影片
更多
2024-02-06
183 浏览
第一次去廟街夜繽紛，非常熱鬧，攤檔美食都幾吸引，不過行完街太攰就求其入咗一間食羊肉串燒小店，價錢係正常價位，不過份量同水準真係令人大開眼界，連搭枱嘅老夫婦都取笑咗我哋幾次！我哋食完第一round就走人，二百零蚊好似無食過嘢咁，超伏！🥢烤羊肉串(7串) $100 ⭐️上枱一刻大家都O咗咀，奀到唔識形容，話晒都要$14串，之後食完行出鋪頭，先發現同出面街檔係同一檔，羊肉太乾又細粒細支，同區呢個價原來有大把選擇！🥢烤羊排串 $35 ⭐️阿姐放低響枱果刻我真係反咗眼，即刻問佢呢啲係乜，羊排點解會變咗炭粒！根本上砌唔返一條骨，似係頭頭尾尾堆埋一碟，而且口感較硬唔羶無羊味，真係唔知食緊啲乜！🥢烤韭菜串 $13 ⭐️⭐️⭐️韭菜係最正常嘅，醬汁較甜但孜然比較少。🥢烤土豆片串 $13 ⭐️呢個會唔會食水太深呢？！對面夫婦話十幾蚊可以買兩包薯片，味道係ok嘅但粉量就超唔ok！🥢手工水餃 $50 ⭐️問咗阿姐話呢個係羊肉餃，但根本食唔到係羊肉，肉係細粒過一粒珍珠奶茶嘅珍珠，我覺得似韭菜餃多啲囉！二人共消費：$211
🥢烤羊肉串(7串) $100 ⭐️
上枱一刻大家都O咗咀，奀到唔識形容，話晒都要$14串，之後食完行出鋪頭，先發現同出面街檔係同一檔，羊肉太乾又細粒細支，同區呢個價原來有大把選擇！🥢烤羊排串 $35 ⭐️
阿姐放低響枱果刻我真係反咗眼，即刻問佢呢啲係乜，羊排點解會變咗炭粒！根本上砌唔返一條骨，似係頭頭尾尾堆埋一碟，而且口感較硬唔羶無羊味，真係唔知食緊啲乜！🥢烤韭菜串 $13 ⭐️⭐️⭐️
韭菜係最正常嘅，醬汁較甜但孜然比較少。🥢烤土豆片串 $13 ⭐️
呢個會唔會食水太深呢？！對面夫婦話十幾蚊可以買兩包薯片，味道係ok嘅但粉量就超唔ok！🥢手工水餃 $50 ⭐️
問咗阿姐話呢個係羊肉餃，但根本食唔到係羊肉，肉係細粒過一粒珍珠奶茶嘅珍珠，我覺得似韭菜餃多啲囉！二人共消費：$211
张贴
