美好粥品飯店

营业中

休息中

我從來冇諗過會寫食評但因為老闆真係好人到不之了我決定幫幫佢寫食評，希望可以有更多人可以留意到大大既聯和墟街市熟食場，有個角落存在一間好有人情味既粥鋪👍👍碎牛粥味道足料啖啖碎牛香，好有90年代係街邊檔既味道❤️❤️炸兩，油器，拉布腸全部合格👍👍👍老公碗豬潤豬肉片粥，大碗過我卻快食完過我😂😂😂佢話好好味天氣凍，食碗熱粥真係舒服哂🙏🙏宜家香港經濟真係好差，北上消費係真係影響到好多小本經營既食肆，小女真係有目共睹。希望老闆叔叔姨姨可以同大環境共存，相宜美味既港式食品可以繼續經營下去。下次，將來一定會再黎再幫襯！

平時都是買外賣今天座低吃平$1之前食單餸仲平，但發現可以咁叫，之後就開始食雙拼今次食叉燒，燒鴨加咸菜有湯或豆漿$36上次都試過豬潤腸，都好食。下次試下粥品，呢到未食過粥。雖然佢主打係粥之前每次都叫喊菜雞。

有時候晚了起身，連早餐也不吃了，簡簡單單的來個碟頭飯，中午吃得輕鬆一點，留個肚子晚上吃得好一點。美好粥店位於聯和墟街市內的一角，平常客人不多，兩菜飯只不過$18，平宜得令人發笑，偶爾來一次體驗下亦不錯。今次是青瓜雞柳併梅菜肉餅，連湯及飯；青瓜炆至發黃又過淋，雞柳死實實又無味，肉餅肥瘦比是三七，肥膩得可以，湯又淡而無味，試過一次吃怕了，下次如果再來還是吃粥正路。

12月24日11:30到粉嶺花展前，先到聯和墟入票。離開時見對面金行，掛了廣記粥店的搬遷海報，並有知粥常樂字眼，便到新街市熟食中心尋樂。結果可能是時段關係，見不到廣記有供應生滾粥，便轉到這店一試。要了魚腩粥(HK$11.-)和蝦米腸(HK$5.-)魚腩粥：粥底清純綿厚，有點點腐竹的影，合我口味。魚腩帶有鄉土味(泥味)，這價位不可期望像妹記走過油，但魚仍有鮮味，粥內當然少不了薑絲和蔥段。腸粉：本想祇吃碗粥吧了，但見腸粉是即拉，怎能不試，腸粉不算很滑，但那拉熟即吃的感覺，要加分。這裡還供應其他飯品，我還被HK$16.-油鴨飯送例湯，嚇了。可能是位置問題和惡性競爭，整個熟食中心的食店，價錢極大化。