繼光香香雞 (好景商業中心)

营业中

休息中

每次去台灣夜市 都必要食炸雞🍗繼光香香雞係台式第一名炸雞 由細食到大🇹🇼.〰️【季節限定新品】〰️黑脆炸腿丁 X 爆漿芝麻湯圓4粒 $54萬聖節限定版炸雞 Black & Pink賣相超吸引👻酥脆外皮加入墨魚粉同竹炭粉🖤炸雞滑嫩Juicy 大大舊 啖啖肉🍗再淋上火龍果醬 酸甜開胃🩷湯圓炸得酥脆Q軟🍡外層裹上花生糖粉 同香甜芝麻流心餡絕配啊🥜.〰️玩味百搭自由配〰️可加購六款粉同沾醬 自由搭配炸物🙌🏻1️⃣原味雞腿丁 $40外層脆卜卜 肉質滑嫩Juicy🍗沾上是拉差醬 微辣帶蒜香🌶️🧄蜂蜜芥末籽醬味道香甜🍯2️⃣地瓜蕃薯 $26每條都好粗身 炸到金黃香脆 內裏綿密清甜🍠配搭微酸美式蕃茄粉 酸甜味又幾夾喎🍅

2024年8月24號夜晚10:30到買返屋企食發現雞係酸嘅，食左兩塊都係感覺酸，雞肉質仲過份soft，同之前食嘅其他分店完全唔同，希望唔會肚痛甜不辣就正常水平，幾好

呢間話要喺好景商場嘅台灣鹽酥雞，本身係台灣嘅名物，之前喺台灣都有試過佢嘅分店，今日就咁啱喺廣華醫院附近做嘢，所以就咁啱行過嚟試吓！我哋就叫咗兩樣嘢食，大家一齊share，整體上食物質素都幾高，而且熱辣辣，即刻叫佢即刻做，所以都非常好食！✔️鹽酥雞，點可以唔叫佢傳統嘅名物，即刻叫即刻整，咬落去直頭出煙，加埋餐廳特別條配嘅調味粉，令到成個鹽酥雞更加好食，呢個價錢嚟講亦都唔算太貴，份量亦都同價錢相對，旺角嚟講唔算貴！鍾意食嘅朋友真係絕對唔可以錯過！

平時食晏通常都係去廣華醫院嗰邊嗰啲茶記，但今次繼光出咗香香雞便當，真係俾咗個好好嘅藉口我可以晏晝都食吓炸雞。講真，呢個便當真係冇令我失望。炸雞同平時一樣保持水準，外皮金黃酥脆，裡面嘅雞肉嫩滑多汁，咬落去真係好滿足。而肉燥飯就更加正，可以話係呢個便當嘅靈魂。肉燥炒得超香，濃郁嘅肉汁完全滲透到米飯入面，每一口都充滿咗肉香味，真係好有味道。配菜方面，炸翠玉瓜真係一個好嘅搭配。翠玉瓜爽口清新，剛好平衡咗炸雞同肉燥飯嘅濃郁口感，令到整個便當食起來唔會太油膩。呢個配菜唔單止提升咗便當嘅層次感，仲令到整個餐更健康。最驚喜嘅係，店長仲送咗包紙包茶俾我！食完炸雞同肉燥飯，再嚟一口清爽嘅紙包茶，真係超滿足。呢個小小嘅貼心舉動，真係令我對呢間店嘅好感度大大提升。總結嚟講，香香炸雞肉燥便當真係一個非常值得推薦嘅選擇，無論你係炸雞控定係肉燥飯迷，都一定會鐘意。下次晏晝唔想去茶記，又想試吓新嘢嘅話，呢個香香雞便當絕對係一個唔錯嘅選擇。Pretty Good！

呢間位於旺角花園街2-16號好景商業中心地下18號舖繼光香香雞 ，方便易搵，買完可以響隔離果張檯仔站住食。今日晚餐完有D口痕，就去外賣左墨魚甜不辣，川麻雞髀扒，蒜脆杏鮑菇，墨魚甜不辣個人好喜歡食，睇落去黑黑的，食落去有墨魚香，又不辣。川麻雞髀扒，皮脆肉嫩又多汁，又有四川噶麻香味，配啤酒都好夾，杏鮑菇粉漿裹得唔係好厚，然之後炸到好鬆脆，咬入去比較濕潤，配上獨有噶調味粉味道超正，又唔會好鹹，呢間所有噶炸物都係值得期待。

係旺角行行下聞到好香既炸物同椒鹽味原來係已經好耐冇食過既繼光香香雞😍見餓餓地就買黎食今次叫左經典2號餐(香香炸雞+杏鮑菇）（$69）分量唔算話好大 呢個價錢黎講有少少偏貴😖但想講個杏鮑菇有驚喜！Size大大粒 仲好juicy咬落去會爆汁 值得一試👍🏻雞粒都大舊 味道中規中矩 啖啖肉好正😊

