美心西餅 (太古站)

营业中

休息中

獨自踏進這家食肆，空氣中迎面撲鼻而來的，是種誘人的煙韌香氣，腦海裡閃過“嗌咗口水”嘅感覺。來到這裏，唔係要嚟享受料理藝術，而係要找尋幾份純粹而家常嘅美味。我點了舊式經典嘅煎釀三寶，一啖咬落去，酥香嘅外皮同軟嫩嘅茄子，青椒緊緊包裹住嘅魚肉餡，竟然香得出奇。跟著來了嚟蒸水蛋，一勺挖下去，質感細滑得令人會心微笑😊，濃郁嘅家鄉味道，教人忍唔住一口接一口。最後，我又試了個牛肉粉絲煲，勁正！👍粉絲吸滿咗湯汁，每條都冧盡咗牛肉嘅精華，口感嗲到爆，一碗下去，暖笠笠嘅滿足感由肚能直達心坎。終於明白，味道嘅魔力唔一定要靠精緻包裝，有時候一碗溫暖嘅湯、一塊煎得香脆嘅肉，就已經夠晒。食在這裏，即使係為嘆一嘴平民食物，都會覺得幸福無比。🥰

屋企人係栗子🌰控，見到有新出栗子產品就買來試吓啦。- 鮮磨山東栗子軟心卷 chestnut soft roll，食落比我想像中OK，可能之前對連鎖西餅店出品冇乜期望😅蛋卷有粒粒栗子🌰，海綿蛋糕雖然唔係話好軟滑，但咁嘅價錢我接受！😆忌廉適中，d粒粒栗子就係忌廉當中，係栗子控嘅經過見到不妨買來一試。我三月尾買，仲有優惠價，唔知而家仲有冇，佢哋嘅推廣同某些產品好像好快更換。-店內服務員態度有禮貌！做事勤快值得表揚👍🏻

屋企人生日，見仲有兩張餅卷未用，所以去美心睇吓有咩蛋糕好買。見到哩個紫色嘅芋頭麻糬蛋糕賣$148，外型都幾靚就買左啦。蛋糕切開裏面有兩層芋頭cream，有大大片麻糬，外面包住原味cream，雖然偏甜，但係都幾好食。推介俾其他人試下。

友人上次加國返港探親，話要去奶奶屋企學做馬蹄糕嘅竅門，因為次次整都唔夠奶奶做的好食。心想原來做馬蹄糕有難度，我又從未食過，其他餅店唔係間間有得賣，於是在美心買咗一底試吓。糕底係清香，但唔夠爽滑，亦唔彈牙，而且實在太太甜....！用apps打電話問友人，佢話竅門係：1）買廣州泮塘出的馬蹄粉;2）最後嘅糖水要攤凍咗先好撞落去粉槳，先會Q彈。家人個個都唾棄佢，嗰底糕過$100㗎！最後累我一個人食哂成底！下年一定要試整，同美心比較下！

今日買左最新既蛋糕試下焦糖布丁蛋糕， 上網好多話佢抄台灣蛋糕，但就冇咁好食，而家去唔到台灣 ，係香港都即管試1試。個蛋糕外層真係似布丁，有深色焦糖下面有扮蛋既蛋糕。切左1少件試左味， 上面焦糖唔似布丁， 感覺落左好多魚膠粉， 似啫喱多d。下面個蛋糕係似蛋卷蛋糕。應該冇咩特別， 可以唔洗試， 88蚊1條， 如果可以平返少少就好。不過下次都係食返普通件裝西餅算啦。而家美心有大富翁抽獎遊戲有機會中apple 產品， 當買個希望

美心都叫做係陪着香港人長大，但近期變咗藍店就真係好少食，不過仲有啲餅卡就要用埋佢啦美心嘅麵包同埋西餅越來越多款式，但我自己最鍾意嘅就係以前嘅皇冠包同埋雞尾檳但發覺皇冠包好似絕左種冇得再買啦唯有買雞尾檳其實雞尾包同雞尾檳大致上一樣，雞尾檳反而多咗啲甜甜邊，晤識形容，但係晤同啲同抵食好多，如果你有同事又鍾意食雞尾包就可以同佢share一個雞尾檳，價錢差唔多，但係份量係Double精明嘅消費者你一定知道點樣揀太古美心姐姐好有禮貌

睇到網上有人post 出米奇老鼠大桔布丁🍮，成個人即刻醒晒，好想要啊！細看下原來是美心西餅出品，要購買難道就容易啦！翌日早上老公放假，專登叫佢去一早到西灣河分店睇睇有冇老鼠布丁，開門不久已沒有，再叫他往太古城分店睇睇有沒有，好彩還有4個供應，我叫老公全部買下，超開心！回到家急不及待為布丁影相，外表可愛，裏面布丁是否好吃呢？揭開米奇鼠個頭，裏面是白色牛奶布丁，有一個細小膠盒載住，非常衛生，第一啖食落去，感覺很滑，不太甜的味道，很滿意！覺得這個出品真的很應今年🐭，美心集團創意值得讚！個人評分食物A服務B衛生A抵食B

