紅島冰廳

营业中

休息中

喺旺角開嘅時候已經係常客最近喺佐敦開咗分店當然要來捧場新店環境更加靚，成個裝修好有歐陸式風格鮮茄焗豬扒飯份量超級多，成大塊豬扒配搭下面嘅炒飯底，雖然鮮茄汁偏鹹但係整體依然咁好食，最鍾意係芝士面烤至香脆瑞士汁雞翼撈丁常餐瑞士汁雞翼超級入味配搭埋公仔麵一流！驚唔夠喉頂多分三份三文治，火腿蛋治烘底，炒蛋做得超級滑好香牛油味，麵包外脆內院而且又用牛油抹過，一啲都唔馬虎！呢度果然值得我作為飯堂，以後食晏又多一間聚腳點

食物品質還好 唔值得再食 但員工態度差到我要特登登記個account 黎寫呢篇野 同樣價錢 好過佢既大有人在 睇到既我勸您去第二間食一入去已經聽到有人問員工嘢又唔想答咁 之後叫我去樓上坐 上到去我搵下有咩位坐就比人喝住話呢度唔係自己揀位咁好啦 去到佢揀比我個位 四人枱 佢審犯咁問另一位客人 您自己調左位呀？ 呢度唔可以自己調位個客解釋冷氣凍 可以調返去隔離個位(係講緊4人枱既左右) 我直接叫佢唔好調 個員工最後死死死地氣係張手寫單轉個number 我心諗寫個number就可以解決到既事要聽您咁既態度講野？您話調好遠就好影響到您做野姐 4人枱左右都唔比調真係奇怪左少少 咁既態度咁既處理手法 香港唔需要第二間澳牛 我建議果位員工都快少少去澳牛做 唔好浪費天生既人格魅力

第一次嬲到要寫食評收左工同老媽大約9:15pm入到去，有個看似後生矮矮哋嘅小姐姐拖緊地，見我哋入左嚟，望住我地指住上面，老媽睇唔明佢個手勢就愕然左一下，之後小姐姐態度不屑地叫我哋上樓上上到去坐低咗，開始叫嘢食，分別叫咗個鐵板黑椒牛柳餐同鐵板羊架餐，因為老媽未諗到飲咩就話一陣間先嗌，侍應當時都話OK冇問題，等咗一陣 首先上咗個白湯，個湯飲落一大浸燶味，算數！牛柳都好快到咗，但係個焗薯係凍既，都算數！老媽叫咗個侍應過嚟打算嗌嘢飲，個侍應話：「我哋9:30截單喎，姐姐」今次真係忍唔到，9:30截單完全沒有事先講明提都無提過，邊個會知你哋9:30截單？再者我哋食晒個牛柳之後個羊架都仲未到，當時叫咗侍應過嚟幫手吹一吹個羊架另外一個頭髮極度嬲優嘅女侍應又話：「下，羊架係耐㗎啦」我話：「要等耐啲點解一開始落單嘅時候又無講？」佢話：「你同幫你落單嗰個講啊嘛！」當時已經嬲到乜都唔想食我話：「你唔識同自己同事溝通？個羊架未整嘅話唔要啦，我哋要埋單走！」佢話：「落咗單又點會未整？」Cls 唔知係咪條女經歷咗啲咩慘事要搵人出氣？我嚟呢度俾錢食飯！要受佢氣！！！另外可能臨近收工，樓面加疑似廚房嘅同事，一邊清潔樓

有一個女服務員，脾氣暴躁，臉黑，態度也很不好，點菜的時候很不耐煩。絕對不會回來。這家餐廳的服務生似乎受過訓練，不會理會顧客。另外，食物不是特別好吃. The waitress serving us had a horrible attitude…. Ignored us multiple times and when we got her attention, acted like we were annoying her and taking up her time. Food quality was not great either. Restaurant should train their staff better.

食兩份歐陸早餐餐牌標明有扒有腸仔有茄汁豆有蛋有丹麥多。上菜一份無多士兩份都無茄汁豆。同第一個員工講上漏咗，之後上返多士。但第一員工就唔知道茄汁豆上唔上。因為即刻有第二個員工大聲講「歐陸唔包茄汁豆，食全日早餐才有。」同個第二個講「餐牌有。」佢首先唔理我就算。再問「咁而家係唔係餐牌有都唔上？」佢好悔氣話「上俾你，但你原本無㗎！」好似我乞食咁。我話「餐牌有才問你。」佢竟然好悔氣答：「係無㗎啦！唔啱傾食下次食第二樣！」咁嘅態度，擺明唔會上都算。仲要咁樣講嘢！無下次！

