Sha Tsui.They had an afternoon tea menu. Menu is in Chinese only. There is no English and no 10% service charge. Among the usual, they had interesting items like cube toast and mini hamburgers.Boyfriend had the baked pork chop rice with tomato sauce. It looked big but really wasn't. The rice was a bit dry. The sauce had lots of tom

雖然成日過嚟, 但其實, 食物水準嚟講, 呢度真係好普通…但係, 因為坐得比較鬆動, 枱底唔頂腳, 而且啲侍應姐姐係超級友善, 所以我哋依然成日都會嚟~ 午餐同下午茶係可以嘅; 外賣麵包就唔好食; 晚餐就一般啦~ 西湖牛肉羹我試咗一啖放低咗…我本身唔特別鍾意飲西湖牛肉羹, 加上佢真係唔好飲, 所以…蒜蓉炒白菜 呢個係全晚最正常嘅味道, 我哋主打食佢, 好快就食晒全碟~呢個完全不行！啲火腩超級臊… 大愛燒肉嘅我地 都真係頂唔到…好細條蒸得還好 但有泥腥味

我係嬲到爆炸！😠😠😡無即場爆！😒咁其實都第二次去食㗎喇，咁就職員態度十分之敷衍！然後今次我係食沙嗲牛通粉，跟住係炒蛋包加丹麥包！佢比錯咗*煎蛋*丹麥包我我要求更換！！😡但係轉過頭有個後生嘅侍應再拎返同一碟嘢走過嚟同我講咁樣O唔OK？咁樣O唔OK？？=叫我硬食呢一碟野係咪！！？🤷‍♀️我後尾真係感覺到呢間嘢十分之差！已經發誓咗以後永不會再去這一間店吃早餐！！甚至乎係唔會消費任何嘢，員工訓練差，我唔知係廚房大佬比較惡，然後侍應們都很害怕？不跟他們更換正確的食物？我知道有事有啲師傅係比較惡，但係都唔可以因為入面廚房嘅人而影響到我哋顧客！或者對呢一間公司嘅品質質素的而且確係有好多大陸人嚟食，同埋因為佢好近彌敦道地理位置係10分好，但係入面員工素質都係好差，嘢食都係極為一般冇特別都永世不會再來吃！

岀左去尖沙咀做啲嘢，想食碗米線，但又唔敢去好岀名嗰間食。諗起佐敦可以去我曾經好愛嘅土司工房食，點知去到先發覺menu 變左，變得貴左差不多$80，下午茶黎講都幾貴。喺佐敦兜兜轉轉行過見到喺近恒豐轉角新開嘅紅島冰室，見到有冬蔭公湯米，價錢50幾蚊都幾ok(唔係下午茶餐，常餐黎)咁就入去試下。煎蛋(本身係炒蛋）+丹麥蘇泰式冬蔭公肥牛米粉(原本係公仔麵）如果呢個係下午茶餐我會覺得ok, 但如果係常餐啲話份量略嫌細左啲，一般米粉嘅份量會多啲，但呢到無多到，感覺仲好似小過一個麵。如果當早、午或晚餐的話應該唔夠飽。味道方面，冬蔭公味不算濃，算是可以接受，因為佢都唔太鹹。煎蛋略嫌過熟(我本身鍾意食半熟蛋），丹麥蘇鬆軟微脆。另外叫左凍鴛鴦，味道正常。以常餐黎講，如果米粉多返啲，湯濃少少感覺會好啲。

下午茶時間。係紅島嘆返個卡邦尼海鮮意粉。價錢$53。好抵食。先講個橫裝，好重歐陸風味。內裏橫裝似西餐廳，但同時可以嘆港式茶餐廳美食。個意粉有煙肉及青口做配菜。意粉彈牙。意粉煮沸時間恰當。青口新鮮美味。煙肉混入意粉白汁，滋味無窮。誠意推介。

晚上9:25入到呢間茶餐廳，佢講話10:00就打烊。接過餐牌之後，我哋都盡量配合快快脆脆就落單。侍應同我哋講餐牌上面有乜嘢餸菜冇，咁我哋接着就問佢有冇越南河粉，佢話有。九秒九嗌咗兩個越南粉加一個海南雞飯，同一碟菜。等嘅期間有個員工不斷逐圍枱嗌，叫人俾咗錢先。真心講已經好擾民。但係我哋都一樣配合。之後碟菜嚟咗加埋兩杯飲嘢，連菜都食完突然之間個侍應走來同我哋講我哋三個主菜無哂（海南雞，兩個越南粉，通通都冇！）你諗吓當我哋連個炒菜都食完期間等嘅時間都應該有15分鐘，佢先同我哋講我哋嗌個主菜全部都冇哂😮。當時已經係9:45，佢間茶餐廳10:00就關門，當然侍應亦都冇建議我哋再可以嗌啲乜嘢食。其實香港而家嘅服務質素係咪真係淪陷到咁？所以有時真係唔好廢噏鬧人唔喺香港消費。當然最後佢退返錢俾我哋，仲話兩杯嘢飲飲佢請我哋飲。係咪真係要同佢講多謝？