早幾年喺台灣旅遊常常見到炸雞嘅著名專門店都會特登去吃繼光香香雞🍗開到嚟香港，就成日都好想去食因為呢度炸雞真係好Juice又好脆卜卜平時食得炸雞多今次試吓玩新嘢今次就係食呢個田字薯餅叫田字薯餅🫶🏻係真係因為薯餅嘅造型係一個田字一開頭都好疑惑點解要整呢個造型但食咗之後就發現原來咁樣炸出嚟嘅表面比起平時一塊薯餅會多好多脆脆沾滿炸粉嘅薯餅，表面咁多薯粉查出嚟就有好多好脆嘅表面，令到我食得好過癮🥰🥰🥰

🔥🐔【 繼 光 香 香 雞 】🐔🔥⋄ —————⧫♟⧫————— ⋄我最鍾意嘅街頭小食「繼光香香雞」又有新品推出喇✨今次係「香香辣腿丁」+「冷泡茶」🍗🍵😍辣腿丁炸到脆卜卜，超香口😋 味道香辣惹味 ，又唔油膩🌶️ 配埋冷泡茶，可選金萱烏龍或莊園紅茶，即時下火，唔怕熱氣👏🏻依家仲有組合優惠，買香香辣腿丁及冷泡茶(口味任選)，只要HK$51🤗 優惠做到31/8喳，千祈唔好錯過❣️⋄ ┄ ┄ ┄ ┄ ❖ ┄ ┄ ┄ ┄ ⋄🍗香香辣腿丁（$38）🍵金萱烏龍（$18）☕️莊園紅茶（$18）⋄ ┄ ┄ ┄ ┄ ❖ ┄ ┄ ┄ ┄ ⋄⋄門市地址：📍中環皇后大道中93號中環街市2樓246A號舖📍 旺角花園街2-16號好景商業中心地下18號舖📍 葵芳葵富路7號葵涌廣場3樓303A號舖📍 深水埗欽州街61號地舖📍 將軍澳培成路15號連理街1樓110B號舖⋄

繼光香香雞真係由細食到大，油麻地開左新分店！掛住台灣炸雞又無得飛住？可以去買番包過下口癮.🌟二號餐：香香炸雞和蒜脆杏鮑菇 $66（L).呢個價錢可以買到兩款，滿足貪心的Jo😍好多人排隊，睇來幾受歡迎😆食好野緊係要等下，因即叫即炸，多人真係要等一陣.大大包滿滿兩袋，炸雞香脆可口，大大件好juicy，台灣鹽酥口味正😋 杏鮑菇香濃蒜味煙靭有咬口，好耐無食🤤仲可以加辣！套餐仲有野送，揀了兩罐可樂，邊食炸雞邊飲汽水，好邪惡但好爽🤣

位於好景嘅一間台灣炸雞店，新開張時見到長長嘅人龍，而咁岩想搵啲小食嘅我就比佢吸引咗，決定一試炸雞！___香香炸雞 HKD$30（S size）一份細份炸雞粒粒剛好係一人嘅份量，唔多亦唔少。炸雞熱辣辣，肉質不會過於「鞋」口，辣度我選擇咗小辣，鍾意食辣嘅朋友可以叫中辣！炸雞粒更能沾上調味粉，味道上會更突出，推廌雞粒大家一試！川麻雞脾排 HKD$38雞排份量係正常大家見開嘅大細，相對雞粒會較容易感到膩口，所以同朋友一人一半係一個唔錯嘅選擇。雞排肉質剛好，帶點肉汁，配啤酒相信都係一流！而雞排相對上調味粉味道唔係咁出，所以大家可以叫職員落多啲粉呀！___評價：🍗 不錯炸雞☕️ 下午茶選擇❤️ 不錯小食推介指數：❤️❤️❤️（五個心心為滿分）___地址：旺角花園街2-16號好景商業中心地下18號舖

【繼光香香雞 (旺角)】#文末優惠台灣第一炸雞嘅繼光香香雞原來係旺角開咗新分店呀🤩就係花園街好景商業中心地下去開掃街緊係要幫襯湊下熱鬧啦❤️‍🔥.🍴2號餐大份 - 💰66一個價錢有香香炸雞 (L)🐔 + 蒜脆杏鮑菇🍄兩樣都係即叫即炸，熱辣辣嘅炸雞外脆內軟，肉質比平時嘅炸雞嫰滑又Juicy；杏鮑菇醃得好有香蒜味，可以一口一粒超級爽！香香酥酥，加埋辣粉超級惹味🌶🍵鮮泡冷茶 - 💰10食完油炸野飲落去好解膩好fresh又大杯，無咩苦澀味仲好解渴💫.🥳開幕活動 OPENING DISCOUNT🥳📅：26/2 - 2/3🌟購買香香炸雞(大份)：💲3⃣️0⃣️元（原價：$43元）快d襯住有優惠去試下啦❕.味道：❤️❤️❤️❤️價錢：❤️環境：❤️❤️❤️📍地址：旺角花園街2-16號好景商業中心地下18號舖💸人均消費：$51-100.