最近佐敦轉角位開咗間新店，主打經典港式料理，從早午晚都供應唔同菜式，出面亦有麵包櫃可以買包返屋企食，未天黑已經賣曬，尤其是係蛋撻同葡撻，想食嘅真係要早啲去買！店鋪外面有隻超級巨大嘅熊啤啤，十分吸引，店內環境舒適，有足足三層，空間感十足，人流好多但未至於要排隊，裝潢以紅色懷舊風為主，係一個幾唔錯嘅聚會地方🐻下午茶餐有好多選擇，芝士流心西多夠晒邪惡，炸至外脆，內裏爆漿、脆炸雞髀大大隻，但味道比較普通，見隔離小朋友食到舔舔脷😬 個人最鍾意焗鮮茄豬扒飯，醬汁夠多，酸酸甜甜好開胃，豬趴幾嫩，而且都新鮮，配上炒飯底，雖然好飽，但唔覺唔覺就清晒🍅 乾炒牛河份量比想像中少，但濕潤度適中，炒至入味！呢度仲有張越南菜式嘅餐單，要咗個雞絲扎肉沙律，好有驚喜，雞肉絲超級滑嘟嘟，扎肉又夠味，配上青瓜絲、蔬菜等，哇真係可以一個人食幾碟，好正好好味，幾值得一試🥬最後要多咗幾款包，菠蘿包包皮鬆化，咬落脆口，鬆軟，牛油係邪惡嘅根源，好肥好好食😋 紅豆菠蘿包同樣出色，紅豆甜度適中，完全唔膩、吞拿魚包餡料唔多，但軟綿綿咁都OK！鍾意食Pizza嘅會建議叫芝士腸仔包，醬汁佔滿個包，芝士腸仔鹹鹹香香，中間濕潤，旁邊乾身，可以過

第一次寫評論 因為用餐經驗實在太差其實係第二次嚟食飯第一次嘅時候啱啱開張 以為係唔夠人手太忙亂 所以先會疏忽咗服務態度其實食完一次之後都唔想再嚟 但另一半想試吓其他嘢食 所以就諗住試多一次 睇吓會唔會正常返事實證明 佢哋係完全唔在乎服務態度一入門口侍應已經勁大聲呼呼喝喝連基本禮貌都冇 好似啲客人欠咗佢哋咁送餐嘅時候一句聲都唔出 食物求其掉落枱面食物同環境其實都唔錯 但服務態度真係令人食得唔開心 同樣價錢真係大把更好選擇完全唔想再嚟俾錢受氣 去茶餐廳都好過佢

尖沙咀、彌敦道而家有咩最多？ 茶餐廳 好多好多間嘅茶餐廳🍴呢間喺柯士甸道轉角位之前係做售樓而家竟然又做咗茶餐廳😌😌😌紅島冰廳 有上下兩層，樓上搵個窗口位🪟🈶️窗邊曬入嚟嘅陽光陪你食早餐, 飲住啖 #奶茶幾嘆！🔸 #歐陸早餐 我選 #西冷牛扒 #太陽蛋 #腸熱狗腸 #丹麥酥 #熱奶茶少奶🥩西冷牛扒 唔韌，茶餐廳唔韌已經好好好大塊，係出邊份量嘅一倍$48 真係好底亦都唔係乾爭爭，加埋蒜蓉汁，幾好🍳太陽蛋 正常🌭長熱狗腸 我係唔食嘅，老公話正常🍞丹麥酥 熱辣辣，好鬆軟，我俾咗老公食佢好快食晒☕️奶茶少奶 茶味濃郁，係比較稀身果種，正👍🔸 醒神早餐老公 #招牌沙嗲牛肉麵 #太陽蛋 #丹麥酥 #咖啡 🍜招牌沙嗲牛肉麵 麵質軟硬度啱啱好沙嗲牛肉汁味道濃郁，掛咗喺個麵到淡淡有沙嗲汁味牛肉都軟腍，當然你唔可以要求好有牛肉味🍞丹麥酥 ☕️咖啡 #呢間茶餐廳幾抵讚#11點後仲有越南嘢食

係佐敦尖沙咀交界柯士甸道開左間新冰廳👍🏼野食好食又大份。。🥢常餐：經典豬排湯麵 $55：經典豬排湯麵🍜麵質爽口，配上豬排肉質嫩滑多汁，麵條彈牙有嚼勁。仲配埋炒滑蛋同丹麥酥，全日常餐黎講好抵食。。🥢香蔥咸魚雞粒炒飯 $69：香蔥咸魚雞粒炒飯好有鑊氣！夠大碟！炒飯入面好香既蔥同咸魚嘅香味，再加上幾滑同份量多雞粒，味道豐富。。🥢海南雞飯配雞油香飯 $65：有別於一般冰室，呢度有越南菜式，海南雞飯雞肉嫩滑多汁，配上香氣馥郁嘅雞油香飯，味道十分濃郁。我地仲加$22配小食（香茅雞翼），炸得好惹味。。🥢炸雞髀配薯角$38:好掂！炸野好出色，生炸髀岩岩好！薯角都掂。。🥢脆皮菠蘿油 $13：脆皮菠蘿油超抵食！$13蚊有埋冰配牛油！脆皮嘅外層，配上冰既牛油，帶嚟一份口感上嘅變化。。🥢蛋撻 $7：蛋撻外層酥皮脆口，內裡有香滑嘅蛋液，甜度適中。。

