美味廚 (已結業)

我都係聽人介紹才過去一試，鋪位較難找，一入門口見到有四五個員工連廚師一齊吃飯，跟那個收銀阿姐高聲在閑話家常高興得很！冇人招呼便自己坐下了，但地方比較不潔因為地下很多殘餘飯羹，也吧，我想著朋友說那個豬扒菜飯很好食，於是找個員工下單，叫了兩聲唔該冇人應我於是行出柜臺叫，怎料那個收銀阿姐叫我坐回那枱等一會，她繼續與其他在吃飯的員工高談闊論，什麼東西呀！她或者係老闆都唔定，我不是什麼大客但我覺得自己好像在作賤找死！原來想吃好西這麼難，到最後什麼都吃不到一肚氣離開這鬼地方！這可能係openrice 第一個未吃到什麼便寫評論的人，真心不是想為難人家小鋪但我好歹都係個客人啊！😡😡😡😡😡

星期六去咗食黃金豬排飯。加杯豆漿都係$70。個黃金豬排飯係用菜飯。食落有豬油味。用咗菜飯好易入口。食慾大增。個豬排炸到金黃色。賣相滿分。食落口好有咬勁。個豬排好嫩口。屬上等食材。杯豆漿凍飲夏天就好最正。

位於亞士厘道嘅呢間餐廳，一到午飯時間就會迫爆。小編本身以為佢係一間茶餐廳，但係經過朋友介紹之後，原來佢係一間食上海菜嘅餐廳。成日經過呢度都冇留意係食d乜，但係就知道呢間鋪喺呢度生存左都一段日子，仲要有好多人食添。今日終於係午市時段黎食到呢一間餐廳👍🏿大約中午12點半左右，入邊已經座無虛席，好彩咁啱有人埋單走人，所以小編同朋友好快都可以入座🙈睇睇餐牌，餐廳係呢個午市時段都做緊一啲套餐優惠，選擇都幾多，有客飯，亦都有麵食👍🏿每個餐亦都會跟一杯野飲，咖啡奶茶，甚至豆漿。價錢方面，其實唔算平， ＄57 一個餐，不過係尖沙咀地段，有免加一嘅情況下，其實ok架啦🤷🏿‍♂️講到尾，最緊要啲嘢好食🤤👍🏿👍🏿👍🏿一落完order，小編同朋友點既豆漿好快就上枱喇🙈由於第一次來食，小編就叫咗呢度其中一個招牌菜，排骨菜飯！先講外貌，雖然佢嘅份量大小唔算大，不過見到塊豬扒炸至金黃色，成碗飯望落去唔係油膩嘅，其實都幾吸引🤤食落去，豬扒外脆內軟，非常香口，加上菜飯呢個配搭，其實唔使多講，真係好好食，所以如果肚餓嘅話，其實呢個飯好快會清晒😂唯一一個問題係，會有唔夠食唔夠飽嘅危機😂👌🏿呢一個係小編朋友所點嘅排骨擔擔麵，一

今日同朋友去尖沙咀食飯，喺A出口附近搵嘢食，見到有間上海食店，入邊有好多上班嘅一族，但仲有位坐，唔使搭枱，就入去試下。 入到去見到餐牌，有套餐可以選擇，但我哋最後叫咗兩個排骨菜飯，同一個豆沙鍋餅後上。 過咗五分鐘左右，兩個排骨菜飯餸上，排骨係放喺菜飯嘅上面，呢排骨係好大塊，有成個玩咁大，重切咗片送上，舊排骨煎得啱啱好，肉質彈牙爽口，煎得幾香，同食落有少少甜味。 我哋食完個菜飯之後，叫佢送上豆沙鍋餅，豆沙鍋餅分為八塊，豆沙味好濃，但唔會太甜同太漏，而且快鍋餅煎得好香脆。

