美味泰烏冬

营业中

休息中

記得讀大學果陣好鍾意由九龍塘行去九龍城同一班同學仔食宵夜，果陣嘅九龍城係一條好熱鬧嘅食街，充滿着好多唔同嘅泰式食肆，就好似一個小泰國咁，想食泰國嘢都第一時間諗起九龍城。今次想推薦呢間「美味泰烏冬」，雖然佢個名叫烏冬，但裡面唔係主打食烏冬，係食好正宗嘅泰國菜。裡面嘅staff都係泰國人，不過都識聽部份廣東話，我哋都係用廣東話落單，問佢地有咩好食推薦，佢哋好靦腆咁笑話都冇特別推介，咁都係，小朋友先做選擇，樣樣都咁好食點樣推介呢？😂作為一個海南雞飯控嘅我，第一時間就係食海南雞飯，每次食，我都會睇吓隻雞夠唔夠多肉，同埋咬落去夠唔夠Juicy，呢度嘅雞除咗好夠嫩滑之外，最令我驚喜嘅係佢個薑黃飯，真係有加到少少薑絲落啲飯度，食落去口感冇咁油膩😋唔係一般嗰種油飯，讚🫶🏻！個金邊粉最令人驚喜就係個原隻大蝦，真係爽口彈牙🥰食完有種好滿足嘅感覺！另外唔可以唔講個脆炸蝦餅，真心好好食，脆得嚟又香口❤️大愛！同埋原個椰青仲大過我塊面😂裡面勁多椰青水，好清甜好fresh! 呢間真心大推薦！是日Menu:脆炸蝦餅 $88海南雞飯 $78鮮蝦炒金邊粉 $78泰椰青 $45泰青梳 $48———————😸🫶🏻貓語錄🫶🏻😸

夜麻麻新年冇咩餐廳開，呢間餐廳門口有得泊車，所以就試吓，冇乜期望咁入咗去餐廳係非常之地道嘅泰國裝修，同曼谷街上面嘅舖頭好似。餐廳有少少自助形式，播緊好多地道泰國音樂。餐牌上嘅嘢食有好多種類，有少少似泰國北部嘅菜，食辣嘢同肉類為主。點左個泰式炒肉碎沙律🥗、泰式炒粉絲、泰式奄列。全部都非常之正宗，因為太好食嘅關係，都唔記得咗影相，味道亦都好正宗，但係當然衛生情況有待改善。不過佢嘅收費亦都非常之合理，冇獅子開大口。所以完全可以接受👍🏼

去到九龍城這間泰式餐廳，一眼就見到豬頸肉湯粉嘅誘惑，彈牙得嚟又juicy嘅豬頸肉，簡直係人間美味！湯頭清香得嚟一啲都唔膩口，一啲細蔥花令味道再提升，真係飲完仲想再飲！串燒墨魚鬚就更加出彩，煙燻炭香撲鼻而來，個汁辣到飛起，但係一啲都戒唔住，🦑嘅Q彈度啱啱好，招牌炸蝦片咬落去又脆又夠勁，微辣嘅口感令人一片接一片。至於泰式檸檬茶呢，酸酸甜甜透心涼，食完餐後嘅最佳拍檔。喺呢度，食得出泰國嘅風味，又唔使飛哂去泰國，環境靚，服務又好，几舒服嘅食飯體驗。別有一番風味，啱哂細味慢慢享受，你喺九龍城想試泰國味道嘅話，我推薦你黎呢度，保證唔會失望！🌶️🍜😋

📍美味泰烏冬 (九龍城)平安夜趁住1A巴士免費，走咗去九龍城食泰國菜🇹🇭。出乎意料地超多人，估唔到咁多人鐘意食泰國菜過節🤣。✨烤豬頸肉 $78差唔多次次食泰國菜都叫，不過覺得呢度嘅係最好食🤤。加咗蜜糖燒，甜甜哋又有啲焦脆。啲蜜糖滲晒入去，連肉汁都有甜味。✨香葉豬肉碎炒飯 $78炒飯粒粒分明，味道偏甜，有少少辣但唔算刺激。又香又惹味，唔會好油膩。隻煎蛋仲係好靚嘅燶邊😍。✨豬肉丸湯河 $68湯底濃郁，有啲滷料嘅味道。豬肉丸爽口又彈牙。🥭芒果沙冰 $38飲得出係用新鮮芒果製成，清甜好味。✨炸蝦片 $30大大盤炸蝦片啱晒做前菜食住等。📍美味泰烏冬 (九龍城)九龍城衙前圍道36A號地舖

最近路過的時候，發現之前泰式食肆已經改了名字，今晚趁着有空便來到了。傳統鹽燒羅非魚$158 ，以粗鹽包裹着的羅非魚，保持了魚肉的鮮甜味道，加上內裏的泰式香料，去除了魚肚的正味，魚肉味道香甜，這是正宗泰式的做法。香脆豬肉炒芥蘭$78 ，泰式香趣豬肉就等於港式的燒肉，不過燒肉皮已經沒有這麼香脆，煙煙靭靭。芥蘭爽脆可口，加上泰式炒法，帶點微辣，又是另一番風味。香葉豬肉碎炒飯$78 ，擺盤像金字塔一樣，炒飯辣度適中，非常惹味。如果炒飯在乾身一點更好，不過軟冧有另一番滋味。