早前見到裝修好 座位幾寬敞咁~所以行到攰攰地 就入黎食個下午茶 抖抖對腳先~佢叫咗 乾炒牛河 配凍奶茶少甜少冰; 我叫咗 芝士焗肉醬意粉 配凍檸茶少冰~ 上枱熱辣辣香噴噴吸引的食落肉粒嘅口感都幾好係爭在整體偏乾咗啲, 吾係好感覺到有個蕃茄醬汁, 咁食意粉有啲乾~ 乾炒牛河都 okay 嘅~ 係爭咗啲即場嘅鑊氣感覺…熱度 唔係好均勻, 有啲位食落直頭係凍嘅…兩杯凍飲就係完全正常嘅~無問題的!整體感覺係都唔錯嘅, 侍應姐姐們都親切友善。

叫咗做早餐D，豬扒煎蛋米粉，湯底ok，米粉好少(有相為證)，個豬扒嚡熠熠+有豬酥味，咬咗兩啖，真係吞唔落，再叫個榨菜肉絲米，呢碗啲米粉份量正常小小，榨菜係即食嗰啲(一包包)+肉絲+豆瓣醬，無難食，也無特別之處，炒蛋配多士，正常無乜特別，咁就食咗$83

收工好想去食肉肉呢間茶餐廳其實想試好耐今日收工見到個餐牌有雜扒餐仲要係羊同豬，諗咗好耐都唔知食乜嘢肉好，咁我就入咗去試吓，店內嘅員工唔多，所以當時入邊有位坐，都未嚟得及招呼入座，因為見佢哋都好忙，體諒體諒嗌咗個蒜蓉雜扒餐，有羊扒同豬扒，仲有嘢飲，湯，餐包 ～個餐$90上餐速度好快熱檸茶有6塊檸檬，落足料👍🏻湯類有得揀：紅湯，白湯，或者中湯我揀咗中湯，蓮藕豬肉湯【對我嚟講】都幾甜餐包軟淋淋都幾好味主菜就唔係熱辣辣咁上，微暖⋯食嘢唔熱要打10個大板😢薄切豬扒大塊過羊扒～羊扒，係羊架size我唔記得咗走汁⋯或者汁另上⋯【對我嚟講】好咸！！！我片開晒啲汁食都仲係好鹹，羊扒好少少，放喺面頭冇咁多汁，所以都幾好味配菜有得揀飯或意粉或薯菜，我揀咗薯菜焗薯仔同埋椰菜花拼西蘭花菜花合我意，爽嘅咁當然焗薯仔都唔係好熱，都係焗薯仔嘅醬汁，類似沙律醬酸酸地甜甜地嗰款整體環境舒服嘅我諗只係咁啱我叫嘅嘢食比較鹹，又或者可能我食得清淡食完之後我同自己講，早知去對面薩X亞食🥹唔小心浪費咗喺啲味精度😮‍💨😭因為返屋企途中都勁口乾雖然係咁，但未至於劣評，有機會會再試多次

講開香港地道茶餐廳/冰室，最近佐敦新開分店———紅島冰室😚就有曬香港人🇭🇰鍾意食既香港地道美食元素啦。呢度兩層高既冰室，而且裝潢別緻，營造出舊香港🇭🇰的味道👅又不失現代風格，真係好花心思。來得冰室當然點返D香港最出名既幾道美食，味道好好之餘賣相吸引，最重要價錢不貴，真係夠曬親民，隨時可以做飯堂啊。1. 乾炒牛河 $69 味道正宗炒得好出色好彈牙，超級鍾意食乾炒牛河👍🏻2. 常餐A 泰式冬陰功肥牛麵🍜 $58 小小辣好開胃，湯底係重點，整體好好味😋3. 常餐B 瑞士🇨🇭雞中翼撈麵 $58 雞中翼色澤好靚好吸引，撈麵口感也適中，做得好好👍🏻兩個常餐都配炒滑蛋，丹麥🇩🇰酥，熱飲☕️ 抵食啊再點多份公司三文治🥪配薯角 $53 大大個三文治🥪超足料，都有4 件咁多，岩曬上班族企輕食🥰

今日去佐敦準備做驗身📑，未夠鐘搵間茶記食個靚早餐🍴🍽️餐廳裝修雅治✨燈光舒服💡門口麵包櫃🍞🥐🥖各種麵包已非常吸引，選擇亦多一早已經鎖定目標試下沙嗲牛麵香滑炒蛋配丹麥多士🍞沙爹牛肉麵🍜凍奶茶少甜少冰🥤味道中上😋，面身偏淋，我本身都鍾意食淋麵所以可問題🆗，如果鍾意食硬麵嘅朋友可能就要預先通知樓面姨姨💁， 多士炒蛋🍳中規中矩，絕對合格🈴 。最後係凍奶茶， 小甜都係好甜，可能要叫少少少甜😆

羅勒醬燒魷魚意式茄蓉墨汁意粉🍝有事要出尖沙咀，一個人貪方便就試吓呢間。😆⭕️等咗10零分鐘，應該係即炒上枱時熱辣辣，中間嘅意粉都冒晒煙。🦑魷魚彈牙嘅，但就一定唔係燒啦，調味亦唔夠，淡口咗少少，亦唔覺得有羅勒醬味（雖然個食物名有😂）。意粉都有唔少茄蓉，但係個汁比較稀，水水地，所以意粉掛唔到汁，亦影響整體味道。⭕️整體嚟講，份量頗大，而且喺佐敦地鐵站出口，大馬路地面，又近尖沙咀，非常方便。以份量價錢計，可以接受啦，味道就正常發揮。