頭先中午12:00時，非常之肚餓,所以係尖沙咀亞士厘道隨便揀咗一間餐廳入咗去食午餐。呢間餐廳係食上海菜嘅。環境來講呢，都尚算表面乾乾淨淨，但啲座位有啲迫。呢到有唔同嘅午餐組合選擇。啲餸菜可以配白飯，菜飯同麵。我叫左一個乾燒魚塊配菜飯加熱奶茶。個魚片都可以接受，個味道甜甜地但係冇辣嘅味道。個菜飯呢就一般啦，麻麻哋好食。因為有啲飯粒比較硬。奶茶呢，就一般。總括嚟講都可以話係可以接受嘅一個午餐，但係唔係特別好味，一般般咁啦。

「美味廚」係豬小姐嘅朋友momo介紹嘅 我地係尖沙咀行完街 肚仔餓了 佢就帶左我尼尼間佢經常幫襯嘅「美味廚」晚餐亞士厘道尼條巷仔佈滿食肆 花多眼亂！好彩今晚有目標 如果唔係選擇恐懼症嘅我又有排揀啦環境方面係普通中式餐館嘅裝潢 沒什麼特別 特別的是我們得到店員姨姨 叔叔嘅熱情款待感覺這裏是以家族生意形式經營 自1977年創辦 可以話係老字號！叫左兩個超值套餐 我地兩個都係食燻魚菜飯 而湯就揀左花旗參竹絲雞湯同蟹肉瑤柱羹！先講講尼到嘅燻魚 份量十足 顏色呈深啡色 芡汁令面有光澤 感覺入味！口感本應是炸至外脆內嫩 可是內裏已過熟 肉質變得實在 失去了軟嫩感醬汁卻很醒胃 稠稠的偏甜醬汁 很好送飯！即使菜飯裏有肉有菜夠味道卻扭轉不到事實 飯粒實在太腍爛 沒有嚼口可言正當對此失望時 喝一口湯 嘩！感覺當堂番哂尼花旗參竹絲雞湯「參」味十足！入口先微甜後帶甘味參味濃烈 湯水卻煲得清甜 係靚嘅老火湯尼烏雞=竹絲雞 烏雞件亦完全滲入參味 肉質不會過老 真的不錯！蟹肉瑤柱羹呈美美的透明狀 表面看全是蛋花 細心看也是足料的 有切絲的瑤柱 蟹肉及荀絲微温嘅佢味道清潤鮮甜 感覺完全沒有味精 足料又夠味 係合格有餘

上海野之選難得係尖沙咀又諗唔到食咩突然諗起呢間上海野我地點左一個排骨菜飯連湯一個排骨菜飯同拍黃瓜賣單大約二百頭但都好食既排骨一如以往既好食了甜甜地有dd脆 淡淡肉 適合懶人而且份量幾多 幾底食不過個菜飯就失望了因爲退步了菜少左而且d飯林左朋友話湯好足料仲有肉添吾似係味精湯都好凊~~拍黃瓜都好好食 上海味道家的味道但可能出名 多人食左 水準會差少少中午時份會少人d想靜靜地試下建議中午來希望下次再來水凖會進步返~~~

行完街，是但搵個地方醫肚朋友話好懷念呢度D炸排骨就行入嚟呢間！唔叫餐，每人叫一D，可以share麻辣豬耳夠麻，爽口，唔錯素雞，層層腐皮好實在，食曬會有D滯，個汁都ok好醒胃！紅燒牛筋湯麵牛筋我至愛牛筋頗多、唔韌、味道ok，麵條口感正常，湯夠味，如果一人食一碗都好夠飽！香炸肉排聞到濃濃香味！皮同肉唔會黐實曬，炸得唔錯肉口感唔太實又唔會鬆化到你驚，兩個人share剛好今晚到達時間較夜，人較少，唔洗逼。整體菜式都唔錯！食得舒適、開心

今次我同朋友去左尖沙咀覓食,盲中中咁俾我地揾到間好嘢~美味廚!!我地嗌左4樣嘢全部都係好嘢,介紹下先招牌豬扒菜飯豬扒甜甜地,好似食緊豬肉乾個種味豬扒啖啖肉 去埋骨 非常正菜飯呢又好香又重菜味 👍🏻醉雞 d雞好滑 , 好濃酒味 ,真係好似飲緊酒咁，好多件 ,好足料!炸雲吞外面炸到金黃色，睇見都流囗水，鮮肉加菜之餘配埋甜酸醬 ,開胃,正雞絲粉皮花生醬好香 ，雞肉好鮮，青瓜唔駛講la,一d都唔膩,總結:水準之作,食材新鮮,價錢合理!一定encore