今晚又同老公去九龍城廣場shopping🛍️, shopping🛍️完又想去食正宗泰國菜，行到九龍城衙前圍道見到有間舖叫美味泰烏冬入去試下,我同老公叫咗菠蘿🍍炒飯,海南鷄🐔飯,蝦餅🦐.菠蘿🍍沙冰,芒果🥭沙冰菠蘿🍍炒飯菠蘿炒飯裡面好豐富🤩.有新鮮菠蘿🍍粒,提子乾，有蝦🦐......配埋腰果,肉鬆一齊食又另一番層次，飯外型做到金三角好靚，真係色香味俱全👍🏻👍🏻👍🏻海南🐔雞飯海南鷄好嫩滑，有鷄味😍,油飯好香疆黄味好好味，好味好味好好味😋😋😋蝦餅🦐熱辣辣脆卜卜，配埋醬汁好好味😋😋😋菠蘿🍍沙冰，芒果🥭沙冰好夠凍🥶又唔會太甜，啱啱好，好好飲😍

11月頭飛左轉心心念念既泰國，食足5日泰菜，我以為自己會食厭，結果翻到香港又再食🤣🤣🤣九龍城食泰菜食過咁多間都唔差，原本見到呢間以為係食烏冬，佢鋪頭名叫泰烏冬，好難唔令人誤會😂原來都係食泰菜，鋪頭職員都係泰國人，夠地道🤭嗌左3個餸 #泰式豬頸肉沙律 個姐姐話呢個係佢哋招牌，果然無錯，一定要試😋個汁酸辣酸辣，仲有生菜可以包住食，豬頸肉燒得好香，俾我清曬！#炒芥蘭 就ok啦，不過不失，正常水準，仲嗌左個 #炸蝦餅 🍤呢個正，新鮮熱辣辣炸起，又脆啲肉又彈牙！飲品嗌左杯 #泰奶 唔係甜到溜個隻，茶味都啱啱好，怕飲好甜既泰奶呢度絶對啱你🤭 #芒果沙冰 都唔錯，應該無落糖，係純果糖😋

係九龍城上完堂, 順便去醫下肚先! 一個人又唔想食得多, 又想食泰國粉麵, 周圍逛下, 係岩衙前圍道附近見到呢間美味泰烏冬小店, 餐牌價錢又唔算貴, 坐低食個湯粉算! 老闆係正宗泰國人, 講流利廣東話, 落單冇問題! 而且服務一流! 豬頸肉湯粉 - $68湯粉🍜嘅湯底好濃好香, 有芹菜, 乾蔥, 全泰式嘅味道! 豬頸肉煎香個切片放係湯粉面, 湯粉用金邊粉。串燒墨魚鬚 - $18叫咗兩串頭盤小食, 串燒墨魚鬚🦑, 配上特製辣味🌶️泰式汁。 墨魚鬚燒得好香口惹味, 絕對有BBQ嘅風味, 個辣汁🌶️都幾辣, 但越辣越想食, 好食到唔停得口!😂😂泰檸茶 - $28用泰國紅茶沖嘅檸檬茶, 茶味道香濃! 炸蝦片 - $25我真係好鍾意食泰國嘅炸蝦片, 有少少微辣嘅感覺, 又夠香口惹味, 真係唔停得口🤣🤣舖名: 泰美味烏冬地址: 九龍城衙前圍道36A號地舖#泰國#泰國美食#泰國粉麵#泰檸茶# 九龍城#九龍城美食#衙前圍道美食#Hkfoodie#hkfood#泰美味烏冬#泰式豬頸肉#泰串燒

又來九龍城按摩，按完摩梗係食泰菜喇，見到呢間好特別呀，試下先😜鹹魚雞粒炒飯，我特別鍾意食泰國菜嘅時候嗌鹹魚雞粒炒飯，每啖有滿滿鹹香味的鹹魚，滑溜溜的雞肉，咬落清新爽口的生菜，帶著黃金蛋炒飯，粒粒分明♥️香脆豬肉炒芥蘭，香脆豬肉炸得好有口感，好喜歡呀，配上爽甜嘅芥蘭，係泰國既味道😍泰東北風味燒安格斯牛肉，入口滑嫩的招牌安格斯牛，然後烤至半生熟，牛肉味香濃又帶香料味，酸辣醒胃，很有泰國東北菜的風味🤩泰風味雞全翼，雞翼燒得剛剛好，外皮有少少焦香，真係不單皮脆肉嫩，食落好有有泰味喔😝

