羅麥記 (東薈城名店倉)

营业中

休息中

今日向附近做完野就去左呢度食下午茶T48 窩蛋免治牛肉燴意粉 $48 +$3叫埋杯凍飲免治牛肉飯食得多，意粉就第一次食，不錯的。多醬多汁，食到最尾汁醬仲有剩，非常鐘意有掛麵的感覺，啖啖都有肉醬，正吖。

係東涌e個沙漠只要食物正常發揮，就可以排長龍，今早去到餐廳，全部坐滿餐廳裝修，有少少懷舊feel除左多士烘左=無烘（又淋又硬，明顯唔係即烘）今日轉左辛辣面，又ok

成日見都咁多人等位，於是就入去試下啦!今次係第二次食呢間，又再次中伏了…真係未食過d咁難食嘅香茅豬扒飯!豬扒冇香茅味道，衹係油炸再加上d葱花上面!白飯加上豉油，d飯完全唔熱!老闆…你想點呀!完全無Heart嘅垃圾食店!奶茶都係一般口味，最適合d冇特別期望嘅客人幫襯!唔信就自己去試下啦!本人一定唔會再食第三次!!!p.s.開食肆最差係厨師無心做好佢!!!

約咗行山，但個個都遲到，唯有自己食個早餐先，無奈x1000000之前都有行東涌outlet , 但無留意原來個商場係咁大，我以為得2層同basement, 今日先知原來有5樓😮。呢間茶記都算坐得舒服，相比尖東嗰啲直頭係濶落，menu 都幾多選擇，我大把時間就點個英式all day breakfast 消磨下。嚟到個樣都幾ok , 薯餅都炸得幾脆，多士都烘咗底，不過菇唔熱同煙肉煎得唔夠香😅。整體都ok ,因為乾淨又有效率，但茶記嚟講要56蚊就唔夠貼地🤫張單用個大夾又幾cute 🤩

今日約左人妻飯局，想搵一個地方坐得舒服又可以詳談既餐廳🍴走左入去東薈城見羅麥記人吾多就入去坐了。菜式種類繁多，有招牌秘撈公仔麵🍜、避風塘雞翼、焗磚飯，走多元化茶記路線。磚頭焗黑椒雞排飯（HKD 88):非常厚而又外脆內軟既磚頭麵包盛著大量炒飯，表面淋上惹味黑椒汁，佐飯一流😍雞排好嫩口，烘焗麵包吸曬黑椒汁精華，創新好味。香辣雞翼撈丁（HKD 58):每次黎食都會食其招牌瑞士雞翼，雞皮肉嫩，味道鮮甜、而適量辣椒🌶️碎調一調味，辣度適宜且惹味，用埋瑞士汁撈丁，甜甜地，好正。突然店員主的送上竹蓆茅根，十分驚喜，可解解熱毒，清甜潤喉。唯獨衛生清潔🧹可做足點，入座時發現地上有條麵條無人清理😅總結：東涌區茶記好選擇

本身諗住過黎食下午茶餐 點知無 但都入左黎喇所以就單點啦坐既位置麻麻地 對住好多污糟碗碟 見到佢地將d污糟碗碟推出推入 又係我隔離係咁掃地..雖然會清潔係要加分 但我食緊野既時候見到呢d難免有少少唔開胃....不過其實佢都係一間茶餐廳 係茶餐廳見到呢d事都係正常不過既講番食物 呢個焗豬扒飯唔錯 好多豬扒又多汁多芝士 個汁係甜甜地唔係酸個隻 加左3蚊轉餐有熱飲 再加左3蚊轉凍檸茶 杯凍檸茶一般啦 呢個炸髀好正! 皮脆肉滑 炸得好香 d薯條又脆又熱 新鮮炸起係正d既 不過唔知係咪仲係停留左係以前 炸髀薯條都係廿零蚊 而家四十零蚊都硬係覺得有d貴, 但係係正既!

喺東涌有幾間茶餐廳， 今日你到東薈城試一試。一間連鎖餐廳，香港有幾間， 個蒜香汁雞扒都幾好食， 食完至少唔會覺得口渴， 之前都試過齋啡， 我覺得有點苦， 唔係我杯啡，所以今次我嗌咗熱檸茶服務一般一般啦， 有一兩個比較木口木面，但未太影響我食野。最影響係第一次坐的位置， 天花板滴水， 我估嗰啲係倒汗水嚟嘅，滴在坐的肩和手上， 唔想擔憂食食下，下一滴水滴係邊， 調咗位再同店員講返聲， 同佢講冷氣機滴水， 但係未見佢哋有善後工作 ，我差不多走時，仍然畀下一台客坐喺嗰個位，唔知這男客人之後有冇調位了。

一間茶記黎講 佢嘅出品一向都好對眼 我係街坊 都食左一段時間 但最近呢次去食 食完曬個餐 見杯飲品禁耐都未黎 就緊係追架啦 點知 呀樓面話我好鬧佢（?）話成間店廚房得1人 樓面得1人。。1 我冇鬧佢 2 而家係咪問都唔得? 3 你唔夠人 我唔知架喎 同就算你唔夠人 關個客咩事? 我唔知咩事攪到人手得一個啦 平日都有成3至4 個樓面嘅 而家攪到員工又唔開心 客又唔開心 我都明嘅 cut人手係基本啦 但cut到得1個又真係好慘情 個場都唔細架 個個又坐得散。。禁攪法 啲野幾好食都冇用啦