近年興食冰室，好多都大排長龍，佐敦新開紅島冰廳，門口好多新鮮焗起嘅麵包，幾吸引跟餐西湯唔知點解特別鐘意飲茶餐廳/ 冰室嘅羅宋湯，酸酸哋熱辣辣，好飲又多菜招牌黑椒牛柳$128晏晝就食鐵板餐，牛柳幾腍，點黑椒汁幾好食馬來咖喱吉列豬扒$75標榜招牌馬來咖喱，又真係幾香幾惹味，吉列豬扒好香脆其實薯仔好好食，有多幾件就好手工炸春卷$40茶餐廳都有越式菜，平時都幾鐘意越式春卷，呢到好大條，不過略鹹，較重口味，啲料幾多茶走要咗少甜，都幾滑幾好飲

在1月17日在佐敦店吃晚飯，送來的白飯又乾又硬而且凍的，我們要求換，女侍應態度很差話飯是蒸的，係咁㗎喇，可換意粉但我們是叫了咖喱牛腩不想吃意粉，後來換了2碗白飯是熱的但仍是很硬和畧乾，令我們吃不飽，以後都不會再去此店因不想再中伏！

第一次寫食評，因為真係好勞氣😤😤😤諗住新開張幫襯吓，最後一肚氣嬲到要即走唔食，真係未試過有一間餐廳啲服務質素勁差，簡直趕客走，以後都唔會幫襯…..👎👎👎👎👎

@shineislandcafe hk style cafe ☕️ just opened a new loctation at jordan 💫 serving a variety of hk classics for afternoon tea 🍞@shineislandcafe 港式冰室 ☕️ 係佐敦開咗新店 💫 茶記經典下午茶 🍞🧀 芝士流心西多士 lava cheese french toast HKD$40 香脆金黃 鬆軟流心芝士 煉奶 糖膠 超邪惡🍚 鹹魚雞粒炒飯 salted fish and egg fried rice HKD$53 粒粒分明 金黃有鑊氣 鹹香惹味🦐 XO醬香辣海鮮意粉 HKD$53 意粉軟硬適中 炒得乾身 微辣鹹鮮☕️ 熱奶茶 hk style milk tea +HKD$0 (單價 $22)茶香濃香 苦中帶甘 入口幼滑🍋 凍檸檬茶 iced lemon tea +$3 (單價 $25)茶記必點凍檸茶 清爽解渴🫘紅豆冰 red bean ice +HKD$9淡奶順滑 粒粒紅豆 香甜細膩🍤 炸蝦餅 fried shrimp cake HKD$42外層酥脆

一向都有去旺角分店, 知道在佐敦開了新店當然都要去捧場。新店有三層, 裝修富有英倫風很別緻有別一般茶餐廳裝修風格。當天用餐時間大約兩點, 全場客無虛席, 即使吃完走時的下午茶時段人流也是沒有減少。♡ 美國特級肉眼扒 $128跟餐有餐包和羅宋湯, 羅宋湯很濃味而且有少少辣。醬汁選了燒汁和焗薯做配菜。肉眼扒肉質嫩滑, 配上燒汁, 為肉眼扒增加了濃郁的味道。熱辣辣的焗薯配上白醬奶香味濃, 入口很綿密。♡ 越式三寶湯河 $62三寶分別是香茅豬扒、烤牛肉串和扎肉, 與湯河分開上, 湯底熱辣辣又清甜, 還配有大量的芽菜、洋蔥和蔥花。湯河與配菜一起吃增加口感, 而湯河不會吸收湯汁而發脹。豬扒的香茅味濃, 肉質軟嫩、烤牛肉串肉味濃郁、扎肉有淡淡胡椒味。♡ 瑤柱蝦仁福建炒飯 $70福建炒飯用料很豐富, 分別有瑤柱、蝦仁、叉燒、雞肉、翠玉瓜、冬菇和紅蘿蔔等, 而飯亦是有用雞蛋炒過的炒飯底。獻汁令炒飯的味道均衡和提鮮, 亦不會因為獻汁太濕而令到炒飯變成湯飯, 做到乾濕分離。

📍 紅島冰廳（佐敦新分店) @shineislandcafe工作的放飯時間食咩好？大家都只會想食個快飯甘就岩啦，係佐敦最近新開左一間冰廳有三層高，全層都設有好多座位座位闊落，岩哂一班同事過黎食飯～呢一間餐廳比較新穎餐牌增添左越南菜式。✨ 焗鮮茄豬扒飯滿滿既芝士同茄汁舖左係面，好夠撈飯豬扒已經切好一件件，肉質算淋滑炒飯底，炒加焗既時間岩好唔會好乾身👍✨米紙卷越南特色小食每一條都勁多餡料口感好清爽，皮薄餡多食起嚟有驚喜～係一款開胃小食😋✨咖喱牛筋腩帶有微辣嘅咖喱🍛食到有不同咖喱嘅香料，好濃郁嘅咖喱味一上枱已經聞到陣陣嘅咖喱香～牛筋腩連著軟滑筋膜，肉質爽彈帶輕脆，紋理細緻有序，牛香濃郁突出🐮飲品選了熱檸水，檸檬新鮮清香🍋✨ 菠蘿西檸乳酸🍋 菠蘿加西檸 🍍估唔到呢一杯特飲岀奇地酸甜又幾好飲🥤