這店是我老爸好久之前介紹的。咱們是寧波人，他介紹得，一定有水準，至少一定正宗。一年有一、兩次光顧，到今天，終於下筆寫食評。叫了排骨擔擔麵和燻魚菜飯。燻魚應是先經油炸透的。但此魚不夠香口。功力不夠。菜飯絶對敗筆，菜不夠，飯乾，無味，沒資格叫菜飯。和以前的水準比，更加令人汗顏。排骨，不熱，即不新鮮炸出來，肉身乾，最奇特是肉帶有甜味，而非椒鹽味。擔擔麵普通，但勝在蔴醬底夠厚，算是最吃得下的一樣東西。如果以前未來過，我會叫今次中伏。如果以前來過，我會叫今次撞鬼。

這天約朋友在尖沙咀公司的附近午飯, 天氣不太熱的情況下, 可以在亞士厘道走走挑挑. 朋友的身體狀況不好, 只可以選擇較軟身的食物. 走至亞士厘道的盡頭前看到一家上菜餐店, 朋友便想起吃獅子頭. 一於選擇這裡. 坐下後拿著餐牌一看, 午市全部不收加一, 免茶芥, 這一點非常好. 兩份午餐餐牌的價格均是$55一份, 價格上不貴又不是便宜. 先送上的豆漿, 豆味不多. 純粹解渴. 回鍋肉炒出來不算太油膩, 調味則普通, 炒出來的豬肉沒什麼火候. 菜飯份量合理, 但飯質較腍, 不太喜歡太軟的口感. 翻食指數: 60分.  不是最便宜的價格, 座位稍逼, 食物水平普通, 亞士厘道有更多選擇. (此指數平衡店舖交通, 味道, 環境, 價格... 等等, 個人作出的評價.)

哩排係尖沙咀返工, lunch time 同同事周圍走搵好野食. 尋日食完呢間嘅排骨菜飯，我引唔著今日返工嘅路程要同大家分享。就係呢個菜飯... 真係好鬼正!!! 首先係排骨份量，十分之多，起碼有六、七舊 排骨炸得一的都唔油膩，仲係酸酸甜甜咁，食得多都唔怕濟呀 見舖頭七成人都係食呢個飯! 大力推介另外午市有得跟餐，55蚊，一係配野飲，一係配小食(西芹豆腐絲，青瓜粉皮，荳芽). 建議嗌野飲，因為三個小食都試咗，唔係特別好食。尖沙咀食晏，55$ 包晒仲有野飲真係算平。 推介

同朋友諗住快食，去左呢度，一坐低已經覺得四周環境好污糟，一心諗住快食走人。。點知就出事。叫個鹹肉津白，鹹肉真係好鹹，菜無味但汁獻勁多，菜無味，仲幾油下，滿面油光。。。豬扒麵塊豬扒勁肥，一陣油益味。。粉多又厚但唔脆。。。個人認為世界級難食。。

其實真係未食過咁難食嘅豬扒担担麵。。。麵勁淋，湯底味怪，食完勁頸渴。。。唔辣又完全無花生味。豬扒仲誇張。。全部都係肥膏，炸粉都好厚，豬扒仲好似有陣雪味。。真係難食得好誇張！

一個人嘅晚餐通常都揀啲快食，響尖沙咀呢d遊客區求其就黎左呢度試下，點知勁失望。一坐低已經覺得四圍環境好污糟，地下、櫈同枱面都係！叫咗個排骨擔擔麵，擔擔麵勁淋，無咬口，完全冇花生醬味，湯底完全唔知係咩味，只係鹹鹹地咁。豬扒仲離譜，勁肥，全部都係肥膏，完全無豬肉味，得醃料味。講真真係完全冇食過咁難食嘅豬扒擔擔麵。真係請都唔再黎食。