午餐時間，客滿等了數張枱，入座看過餐牌，點餐叫來一個似是經理級的女仕來下單，我按照餐牌內號碼點餐，佢很不耐煩咁話佢部機不支援號碼落單，好！叫我就你？忍你！照讀⋯再用怪責嘅語氣同我講呢啲要下午六點後先有，張餐牌寫很好清楚⋯我再望望果行字細到不得了，你起度做要熟讀餐單，你當咗我係起度做？不斷要求我去配合佢工作，唔洗錢食，都無理由受佢氣，何況我要排隊入坐最後還要比錢，算是我不熟讀你公司嘅餐牌，還來一個很了不起嘅態度去怪責我，令到客人不快就是你嘅目的？你想做澳牛式服務😡⋯⋯垃圾！我蛇咬都唔會再去🤬

今日趁住假期陪咗媽咪入咗嚟東涌outlet度行街，記憶上都好幾年無黎過啦，原來以前戲院個邊執晒裝修過，加高左幾層仲多左好多新鋪頭同餐廳行到累累地就搵左呢間餐廳抖下，醫下肚啦，大部分都係卡位嚟嘅坐得都幾舒服，同埋都幾多人幫襯，要門口禁飛仔排隊呀問咗待應因為今日係公眾假期關係， 所以冇下午茶餐，不過見到午餐同常餐都幾吸引呀，而且價錢都合理既喇沙湯豬扒米粉--- 喇沙湯底勁濃郁，豬扒好淋身，加埋啲豆卜好正呀，個人推介羅麥雞翼撈丁--- 其實即係瑞士汁雞翼啦，不過整得非常之入味

和老公找一家茶餐廳撐枱腳， 在東涌最方便就是羅麥記。 📍地理位置這間囉麥嘅位於東涌東薈城商場3樓， 距離地鐵幾分鐘， 地點非常方便。💒 餐廳環境我去過好幾家羅麥記。位於東沖這家環境比較狹窄， 疫情關係要加一塊塊板，感覺坐得不太舒服，地方也不是太清潔。📝餐牌菜色種類繁多，以避風塘雞翼，避風塘炒河， 秘撈公仔麵等等為招牌菜🍲避風塘牛肉炒河這個避風塘牛肉炒河鑊氣十足， 用了避風塘 蒜蓉辣椒抄， 不是太火辣，十分惹味。🍛黃金叉燒炒飯黃金叉燒炒飯，抄工非常好，飯粒粒是分開的，不太濕或太乾。🍗炸雞髀 雞皮香脆，剛剛炸起的。而雞肉十分嫩滑，值得一試。🥃黑牛黑牛是我老公最愛。 用了經典本地朱古力雪糕，像牛奶公司朱古力雪糕的味道，再加一杯冰凍的可樂 ，簡直是絕配。除了地方比較狹窄，我們整體來說也十分滿意， 尤其是這裏的鑊氣， 零食物十分惹味。 埋單兩個人200蚊， 也不算太便宜的茶餐廳， 不過勝在好食， 鑊氣十足。

今日於東涌行 OUTLET, 行到累係時間要食晚飯了, 近近地見到羅麥記就佢啦都多人等, 等了5分鐘左右, 有位了!可能人多關係, 上菜速度極快, 落完單, 湯, 飯即上.. . .. 但碗飯不用3分鐘小菜上枱了, 快到忍唔住O 左咀, 碟小菜好似打風咁.. .但出奇地, 味道非常惹味, 牛肉一D 都唔不韌, 嫩滑無筋

好耐無來過東涌，知道東薈城去年擴建後，多咗好多間食店及商店，是日（26/6/2020）特意來近下outlets，行到攰攰地搵餐廳食個下午茶。見這餐廳佈置幾有趣及都有幾多人幫襯，便來試下，下午茶款式都很多，另有全日制常餐。點了下午茶 - 咖哩豬扒飯，豬扒幾好味，但汁太濃味。另點了 常餐set A - 蕃茄豬扒通粉配羅麥炒蛋多士，通粉煮得不夠腍，應該是焗的時間不足，豬扒好味，蕃茄湯底都好好味。最值得讚是有二位侍應態度很好，很有禮貌。

用網上外賣平台 嗌呢間嘢，個陣有優惠又有折，都叫幾抵嘅。落完order之後三十分鐘內送到，嘢食微温。蝦多士果然係招牌，面包脆口，連埋蝦肉，好夾。另外嘅牛肉卷就一般啦

趁内地團仍未開始，去咗東涌東薈城逛逛，的確係少咗好多人😂對上一次嚟都好多年前，呢度啲舖頭都變咗好多，行到有啲餓就搵食，原來都有好多食肆，最後選擇這間，單睇舖頭名，真係唔知佢有咩食，估計係港式餐廳，去到見到的確係港式茶餐廳，牆上面有不少有關香港特色嘅圖畫，裝修仲有啲懷舊Feel🥰食物種類好多，仲有些係懷舊菜，而且價錢合理，我們叫咗幾樣野：🥢芝士菠菜吞拿魚焗螺絲粉：爸爸食嘅，熱辣辣，芝士味濃，有菜🥬有魚🐟均衡營養👍🥢喇沙豬扒湯米粉🍜：媽媽我一向都喜愛食喇沙，因為不太辣，仲有椰香🥥，這個喇沙正合我意，椰香味濃，每一口米粉都沾滿喇沙嘅味道，最正係啲豆卜，吸收晒喇沙湯嘅味道🤤，豬扒煎得恰到好處，不油膩😋🥢兒童餐：最近出街，多人咗留意有無兒童餐，這間港式茶餐廳竟然都有，呢個餐有亞女最愛嘅薯條🍟、芝士🧀通心粉、果汁，仲有啫喱做甜品😋上網睇返原來唔只東涌有這食肆，仲有青衣、荃灣、屯門、大角咀都有，有機會大家都去試下吖👍