網紅冰室 (已結業)

雙皮奶好結身 結到感覺有少少黏口 感覺有尼膩奶味同蛋味都唔係特別濃 隻匙羹唔知係咪做舊 睇落去好污糟 沙嗲牛麵個湯冇香味 都冇沙嗲味 好淡 要加辣油先食得落 牛肉唔韌都幾滑 麵軟硬度啱好炒滑蛋幾香 熟度控制得好好 但塊火腿好乾 擺入口準備咬聞到陣酸臭味 係平時屋企火腿開咗但冇保存好壞咗嘅味 即刻唔食了多士比較厚身 係即時烘底嘅 咬落唔係淋身果隻都係加分位杯咖啡似係沖劑款 見到有未沖開嘅係杯邊 但係沖太淡 冇乜咖啡味整體黎講 成餐得滑蛋多士覺得ok 牛肉麵質係接受到 主食個味道都搞唔掂 但酸臭嘅火腿係講明冇好好處理食材

上網睇到分享話，澳洲牛奶公司附近有好食的雙皮奶，星期六早咗食完晚飯，他他條心思思想去搵甜品食，專登跨越半個佐敦去網紅cafe食雙皮奶，鋪頭其貌不揚，晚飯時間座位只係半滿，原本有啲擔心，但結果係雙皮奶真心超正，芋泥雙皮奶很香，紫薯雙皮奶濃味少少，薑汁撞奶據說非常good，仲追加咗一碗。份量算係ok，一碗都幾飽肚，四人食，埋單都係百幾蚊，值得encore。下次黎試下小菜小食，生炸雞脾沙律連野飲都係三十幾。

芥菜豆腐木耳鹹蛋湯飯的芥菜帶一點點苦，又不會太苦。一個48元的午餐，還另上帶一點點辣的醬油。士應很留心服侍的，我喝了一半的茶走，不知從哪掉了一些野在裡面，她主動給我換了一杯，還不用我說明是茶走。讚

11/8中午2:00今天一行三人諗住帶小朋友過嚟食午餐 隱約聽到 大嗌出嚟 我叫你 爆油 就小心啲 都 好大聲我坐喺應該係6號 卡坐 鬧出廳面 ， 到時我的小朋友也被嚇親 我們點了食咗雞扒飯就急急腳離開 想不到會這樣， 真的大開眼界

上次黎仲未有返晚市堂食，上次買燉鮮奶、燉蛋、紫薯燉鮮奶外賣返屋企，今次終於有機會喺度食。今期午市套餐有B1 :叉燒炒滑蛋飯，B2 :蒜香醬雞扒飯 ，C1 : 咖喱牛腩撈出前一丁，C2:芥茉魚柳漢堡配沙律，D1:原條鰻魚滑蛋飯，總共五款選擇。今次揀左蒜香醬雞扒飯$58，塊雞扒好大、即叫即炸，新鮮熱辣。另外叫咗叉燒炒滑蛋飯$58，叉燒半肥瘦適中，雞蛋炒得好香滑，好出色。所有店員都好有禮貌。期待下次再試其他款嘅美食。

約咗朋友係佐敦食晏，點知個朋友唔食嘢，只想飲凍檸茶，於是就揀咗網紅冰室，第一次入去，估唔到下晝一點都算幾多食客，好彩我哋都坐到卡位，唔需要搭枱。睇完幾張餐牌後，最後我都係叫咗個最簡單嘅常餐，揀咗要雪菜肉絲米粉、火腿雙蛋（炒蛋）、牛油方包及熱檸水，大約等咗10分鐘，食物就陸續上枱，估唔到嚟錯咗午餐肉，而唔係我要嘅火腿，不過我亦無要求更換，至於雪菜肉絲米嘅米粉竟然比我想像中多，雪菜及肉絲嘅味道都可以，炒蛋感覺蛋黃比較多，蛋白好似少咗，食落口感唔算滑，感覺有啲實。總結：冰室應該開咗唔係好耐，整體運作有啲亂，至於食物水準尚算可以，價錢都尚算合理。

晏晝早食飯，做完嘢有啲肚餓，於是特登搭車去網紅冰室 high 個 tea。試咗佢哋嘅網紅黃金磚。超巨型，嚇親！呢個特色西多士好特別，餡料除咗有芝士同火腿外，仲夾咗好多豬肉鬆，炸好後面層淋咗好多蜜糖芥末醬，集甜、鹹、酸於一身。再加上西多士炸得好乾身，一啲都冇油淋淋，而且好軟熟唔熱氣，所以咁大件食哂都唔會膩。正！如果未試過味道咁複雜嘅西多士，一定要嚟試下！佢仲有白金磚架，下次試埋先。

早餐：沙嗲牛出前一丁麵 + 午餐肉炒蛋 + 牛油多士 + 奶茶$39 (原$38，多士加$1) 食物好快到，沙嗲唔會太濃，牛肉有少許筋，麵腍度適中，奶茶多了些奶但仍是好飲，整個餐份量好足，差啲食唔哂。早餐選擇較少，可能貴精不貴多吧。(食物到時心急試，唔記得影相)這間冰室的老闆成日話早餐好抵食，而這裡的留言亦多數係正面，所以幾天前專程去試下証實下。到達時11點多啲，服務員正在門外收早餐牌，入去問真係早餐已完，正要帶著失望心情離開，女負責人話做埋啦，因慶祝回歸開心下👏 果然無令我失望，疫情2年多以來，已極少堂食，這是近期我最滿足的堂食早餐😋👍。

