美利茶廳 (已結業)

The takeaways here are dirt cheap and fast which cost $22 per box!If I am going to buy Chinese food which I expect to be disappointing I might as well go for the cheaper ones and have less disappointment so I went for the $22 box today!All their food is cooked and boxed ready in a pile so they just pack it in bags and they are ready to go.The appearance of this shop was quite old and inside it looked grey and gloomy.However if they redecorated it, I doubt the food would be this cheap.★☆★☆★☆★☆★☆★

只集中講早餐因為我到呢度只係食早餐.試過2次, 一次餐蛋面, 一次牛米, 先講餐蛋面, 個面底湯一般, 但叫做唔係味精湯, 可以叫加汁, 但d面真係嚇死人, 可能有人鐘意食林d既面, 但我見到距d面林得黎係好似浸林左甘, 又散修修, 見到已經唔開胃, 隔硬食哂, 以後唔會再叫面.......... 至於牛米就好d, d沙爹汁幾好味, 再去都只會叫牛米.至於奶茶咖啡方面, 係完全唔得! d茶底薄到好離譜, 淡茂茂, 係屋企用茶包開都好過距. 第二次諗著叫鴛鴦, 心諗應該會好d瓜, 點知完全一樣, 只係一杯開到好稀既咖啡撈落距d好淡茂茂既奶茶度, 真係完全唔得.

要去港島區公司交文件, 時間趕急到此店叫左外賣回公司解決.$22一盒飯仲包飲品, 價錢相當吸引.粟米豬扒意粉, 一打開都想嘩一聲, 一大塊厚切豬扒感覺這個午餐相當抵食.至於味道都唔錯, 豬扒煎得香口最正係多汁, 唯一問題係個意粉煮得過淋, 食到一半都已經覺得一PAT PAT.另外杯檸茶就麻麻, 苦澀茶不香濃.

現時物價飛升，在某些茶記吃個茶餐，也要廿多三十元，名牌茶記的更要三十多元，是日在旺區吃個早餐，見到餐牌只需廿元，真的大叫抵吃。沒有選粉麵餐，就點了非粉麵類當中，最為豐富的豬扒蛋，跟火腿蛋及餐肉蛋早餐，竟然是同價，真的想問問究竟有沒有人會選其他餐。先來的是一杯奶茶，用上普通的瓷杯盛着，不過奶茶茶溫足夠，但就欠缺茶香，呷一口茶，不能說是沒有茶味，但這個味道可真的是薄了一點，濃度低，所以冇回甘也是常理，本人試過香港不少茶記，大小通吃，其實這已司空見慣，而且茶身也不夠挺滑，不過單論茶味，如果茶能夠濃一點，配合足夠的淡奶，相信會有潛力。豬扒都真的頗為大塊，連骨位的位置一大片，另一邊則是一條肥脂邊，肉質鬆軟，頗為有肉的甘香及足夠的油份，加上店家肉醃得夠味，每口的豬肉都有點點甜味，但稍嫌肉的殲維不夠firm。附來的多士是一塊標準麵包，切成三角狀，多士烘得夠脆，但麵包不夠新鮮，咬起來包芯很實，而且牛油也真的是塗得太少了吧，弄得件多士沒甚吃味。煎蛋要求了反蛋，從表面看蛋黃已被煎熟，不過吃起來又是另一回事，蛋白煎得香脆，有點蛋白香，而蛋黃破開之後，竟然溢出不少的蛋黃汁，原來是半生熟之作，之前在某篇茶記的文

5-7-2011(Tue)出灣仔做o野,同事話上次見到有好有好多人o係呢間等,原來有$20.00o既外賣午餐,只要時間早就買到,於是o黎博一博,o黎到,好彩唔太多人,我就睇吓有咩o野食,唔…要葡國雞飯,飲凍奶茶,盛惠$21.00.我拎到去中環廣場地下o既公園慢慢食,打開飯盒影睇,配料唔多,雞肉係雞脾骨位,但竟然可以切到約5毫米厚,刀功真厲害,食落,雞味唔濃,葡汁微甜,薯仔夠腍,凍奶茶唔夠味,一般.但講真,$21.00一餐o衣o家好難搵到,唔難食都算已經收貨喇.

24-1-2011是日 lunch 只想到「舊式」一點的茶記食公仔麵, 睇了一個叫「追求懷舊風味老店子」的網上相簿後, 鎖定呢度試試.1:15pm 嚟到, 個個又例湯又豬扒意又碟頭飯, 我就如常淨係沙爹牛麵及熱奶茶 (total $26):-沙爹牛麵: 沙爹汁好香濃, 份量仲好多, 連 MSG 湯都變了沙爹湯底 牛肉腍腍的, 不過唔算太「梳打」, 配上濃味沙爹醬汁, 都幾好食; 麵就淥得幾爽口, 簡簡單單一碗麵又幾好食喎. 熱奶茶: 唔算滑, 不過奶味 vs 茶味約 3:7, 茶味香, 亦幾濃幾「啃」(飲完成個下午都唔怕「中」眼瞓, 哈哈 ), 飲落又無澀味, 都不錯.簡簡單單的一餐, 但印象不錯, 有機會再來食三文治 / 多士吧.

