羅馬餐廳

营业中

休息中

同朋友黎呢到玩一晚,晚飯就係到食啦~晚市都幾多人,雖然間餐廳叫羅馬,但係入便食野既人都係叫中式食品,我地坐左個卡位,竟然見到有鼓椒炒蜆!?就即刻叫左個!好似$32定$28...我同朋友都覺得好平!之後一坐碟,哇!勁好味!隻隻蜆都好大,成盤只有3-4隻係唔開口,最重要係個汁,唔係平時街邊食果d咁稀,係比較濃d同澀d,好特別,好好食!我地食每隻蜆都會啜乾埋d汁,就咁用d汁撈飯都得!由於太好食既關係,我地叫多一盤食!(我地仲有叫其他食物,不過因為炒蜆太好食!)第日,lunch坐船出去前,又去左呢到,再叫炒蜆食...哈,今次去梅窩最開心就係食左3次炒蜆!此後,我同朋友成日周圍搵炒蜆食,但每次大家都會覺得:「都係梅窩間羅馬餐廳最好食!」

11月19日, 老公同我返咗梅窩,一落船就陪老公去番「羅馬」食下午茶餐。我叫咗個「回鍋肉米粉」+「西多士」, 另加$5 配咗杯「蜂蜜綠茶」,而老公個份係「五香肉丁生麵」+「雞翼薯條」配熱華田。兩個粉唔駛講啦! 係啲餸比較少, 不過而家啲罐頭咁貴, 差唔多啦!「西多士」同「雞翼薯條」都唔錯! 反而係個「蜂蜜綠茶」出奇地幾好飲喎!一個餐有一個粉麵、一個小食同一杯飲品, 只係$23, 所以今餐都係$52 ($23+$23+$5)。仲有, 最鍾意呢間餐廳有得用「八達通」呀!!

幾好食...個炒蜆好鮮..好好味...d扒亦都唔錯...不錯的選擇...價錢合理...而且服務態度亦好好

入梅窩camp夜晚個餐去左呢間食叫左個豉椒炒蜆...好恐怖下...食得既加埋都無半碟有3份1係合住唔開口...可能未煮都死左個d黎有d就空殼黎...碟野平平咁一層...又有一半無得食..感覺有d唔抵問佢點解咁多唔開口..原因係..因為蜆會唔開口..味道麻麻..同價錢唔成正比

1/1/07 新一年由八公凹行至梅窩, 都夜晚七點幾啦, 見到呢間餐廳仲有位咪試o下啦, 估唔到價錢合理又算幾好味.好難得d Salad唔多Salad sauce呢!

哈哈哈!估唔到個datebase連呢間都有…我星期六去梅窩,一落船就黎呢度醫肚!野食其實麻麻,但服務其車係好既!食物方面,由於係下午茶時間,我要左一個沙律餐,配左杯凍飲,竟然俾我發現飲品內有隻小蟑螂!!!我即刻叫人換,佢立即同我換同埋講唔好意思,我希望佢可一不可再,只此一次啦!朋友叫鴨腿湯飯,真係騎呢!分開一碗白飯,再加一碗放左鴨腿既湯,碗湯竟然係深啡近黑色!!!一定好咸!我都未食過咁奇怪既鴨腿湯飯!不過個朋友話ok喎!服務態度方面,其實唔差,可以俾我地換卡位,我漏左本雜誌又提番我,而我見到隔離桌有個煩師奶對食物問長問短,侍應都禮貌回答,呢方面唔錯既!

離島茶餐廳, 市區價錢, 老闆感覺上都幾好人, 次次去都有幫襯…最抵食是下午茶餐, $20 有麵, 小食同凍飲, 而家2點鐘還有新鮮出爐麵包, 自製的, 大大個的.晚餐都有好多選擇, 有飲品, 例湯(我覺得足料, 冇味精), 飯, 餸, $38/set, 大碟餸, 大碗飯. 這裡裝修雖不是好豪華, 但地方好乾淨, 感覺不錯的. 有電視, 冷氣又夠. 這裡好像沒有散叫的meun, 去了多次都看不到. 應該只可以叫餐. 可以一試呀~~

THE PRICE IS REASONABLE. THE FOOD IS GOOD. EVERTIME I GO TO LANTAU ISLAND, I WOULD GO THERE TO HAVE A NICE BREADFAST BEFORE I HAVE THE TRIP. THE STAFF IS ALSO NICE.