今日終於得閒去食酸菜魚。聞說楊老闆好鍾意食酸菜魚，所以對呢道菜嘅要求好高，咁就一於試下係咪真係可以媲美四川菜館啦！一嚟到二話不說即刻試啖湯先。嘩，鮮！酸味夠酸，辣味適中，鮮味突出，麻香四溢。再夾塊魚片試下，好爽，好彈牙，連魚皮都係爽彈的。而且，魚肉味極鮮甜，鮮到不得之了！仲有，魚片有好多片，又厚又大塊，足夠送哂一碗飯。問咗另一個老闆：「啲魚片係咪脆肉鯇嚟架？」佢竟然話：「係鯛魚嚟啊！」我：「下？咁揼本？？」😳 另外，豆卜吸哂湯汁，冇豆腥味，明顯係處理得好好先放落去。酸菜夠多又冇渣，食哂魚片後，淨返酸菜同湯底忍唔住要打包返去留返今晚泡飯食，正呀～套餐仲包餐飲同甜品，我要咗杯汪阿姐同熱燉蛋。汪阿姐入口非常超級無敵滑口，滑到一入口就直滑入喉嚨，啡味濃度適中，唔會話好濃。而燉蛋亦有驚喜，動 L 動 L 的震騰騰，滑得嚟唔係實的的好固體嗰種，而係有啲削削地，可以瀡入口嗰種。啱哂食飽飯唔係幾食得落甜品，但又想甜一甜口腔嘅人，食完都唔會滯。

今日去網紅冰室一口氣試哂三款名物。蛋白燉鮮奶（凍）（$30）：非常香滑，入口質地細緻，奶味濃郁醇厚，甜度剛好，唔會太甜，而且好挺身，好飽肚。芋泥燉鮮奶（暖）/ 紫薯燉鮮奶（暖）（各 $38）：同樣非常香滑，但對比起原味，呢兩款嘅質地會比較削少少，就算食飽飯再食佢都唔會太頂肚。另外，雖然芋泥/紫薯泥係面頭一浸，但係一入口就食到好重芋頭味/紫薯味，而且㗳落去仲食到一絲絲芋頭纖維，甚至突然會食到一塊仔未壓爛嘅紫薯，絕對真材實料，童叟無欺！必試！

我辦事完畢回程特意在港鐵「佐敦」站下車，到「網紅冰室」嘗試紫薯燉鮮奶，是朋友介紹給我新式甜品。小店鋪裏兩旁設置卡位，正中是小圓枱，地方比較狹窄，但光亮整潔。我期待的紫薯燉鮮奶亮相了！手機的色温有偏差，令紫紅的紫薯皮面色澤顯得較沉實，用匙羹輕輕潷起紫薯面層細嘗，紫薯味微甜，口感粉細綿糯，下層燉鮮奶，奶味香馥綿滑，紫薯燉鮮奶的份量是家用飯碗份量，所以，感覺很滿足！也順便外賣濶瓶裝凍「楊枝甘露」，心急即時一嘗兩匙羹，有很多芒果肉、大顆粒西米、遮喱與柚子肉，材料很豐富。享用其間，女侍應捧住一碟廚師新出品，特色多士請顧客們有興趣可試食，漲卜卜的多士餡料有火腿與芝士溶液，賣點在多士面層的醬汁經過烤焗，面層略帶焦香，味道微酸中又帶少許清甜，此特色多士未正式供應，廚師請大家試食提意見日後才面市，我嘗試多士較邊邊、較少芝士的一小塊，表達可以「去馬」但遇上像我不愛芝士的客人，希望廚師多一些考量。

早餐勝價比高，配搭靈活，沙爹牛丁麵無須加錢，麵質軟硬洽當保持曲線沒有過度吸水躺平，附香麻油包，牛肉滑嫩95％無筋，驚喜。下次試肉丁。👍🏻👍🏻👍🏻燶邊太陽旦，脆、白、滑加一元轉厚多士，適量牛油香而不膩厚切餐肉肉質不錯，烹調時間可略減檸茶奶茶水温夠熱服務不錯，怕醜哥哥不太熟手但有求必應  作為金舌頭垃圾肚的痛苦，市面大部分食肆用油及豬肉均食出有異味，難得這裏是一片淨土。整體滿意，誠意之作。美食如天上流星，有食好食，感恩許願。

本店開業之初，本想捧網紅老闆Kate姐，當時巧遇華記請我們食燉奶，奶味濃郁，不是很稀, 濃濃厚實感！網紅冰室於2022年5月1日開幕，今日5月2日去棒場奶茶好飲！茶味濃, 但稍有澀味。茶餐不以隔離制外國牛奶公司的叉燒意對撼，而是沙爺牛，有濃厚的沙爺醬，還有用上出前一丁，水準之上。現代有不少食客捧場，好多人點了酸菜魚！人手跟上次一樣，仍然有點混亂，經常無人招呼，餐牌上要烘多士加一元，寫得太不起眼了。煎蛋多士有像不太特出。只叫合格啦

名人都去，應該幾好食😋食物種類還可以，可以接受。一般茶餐廳質素，平常心，無期待無失望😌最開心係食食吓野有機會見到偶像🤩希望香港有多啲好似咁樣充滿正能量既鋪頭💪

朋友帶我去試新野, 佢話係網紅餐廳,我以為係某個KOL 介紹, 原來就係叫網紅冰室,揀左個常餐, 都係啲好平常既選擇,有通粉/公仔麵/米粉之類+火腿/餐肉/蛋+麵包/多士+飲品, 我叫左餐肉炒蛋, 我想講......個炒蛋炒得太老,而且有怪味冇蛋香味, 咁基本既一個炒蛋都整得唔好食,好難想像其他食物質數,$50一個常餐, 唔該可唔可以認真少少對待食客?