八月一日 (星期日)今日同老公仔去會展-動漫展老公仔很多年前去了一次,不是看靚模,是看阿仙奴的英超獎盃呢而我則是第一次去的,感覺比想像中好打算吃過午餐才進場,見到美利,即管一試有點舊式,希望試到好東西我點了星州炒米味道一般,米粉很硬料也一般,失望滑蛋蝦仁飯不是炒蛋,味道算可以蝦仁都新鮮飲凍檸茶,味道算可以罷吃罷,立刻奔往會展

今日需要幫公司買D野, 一早返工時, 特登係灣仔先落車, 博一博灣電早開門. 不過落車時間, 並未到10點, 咁就先行食個早餐. 行到軒尼斯茶餐廳門口, 發覺身上只有$20. Under $20, 又要有位坐下, 打發時間, 點算呢. 幸好就在眼前, 美利茶廳, 早餐只不過是 $19, 剛好 within budget.簡單的叫個公仔麵餐. 為防點錯野要加錢, 點都要按足早餐既term & condition來叫. 一個簡單的腿蛋麵同一杯熱奶茶. 總好過捱三文治既. 先來奶茶, 簡單的用透明膠杯裝, 味道濃香, 滑就未夠滑. 不過夠濃, 朝早最重要的, 莫過於一杯提神濃奶茶.簡單的腿蛋麵來了, 湯底是湯粉包的. 麵雖然都感覺到爽口, 但就係那一點點煮過左. 其他的火腿同蛋就不用多題了, 因為邊個整都係果個味道. $19, 就一個極普通平凡的公仔麵早餐. 還求什麼.店內老侍應感覺親切, 見我地食到悶悶地講出是日朝一單大車禍作全場討論. 幾識搞氣氛.

12月27日行完冬季美食展後，在又餓又累的情況下，入了美利去食18元的下午茶餐，叫了一客西多士及腿蛋治。西多士只是一塊用了很多油去炸的，出來又平又淋的，超唔好食的。腿蛋治都還可以的，但都不太好味的。熱檸水起多檸檬。

30-10-07 Tue Lunch順道經開呢邊求其揀左間食lunch見是日午餐不太岩食揀左自選的時菜雜會飯$24, 加$5 凍檸茶一向茶餐廳食開的雜會飯都有魷魚, 豬腸, 豬潤, 叉燒, 蝦仁等呢度得魷魚, 雞肉, 豬腸, 生菜, 不夠雜會, 沒有鑊氣之餘, 也只係一片油淋淋的, 色彩亦不夠鮮艷地方很細, 果陣冇乜人不過, 但多人一定好迫

阿M沒有早餐的日子唔該一個六號餐跟熱咖啡，行街．腸蛋麵：普普通通既一餐，咖啡幾香哩．服務員不錯，早餐很快就送到你手上．這裡勝在茶靚，較隔離的價錢，便宜一點．

我去呢間食個餐, 有洋蔥豬扒意粉/飯+例湯+咖啡/茶$24, 碟意粉都好大碟食唔晒,味道都唔錯. 個湯就好似水咁冇嘜味, 而我叫杯奶杯, 不過杯奶茶好鬼"kip",唔多夠奶味, 飲兩啖就放棄喇....

7-3-2007比鄰店平1蚊，便進來一試。早餐6號:腸蛋麵+茶走少甜。茶走合格。發脹公仔麵加鑊撈煎蛋。

下午茶:沙爹牛面+ 熱奶茶= $16個面一般, 杯熱奶茶用凍飲杯好大杯好多男人打\"燉\"但係有一種溫暖感

一大清早在附近有波踢，同一班波牛朋友在這裡吃早餐，貪佢舊舊地有麻甩feel，同埋，可以煲煙，因為是日有煙鏟在陣。呢度唔單止比煲煙，仲賣埋煙，怕二手煙的，左右隔離有好多選擇。昨晚掛住賭，無咩點吃東西，想吃飽一點。叫了個腿蛋多士再加件奶油多，跟尾的當然是鴦走少甜。呢度食物貫徹麻甩feel，蛋煎得核核突突又地，好在都係半生熟；多士是一向的水準，雖然薄身，但烘得脆口，奶油多是奶油都夠多，不錯。多左杯凍茶，俾鋼門搞掂埋佢。埋單自己顧自己，31蚊，吃得飽飽，踢波去也。題外話：呢度係多年舊茶檔，坐埋唔係地盤工友就公仔佬，我地踏石地波鞋，短打再加個足球，就夠晒入型入格。