泰國菜九龍城是傳統的集中地，今晚就試下衙前圍道的美味泰烏冬。餐廳不是很大，但裝修企理舒適。餐廳的大餐牌有頭盤、魚、湯、沙律、燒焗、海鮮……等，初看有點西式化。傳統鹽燒羅非魚$158鹽燒羅非魚應是平時泰式餐廳的鹽燒鰂魚，羅非魚頗大條，面放有泰式的特色調味配料，有香矛、南薑、香葉、檸檬葉、芫茜、蔥……等，令魚帶有泰國的特色香味，魚肉嫩滑，跟配的醬汁酸辣中帶點甜，令魚味更豐富。香葉豬肉碎炒飯$78香葉豬肉碎炒飯，本來是炒飯，但我們驚食得太多熱氣嘢，所以問侍應可否將肉碎及白飯分開，不要炒飯，而餐廳侍應及廚師也非常好，應我們要求，將肉碎及白飯分開，真是值得一讚。豬肉碎肉碎及香葉及豆角粒炒得香，非常好伴飯。串燒豬肉$29/2件，雞沙爹串燒$24/2件本來是點了泰風味燒雞全翼兩隻，但侍應聽錯而燒了雞沙爹串燒及串燒豬肉，唯有試嚇啦。雞沙爹串燒都比較香，反而喜愛串燒豬肉不會鞋，比較入味。食串燒及燒烤配返個冰凍飲品最適合，我們要了泰椰青及芒果沙冰，兩個都冰凍解熱氣，尤其喜愛芒果沙冰~~

九龍城已變成小泰國村，領人仿佛置身在泰國美味天堂。花多眼亂行到九龍城酒店附近三角公園對面(美味泰烏冬)吸引我的地方，是因有泰國人包了半個場，心想識食當然要跟泰國人食地道泰國口味廚藝啦😍所以店舖即使變得狹窄小小，但是美食已離補一切和待客有禮的泰國店員😊🔯蟹肉炒飯~賣相非常精緻好吸引。炒飯用真材實料烹調，啖啖蟹肉而且有蟹膏，香噴噴蛋香，加入葱花香味，簡且無懈可擊。🔯泰式炒椰菜~一碟簡單而香噴噴蒜香蝦乾炒椰菜，鮮甜爽脆，蝦乾鮮味簡直‘’無得頂‘’🔯泰式椰汁雞湯~泰式材料離不開香茅、檸檬葉、南薑、辣椒乾。而椰汁雞湯就好似不辣冬蔭功湯，但是特別之處是有濃郁椰香，雞肉嫩滑，材料極豐富😋😋🔯串燒墨魚鬚~墨魚外層燒得焦焦地，肉質煙韌。本人吃得辣，配上泰式辣汁更加惹味🔯泰式凍鮮奶~甜甜的好滋味，粉紅好有少女feel,帶點草莓香味，奶香四溢，口感順滑

九龍城有很多間泰國菜食，有啲係集團式，有啲係小店形式，佢就係屬於後者，唔係食裝修，門面分開兩邊，係宋皇臺站B3出口轉右過幾個街口就見到，剛好對住休憩公園仔。左邊舖入口是一個燒烤位靚女泰國侍應還是老闆娘😅用流利廣東話介紹我飲泰式奶茶$28，濃茶味，加煉奶冲調，又真係同港式奶茶有分別，少左一種苦澀味，怕甜嘅朋友可叫少甜新菜式香炸干豬肉$78，有啲似豬肉乾，少少甜，灑上芝麻，送啤酒一流，可配辣醬食蝦醬炒飯$78，砌成三角形，好有特色，用蝦醬、洋蔥絲和泰國臘腸粒，紅辣粒炒好惹味，但其實唔辣，配碟有炒滑蛋、泰國豬肉鬆同泰國臘腸可以拌埋一齊食。唔使加一午餐都係$58

今日同朋友去九龍城食泰國菜，見到呢度細細間但坐滿人，應該都吾差先點左個咖喱蟹農夫包，咖哩好濃，同個農夫包好夾，個農夫包又夠脆，點咖喱汁一流，仲有都幾多蟹肉，大大個好抵食另一個係香葉豬肉碎炒公仔麵，好香口好夠獲氣，夠乾身又多肉碎，小小辣好惹味生菜包好特別，侍應介紹話係用泰國鄉下風味既蝦仔，而且係特登由泰國訂返黎，酸酸辣辣幾好味，蝦仔幾有口感，吾錯小食鴨咀，即炸好香脆，有個甜酸汁點飲品就菠蘿沙冰同泰式凍奶茶，菠蘿沙冰幾清甜，有鮮菠蘿肉，吾係用糖漿

今日剛剛打完排球附近搵到間餐廳覺得唔錯所以寫下感想。😃😃蟹肉炒飯這款炒飯特別之處是用純正泰國蟹肉。鮮味無比, 而且炒飯絕不油膩適合我們女士,為健康首選。炒飯鬆軟甘香，集合色香味俱全。喺出邊食唔到。空運泰國鴨肉生菜包特別之處是全港獨有。絕對適合食家首選，可以配合佢哋嘅椰汁冰或獨有嘅沙冰，絕對解渴+tasty。泰式燒魷魚絕對有bbq 風味,令人垂涎三尺。餐廳地理位置以及服務都是一流,適合一家大細。衛生: *****服務: *****環境: *****