美心西餅店現以優惠價，原價$9嘅法式系列西餅，買第二件半價。經過太古港鐵站分店，買左2件朱古力撻同honey分享。鬆軟嘅朱古力蛋糕，上層用左香脆嘅朱古力加上果仁，可以食到濃厚嘅果仁香味。下層撻底亦有少少鬆脆嘅餅底，整體不太甜，有口感。

我喺太古城嗰邊行完街，跟住肚餓於是頭經過美心西餅就買咗個蜜瓜撻嚟食。個蜜瓜撻呢其實佢嗰啲蜜瓜幾新鮮幾甜嘅，但係佢個餅底我略嫌佢整得甜咗少少，所以個餅底我食剩咗少少。

佢而家有優惠，做緊99蚊盒。因為之前既牛奶卷蛋好好味，所以見到牛奶蛋卷都好想試下。買左番去益同事們！真係有奶香！見佢成份表用齊哂牛奶，煉奶同淡奶，如果仲無奶香就抵打！！！無乜蛋香味，所以同平時既蛋卷都幾唔同味，見佢成份表只用左蛋白，所以喜好蛋香味濃既朋友仔就未必岩。而無蛋味都令overall蛋卷感覺淡味過平時好多。口感係偏脆身。如果鍾意較為多層同口感好紮實既朋友仔就未必岩了。普通同事都好評多過負皮！都幾好食，不過牛奶卷蛋驚艷好多。

夜晚差不多返到屋企既時候想食甜品，但發覺周圍都無乜甜品店，好彩美心仲未關門，於是試下佢既藍莓芝士餅拎返屋企食返到去一拎開發現舊餅都幾大件，仲有好香既芝士味添！！隻叉一拮落去唔太軟，好企身，食落仲大陣芝士味，好邪惡但又好滿足配埋藍莓醬簡直一流，令人無法抗拒，想不斷繼續食，但可惜藍莓醬太少，無得每啖都配藍莓醬食，希望可以多返d就好

新出嘅「流心蛋黃月餅」令人趨之若鶩，不過如果要我晨早流流去排隊買代用劵... 就真係咪搞😝 不過潮流嘅嘢又點少得小秘書一份吖😝 襯今晚屋企做節，一於開盒嚟睇吓係咩東東👀將月餅切開一半... 小秘書有啲失望🤨 點解啲月餅餡唔係好似廣告描述咁流晒出嚟嘅？不過當月餅停留嘅時間愈耐，餡料嘅流心慢慢變成糊裝流出.. 哈😆小秘書試食咗1/4唯一感覺就係好甜好甜，不過當中嘅蓮蓉味又幾香嘅 一年一度食少少唔怕啦😝😝

散餅、散水餅、散水餅⋯⋯哈哈😄重要嘅事情要講三次，所以我散水餅要講三次，點解重要？因為今次係同事升職去第二個部門已請我哋食散水餅！起初真係有啲失望，因為升職竟然只係請我哋食美心西餅，不過算啦都係叫做有心，所以都要衷心講句多謝同祝佢前程似錦！今次值得一題就係個鮮果撻同栗子撻，唔知係咪好新鮮嘅關係，個撻竟然好鬆化，生果竟然係好清新，都算有驚喜啦！

背包客朋友嚟到香港站, 正當我苦惱緊買咩香港手信畀佢好經過美心就見到佢地嘅高級蛋卷系列 - 精緻綠茶蛋卷。紙盒包裝都幾精美架,細細盒, 又輕, 唔會對佢嘅行李造成負擔, 作為小禮物應該唔錯送俾人之前自己點都要買返包試下味掛一包只有一層6條蛋卷, 份量唔多, 性價比就一般啦。打開包裝, 少咗傳統蛋卷果股濃濃嘅蛋香同牛油味, 取而代之嘅係一股香濃嘅綠茶味。食落甜度適中👌比起傳統嘅蛋卷, 呢款蛋卷比較幼身, 蛋皮亦都簿身一啲, 層層捲起嘅蛋皮光滑, 食落口感實在, 無咁容易碎喺手, 不過鬆化度就無傳統滿佈蜂巢洞嘅蛋卷咁高啦。

有人生日又有籍口買個大蛋糕平時食開芒果脆脆 今次試下第二款先！依款係門市產品 吾洗訂都有但都幾好賣 五點左右去到得返最後一個見到啲生果幾新鮮就揀左佢Rose's 鮮果盛宴蛋糕 $328(兩磅)面層:士多啤梨, 藍莓, 芒果 夾心:芒果粒, 法國士多啤梨果蓉啫喱,原味忌廉 蛋糕:原味蛋糕, 粉紅色蛋糕估吾到又幾好食bo粉紅色係士多啤梨味蛋糕 味道又吾會好假喎忌廉好企身！吾會淋patpat 仲幾好食tim中間有啲士多啤梨啫喱 好好食 超有士多啤梨味大家打邊爐食太飽食吾落蛋糕雖然我同佢地食一樣多但最後我食左三分一個蛋糕⋯⋯甜品是第二個胃的吧-整體味道吾錯  中間啫喱口感特別 但無話特別出色而且略嫌忌廉過多 食嗰陣好開心 食完覺得好滯