影片
更多
2024-02-06
188 浏览
第一次去庙街夜缤纷，非常热闹，摊档美食都几吸引，不过行完街太攰就求其入咗一间食羊肉串烧小店，价钱系正常价位，不过份量同水准真系令人大开眼界，连搭枱嘅老夫妇都取笑咗我哋几次！我哋食完第一round就走人，二百零蚊好似无食过嘢咁，超伏！🥢烤羊肉串(7串) $100 ⭐️上枱一刻大家都O咗咀，奀到唔识形容，话晒都要$14串，之后食完行出铺头，先发现同出面街档系同一档，羊肉太干又细粒细支，同区呢个价原来有大把选择！🥢烤羊排串 $35 ⭐️阿姐放低响枱果刻我真系反咗眼，即刻问佢呢啲系乜，羊排点解会变咗炭粒！根本上砌唔返一条骨，似系头头尾尾堆埋一碟，而且口感较硬唔膻无羊味，真系唔知食紧啲乜！🥢烤韭菜串 $13 ⭐️⭐️⭐️韭菜系最正常嘅，酱汁较甜但孜然比较少。🥢烤土豆片串 $13 ⭐️呢个会唔会食水太深呢？！对面夫妇话十几蚊可以买两包薯片，味道系ok嘅但粉量就超唔ok！🥢手工水饺 $50 ⭐️问咗阿姐话呢个系羊肉饺，但根本食唔到系羊肉，肉系细粒过一粒珍珠奶茶嘅珍珠，我觉得似韭菜饺多啲啰！二人共消费：$211
🥢烤羊肉串(7串) $100 ⭐️
上枱一刻大家都O咗咀，奀到唔识形容，话晒都要$14串，之后食完行出铺头，先发现同出面街档系同一档，羊肉太干又细粒细支，同区呢个价原来有大把选择！🥢烤羊排串 $35 ⭐️
阿姐放低响枱果刻我真系反咗眼，即刻问佢呢啲系乜，羊排点解会变咗炭粒！根本上砌唔返一条骨，似系头头尾尾堆埋一碟，而且口感较硬唔膻无羊味，真系唔知食紧啲乜！🥢烤韭菜串 $13 ⭐️⭐️⭐️
韭菜系最正常嘅，酱汁较甜但孜然比较少。🥢烤土豆片串 $13 ⭐️
呢个会唔会食水太深呢？！对面夫妇话十几蚊可以买两包薯片，味道系ok嘅但粉量就超唔ok！🥢手工水饺 $50 ⭐️
问咗阿姐话呢个系羊肉饺，但根本食唔到系羊肉，肉系细粒过一粒珍珠奶茶嘅珍珠，我觉得似韭菜饺多啲啰！二人共消费：$211
张贴
