綠島台灣料理

营业中

休息中

其實我真係好少寫食評，唔係咁難頂我都係是嘥時間寫，但係希望呢個食評可以避免其他人中伏🙏🏻🙏🏻今日同女朋友行街，順便見到有間台灣嘢，諗住去試吓好西☺️環境就幾靚嘅，有懷舊嘅味道👍🏻講真嘢食就冇乜特別，門口掛咗個珍珠奶茶$9 ，但係比起歇腳亭更加難飲😕香芋珍珠唔單止珍珠難食，明知係塑化劑，但係佢溝出嚟都好難飲😕由於今日係10月1號國慶，餐廳都唔係好多人，你經常應該可以好快出到菜，但係我淨係嘢飲都等咗半個鐘，諗住等咁耐不如算啦轉外買，佢就話已經整好咗🙂咁好啦，整好咗就等啦，點知等咗10分鐘佢都未拎過嚟🙂然後埋單，佢好先進用QR code落單，出到去諗住埋單，嗰個人（唔知係咪老闆娘）就叫我哋等陣，然後就喺度入外賣單，我由佢一開始入等到佢入完啲外賣單，佢先問我咩事🙂其實唔優做唔想做，都真係好快啲執咗佢😄

工作關係, 要係觀塘搵食, 行下行下見到呢間, 大大招牌-綠島 (岩岩本人8月先去左綠島返黎, 玩到流年忘返), 當然即刻入去試下啦!一入去感覺冷氣不足, 地方寛敝舒服。四周掛滿潛公仔畫像, 都令我回想起綠島時點滴。言歸正傳, 講返食先, Lunch 食左個套餐, 前菜+主菜+甜品+飲品. $78 前菜: 鹽酥雞-唔得, 太大粒, 雞肉好鞋冇味!主菜: 四寶湯米- 滷水豆腐好入面, 正! 其餘三寶, 台灣腸, 滷蛋, 滷水雞中亦, 正正常常冇乜驚喜。飲品: 珍珠奶茶-正正常常咁啦! 茶味可以濃D就最好!甜品：好求其既糖水涼粉, 佢餐牌個名寫得好靚, 好似什麼果凍之類。同事主菜: 紅燒牛肉麵-同事表示好味, 肉淋夠味, 麵質煙韌彈牙。整體: 大致OK, 未去到好得! 前菜及甜品可以用心做好D, 應該較吸引

🥢🥣🍜$25嘅台灣菜下午茶餐🛎️下午茶時間 2-6pm🆗椒鹽排骨肉燥撈麵 -$25行過見到$25下午茶，於是入去試吓。除咗椒鹽排骨，仲可以揀滷水雞翼或者滷水豬手。主食可以揀肉燥飯、肉燥撈麵或者撈米粉。估唔到份量都唔細，撈面都幾大碗，肉燥夠撈晒成碗麵，另外仲有一條白菜仔同半隻滷水蛋。味道一般，麵條吾算彈牙，肉燥嘅味道都唔會特別吸引。椒鹽排骨有3塊，新鮮炸起外皮都好薄好脆，但係嚿肉就比較薄同埋韌。$25呢個下午茶餐唔包飲品，如果要飲加$9就有杯台式飲品，選擇都多，例如珍珠奶茶、愛玉等。堂食QR code落單，免加一，見平會食但未必會再黎

估唔到小店嘅台灣嘢幾好食，可以推介滷肉飯同埋滷肉米粉今日啱啱落大雨，所以見到有餐廳開就入點咗個豬扒滷肉飯同埋四保滷肉米粉再加多個豬軟骨滷肉飯。開始是本來冇乜期望主要貪方便，但嘢食嚟咗之後覺得味道不錯，可以支持一下。開頭冇諗住寫食評，所以連相都冇影到，加上大人同小朋友都有啲肚餓，所以好快就食晒。滷肉飯啲飯都有啲粒粒分明，加上啲豬肉之後都幾好食，豬軟骨有啲喜出望外，因為估唔到啲骨炆得好腍，最後就係個米粉似乎係新竹米粉好煙靭亦都好有質感，所以食完飯之後都想俾返個笑面佢。如果喺觀塘工廠區經過，不妨可以試吓。

見threads有人大推 就黎左試🫣但少少伏🥹🥹.🔹紅燒牛肉米粉套餐 （$78）飲第一啖湯已經知偏咸牛肉份量適中 但整體都冇咩驚喜特別🥵🔹珍珠奶茶 （$9）冇特別 同平時嘅奶茶差不多不過$9黎講幾抵🔹椰果仙草（+$12）一擺上枱 成個款明顯就係椰果涼粉😂係一粒粒正方形涼粉 然後落煉奶 都幾hea😂🔹台式四寶麵 （$52）分別將腸仔 雞翼 豆腐 魚蛋擺埋一齊… 仲要係每種得一樣 湯係冇味 晚餐依個價錢 我出去食車仔麵會仲好😀📑總結附近返工肚餓食下午茶係可以 $25已經有交易 都好抵 但你話專登過嚟食就唔洗了🥵.評分♡👅味道：6.5/10👀回頭率：6/10🤙🏻性價比：8/10 (下午茶黎講）

今日經過觀塘，經過一間新開的台式料理叫綠島，綠島係台湾出名潛水地方，剛巧我去到是下午茶時段，我在門口看到餐牌真的被嚇到，$25一個豬手飯，即入去試一試，叫了一碗豬手飯，一份酥炸花枝丸，一杯芋香珍珠，一共$49，看到個豬手飯真的很靚，有我最愛的糖心蛋，而個花枝丸更出色，不會太多粉質地，有好多花枝肉，芋香珍珠我忘記打走甜，即刻同員工說，即刻幫忙改走甜，看到原來一杯一杯用心制作，不是沖定的，非常專業！觀塘區真的很少有這麼平價美食了！

今日返工行過見到新開咗間台灣嘢放lunch就落去試🤔都幾多人 🫨 今日就叫咗個肉燥飯 花枝丸 滷水雞翼 同埋一杯好似叫西柚紅茶😂 個肉燥飯又真係幾好食👍🏻唔會話感覺好油膩 花枝丸就正常 因為我估間間都係咁整🤔 滷水雞翼個味啱啱好👍🏻雞翼個顏色睇落都靚 啲肉又唔會好梅 最後就飲咗杯西柚唔知咩茶 我就覺得幾好飲👍🏻啖啖肉 價錢我覺得都幾抵下 性價比好高 總結嚟講呢間台灣嘢可以以後多啲嚟 以後返工放lunch又多個選擇啦‼️‼️

極度失望嘅一間舖頭我喺平日嘅午市嚟到見到店入邊好多人 都幾期待食物質素入到去店入邊環境 同衛生一般我嗌咗嘅係全日套餐食物質素真係好一般椒鹽雞肉 小香腸味道正常鹽酥排骨有浸怪味台式珍珠唔好飲 仙草凍有隻中藥味令到我最嬲嘅係我12:25左右落單杯嘢飲1:15先到足足等咗50分鐘真係傻仔先會過嚟食而且店員態度惡劣 完全店方有做錯超級唔好嘅一次體驗強烈建議唔好試吓呢間劣食強烈建議唔好試吓呢間劣食強烈建議唔好試吓呢間劣食強烈建議唔好試吓呢間劣食強烈建議唔好試吓呢間劣食